السلام عليكم ورحمة الله وبركاته
ومسيكم الله بالخير جميعآ اعضاء ومشرفين
اول شي وقبل مأبدأ بالموضوع باركولي على تغيير لون ونوع الخط قلت ابخليه اخضر اقالي مشرف >>>>> يتشهواء
المهم مالكم بالطويله نخش بالموضوع دغري
انا منول افكر وقلت لاجيت اعرس انشاء الله مانب ماخذ الا وحده شعره طويل وابوصي امي وخوااتي يشوفن لي بنت الحلال اللي شعره طويل ومهنا زينه...............
بس يوم قريت هالموضوع هونت ودخلن الماء اني أعرس على وحده شعر طويل
قلت ان اعرست على وحده شعره طويل ابكد على شعره واقعد الاحقه هي وشعره
وتعالوا نشوف وش السبب اني هونت اني ماخذ وحده شعره طويل>>>>> عاد مشكله تسنك مانتب ماخذ وحده شعره طويل واقفه عليك
.................................................. ...............
--------------------------------------------------------------------------------
اثبتت الدراسات التي اجريت من قبل ان المرأه اللي شعرها طويل لها مساوىء عده :
اولا :
تستهلك شامبو اسبوعيا اذا هذا صار شعرها ناعم
واذا كان خشن ضم معاها البلسم وحمام الزيت
يعني تحدد ميزانيه لنظافة شعر زوجتك وحيويته ولمعانه
ثانيا :
تستهلك كميه كبيره من المياه عند غسيل شعرها
تقعد تغسل في شعرها بالماء حوالي ساعتين بالكثير لين
يخلص الماء الحار عنك والا يمكن تأثر على مستوى مياه المملكة بعد مده من الزمن .
ثالثا :
تستهلك الكهرباء
تقعد تستشور شعرها مده مو اقل من ساعتين
وتسحب من الكهرباء والفاتوره على ظهر الرجال .
رابعا :
في المناسبات والاحتفالات الله يكون في عونك
بتروح للصالون والمشغل وشعرها طويل يعني لازم تسريحه مو اقل من300ريال
خامسا :
تتعبك نفسيا
يعني اذا جت من عزيمه وطاحة شعره من شعرها
تقعد تنوح وتزاعق اليوم بكبره وتقول حسدوووووووووووووني نحتوووووووووني
وتأخذك وتجرك من شيخ الى شيخ ....
من غير الفلوس اللى راح تدفعها حق الزيت والماء المقري فيه وغيره ..
هذا اذا ما خلتك تمسك طاسه وتدور على كل بيت وحده كانت في العزيمه واتفل فيها ؟؟
سادسا :
تتعبك جسديا
راح تلقى شعرها في كل مكان في صحنك وثوبك وسيارتك وملابسك
واخرتها بطيح في المستشفى بيستخرجون الحصوى اللي بمعدتك
ملاحظه : شعرها صار حصوه تجمع في معدتك من كثر مايطيح شعره بالصحن .
.
سابعا :
لازم تسوي اشتراك سنوي مع احد السباكين
طبعا عشان تفتح المجاري المسدوده بسبة شعر زوجتك المصون والطويل
ووش اقول ووش اخلي بلاوي متلتله ومتتاليه ....
وبعد هذا كله
بتقولون ... نبي وحده شعرها طويل ؟؟
(( دعاايه للي شعورهن قصير )) >>>> من قدكن
وسلامتكم