لوحة سياره بــ26 مليون ريال

[امير نفسي]

بيعت لوحة تسجيل سيارة من رقم واحد السبت 12-5-2007 بنحو 6.8 مليون دولار في مزاد في الامارات العربية المتحدة, محققة رقما قياسيا جديدا في العالم.

وذكرت وكالة الانباء الاماراتية الرسمية ان رقم اللوحة المميز "5" بيع في المزاد العلني الاول للارقام المميزة الذي اقيم في قصر الامارات بـ25 مليونا و200 الف درهم (اكثر من ستة ملايين و800 ألف دولار)".

واضافت الوكالة "حصل على هذا الرقم رجل الاعمال طلال خوري وسيخصص ريع هذا المزاد لدعم مشاريع ذوي الاحتياجات الخاصة".



وسجل الرقم القياسي السابق في يوليو/تموز الفائت في يوركشاير (شمال بريطانيا) حين بيعت لوحة التسجيل "ام 1" ب331 الفا و500 جنيه استرليني (486 الفا و140 يورو).
-----------------------------------------------------

http://www.musahim.biz/showthread.php?t=271694

[الذاهبة]

طيب من يشتري

د ل ل 6 6 6

بالسعر اللي تبون

[دينا]

الحمد الله والشكر
بس والله مدري وش اقول غير العقل نعمه
ناس ماتلقى شي تاكله وناس تلعب بالملايين

[الالماني]

طيب وبعدين وش يستفيد المغفل والله أن رقم الذاهبة أحسن منه
أخية خليه عندك وفكينا لا وبعد نعطيك فلوس عليه

[الذاهبة]

اشكرك الألماني

أنا حادتها بـ 6 آلاف ريال سعودي

من غير البنك

[ابوسليمان22]

البحث عن الشهره يفعل الأفاعيل.

[قهررررر أحبه]

اقتباس:  المشاركة الأصلية كتبت بواسطة الذاهبة     طيب من يشتري د ل ل 6 6 6 بالسعر اللي تبون

خلي عنك الخراط الفاضي
تراي على طول أصدق

أجل اشتراها بالسعر ..
صدق من قال الدنيا أرزاق

[الذاهبة]

؟

وش بك ؟

مسذبني ؟

ترى أنا ما أكذب .. ولا أحب الكذب

[جلوي العتيبي]

أتذكر احد الشريطيه اشترى سياره بـ 9 آلاف (السياره كسره )

وباع الرقم بـ 20 الف

ارقام اللوحات فرصه للباحثين عن التميز الشكلي

شكراً لك أمير نفسك

[قهررررر أحبه]

اقتباس:  المشاركة الأصلية كتبت بواسطة الذاهبة     ؟ وش بك ؟ مسذبني ؟ ترى أنا ما أكذب .. ولا أحب الكذب

بنصدق هالمره وش نسوي مجبورين
طيب وينها بالمزاد وألا حاطها بجيبك
وضح

[هين هين]

قهر احبه الى الان مصدق ان الذاهبه مووحده ست حسب اعتراف سابق لها في موضوع راشد

[طـمـوح]

يشوي ان شاء الله

[إشراق]

الحمد لله والشكر العقل نعمه

لو هو موزعها على الفقراء والمحتاجين على الاقل شي يلقاه يوم لاينفع مال ولابنون إلا من أتى الله بقلب سليم

[قهررررر أحبه]

اقتباس:  المشاركة الأصلية كتبت بواسطة هين هين     قهر احبه الى الان مصدق ان الذاهبه مووحده ست حسب اعتراف سابق لها في موضوع راشد

عارف والله ياحبي
بس خله تستانس تعرف أنت البنات هاليومين يحلمن بالسواقه
ويمكن الذاهبه ببداية حلمه مشترية لوحه سياره
وداخله جو معه ماتنام ألا عليه ياحول وتدخل بأوهام وخيلات ياحول
تنتظر هالسياره وتعرف حلم أبليس بالجنه
قالت خل نشتري اللوحات بالأول وإذا جاء أمر بقيادة السياره
نركب اللوحات لها
بس الذاهبه ياحول تباطت الأمر كم سنه ودجت محتاجه فلوس
وهذاه قدامكم تعرضهم للبيع
كل شيء جايز بهالدنيا

[جورينا]

امير نفسي ؛؛

حياك الله اخوي ؛؛

يقولون أن ؛؛ رزق المهابيل على المجانين ؛؛

دمت بود ؛؛