آسئل عن البنت إذا جيت تخطبها .. عكس المعادله ..!!

[تركـي]

السلام عليكم ....


من المعروف كما جرت العادات والتقاليد ..
آنه في حالة خطبة البنت في المجتمع السعودي ..
يكون قبل آجراء مرآسيم الملكه والخطبه .. ومن بعدها .. الزواج ..

سؤال ..؟؟

عن الخاطب ..
وتختلف العادات بين مناطق المملكة ..
منهم يهتم بالآستقامة والدين والصلاة وسؤال آمام المسجد
هل هذا الشاب يحضر للمسجد ويصلي ..
والبعض يهمه تأمين بنته .. من خلال السؤال عن مصدر دخله
والوظيفه اللتي يشغلها بغض النظر عن الأمور الآخرى ..
وشكله والبعض عن وسامته بطلب من البنت ..

والبعض يسئل عن .. العائلة المتقدم منها الشاب ..
وشهم من لحيه ووش آملاكهم وآيش موقعهم في الخريطه .. ؟؟

واذا .. صار مدخن .. بعييد لا يقربنا ..
بينما تجد .. هذا اللي يدمح الدخان سارق نص آملاك الدوله وحلال عليه وبينما الدخان بنظره .. جريمة وأن هذا المدخن .. من المسجلين الخطرر ..
أو اذا كان مسافر بشبابه ولو مع آصدقائه رحلة قنص أو أي رحلة بريئة ..
هذا .. راعي سوابق وراعي حريم وراعي مرآقص .. وجواز السفر .. حقه مجدد 4 مرات ..
وسوريا ومصر والمغرب والبحرين ودبي .. خط آحمر ..
هذا اللي رايح للدول ذي آنتبهو منه .. وكأنه داخل عليهم ومعه
رقاصه يوم يجي يخطب ..

يعني هذا الولي للفتاة ..
يريد ( صحابي ) ..
ونحن في عام 2012 ميلادي ..
والآ آحجر على البنت حتى تعنس .. والآ تخرج عن النص بفعل هذا التشدد .. وعموما هذا لا ينطبق على الكل ولكن هو مشاهد ووآقع ..
في بعض العوائل ..

نجي للبنت ..

في الشوفه الشرعيه وبعد ما آشوفها واذا آعجبتني ..
مايكفي الشكل .. وآدرعم .. على طريقة .. آكشط وآربح ..

يعني مثل ما أنتم تسئلون انا بسئل .. عن هالبنت ..
وش يدرين آنه تصلي .. جيبو لي ورقه من آمامة مسجد تشفع لها ..
جيبو لي فواتيرها .. حقات آجهزتها .. من تكلم .. يعني وحده بوحده ..
مو آنتم تسئلون عن سلوك الشاب ..
ويجب يكون معك جلسه معها .. بحضور وليها تشوف تفكيرها وتوجهاتها .. يمكن بعد تصير .. ترلللي ..
يعني من برآآ الله ومن جوآآ يعلم الله ..
الباقي ..
تعرف تطبخ .. تعرف تكوي .. تعرف تجملك بحضور ضيوفك ..
تعرف ترآعي مزآجك ..
آسئل ابوها وقل ماشاءالله سافرتو العام بالصيف ..
وين رحتوو ..
آسئله قل حضرتوو حفلة نانسي عجرم ..
وفيلم ..اللمبي الجديد اللي لسآآ مانزل ..
وبأي فندق سكنتوو ..
بيجي يقولك اي والله آستانسنا ..
نط فيه وقل يوم آنك تسئل عني .. وين سافرت يالسرسري ..
يعني حلال عليك وحرآم علينا ..
بنتك .. وش لابسه هناك ..
جينز سبورت ولثمه وعباية كتف..
والآ قميص روز وعباية ومدآسيس .. ؟؟

برأيكم آلم يحن الوقت للسؤال عن البنت خاصة في هذا الزمن .. ؟؟
وبظل الآنفتاح والتقنيات الحديثة .. ؟؟
والآ اللي سبقوك .. ماضرهم ..
مثل ماسوو توكل على الله وعلى اللي تجي عليه ..
يمكن بعد تصير .. دآعيه .. وآنتي ماتدري
ويمكن تصير ملكعه .. وفاهمه آحسن منك ..
يعني بكل الآحوال .. هي رآعية كيد وكسبانه والقانون معها بالسعوديه ..


عااد ترآآ هذي مو من هرطقاتي ولو آن فيها جزء بسيط ..
ولكن من هرطقات ( لورنس ) يوم رآح يخطب يقول بسوي كذاا ..
هل بعض السوالف فعلا نحتاجها .. ووآقعية ..
أم تروح على ضحكة .. ويادار مادخلك شر ..

دمتم بخير .............

[ع ـروووبة]

-


بالعكس سؤال كل من الطرفين مهم وسبب رئيسي لنجاح حيآتهم
مب يهلكون الواحد بسؤالهم عنه ولا انهم يدعمون على عمآهم الوسط خير

واحد من قرايبي بيطلق مرته ولا كمل معه السنه
السبب بسيط هو متمسك شوي وهي الله يصلحه فلتانه لآخر شي
لو ساءلين عن لبسه ما كانت هذي النهايه !
يسألون صديقاته , قريباته ...
مصادر كثيره ومحد يخفاه انه تلبس فوق الركبه ... !

أهم شي الدين والأخلاق لاسألوا وصارت على ما يبون غيره ما يهم
إلا لاصار الرجل عصبي يبيله وحده طويل باله تتحمله شوي :/
وعلى هالحآله قيسوا يعني يكونون متقاربين بالصفات ومكملين لبعض

بس الناس صايرين يا يكودون السؤال ويكرهون الناس وإلا غصب يطلع عيب
او انهم يدخلون على عماهم ويدرعمون وتالي الكل يتحسف ...

[عزف الحقيقة]

حياك تركي

أصابتني تخمة من مواضيع الرجل والمرأة

لأن النقاش فيها مطاطي لاينتهي .

اقتباس: اقتباس: واذا .. صار مدخن .. بعييد لا يقربنا .. بينما تجد .. هذا اللي يدمح الدخان سارق نص آملاك الدوله وحلال عليه وبينما الدخان بنظره

لكن وش معنى هاليدمح هنا ؟

تحيتي لك

[احمد النجم]

تركي موضوعك طوويل

مع أن الخلاصه بالعنوان

بس جازلي سردك للمشاهد المتوقعه حدوثها بين الخاطب ووالد البنت

اقتباس: آسئل ابوها وقل ماشاءالله سافرتو العام بالصيف .. وين رحتوو .. آسئله قل حضرتوو حفلة نانسي عجرم .. وفيلم ..اللمبي الجديد اللي لسآآ مانزل .. وبأي فندق سكنتوو ..

وشلون جا على بالك هالحوار بين الخاطب ووالد البنت ؟!
<<ضحكت ضحكه سمعها وليد الفراج وهو بالاستديوا

فيه حاجه مهمه يمكن تعطيك تصور عن البنت ولو بنسبه بسيطه

بدل التقصي حول الاطباع والسلوك من محيطها .فربما لاتجد أفاده كامله اوفيها (تدليس)!
حاول قدر المستطاع(تشوفها)خلسه وهي تمشي بدون ماتدري بك
شخصيه البنت تبداء من مشيتها في الاماكن العامه
ماقد سمعت باللي يقول (هذي به خف طبع) من كثر التلفت يمين وشمال!

[ضـيّ]

-


السؤال مهممم لكل الطرفين .,

بس يسأل عن البنت يقول هاتوا لي فواتير تلفونهاا من تكلم ذي م تجي بالعقل !!

الغالبية يسأل عن البنت وفي الغاالب م يكثرون أسئلة لأن البنت من أهلهااا

إذا هم أجاويد ولا عليهم كلام ف هي ب تطلع تماام

بس الولد لا غير لأنه يروح ويجي ب راحتة...يعني م يقاس به على أهله.,

يعطيك العاافية ..,

[تركـي]

عروووبه ..

كلام جميل ..
وإستشهادك بمثال وآقعي .. من آحد قرايبك ..
يعني .. يلزمنا آجل نسئل
بكرآآ تطيح بوحده ... عكس الموآصفات اللي خبروك عنها آهلها أو نقل آمها عن بطولاتها .. وبالأخير .. تطلع بس ( هب بلا لب ) ..
ولا ينفي ذلك وجود من بستحي الحياء من تربيتهن وآخلاقهن .. وسنعهن ..


عزف الحقيقة .....

وش تبينا نطرح .. يعني .. الدوري وآنتهى والآسهم خسرانين فيها والسياحه آمسك آرضك والصيد شموس وقلايع وآدرين .. وسوريا تئن ونحن وآقفين مكتوفين الآيدي .. من هالمجرمين الرووس والنصيريه والروافض ..
هذي مسائل آجتماعية .. ويمكن وآقعية ومنها نستشف الآراء والخبرات بمشاركة المتداخلين والآعضاء ..
وبالنسبة لكلمة ( يدمح ) ..
يعني < وشلون عااد نترجمها ..
آيه وشسمه .. تلقآآ الولي من يوم يسمع آنه يدخن والآ قد دخن ..
خلاص ذاا .. سربوت والآ مجرم .. وحتى لو كان مؤدي فروضه وبار بوالدينه ..
بينما .. يأتيك غير مدخن وتلقاه .. ماهنا شي ماسوآه حرآآم بالتستر ..
ومع ذلك هذا ملاك ..
وطبعا .. ليس تأييد للمدخنيين .. ولكن هو مثال قريب وآقعي ..

[مليار]

هذا واقع ...
بعض الأباء يفرط ببنته ما يسأل عن الولد زين يسأل شخصين ويقول خلاص مدحوه الناس همن لتبينت علومه قال هكو علينا ..
وبعض الشباب اهم شي عنده شكله أو من بنته ...........لوتقوله ترا لبسه نص ونص او ماتعرف تطبخ قال ايه اعدله
وقس عليه كل شي..
هالنوعيه يستاهل اللي يجيه ..

بمعنى انت وسؤالك عن البنت كل ماحرصت انك تسأل أكثر وتفكر بعقلك ..المكسب لك

[تركـي]

اقتباس:  المشاركة الأصلية كتبت بواسطة احمد النجم     تركي موضوعك طوويل مع أن الخلاصه بالعنوان بس جازلي سردك للمشاهد المتوقعه حدوثها بين الخاطب ووالد البنت وشلون جا على بالك هالحوار بين الخاطب ووالد البنت ؟! <<ضحكت ضحكه سمعها وليد الفراج وهو بالاستديوا فيه حاجه مهمه يمكن تعطيك تصور عن البنت ولو بنسبه بسيطه بدل التقصي حول الاطباع والسلوك من محيطها .فربما لاتجد أفاده كامله اوفيها (تدليس)! حاول قدر المستطاع(تشوفها)خلسه وهي تمشي بدون ماتدري بك شخصيه البنت تبداء من مشيتها في الاماكن العامه ماقد سمعت باللي يقول (هذي به خف طبع) من كثر التلفت يمين وشمال!

هلا والله .. بالغايب الحاضر ..

وش رأيك عااد بفكرة الرقله ( لورنس ) يجي منه صح ..

وبالنسبة للحوار بين الخاطب ووالد هالبنت .. هي ياتصيب ياتخيب ..
يعني اذا ماجازت لك وبتصرفه عطه لك كم سؤال
عشان يقول ذاا .. مهو ب صري اللي يسئل وتجي منه ..

وتعال وش يدريك .. آن المشيه تحدد السلوك ..
وآصلا وشلون تشوفه خلسه وهي تمشي
اذا قصدك بالشوفه ..
والآ وين ..
اذا بالشوفه بتدخل عليك ويمكن بعد توقف عند الباب والآ تجيب لك عصير ومايمديم تشوف كم هالخطوات الاربع وتقيس فيها
لأنك بتشوف وجهها وبتسمع هي تسلم والآ تقول تفضل ..
يعني بها اللحظه .. اللي كله كم دقيقه مسرعه ..
وش تناظر وش تخلي
مدري وشوله طايرين على الشوفه .. اللي كله ماتتعدى 5 دقايق
وآنت بتتمقل وهذا من حقك ..
وبتشوف هي تحتسي والآ طرمآآ ..
بس مصيبتنا الشباب لو تدخل عليه .. عايشة المرطه
هو موآفق موافق .. بس عن قولة .. آني شفته وبسوي بريستيج عند آهلي أني ترآآني .. لي رأي
وهي مخطوبه من امك وخواتك وقاضيين ..
بس تصدق .. عجبتني نظريتك .. بها الخلسه ...

حيآآك ..

[نـدى الـورد]

:

ذكرتوني بمعلمه كان رجل حاط عيونه عليها


وقريبته عندنا ب المدرسة


ظل يراقبها قرابة اسبوعين وهي راكبة ونازله


بعدها عقلها وتوكل


:

والله انه تعقيد غير طبيعي

:

وقت النيه ب الزواج


اعرف من وين تختار


وبعدها ابوها وامها خير برهان في تربيتها


لاتعقدون الامور العوانس والله كثروا


معلمات عندي مانقصهم شيء طاقت فوق الـــ 37 والشيب لعب فيهم وانتم للأن تختبرون؟


,

[كروومه]

هلا تركي

الرجال معروف من زمان وهو لاخطب لازم يسال عنه

تدري ليش لانه اذا فيه طبع شين مايتغير ابد

عكس البنت الي بمجرد الزواج

تتغير 170 درجه مع زوجها وتكون طوع امره بكل شي

تدري ليش لان النساء هينات ولينات ويمشن معك مثل الماء

>>>>يالله من فضلك يالحريم بس وين الي يقدره

موضوعك جاء في وقته امس انا اكلم وحده موكله اخوها على بناتها الاربع التامات عاد اساله هاه جاكم احد الفلانه تقول ايه جانا واحد زين بس اخوي يقول انه حار والثاني وش فيه لا مايصلح راعي تفحيط والثالث مانبيه برا الديره
والله غريبه الحين برايكم هذولي عذاريب يطلعهن اخوها المعقد ؟؟

قلت يابنت الحلال يقول الرسول عليه الصلاة والسلام

من رضيتو خلقه ودينه فزوجوه ..


والله يرزق كل بنات المسلمين الازواج الصالحين امين يارب ,,


شكراَ مشرفنا تركي على هيك موضوع ..

[احمد النجم]

اقتباس: هلا والله .. بالغايب الحاضر ..

الله يحييك ويبقيك
للغايب عذر !

اقتباس: وتعال وش يدريك .. آن المشيه تحدد السلوك .. وآصلا وشلون تشوفه خلسه وهي تمشي اذا قصدك بالشوفه .. والآ وين

لا ماقصد بالشوفه المسماه الشرعيه
اقصد بمكان عام كأحد الاسواق مثلا
عاد انت وطريقتك تترصد وترابط اسبوع حول بيتهم
وخبرك البنات مايستغنون عن الطلعه للسوق
وراح يبان لك تصور عنها
تراي اقصد (المشيه فقط)
لاتقعد ترقبها عند دخولها أي محل

[عزف الحقيقة]

حياك تركي

لو قلت ينتقد لكانت أسلم من يدمح لأن يدمح

سامح أو تغاضي كقولنا يدمح الزلات وهكذا .

لكن بالنسبة للموضوع لست ضد هذه المواضيع

كمواضيع مهمة لكن دائما للأسف هذه المواضيع

تنقلب الى شجار واستهزاء وتقليل وأخذ ورد

بعيدا عن تشخيص الحالة للخروج بفائدة

مودتي لك

[نـدى الـورد]

اقتباس: لا ماقصد بالشوفه المسماه الشرعيه اقصد بمكان عام كأحد الاسواق مثلا عاد انت وطريقتك تترصد وترابط اسبوع حول بيتهم وخبرك البنات مايستغنون عن الطلعه للسوق وراح يبان لك تصور عنها تراي اقصد (المشيه فقط) لاتقعد ترقبها عند دخولها أي محل

والله عيب اذا رضيتوها لخواتكم

[نـدى الـورد]

:

ع طاري المشيه

ترى فيه بنات مشياتهم دلع ولاتقصد فيها شيء

وعلشان ماتظلم احد اترك الخطوه الفاشله ذي وخل بنت الناس في حالها

مستحيل اتخيل انكم صادقين

[تركـي]

سنيوره ..

قسم آنه ( لورنس ) اللي يقول قل لابوه عطن فواتيره
بشوف من تكلم .. عااد ياهو بيقولك قم آطلع برآآ البيت والآ بيقولك من حقك ياوليدي ..
والظاهر الأقرب بيقولك ماتبي بعد القروبات اللي مشتركه فيها بالوآتس آحسن للحساب ..
وبالنسبه آن البنت على آهلها اذا هم آجاويد
آعتقد الآن الخوات وهن من آم وحده تختلف آطباعهن ..
صح آن العائلة لها دور لكن آعتقد مايفي بالغرض مره وآغمض على عماها بناء على أن آمه فلانه وبنت فلان ..
الآن .. البنات متمردآت شووي ترآآ ..
مو مثل أول مكروفات وسنعات ..


مليار ..

ماقلنا شيء الأب يريد آفضل البشر لأبنته وهذا من حقه ولا يمنع السؤال عنه
لأن مصير هالبنيه معلق برقبة وليها ..
حتى لا ترتبط بشخص لا يتناسب معها ..
وانا مع السؤال عن الشاب ..
ومن ترضون دينه .. والتيسير عن بعض الأمور الثانويه ..
هذا حتى بيعطي البنت ثقه بنفسها ..
والسؤال عن البنت ..
مو من حق هذا الشاب بعد يسئل لأن هذي عشرة عمر ..
وهذه الفتاة ستكون جنتك وأم عيالك .. وحياتك القادمه ..
ومثل ماذكرتي هو المكسب بالسؤال قبل .. دخول القفص يامسجون أو قفص زينه ذهبي ..