إلى متى هاذا الاستغلال ياكلية الاقتصاد ..؟؟ ترانا ملينا

[وحده متأذيه]

[align=center]

بسم الله الرحمن الرحيم ..

اتمنى من العلي القدير ان يصل صوتي الى المسؤؤل عن كليات التربيه في

منطقه القصيم .. علشان يشوف الاستغلال وين وصل ..

بصراحه اخواني نحن طالبات كليه الاقتصاد خاصه قسم (( التغذيه )) نعاني بشكل كبير من الاستغلال من الدكتورات والاستاذات من

(( الجنسيه المصريه )) ..

كل يوم طالعات لنا بطلب علشان عشر درجات بأعتبارها مشاركه

هل يعقل بأن الطالبه مسؤله عن توفير .....

1/ ادوات طبيه

2/ اجهزه كهربائيه

3/ تأثيث الكليه

4/ زراعة الكليه

5/ كتب لمكتبة الكليه


اعذروني لاني راح اتكلم بالعاميه علشان اوصل لكم اللي قاهرنا من المصريات

الطلب الاول :

الدكتوره طلبت منا اننا نجيب 25 شتله علشان تزرع الكليه اوووووكي ماقلنا
شي جبنا له 25 شتله علشان عشر درجات انذلينا به يوم جبنا له 25 شتله
قالت ماراح تأخذون العشره لحد ماتكملون لـ 40 شتله !!!!!!!

مع انه بالبدايه كان الاتفاق على 25 شتله بس يوم شافت الطالبات ماعندهن مانع يجيبن قالت زيدووو لحد الاربعيين !!! مع انه غصب عليه انه تعطينا العشره
حاله حال الاستاذات السعوديات اللي يعطننا العشر درجات من غير اي طلب

المشكله ان الطلب هاذا بالذات مطلوب من 3 فرقات وكل فرقه لاتقل عدد طالباته عن 150 طالبه ....!!! يعني كل 450 طالبه راح تجيب 40 شتله

ووين ماصارت كليه هاذي صااارت غابه .. والمشكله اللي يقهر ليته ازرعتهن كلهن زرعت من كل عشر شتلات وحده !! والباقي مادري وين راحن شكله فتحت مشروع مشتل له ....

الطلب الثاني :

طلب منا نجيب كنب علشان زي مايقولن راحتن جبنا كنب قعدنا يوم واليوم الثاني واليوم الثالث وينه ؟؟؟؟ اختفى !!!!! رحنا سألن وين كنبنا ..؟؟

قالن لنا شلناه وحجتهن المره هاذي انه (( منظر غير حضااااااااري ))
دام انه منظر غير حضاري ليش طلبوه من الاووول .. طيب وين راح الكنب ؟؟ اكيييييد موجود بشقق اخواننا المصريين ...

الطلب الثالث :

اجهزه لقياس الضغط .. طلبت منا على كل 5 طالبات اننا نجيب قياس ضغط وشوله .. يقولون علشان اذا البنت تعبت ناخذ قياااس ضغطه المشكله اذا تعبت الطالبه ياليتهم يقيسون ضغطه يتصلون على ولي امره وتنتهي المهمه .. طيب وين اجهزة الضغط ووش فايدتهن واللي يبي يعرف وين راحن الاجهزه يساافر لمصر ويشوفهن بالمستشفيااات


الطلب الرابع :

اجهزة الميكرويفات .. حنا اربع فرق على كل فرقه احضار اربعه اجهزه يعني 16 جهاز تدرون وشوله الطلب ...؟؟؟

علشان نزوب الزبده على قوله المصريه .. جبنا الميكرويفات وماقلنا شي طبعا علشان هالعشرررره جاء الوقت اللي نبي نستفييد من الميكرويفات علشان نزوب الزبده دخلنا معمل الطبخ ندور يمين يسار فوق تحت فتحنا الدروج ندور هاللي جبنا ومالقينا اي اثر لاي ميكروييييف وصرخت وحده من الطلبات من الفرحه طبعااا وتباشرنا بوجود كرتون واحد للميكرويف تدرون وش المفاجأه اللي لقينا ..

(( كرتون ميكروييف بلا ميكرويف ))

وقلنا للدكتوره وين الميكرويف اللي جبنا علشان نذوب الزبده ..؟؟ قالت : الزبده
زايبه بلاش ميكرويييف والمشكله اننا بعز الشتاء طيب دام الزبده زايبه ليش من الاساس تطلب هالطلب ..؟؟ هنا السؤال .. وين الميكرويفات ..؟؟ وكالعاده يابيعن يا بمطابخ المصريات


الطلب الاخير واللي مازال تحت الانشاء والدراسه :

الا وهو ترمييم ارض معمل الكيمياء !!!! اما تبليط او فرشه ..؟؟
وجميع الطالبات في انتظار تصريح الهانم اما بأحضار كرتون بلاط واسمنت او متر من الفرشه وغراء ....


الى متى هاذا الاستغلال والى من نشكي ..؟؟ الى عميدة الكليه اللي تطلب معهن ..؟؟

يااااااااارب صوتي يوصل للمسؤل ويحل هالمشكله التي تعاني منها طالبات قسم التغذيه والله اعلم بباقي الاقسام ..

اعتقد ان الدوله ماقصرت ومخصصه ميزانيه لكل شي ....

وعذراً على الاطاله ولكن هاذا جزء بسيييييييييط جداً والقادم اعظم
والضحايا الطالبات ...

واعذروني على ركاكة الاسلوب ..[/align]

[الرحـّـال]

[align=center]وحده متأذيه


إذا كان ماكُتب أعلاه صحيح !

فهذهـ
مهزلة لا يجب السكوت عليها!!

و
لو تأكد ذلك بالفعل فيجب أن لا يمر مرور الكرام ,,
[/align]

[وحده متأذيه]

اخي الرحال ..

اذا الحلف بالله يرضيك ..

اقسم بالله العظيم ان كل كلمه كتبته صادقه بها

والله راح يحاسبني عليه يوم القيامه اذا كنت اكذب ..

واذا ماصدقتوني اسألو اي طالبه من اي فرقه من قسم التغذيه وبالاخص الفرقه الثانيه ...

وماكتبت الكلام الا من القهر والظلم والاستغلال اللي نعاني منه ...

واشكرك على المرور ...

[ابوفتون]

الله يكون في عونكم

[وحده متأذيه]

ابو فتون ..

اااااااااامين الله يسمع منكـ ..

مشكور على المرور ..

[شموع تحت المطر]

لا كلامك صحيح ونــــــــــــــص..


وانا شاهدة على هالمصريات عساهن للسحت .. يوم القيامـــة..


اللي ودة يتفرج يقعد الصبح عند باب الكلية ويشوف وش ينزلن البنيات معهـــــــن..

واللي ينقص الصبح يلحقــــونة العصر بالغرف واطقم الكنب وغيرة..

الله يكون بالعون..

[@ الواصل @]

الله يكون في عونكم

يااااااااااااااااااااااااااااااااااااااااااااااااا اارب

[أبو حكيم]

صورة مع التحية للمسؤولين الشرفاء في كليةالأقتصاد قسم( التغذية ) أين أنتم من هذه المهزلة ؟


في الواقع توجست حرقة ومرارة من وقع بناتنا في كلية الأقتصاد ...... إن كان كذلك طلبات مستمرة وتحت تهديد الدرجات , وأدوات وأجهزة مفقودة !!!!!! وهذا واقعهم فقل على الأمانة السلام




منبر بريدة هو صوت بريدة الحر ...... صوتك سيصل إلى المسؤول بأذن الله وسيتخذ الأجراء اللازم بحق من يعبث كما يشاء ويستغل سلطته على المسلمين



وحده متأذيه,,,,, شكراً على إختيارك هذا المنبر لإيصال صوتك

[الرأي الأول]

وحدة متاذية

اتمنى ان يقوم المنتدى بمخاطبة الدكتور عبدالمنعم العبدالمنعم مباشرة

واخبارة بهذه المهزلة

[الرحـّـال]

اقتباس:  المشاركة الأصلية كتبت بواسطة وحده متأذيه     اخي الرحال .. اذا الحلف بالله يرضيك .. اقسم بالله العظيم ان كل كلمه كتبته صادقه بها والله راح يحاسبني عليه يوم القيامه اذا كنت اكذب .. واذا ماصدقتوني اسألو اي طالبه من اي فرقه من قسم التغذيه وبالاخص الفرقه الثانيه ... وماكتبت الكلام الا من القهر والظلم والاستغلال اللي نعاني منه ... واشكرك على المرور ...

[align=center]وحدة متاذية

ثقي بأن صوتك سيصل للمسؤل بإذن الله ,
و
تأكدي إن الجميع مسؤل في مثل هذه الأمور,,[/align]

[وليد الطريقي]

(( عاجل ))

من أجل أيضاح الحقيقة قمنا بالاتصال على عميدة كلية الاقتصاد الدكتورة سهير عرفة وشرحنا لها ما طرح في المنتدى والذي اثار استغرابها وقد وعدت الدكتور بزيارة عاجلة هذا اليوم للفرق والتعميم عليهم بعدم الموافقة على ما طلب منهن لاننا في مكان تعليمي لا نرضى بان يحدث مثل هذا التصرف الخارج عن أطار التربية ووعدت الدكتورة سهير بان هذا الامر لن يتكرر مجددا أن ثبتت صحته ..

ومن هنا نقدم للدكتوره سهير كل الشكر على تجاوبها مع ما طرح بالمنتدى

تحياتنا ,,,

[الرحـّـال]

اقتباس:  المشاركة الأصلية كتبت بواسطة وليد الطريقي     (( عاجل )) من أجل أيضاح الحقيقة قمنا بالاتصال على عميدة كلية الاقتصاد الدكتورة سهير عرفة وشرحنا لها ما طرح في المنتدى والذي اثار استغرابها وقد وعدت الدكتور بزيارة عاجلة هذا اليوم للفرق والتعميم عليهم بعدم الموافقة على ما طلب منهن لاننا في مكان تعليمي لا نرضى بان يحدث مثل هذا التصرف الخارج عن أطار التربية ووعدت الدكتورة سهير بان هذا الامر لن يتكرر مجددا أن ثبتت صحته .. ومن هنا نقدم للدكتوره سهير كل الشكر على تجاوبها مع ما طرح بالمنتدى تحياتنا ,,,

[align=center]وليد الطريقي
بُورك بك اخي العزيز لجهودك وحرصك ,
و
جزيل الشكر و الإحترام
للدكتورة / سهير عرفة
لسرعة
التجاوب مع ما طُرح بمنتدى بريدة الخاص وفّقها الله ,[/align]

[وحده متأذيه]

اقتباس:  المشاركة الأصلية كتبت بواسطة شموع تحت المطر     لا كلامك صحيح ونــــــــــــــص.. وانا شاهدة على هالمصريات عساهن للسحت .. يوم القيامـــة.. اللي ودة يتفرج يقعد الصبح عند باب الكلية ويشوف وش ينزلن البنيات معهـــــــن.. واللي ينقص الصبح يلحقــــونة العصر بالغرف واطقم الكنب وغيرة.. الله يكون بالعون..

مشششكوره يالغلا على توضيحك ..

وتأييدك للموضوع .. ويالييت اي بنت من الكليه اذا شافت الموضوع تررد
علشان يشوفون مأساتنا كل يووم ..

ومشكوووووره مرره ثانيه يالغلا على المرور ...

[وحده متأذيه]

اقتباس:  المشاركة الأصلية كتبت بواسطة @ الواصل @     الله يكون في عونكم يااااااااااااااااااااااااااااااااااااااااااااااااا اارب

اميييييييييييين ...

مشكور على مروركـ ...

[وحده متأذيه]

اقتباس:  المشاركة الأصلية كتبت بواسطة خـالــد المقيطيب     صورة مع التحية للمسؤولين الشرفاء في كليةالأقتصاد قسم( التغذية ) أين أنتم من هذه المهزلة ؟ في الواقع توجست حرقة ومرارة من وقع بناتنا في كلية الأقتصاد ...... إن كان كذلك طلبات مستمرة وتحت تهديد الدرجات , وأدوات وأجهزة مفقودة !!!!!! وهذا واقعهم فقل على الأمانة السلام منبر بريدة هو صوت بريدة الحر ...... صوتك سيصل إلى المسؤول بأذن الله وسيتخذ الأجراء اللازم بحق من يعبث كما يشاء ويستغل سلطته على المسلمين وحده متأذيه,,,,, شكراً على إختيارك هذا المنبر لإيصال صوتك

الشكر لكـ اخوي على توصيلكـ للكلام

وان شــاء الله يلقون لنا حل بأسرع وقت ..