السلام عليكم ورحمة الله وبركاته وإن تسان شي بمخباتك هاتوه 
وشلونكم يالربع كلكم
وعساكم طيبين وعسا عيكدكم فلّه ووناسه 
اولاً اقولكم عيدكم مبارك ومبروك ماشاءالله هالأمطار والخير اللي نزل على ديرتنا خاصه وباقي المناطق عامه
سلمكم الله قررت انا وربعي بعد ماخلصنا من الضحايا 
عسى الله يتقبلهن
إننا نطلع كشته ( رحله ) بإتجاه النفود ( الدهنا ) علشان نشوف هالسيول والخير على الطبيعه 
ووفقنا الله بهالمشوار بربعن طيبين خلو الرحله من افضل ما يكون
وهذي بعض الصور المختاره من كميّه كبيره يارب تعجبكم
نبدأ بـ هالصورة وهي عند محطة الصيعري على طريق الراشديات
وهي نقطة بداية الرحله
وشوفوا هالجو الجميل
وهذي صورة بعد ما مسكنا طريق حايل
وهذي صورتنا بعد ما ركبنا النفود من المحير إلى الزبيرة والمكان المطلوب إننا نقضي فيه اول ليله
وهذولا الشباب يحطبون علشان الشبه تخبرون الشتاء وشبة النار
وهذا المكان اللي امرحنا فيه اول ليله وهو النفود اللي فوق قرية الزبيره
عاد اعذورنا على الحوسه
طبعاً اختبينا وشبينا الضو
وشبينا على الفول تخبرون مايدفيك إلا الفول بهالشتاء
وصفينا البرقان هذي قهوه وهذا شاهي وهذا زنجبيل وحليب وحلب << نفسا
وهاللي تشوفون يشتغل هذا ماشاءالله عليه ابوصالح هو زبدة الطلعه
ماقصر الرجال من فطور لغداء
وفي اليوم الثاني نزلنا من هالنفود على خبة الزبيرة والبعيثه بإتجاه شعيب الحسكي وحصلنا هالمنقع ( مستنقع )من المطر مشاءالله
طبعاً بما إنه بمكان طيني صار لون الماء كذا
وبطريقنا لشعيب الحسكي
تمشينا على بعض الشغايا والشعبان اللي ماشي عليها السيل وصورنا بعضها
ولما وصلنا شعيب الحسكي
فليناها وشبينا على الغدا
طبعاً كل طبخنا على النار إلا شي بسيط
وهذا انا واللقاء نقطع الخضره بعد محاولات إن اللقاء يتحرّك ويساعدنا
يتبع
صور من رحلتي أنا والعضو اللقاء وحلاوته وبعض الشباب في أيام العيد يارب تعجبكم :)
العرض الشجري