اتمنى ان يكون الجميع بخير وصحة وعافيه..
لثاني اسبوع اصل لبريده واشاهد مناظر الحزن..
وخبرا فيه نودع صاحبا وحبيبا من مدينة بريدة
الى متى هذه السرعة القاتله..؟!
الى متى هذا الطيش وقتل النفس البريئة..
هل رخصت النفس البشريه الى هذا الحد ؟!
ارجوكم كفى سرعة وكفى غشامتا وطيران ماله اووووووووم داعي
وليه هالعجله عشان ماتفوتك مباراه
او للطهبله والخبال..
مجرد سؤال ...الى متى ؟!
**************
كاركاتير هديه لصالح الغيدان وبرنامجه 99 الي أثار المجتمع باسلوبه واهدافه الساميه .
^^^^^^^^^^^^^
قبل فتره ثارت مشكله التكافؤ بالنسب ... و صار فيها تفريق ازواج وتشتيت بيوت لاختلاف الزوجين بالنسب
اما ان الزوج من قبيله والزوجه ماتنتمي لنسب معروف .. او انها تنتسب لقبيله اقل شأن او العكس
والصراحه اختلف الكثير من الناس بالقضيه ...
عاد جازت لي الفكره وسدحتها ... ونومتها بهالرسمه ان شاء الله تعجبكم انتم وروسكم .. >>الله يستر ..
#########
ازعجونا هالبنات الا غصصصصصصصصصصب بيلعبون كوره وبيدخلون الملعب وبيسوقون والا غصب بيسوون زحمه !!
طبعآ بعظهم موب كلهم ...<< لو ماكتبت هالنصف سطر كان بيصير شي ماصار وعلوم وبشوف البنات ملاحقاتن الكعب..
الزبده
طرت على بالي هالرسمه و...
الا انزلو تحت وخلاص ...
يالله .. وخروووووو هنااااااك .. خخخخ اقاله معصب
@@@@@@@@@@
قصائد غزل بشكل تااااااااااني ..
اروح ملح مع هالكلمات
ياليتني في حاره الزين خباز ** أسابق المذن واسوي عجينه
ابيه لاصار للخبز معتاز ** امد له الخبز والمس يدينه
و اولع التنور وارفع على الغاز ** ولو احترق فدوه لرمشه وعينه
ياليت قلبي لك عصيده ومرقوق ** والروح لك خبزه وحبي لك إيدام
وإن كان نفسك تشتهي بيض مسلوق** هذي عيوني لك مقلقل من العام
والكبد محموسه على الشوق برفوق** واما الحلى انت الحلا وسكر الشام
ياليتني نامس واقرصك لانمت ** وامص دمك يالغضي مص سن توب
أقرصك بالليل وانحاش لاقمت ** وليا رجعت لنومك اجيك ماتوب
ازن فإذنك زن ما حاصل ٍ صمت ** واجر موالي على كل مسحوب
مقدر على بعدك على دمك ادمنت ** انا اشهد انه عندي الذ مشروب
احدً عشاه قرص و مفطح الحيل ** واحدٍ رغيدٍ يلعط الكبد حره
واحدٍ يصجنَه اصوات المحاحيل ** واحدٍ تمنى ساعةٍ صب كره
واحدٍ يلاعب لابسات الخلاخيل ** واحدٍعجوز شاف منها المضرة
ان العيون اللتي في طرفها حـورن ** خـلـت عيـال الحـمـايل في خبـر كـانـا
لاتحسـب المـجـد تمـراً آنـت آكـله ** لـن تبلغ المـجـد حتي يجيك ماجـانا
فـان رأيـت نـيـوب الليث بارزةً ** وحدتـْك الأيـام دورنا وتلقانا
رقمن تحفظه ولا يحتاج تخزينه ** ورقمن لو انه مخزن راح من بالك
ورقمن اليا دق في شاشتك يازينه ** ماهو مميز ولكن غصب يحلالك
من حب راعيه نفرح به ومغلينه ** وغصبن تبسم لو انك باتعس احوالك
!!!!!!!!!!!!!!!!!!!!!!!!!!!!!
داخل حاره كلها شجر يابس ... وتلك الشارع المغبر
اوراق شجر متناثره ... قراطيس وكتب ودفاتر مرميه هناء وهناك من مخلفات طلاب المدارس
كراتين عصير وقواطي ببسي <<< ماضن بتلقاء قوطي مرمي بالارض وبالديره شي اسمه بنقالي
قطو يرمش بعيونه من الدوخه .. وطااااااااااااق من بقايا اكل الحاره لين طلعت التونه مع اذانه وجالس على تندة كابرس ابو صالح البوقس ...
كيف لا يشبع ويرغد بالنعمه وهو ساكن بارقاء احياء مدينة الخبر ؟
ومع هذا فهو لايزيد حظ عن زوجته الانثى التي انتفش جسمها من زود الفســــقه ومن زود الدلع حتى انها ماتاكل الدجاج الا مسحب ( بدون عظم )
ودااااااايم تعاير زوجها بـ بو تونه .
وهو صابر على هالحاله فهو احسن بكثير من اقرانه بحي منفوحه. الي من الجوع يلحسوون قراطيس الشاورما
ووصل الحد بهذه الانثى بان تثير غيره زوجها عندما تتلاعب بذيلها عصاقيل سواق بيت ابو طارق
و سائق الجيران رحـيم جالس على عتبة الباب ومعه ذالك الراديو ابو خمس طعش .. ( صيني شاريه من رامز )
ومن ساعه ورحيـــم يفر فر يبي يمسك موجه !! وماطاح الا باذاعه صوت الخليج وهو يصدح باغنيه الفنان الحكمي وهو يغني ( لابوك يالعين بدموعك فضحتيني ... الخ )
ويلتفت بين لحظه والاخرى لعله يجد مايشاهده ويلهيه او لعله يصادف احد مار من الشارع ..
ويعم الهدوء ارجاء الشارع بين تاره وتاره ... الا بهذا الراديو
الا ويخطم صوت غريب !؟
ولكن السائق رحــيم هالسربوت متعود عليه وينتظر سماعه من فجر الله ..!!
الا وهو صوت سله النفايات ( يعني الزباله الله يكرمكم )
ويجرها ذالك الجسم النحيل وصوت قرقرة البرميل واصله لاخر الشارع ... ممتزجه بطقطقه زنوبات !!
نعم انها الخدامه كرمبه سطل الزمان ... وتشخط ذيك الابتسامه لسائق
عاد هو تلخبط .. وضاعت علومه وبلا مقدمات قام يرقص دبكه اندونيسيه على اغنية ابراهيم الحكمي.
وفي هذه اللحظه بلعها الحياء ... ويقققققققققققققطر تسبدها ( كبدها ) ودها ترقص معه بس !! كم مره قفطوها وجلدوها وهي تطل طل عليه من فوق السطح ..
ومع هذه الاجواء الرومنسيه .. وصوت العصافير و نفحات العبير ورائحة العنبر الفواح ...........
الا وصوت نشاااااااااز يكعر صفو كل ابو انواع الاحلااااااااااااااام
كععععععععععععععععععععععععععععععععععععععععععععععععع عععععععععععرمبه << بصوت مبحوووووح
نعم انه صوت المدعوه ام طارق . وعضت كرمبه على برطمها وتودع رحيــم باشارة اليد ..
هناء انتهت حلقه القاء المنتظر والمعتاده بينهم لهذا اليوم ...
يدخل رحيم لغرفته ( طبعا زي عادة السواقين ساكن بالملحق )
بعدما انفتحت شهيته للاكل ... وللورد ولرومنسيه.
ويبقاء الشارع وحيد بهدوئه .. ويتلاعب الهواء باوراق اشجاره اليابسه ..
بهذه الاثناء . صعدت الخدامه كرمبه بامر من ام طارق لتوقض ابنتها ابتسام خيشة النوم .
وهي مير منهبله من عقب ماخلصت امتحاناتها <<< اخر تصاريح ام طارق لوسائل الاعلام
دفعت كرمبه بالباب الا وذيك المركى الي تجي فوق راسها هههههههههه
(( ابتسام حاطه المركى فوق الباب . لانها عارفه ان هالرفلا كرمبه بتجي تصحيها ))
الا ويعتلي ضحكه ابتسام بصوت خمررررري خاااادر من ذالك الوجه المعففففط على الغمص . ومايعتدل الوجه الا بنصف الظهر مع الشمس
وجهها كنه زهرة تباع الشمس ...
وكرمبه مهيب ناقصه هالحركات استدارت وصعدت لسطح حيث غرفتها الي تحت الخزان
جلست ابتسام على حيـلها من عقب سهر على النت وبعد طول نووووم .
وجلست تفتررر تدور وين راحت ربطة شعرها ؟ وترفع الوساده ؟ وترفع البطانيه ؟
وقامت وهي تقول بنفسها .. ايه عاد هي واقفه على هالربطه ؟الدروووج مليانه واذا مالقيتها اروح اليوم لظهران مول اشتري دزن
(( متى ماطققققققققققق براسها راحت لسوق .. لما لا وهي اخر العنقود وهي دلوعة الماما ))
وكعادتها ابتسام .. قبل ان ترز خشتها قدام المرايه تذهب وتقف عند النافذه دقيقه .
تترقب خروج الحبيب صويلح ولد الجيران لعلها تلمحه والا تشوفه زي العاده ؟
وما امداها تكمل لفة العيون على الشارع الا !! و صوت تخااااابط زبيريات !!
نعم انه صويلح !! هالمهبول !!
الا و عاض على ثوبه وحاط كتابه بمخاباته ورابط شماغه على رقبته ومعه فرقته الموسيقيه ( الشله )
الي هم عيال الحاره ويدفون ددسن قرمبع يمتلكه احد الشله ومن طلعو من الاختبارات وهم يدفونه يبونه يشتغل ... !
صويلح ومن الهاجس .. ومن الحب ومن زود الغرام والشوق الفايض لاااااااااازم ياخذ نظره على دريشه ابتسام .
حتى لو الوقت متاخر وحتى لو هم مسافرين
وقف صويلح وجحححححححححد اوم اخوياه
ا لفت صالح انتباهه الشله و صفو جمبه بيشوفون وش السالفه !!
وتركو الددسن وراعيها الي توهق عقب مادحدرت فيه والفرامل خربان .......
صويلح يقول .. يااااااالله ياقلبي .. اااااااااااه ياعمري . ويحط بوسه على كفه وينفخها لابتسام .
ومن زود الحياء الي لاعبن بجدف ابتسام .. وبدون شعوور عضضضضضضت على قماش ستاره دريشتها
وينتف صويلح ورقه من كتاب القواعد ( هو داري انه بالنصف الثاني بيتلفع من المدير لانه شال من كتابه صفحه بس الحب اعمى )
وصلح صاروخ ورقي ... وكتب عليه (( ااااااااااحبك يابعد تسبدي .. اومممممممممواه ))
وهالشله يبحلقوووووون و يناظروووووووون .. وعاد خبركم السعوديين عيارييين
وهذا عبود يناظر وبعد برهه يقول .. ووووووووع وش هالشوشه ؟؟
ويضيف عادل بكلام ممزوج بضحكه ساخره .. وووووووووعين =( وع + وع ) وش هالعيون مغمصات
والا ويزيد الطين بله هالدب بريـييه ( ابراهيم ) .. لا وشوفو خشمها كنه اصبع شايب ككككككككك و ككك
ولسان حال صويلح يقول ( عيون الخل لا يمكن تناظر ... عيوب الخل لو هو عيب كله )
ويلتفت عليهم صويلح .. ينعن ابو شكلكم يالملعن ويرفس هذا ويضظرب ذاك ..
وابتسام ماتدري وش الكلام الي دار بين الشله ((( تحمد ربها والله لو هي سامعه كان تسكر دريشتها ببلك ( طوب ) وماعاد تطلع من البيت )))
وتبتسم ابتسام يوم ان حبيب القلب بداء يستعرض عضلاته قدامها .. وما ان اتمو الركض حول بعض
االا ويسمعون صوت !!؟؟
قرررررررررررررررررررررررررررررررررررررررربع
صوت موتر خويهم الددسن .. مدحدر فيه وماوقف الا بصندقه حارس مدرسة البنات .
وتراكضو يشوفون وش الي صار .
وصويلح يلتفت لفته وداع ويودع ابتسام بغمزه على الطاير ..
الا والحارس ابو علي . ماسك ماجد ورافعه مع غالوقته .
انت ماتشوف ؟ انت ماتستحي ؟ انت بغيت تموتني ... الخ ( طبعا بعد الترجمه والتعديل. والا ابو علي هذا من الحبشه )
والا اصلا هو قايل ( انت ماشوفتني ياهومار ؟ انت ماتستهي ؟ ياقليل الادب والزمير تبقاني اموته ؟ .... الخ
ا ايه هذي والله الورطه و .....
................................
وعشاني طولت السالفه هذا هو الجزاء الاول
وانتظرو الجزاء الثاني ان شاء الله <<< والله الخوف تتهور وتسبق طاش ماطاش بكثرة الاجزاء ..
قصه ساخره ... واللغه الفصحى بريئه من هالموضوع....
القاكم على خير ..
بروح ارد واهمق مع الاعضاء ,,,