اليوم جيت ومجيك مختلف وده
جزعت من نظرتك ياسيد ازماني
بد الكلام الذي في خاطرك بده
في عيونك اقرى الفراق وجيه احزاني
شفت بغيابك ليالي الحب محتده
من رحت ما فيهم اللي بغيبتك جاني
عزمت ترحل وتتركني بلا رده
من علمك يارفيق الحس تجفاني
اكتبك حلم دروب مواصلي ضده
واعيش بعدك واقول البعد كفاني
الله واكبر على الهملول من قده
شح بهطوله علي وماتت اغصاني
العشق هد الضلوع وباح في سده
يومك نويت الهجر ياخدر الاعياني
عطيتك الحب وعين الشوق منلده
ولبستك من الشعر لولو ومرجاني
اي والله اني احبك وانت لك مده
كنك على طاري الفرقى تحداني
اخترت درب الفراق وزانت الهده
الطير تل السبوق وجاوب الحاني
روح وخل العنا والجرح والشده
انا كفيل الجرح وكل ماجاني
وتذكر الحب واذكر من وصل حده
ماهو عشان الغلا لكن على شاني
ماكل من غاب نار الشوق بترده
هذا انت هاوي غلاي ورحت تنساني
هات اول العشق والا اقول لك وده
العشق للي تمادا بي وخلاني
ما عاد للشعر نكهه لو ابا عده
عزيت في غيبتك طرقي وقيفاني
اليوم اخر لقى وابدايه الوحده
ودعتك الله وانا بعيش وحداني
وبقول حاجه ما دامك ناوي الصده
ما يسكن القلب غيرك واحد ثاني
العرض الشجري