ملف للحلوييات

[سـمـا]

اخو رعد وش دخل ارجوان واخوها بالموضوع
بس اسلم على واحد والثاني

المهم مشكور على المرور

[سـمـا]

اليوم جايبتلكم حلى جنان وجديد بس عاد لاتخيبوني الله الله بالردود السنعه لاتفشلونن

المهم هو اسمه حلى الضومنه تعرفونها لعبه قديمه طبعا الحلا على شكلها

المهم انا لاقيته في منتدى عالم حواء وكاتبته وحده اسمها عجاااااااااايب <<<<<ابراء للذمه

وانا جربته شي بصراحه يكفي شكله شوفوه بالصوره

أول شي افتحي النار من فوق في الفرن ثم ابدئي بالعمل

المقادير والطريقة مره واااحده :
1 - نحضر الصينية البايركس المقاس الكبيروضعي طبقه من بسكويت اولكر المغطس بالحليب السايل .
2 – كأسين حليب بودره يحمر على النار حتى يشقر ثم يوضع في الخلاط ويضاف له :
قشطه + كريم كرامل + زبده مذوبه على النار + نص كأس سكر بودره ، ويخلط جيدا .
3 – نضيف نصف مقدار الخليط فوق البسكويت .
4 – نضع طبقة من البسكوت المغطس بالحليب فوق الخليط السابق
5 – نضع النصف المتبقي من الخليط فوق البسكويت .
6 – في الخلاط نضع 8 حبات جبن + ثلاث أرباع حليب نستله المحلى ثم في الصينيه ،
7 – اطفئي النار وادخلي الصينيه في الفرن يعني الخلطة اللي فوق بتجمد بس بالحراره بدون أن تحمر من الأعلى
8 – اخرجيها من الفرن واتركيها تبرد ثم ضعيها في الثلاجة حتى تبرد تماما ليسهل تقطيعها
9 – قطعيها بشكل مستطيل على شكل لعبة الضومنه ( ذكريات بس ماعرف وشلون تنلعب بس اذكرها يوم كنت صغيره شكلها انقطعت اللحين)
10 – اخلطي قليل من حليب نستله مع نسكافه ثم بعود حق الأسنان وإعملي خط في الوسط ونقط على الجانبين .
وتقدم والف صحه وعااااافيه

اتمنى ان تحوز على رضاكم

[أخو رعد الشمال]

شكروووووون
علي الحلا أم أرجوان
الحقيقة أنك ملكة الحلا ومبدعة في صنعة
وماهرة في تجهيزة Mead In :am Argwwn
تحياتي

[سـمـا]

خخخخخخخخخخخخخخخخخخخخخخخخخ

اما Mead In :am Argwwn شي الله يغربل ابليسك

مشكور على المرور وماتقصر الله يعطيك العافيه

[أخو رعد الشمال]

ماشاء الله عليكي أم أرجوان
شعلة القسم أنتي
ما خليتي عذر للحريم كل الوصفات والمقادير موجودة
وللي تقول ماعرف أسوي حلا ما عندها سالفة
تحياتي

[الوردة]

...مشكوره شكلة مره حلو ...راح اطبقه ان شاء الله...

[سـمـا]

الورده مشوره حبيبتي اذا زينتيه بلغيني هو طعمه اوكي او لا وانضبط معاكي او لا

اتشرف بمرورك

واذا عندك حلى مني ولا مني لاتبخليين علينا

مشكوره ياعمري

[قصمنجيه]

ما شاء الله ... ما شاء الله يا أم أرجوان ...

بصراحة قرمة و مرت حمولة ...

بصراحة أعجبن حلى الضومنة , و بما أنني اؤيد المصالح المشتركة
فحبيت أعطيك هالحلى ...
فأنا أحب الحليات اللي تدعي ربه ... يعني فيها آكشن

المهم دوك هالحلى .. حلى البلون ..

تسيحين جالكسي خالص .. أو أي شكولاطة تقوم بمقامه ..
ثم تنفحين بلونات صغار اللي يجن الكحشة بريالين .. الظاهر عرفتيهن

أيه.. بعد ما تنفخينهن تغمسينهن بالشكولاطة السايحة , تخلين تحت البلون و على جوانبه لازم يمتلي شوكلاطة , ثم أثاريك حاطة قبل ساعتين صينية مقصدرة بالثلاجة _ أما لماذا تدخل كذا وبهالوقت_ عشان تجمد القصدير و إذا حطيتي عليها البالون ما يسيح الشوكلاطة اللي فيه ع طول يجمد ...

المهم خليه تقريبًا أربع ساعات لحد ما يجمد , و إذا جمد تعالي و نسمي البالون و أقشعيه على خفيف .. ثم يطلعلك ( قحفية ) يعني تقل طاسة ..

بعد ما تممين هالخطوة تعالي للحشوة .. حشوته سهلة

بسكويت أوريود (مدقوق) ثم تخلطينه مع قشطة ..
و شعرية أحمد محموسة و مطحونة .. و مخلوطة مع نستلة ..
تحطين بالقحفية من جهة أوريو .. و من جهة شعيرية أحمد ..

الحشوة هذي ماهيب شرط ..
بأمكانك أنتِ يا أم أرجوان تبدعين حشوة ثانية ..




لكن بصراحة يطلع حلى كشخة ..
و شرط أن يتحيولن حمواتك لا شافنه





.

[قصمنجيه]

أيه فطنت روحي ..

أنا يا بنات عندي شوكلاطة هذيك اللي على شكل حصى .. عرفتنهن ..؟؟؟

أيه جايب لنا أخوي من الإمارات كحشة , و بصراحة الوالدة لا شافت بالفريز
بدت تهوش تقول دبروه ضيق علينا ...
عاد أنا أبي طرق له إذا حداكن تعرف .



يا رب ما يكسحنن.



.

[سـمـا]

مشكوره قصمنجيه على هالمرور

ومشكوره على هالحلا اللي يجنن

ابحطلك صوره حلا قوليلي هو هو اللي قلتيه او لا لان نفس اللي اسويه بس انا بورقه اسويه احطه عبى الشكل اللي ابيه بعدين الفه بالورقه وجمده وافكه واحط فيه الحشوه

بس التفيخ ممكن اسهل

راح اجربه
وترتيب الصور 3 بعدين 2 بعدين 4 بعدين يطلع زي شكل الاولى

والحصى ان شاء الله اكتبلك حلى فيه بس اللحين مايحضرني اي حلا

افتش بالذاكره واعلمك

[قصمنجيه]

أيوه .. تقريبًا نفس كذا ...
يعني نفس المبدئيات ..

بس طبعًا القالب يختلف ...

بس اعلمك اللي جبيتيه روعة , بس أخاف من التوهيقة ... تحرينه ينجح..؟؟

[سـمـا]

لا حبيبتي ينضبط

بس طريقتك خليك عليها اسهل

شوفي اذا سيحتي الجالكسي حطيه بكيس صغير وحطي فتحه فيه وابدي سوي شكل الشبكه على الورق

بعدين خليه لين يبرد شوي وقبل يتصلب لفي الورقه نفس الشكل اللي بالصوره ولصقيه بشطرطون

حطيه بالفريزر ربع ساعه كذا بعدين شيلي الورقه بهدوء وانا حشوتي قطعه كيكه جاهزه اقطعها دائري و

احطها تحت

واسوي توفي واحطه فوقه

بس ابجرب حقتك اسوي شكلين تطلع حركه حلوه

تسلميلي والله

[إنسانة غير]

الله موضوع يجنننننننننننننننننننن


من زمان ادور مثل هيك مواضيع


تراني طباخة بس ابي شي زود خخخخخخخ


تسلمين أختي ام ارجوان على الموضوع الرائع

[سـمـا]

تسلميين انسانه غير على هالطله الحلوه


وان شاء الله تلقيين اللي يرضيك عندنا

بس لاتحرميننا من جديدك

[DaRk MoOn]

روووووعه الحلوياااات تسلم ايديكي

ويعطيكي الف الف عافيه

ومشكووووووووووره