آسئل عن البنت إذا جيت تخطبها .. عكس المعادله ..!!

[e7sas]

تركي
.
طررح رائع يسسسلمو كتيير
بسس انت لاتدقق.. وصدقني بيرزقك ربي ع قد نيتك
.
مالك الا نصيبك

[تركـي]

ندى الورد ...

مافيه تعقيدات من ناحية الشباب ..

التعقيد يأتي من ولي البنت بأكثر الأمور ..
يعني مثل ماقال ( لورنس ) ..
كأنه يبي ( صحابي ) لبنته ..
والآ شايفك .. حاط ببيتكم اللات والعزى وجااي بتخطب ..

وصح آعقلها وتوكل ..
بس مو كل مرره تصيب .. للجنسيين طبعا ..
على الآقل .. اذا ماتوفقو يمكن هالشاب يمديه يصلح الأمور
لكن وش ذنب هالبنيه تحمل لقب مطلقه وهي مابعد طلعت من سن المرآهقه يمكن ..

وبالنسبة للمعلمات ..
على آن سوقهن .. ماشي الآن ومرغوبات مو مثل أول ..
لكن يبقى كل له قسمته ونصيبه والخيره في آختاره الله له ..

كروومه ..
وشبهم الشباب
وشوو هالطبع الشين .. ؟؟
ترآآ الشاب قلبه آبيض وآذا نوى يتزوج ترووح كل الجنون اللي بشبابه
وتتفرمت ذاكرته من جديد ..
وعااد مو معناه يقبل بأي واحد أكييد فيه الزين والشين بالأطباع والسلوك
والشكل والمنطق والفهم والمركز ..
وبعدين من اللي يقول أن البنت تتغير ..
يمكن صح الأغلب
لكن آن طحت بوحده ماصدقت آنه تفتك من حصار أبووه وآخوانه وصرت أنت الضحيه .. بتحرره ..
وعااد اللي بيدقق بالأمور الثانويه .. سواء عن الشاب أو الفتاة ..
بيشيب وهو موسوس ..
يعني اذا بتتشرط .. والآ بتتشرطين آقعدو عند آهلكم ..
الآ شيء ضروري ..

[طقاقة بدون مايك]

يكرت ..‘‘..‘‘!!~

بِ الآولة ..قبل مَ آهذرب وآهذري...من لور1نس ذ1 ...إن شاء الله رآعي حبة الـ خآل ؟ + ! ..‘‘..‘‘!!~





:....p

[كروومه]

اقتباس: قسم آنه ( لورنس ) اللي يقول قل لابوه عطن فواتيره بشوف من تكلم .. عااد ياهو بيقولك قم آطلع برآآ البيت والآ بيقولك من حقك ياوليدي

تركي من صدقك ولا تمزح لورنس هاذا وش سالفته فريد زمنه

يبي فواتير ويبي يشوف من تكلم ومايبي توت بعد

انا اقول شكله يبي يقابل الصياح بالصياح يسلم

[تركـي]

احمد ...

معذوور والله ..
وآن شاءالله نرآآك هنا من خلال نبض حروفك اللي مالنا غناة عنها ..

وبالنسبه للجزئية ..

اقتباس: لا ماقصد بالشوفه المسماه الشرعيه اقصد بمكان عام كأحد الاسواق مثلا عاد انت وطريقتك تترصد وترابط اسبوع حول بيتهم وخبرك البنات مايستغنون عن الطلعه للسوق وراح يبان لك تصور عنها تراي اقصد (المشيه فقط) لاتقعد ترقبها عند دخولها أي محل

وآآووووووووك ..
آحمد تخيل عااد ببريده تراقبها والآ تترصد لها ولو عن نية سليمه تدور على هالمشيه
والآ تروح للنخيل والآ العثيم وتراقبها من بعيد لبعيد والآ عند المدرسه ..
وماتدرري الآ وانت مقضووب .. ومركب بشنطة جمس الهيئه ..
وش بيقنعهم عاد آن نظرتك بريئه .. ولغايه شريفه ..
والآ تطيح بأشهب .. يصير هو يرآقبك قبل ماترآقبه ..
يمكن بجده والآ الشرقيه والآ الرياض على الأقل ..
لكن هالخطه يمكن تؤدي بك الأ مايحمد عقباه ببووريده ..
وتخيل عاد وآنت بشنطة الجمس وتجي تمر من عندك .. وتقوول هذا اللي بيخطبن من أوله .. تسذاا ..
والآ لو مثلا لنفرض آنه عنده علم آنك ترآقبه وغيرت مشيته والآ آستعانت بوحده وآنت تحسبه هي المقصوده .. تعرف وش يدريك آنه هي من النقاب .. والآ ..

[تركـي]

عزف ..

والله آنك صادق فعلا يدمح .. تودي الى معنى ثاني
ولوو آثرك .. متأثر بوآحة الحرف ..
ومثل هالمواضيع .. عااد اللي بيدلي برأيه .. ويبي يناقش
ونحترم كل رأي .. بسلبياته وإيجابياته ويبقى كل له وجهة نظره ..

حيآآك ..

[تركـي]

اقتباس: : ع طاري المشيه ترى فيه بنات مشياتهم دلع ولاتقصد فيها شيء وعلشان ماتظلم احد اترك الخطوه الفاشله ذي وخل بنت الناس في حالها مستحيل اتخيل انكم صادقين

ندى ..
هذ نظرية آحمد وترآآ قرأة الطباع للشخص والفراسه
لها دور واحمد هذي نظرته
ماتذكرين موضوع / ديم .. عن الفرآسه ..
وكيف تقرأ الشخص اللي آمامك من خلال حديثه أو مشيته أو أي سبب آخر ..
ومشية الدلع عااد .. اذا كانت مو مصطنعه وطبيعه بالبنت هذي ميزه بعد ..
وليه مو صادقين .. ؟؟

[غنيمه]

ههههههه لا يكون سبب الموضوع راعية المناكير بعد
ممم لورانس هو اللي عليه قل صح اللي باليوتيوب ؟..
واحد ماسك الخاطب عن السؤال عن البنت اللي بيخطب البعض هواللي متنازل ويسأل اسأله سطحية والبعض يفصفصه والعكس .

[تركـي]

تعبت آشتاق ..

الله يسلمك ..

بالفعل اللي بيدقق بيضيع ..
يعني كل يبحث عن المطلوب بحدود المعقول ..

طقطاقه ..
أي هو ماغيره ..
ولا تسمعين له شي ترآآ هو مطروود من الخطابه أم تركي اللي رآح يخطب منهم ..

[تركـي]

كرووومه ..

بالصدفه طبيت على ( لورنس ) ..
وقلت خل نشووف وش عنده ..
وترآآ يقولون خذ الحكمه من هذر الرقلات
بعضهم يجي منه .. حتى لو هو بنفسه مايدري ..
وهو عااد ماترك آحد ..


غنيمه ..

رآعية المناكير .. يمكن لها دور بعد
وآن طحت بسليطة لسان مثل ذي على أنها آفترت على رجال الحسبه ..
وآخرتها هجت ..
ايه لورنس .. هو ماغيره وشرط بكرآآ مايترك رآعية المناكير ..
ترآآ بعض المرآت يجي منه .. وقلبه أبيض على أن لسانه سليط ..
تصلح له رآعية المناكير ..
وعلى قولتك البعض يحوم تسبدك بالآسئله والبعض يشتريك ..

[أختنق بدونك]

أممممم صح ان اهل الولد يسسالون هي سنعه هي طويله هي بيضاء هي وش متخرجه منه بس مايسالون
آسئله قل حضرتوو حفلة نانسي عجرم ..
وفيلم ..اللمبي الجديد اللي لسآآ مانزل ..
وبأي فندق سكنتوو ..
بحياتي كله ما سمعت ان اهل الولد يسالون تسذا *

[فوفتي]

في هالزمن مهم جدا السؤال عن البنت عن اخلاقه وسلوكه وهي سنعه او لا وحتى عن صلاته فيه بنات الله يهديهم مايصلون وانتم تشوفون بالوقت الحالي الطلاق صار بكثره لانه من قبل ما اتضح لهم امور وكانت مخفيه ,, خذوها مني نصيحه ضروري تسألون عن البنت عن كامل تفاصيل حياته والله يوفقكم..

[تركـي]

اقتباس:  المشاركة الأصلية كتبت بواسطة أختنق بدونك     أممممم صح ان اهل الولد يسسالون هي سنعه هي طويله هي بيضاء هي وش متخرجه منه بس مايسالون آسئله قل حضرتوو حفلة نانسي عجرم .. وفيلم ..اللمبي الجديد اللي لسآآ مانزل .. وبأي فندق سكنتوو .. بحياتي كله ما سمعت ان اهل الولد يسالون تسذا *

عشآآن كذا ..
ماتعودن البنات يسئل عنهن ..
يعني يمكن تكون دآعيه والآ متحرره
كله وآحد ..
يعني هالشباب ..
حظك نصيبك ..
حفلة نانسي وفيلم اللمبي من باب المبالغه فقط ..
ولكن ..
هل السؤال عن البنت بنظركم خط آحمر ..
بعيدا عن البديهيات آنها طويله وألا بيضاء والآ وش تخصصه والآ تعرف تسوي قهوه ومن هالروتينيات ..
فيه آشياء أليس من حق الشاب يسئل عنها .. ؟؟

[تركـي]

اقتباس:  المشاركة الأصلية كتبت بواسطة فوفتي     في هالزمن مهم جدا السؤال عن البنت عن اخلاقه وسلوكه وهي سنعه او لا وحتى عن صلاته فيه بنات الله يهديهم مايصلون وانتم تشوفون بالوقت الحالي الطلاق صار بكثره لانه من قبل ما اتضح لهم امور وكانت مخفيه ,, خذوها مني نصيحه ضروري تسألون عن البنت عن كامل تفاصيل حياته والله يوفقكم..

جميل أن يأتي الآستشهاد بهذه النظرية بالسؤال عن البنت
من بنات جنسها ..
ومثل ماذكرتي حتى لا يكون هناك مستقبلا .. منغصات للحياة
بأكتشاف حقيقة بعضهم ..
وخاصة الصلاة بالدرجة الأولى لأنه اذا صلحت صلاة العبد صلحت سائر آعماله ..
والله يوفق الجميع آن شاءالله ..

[أختنق بدونك]

لا باس ان سأل عنها .. وله الحق عن مواصفات زوجة المستقبل

لاكن لا يسال اهله يسال الناس اللي دالينه على البنت *