اتخيّلك مليان وجهك تجاعيد ..
لأحفادنا تحكين قصة غرامك !
مع شاعرٍ قصايده تشبه العيد ..
كل ما غفت عين السهارى ، وقامك !
عن الصباح وضجة الناس .. والقيد ..
اطلق سراحه في هداوة ظلامك !
قبل يسولف بك .. حكته التناهيد ..
ولا حكت به .. بعد كسب إهتمامك !
كانت ضلوعه قبل حبّك .. جراهيد ..
واعشوشبت بعد إرتوت من هيامك !
ما كان له مع السعادة .. مواعيد ..
حتى حضن كفّك ودافي سلامك !
صرتي سما دنياه يا شيخة الغيد ..
كل ما ابتسمتي طار قلبه ، وحامك !
تحكين ، وصوتك يا ( أنا ) ما هو بعيد ..
اسمعك وألمس فرحتك في كلامك !
واقبّل كفوفي رضا ، واشبه العيد ..
كل ما بديتي سرد .. قصة غرامك !
العرض العادي
