حرام والله وين يروحون عيالنا بها الصيف!!؟

[ابو عراده]

اقتباس:  المشاركة الأصلية كتبت بواسطة تركـي     شكرا .. آمرؤ القيس على الموضوع بالرغم من أنه فكاهي ولكن يحوي معنى كبير لمن يتفاخرون ببطولاتهم بالسفر لتلك الغاية وهناك شرق آسيا وتركيا وآوربا واللي يبي الدح مايقول آح وطبعا بما تحويه هذه الدول من طبيعة وجو رائع .. والله يهدي شباب المسلمين .. وللآخ ابوعراده .. ماتم إقتباسه بعاليه .. لا يجب أن نرمي الكلام ونتهم ونقارن نعم يوجد حالات شاذه وهذا موجود بالبيت الواحد وليس بدوله عدد سكانها يصل الى 30 مليون .. وصعب أن نرمي الكلام فقط بدون إدلة وبراهين أو نسب وبلدنا ولله الحمد لم يفتح المرآقص والبارات ودستورنا ولله الحمد وفق الشريعة الأسلامية .. ولا يجب أن ننظر بتلك النظرة اللتي هي إساءه صريحة لبلد آنعم الله عليه بالدين الأسلامي .. وتطبيق الشريعة الأسلامية ..

تركي . الشمس ماتغطى بغربال . شكلك عايش بقرية ومافيها انترنت ولاصحف ولاكهرب بعد
خذ لك لفه على الصحف وشف الأخبار ..مصانع للخمور ومخدرات وبنات الهوى صارن يجن للسعوديه بطائرات خاصه بمنتجعات وشاليهات جده والشرقيه وشاهر ياظاهر .
الله يستر علينا بس ياخيي لايجينا خسف من الله

[pepsi]

اممممم احنا بنقضيهافي ربووع بريده
ياسلام لو قال ابوي ياالله قو امشيكم بالخبوب وحويلان
والمريدسيه بين المزارع بعيده عن كل شي وناسه
بس اقول وين الفلاحه وهذاك الي يقوك طق طق طق ويطلع
ماء يازين بريده اقعدو بس لاتروحون منا ولامنا
^_*

[يزيد 2011]

الاردن لبى جوووه بس براد وخير من الله ....

[نيكاربانو]

اقتباس:  المشاركة الأصلية كتبت بواسطة يزيد 2011     الاردن لبى جوووه بس براد وخير من الله ....

زحمه وكتمه مره واغلب تبوك فيها كنك بديرتك

[تركـي]

اقتباس:  المشاركة الأصلية كتبت بواسطة ابو عراده     تركي . الشمس ماتغطى بغربال . شكلك عايش بقرية ومافيها انترنت ولاصحف ولاكهرب بعد خذ لك لفه على الصحف وشف الأخبار ..مصانع للخمور ومخدرات وبنات الهوى صارن يجن للسعوديه بطائرات خاصه بمنتجعات وشاليهات جده والشرقيه وشاهر ياظاهر . الله يستر علينا بس ياخيي لايجينا خسف من الله

ابوعراده ..
قلت لك يوجد حالات شاذه وهذا مشاهد ولا يخلو أي بلد بالعالم من ذلك
ولكن الحمدلله لازالت رآية لااله الا الله مرفوعه وتطبيق الشريعة ووجود هيئة الأمر بالمعروف والنهي عن المنكر .. تبقى حصنا منيعا لكل من يريد أن يعبث وينقل قذارته
لبلدنا .. لك وللمتابعين الكرآمه ..
ولسنا بذليلين لكي نفتح ذلك علنا كما في الدول اللتي تسمح بذلك وتهين كرآمة شعبها ..

لكن عااد بنات الهوى يجن للسعودية بطائرات .. ذي تبي ..

والمنتجعات والشاليهات .. بجده والشرقية
يوجد حالات شاذه من الوآفدين وطروش البحر ..
ولكن ليست ظاهره ..

ومصانع هالخمور كلها ..
من وصاخة هالفلبينين والبنقلا لكم الكرآمه ..
ومعروف لقو بعض الصايعين والضائعين يستقبلون بضاعتهم الخايسه مثل وجيههم .. وهذا شجعهم لنقل ثقافتهم من خريجي السجون ..

[لسان الطير]

نخليهم يطعسون بنفود خب روضان

[روعة الكون]

_



الحمد لله اللذي عافانا مما ابتلاكم ترا مب فخر تروح للمغرب وغيره وتقعد تمرقص
وتستانس وترجع ب عالتك معك ي اما ايدز ياما طواعين ثانيه وتبلش الناس واهلك بك ..
ليتنا نستفيد منكم كسل وبلاده وكثرة طلبات سوو شيء ينفعكم بدال الهياته بين الديار ,
وين الدين النصيحه تنصحونهم هذولا المجاهرين بالمعصيه ي حيف بس :\


امرؤ القيس شكراً لك , والله مب حسافه على مثل هالشاكله الي ذكرته
ليتهم يروحون ينقصفون بسوريا ترتاح منهم البشريه يخففون :\

[جوي اوربي]

^
صادقة اختي العزيزة

سمعت ابو غرام لا ( تمرقص )

[الاردني القصيمي]

كلامك زي العسل بس بيحكو انو فيه نص مليون سعودي الان في الاردن وخالقين ازمة شقق مفروشه والمطاعم كلها محجوزه

[جوي اوربي]

الاردني شكلهم شباب بقعاء الحلوين

[شَـٌجـَنٌ !]

هاو
وهو لازم يسافرون ؟
ينطقّون مع آهلهم مهب لابغوا شي مين يودّينا مين يجيبنا ؟
عندكم ماليزيا وآندونيسيا كل إجازة آصيّف به

[HANNO]

سوريا عذراً هذا الصيف طلاب العلم من ابناء السعوديه سوف

يطلبون العلم في مصر او المغرب على حسب الميزانية

نرجو قبول العذر سوريا

[نــَجّــــدَ]

لا حتى مصر Pardon

[أوبس مير]

صيفوووو بشااارع النهضه < أحسن حل
عشان لبغيناكم ولاكم حولنا

تسد السعسعه ق1

[أختنق بدونك]

اقووول بس انتم صيفوو بالحضاري أزين لكم

أنا عن نفسي بسافر بس لحد الحين ماقررنا << فاجتن فلغته