السلام عليكم ورحمة الله وبركاتة ...
ااااااااااااه من اين ابدا او من اين اتحدث لا أعلم لكن سأقول مشكلتي بأختصار تام ..
دكتووووور انا بنت بعمر 18 سنة صحيح صغيرة والحياة قدامي ...
لكن من يوم ولادتي وأنا فيني حركات عيال يعني لبسي كلة سبور ..
حتى صوتي مبحوح يعني فية صوت رجولي...
لكن أنا مو مشكلتي هذي تعودت وتعودوا اخواني على حركاتي ولبسي وكلامي معهم الى درجة انهم عدوني واحد منهم يعني اذا صار فية مشكلة بواحد منهم ما يروح لصديق او ابوي لا يجيني انا ويقول مشكلتة عاد بدوري بفزع مع اخوي ..
طبعا يمكن تعودت على هذا الشي لاني بنت بين اربع شباب..
بس مشكلتي يا دكتور والله العظيم بنات المدرسة وبنات خالاتي وعماتي يحسبوني من لفئة { الشاذه } عافانا الله من الاقتراب من هذه الصفة والفئة...
دكتور بنات خلاتي وعماتي صديقاتي صاروا ما يتقربون مني يخافون اني اجرهم وطبعا تعرف الكلام{لا تقربين منها ـ ترا تضرك ـ لا تقعدين معها بمكان واحد ـ انتبهي تجرك وتخليك خليلتها} والله والله اني ساكتة منهم ولا تكلمت وماأرد الكلمة الشينة والشك بالمثل فأقلت احسن شي اسكت ..
دكتور صديقاتي لي سنين معهم تركوني يوم سمعوا الكلام هذا...
بس فية شخص لولا الله ثم هو كان ما شفتني متحملة وساكتة ..كان دايم يقول انتي واثقة ان هذا ستايل وهذا طبعك من انتي صغيرة لا يهمك احد ...
أبوي صاير مثل ما يقول مقدر ارفع راسي قدام اخواني غيري { خلاقينك} صوتك } طيب شسوي دام هذا طبعي...دكتور ابيك تفهم اني مو مسترجلة الله يكفينا شر الاسترجال لكن مثل ما قلت بنت بين اربع شباب متربية كيف بيكون تعاملها ..
دكتور تكفى ابي مساعدتك ..بعد الله ثم اللي دلني للمكان والمنتدى هذا ابي اسشارتك..