هذه المدونه اهـــدآء لــ ( ~ من احببتهـــآ فمــــــــآتت ..!!!

[الهوى ـآ الغــايب]

السلام عليكم ورحمة الله وبركاته

بسم الله ابدأ .. هذه المدونه المهدآه الى غآليتي رحمهآ الله

باختصآر .. حب حيآتي فهمتها وفهمتني عشقتها وعشقتني توفآها الله في حآدث سير
مع بعض من اهلها رحمهم الله جميعاً

ليست قريبتي ولا اعرف منها الا اسمها الاول واسم عائلتها .. لكن القدر جمهنا وفرقنآ

فـ إلى جنة الخلــد يآ من ادعو لها في كل صلوآتي ..

[الهوى ـآ الغــايب]

من القصص المضحكه المبكيه في نفس الوقت ..

كنآ اذا مرض احدنــآ .. يسهر الاخر حتى لو نآم المريض .. وكدليل على السهر
يرسل الاخــر رسآله الى المريض كل نصف سآعه ..!!!!

عآدآت غبيه لكننا احترمنآهآ احببنآهآ .. هكذا نفعل اذا مرض احدنآ فمآذآ نفعل اذا مآت احدنا ..!!
افيدوني ..!!

[الهوى ـآ الغــايب]

لست اعترض على القدر فهو من جمعنا ..

اللهم اني امنت بك وبالقضآء والقدر .. خيره وشره

[الهوى ـآ الغــايب]

اعلم انها غلطه .. اللهم اعف عنـآ جميعاً , من منآ لا يخطيْ

لكني افتقدها , افتقد اتصالاتها ورسائلها , افتقد اول من يهنئني بالعيد

اللهم ارحمنا وارحمها يآرب العالميـــن ..

[الهوى ـآ الغــايب]

مر يــوم ميــــلآدي ..

كآنت هي الوحيــده التي تتذكره وتُهدي لي ماحلمت به .. تعلم مآ اريد وكأن قلبها بجوار قلبي ..!!
لم اصدق انها مآتت ,, انظر الى الجوآل بالساعات انتظر مكآلمتهآ ,, ارسل اليها الرسآئل يومياً
لأخبرها مآذآ فعلت واين ذهبت ,, انتظر الرد فأبكي ,, هل انآ مجنون ..!؟

[الهوى ـآ الغــايب]

في كل مره اسمع او اقرا الذآهبـه تسقط دمعه ,, ما اصعب ان تنتظر شخصاً ميِّت ..!!

[الهوى ـآ الغــايب]

اذا كـآن هنآك من قرآء لهذه المدونه ,, استميحكم عذراً

فكلامي ولغتي العربيه وتعبيري ليست في مقام هذا القسم ,, قد اكون سيئاً او متوسطاً
فلا تتكلفو في فهم كلامي فأنـآ اقصد السهـل دآئماً ,, ولا يوجد معآنٍ اخرى مقصوده غير التي تظهر لكم .

[الهوى ـآ الغــايب]

غابت عني ولا ادري وش حالتها 00 ولا أدري وشلون قلبي بتنام عيونه

قلت أقوم أنشد عنها بنت خالتها 00 عله رتاح قلب تلعب فيه ظنونه

صدت عني ما تبيني أشوف دمعتها 00 قالت ياولد البنت بالعود مدفونه

ماتت وغابت بالسما أحلى نجمتها 00وحزن النجم والقمر إنخطف لونه

ماتت ومات بالحديقة أغلى وردتها 00وبكى الشجر والزهرقاموايرثونه

وقفت مذهول وزاد بجسمي رعدتها 0وقفت صامتن وعقلي جنت جنونه

رحت المقابر علي الحق جنازتها 00 لقيتها مكفنه وقبرالبنت يحفرونه

وصلت المقابر ومحدن فيه حرتها 00 غير امها وأبوها وأخوها يعزونه

شالوها يبغون يحطونها بحفرتها 00 وغطوها بالتراب وقلبها يدفنونه

لولا خوفي من الله ثم فضيحتها 00 لأقول هالبنت جسمها لا تدفنونه

إلتفتلي شخص أظنه من جماعتها 00 يقول هالولد علامه تبكي عيونه

غمضت عيني ماأبي تزل دمعتها 00 بس بان الحزن والناس يشوفونه

وإنزلت دمعة من قوة حرارتها 00 احرقت خدي وخلته احمرن لونه

قلت انا اللي روح روحي فدتها 00 قلت انا من روحي وقلبي يفدونه

قلت انا من تركتني وحيد بدنيتها 00 وانامن عشقها وحبها دايم يصونه

أحبها واسالو عين ياكثر ما بكتها 00 و اسألوكل هالبشروهالعالم وكونه

أبيات شعري يا ما ويا ما تغنتها 00 تقول أبيات شعرك قلبي يطربونه

من لام روحي عله يعيش حسرتها 00 ويعيش طول الدهر تبكي عيونه

يا لايمين قلبي شوفوا صورتها 00 بعدها تبون تلومونه لكم تلومونه

ما أبي غيرها أبي أسعد بضمتها 00 ماأريد غير قليبي تنجلي حزونه

فوق قبر هالبنت تعالت ضحكتها 00 يا عسى قبرالبنت بالسما يرفعونه

لعنبو عين عقبك ما تحدر دمعتها 00 ولعنبوخلقن كان إسمك ما يطرونه

لعنبو روحي كان تكتمل فرحتها 00 ولعنبو الحزن لو فارق يوم بسجونه

روحي فقدتها ودموع عيني رثتها 00 بأبيات شعر مكسرة ماهي بموزونه

يالله يا كريم تغفر لها كل زلتها 00 وتغفرلها ذنب كل الملا يقترفونه

يا كريم إجمعني بها بجنة عدتها 00حج البيت والصيام وخمس يصلونه

[الهوى ـآ الغــايب]

الله اللي راد والعقده قضاها اللي عقدها

لا على الدنيا السلام ولا لباقي العمر زينه

الفضا ما كنه الى خيمة طاحت عمدها

والفرح ما كنه الى شيخ انقصت يدينه

والعمر قطعة زجاج انكسرت ولا طال امدها

والعرب في العيد بدموع اليتاما مستهينه

والشوارع لفها ثوب الظلام اللي هجدها

والبيوت اطلال من عقب المحبه والسكينه

والشتا والليل والبرد والسما يصرخ رعدها

والعيون اللي ورا الشباك مذعوره حزينه

طولوا في الكهف ألأصحاب وبقت روحي وحدها

كنها في كوكب ثاني خلا من سا كنينه

الوداع اللي بعلم لعيني اعبر من رمدها

والوداع اللي بلا علم لقفص صدري غبينه

والوداع اللي بلا رجعه على ياأ مر وأدهى

والله انه غرغرة سم وسكاكين سنينه

والعنود اللي جفيت الناس والدنيا بعدها

مدة الفرقا لغاليها وهي تعطي الثمينه

وينها كيف اتركتني ليه ماجت في وعدها

والقمر لا طل خابرها تجي بيني وبينه

رحت انادي واتلمس في مهب الريح يدها

كني احصان بلا صاحب طوى البيدا حنينه

رحت أصيح الصبح وينه والعرب ما رد احدها

ما سمعت ألى صدى صوتي يقول الصبح وينه

كنهم من يوم ذيك الشمس غابت عن بلدها

طلعوني في النفود وصكوا ابواب المدينه

كنهم من يوم ذيك الذاهبه محد وجدها

كل رجال من الشرهه قلع الدرب عينه

أثرها ما تت وماتت كل فرحه في مهدها

والربيع اقفت به اللي كانت التاج لجبينه

جاورت عقب الحدايق حفرة مقسا لحدها

حفرة ماني مصدق كيف ضمت يا سمينه

للحزن فيني مثل ما لطهاره في جسدها

ويش اسوي لا فتشت اللي لها وسط الخزينه

زخرفت حلم وبنت له مسكن وسمت ولدها

آآه لو غرد ولدها في خميلة والدينه

عاهدتني وظفرت بيمين أقوى من عهدها

والصبي لا خير فيه كان ما نفذ يمينه

ما تتقى عن رثاها عرق أقتض بشهدها

ولا تبقى خلف قضبان الجفن عذراء سجينه

كيف عند العالم ايام العزاء محصى عددها

ولا انا طالت شهوره والله اعلم كم سنينه

لا الثرى فيها نبات ولا المشي خفف نكدها

لا السما فيها طيور ولا البحر يمه سفينه

لا القمر هذا مساه ولا العصي هذا رغدها

لا الزهر هذا شذاه ولا الذهب هذا رنينه

قا لوا الشيخ الفلاني مرجع القوم وسندها

قال يبشر با العوض والعلم جينا نا قلينه

ساق لك بدر البدور اللي نشدها من نشدها

جادل هزة عروش وخيبة روس ذهيله

قسمها في رسمها في جسمها الافي رشدها

واسمها ان جا للغضب قومه على الا لسن رطينه

أترك اناي وعطية شيخنا غنا لسعدها

وانبسط يا عم ونسى اللي ورى التربه دفينه

قلت ولصدري تناهيد تروع من شهدها

آآه وا ويلاه من يجذب على قلبي ضنينه

خلوا اغلى ذاهبه ترعى ربيع اللي فقدها

والعطا راعيه محدن صوبه الله لا يهينه

لو ظمنت الجنه و تفاحة القلب وشهدها

قلت من بكره عسا مجنونها تاقف سنينه

[الهوى ـآ الغــايب]

جئت الى هنا طمعاً في ان ازيح بعضاً من همي ,, فإذا بي ابكي ..!!

كالعآده كلما بكيت اسال نفسي هل انا مجنون ..!؟

[الهوى ـآ الغــايب]

في بعض الاوقـآت اتمنى لو كنت شآعــراً ,, لكن الشعر يتطلب المزيد من المبآلغـآت
وهذا مالا ابرع فيه

بالرغم من تجاربي الشعريه الخجوله الا انني احب الخوآطر ,, فهي لاتحتاج الى قافيه ولا فيها كسوور

[الهوى ـآ الغــايب]

لن تعرفوا قيمة اي من اشيآئكم ,, الا اذا فقدتموه ,, حتى الريموت جربوا العيش بدونه !!!

[الهوى ـآ الغــايب]

اسأل الله العلي العظيم ان يحفظنا ويحفظكم ويحفظ اهلينا واهليكم ومن هو غالٍ علينا وعليكم
وان يرحمنا ويرحم امواتنا واموات المسلمين يآرب العآلمين ..

تصبحو على خـير ,, فحزَّة النوم قد صفَّرت

[الهوى ـآ الغــايب]

يقولون اصعب شي الوداع !!

لا والله الذ شي الوداع تخيل يختفي من حياتك شخص وانت ماوادعته !!؟؟

اليـــــــــــــــم !!

[الهوى ـآ الغــايب]

وش سالفة البعوووض جآآآء فجأه

كلي متووورم