ملف للحلوييات

[سـمـا]

يابنات ياحلوات يابنات بريده القرمات (تقل بديت اعرف اطلع شعر اقول لايكثر)

المهم نبغى نعمل لنا ملف للحلويات هنا

اي حلى بنزل جديد تشوفينه سواء بمنتدى اخر او بعزيمه او عند اي احد على طول جيبي الطريقه وضعيها هنا

يالله يالقرمات ملينا من الحلويات اللي عندنا نبي نتسنع للحموله
واللي ماعرست علشان تعلم منى ويشوفون العالم طبخه ويبدون الخطاطيب سرب عند الباب
بيني وبينكم تراى انا ماخطبني زوجي الا علشانه سامع عني اني طباخه
بس يحول يوم اخذني ماش صكتن عين وخربت(اقول روحي مناك بس)

يالله وش رايكم ببتفاعلون ولانصك الموضوع

عاد تراه اول موضوع لاتفشلونن

يالله نشوف اكثر وحده تشارك له مني هديه وهي ازينله الحلا اللي تبيه واحطه عند باب

[الحصان الأسود]

اقتباس: واللي ماعرست علشان تعلم منى ويشوفون العالم طبخه ويبدون الخطاطيب سرب عند الباب

ايوالله تعلمن يابنات 000

الصراحه موضوع حلو وان شاء الله يعتبر موسوعه للحلويات وأتمناله التثبيت 00

وبالتوفيق يابنات 00

[سـمـا]

مشكور الحصان الاسود على تشريفك
وماقصرت ولاهنت

[جورينا]

ام ارجوان ؛؛

هلا بأم القرامة والسنع ؛؛ الله يعطيك العافية مير على هالموضوع وان شاء الله يجد صدى

وفكرته حلوة بدال مانتشتت وندور هنا وهناك عن اي حلى جديد وطريقة أجد ؛؛

وان شاء الله اذا لقيت حلى شكلة جديد بكتبه هنا ؛؛

دمتي بود حبوبة ؛؛

[سـمـا]

مشكوره فراشه نجد على هذا الاطراء
وننتظرك

[Queen of buraydh]

بما اني ما اعرست .. راح اطالعكم واتعلم منكم ( مع اني اعرف ومايحتاج اتعلم << ياشين الثقه الزايده )


يعطيكم العافيه وعساكم ع القوه يابنات

راح اعطيكم حلا حلوو وسهل ولذيذ كمان واخوي مزعجني دايماً يطلب مني اسويه ..

المقادير

بسكوت الشاي يغمس في حليب سائل ويصف في صينيه طبقتين

بالخلاط:
2 اصبع تويكس
علبة قشطه كبيره
ظرف كريم كراميل
ظرف دريم ويب
مسحوق شوكولا << حسب الرغبه

نخلطه مع بعض بعدين نصبه على الصينيه وندخله الثلاجه عشان يتماسك ويبرد .. بعدين نقطعه قطع كبيره وينوكل بالملعقه << زي حلا العشا

وهني وعافيه


ومطرح ما يسري يمري ...

[سـمـا]

الله يعطيك العافيه ومشكوره
عاد انا احب التويكس اغديين اليوم اصلحه ان شاء الله

[سـمـا]

حبيت أنقل لكم طريقة [ حلى الأوريو ] ..

صراحة حلا لذيذ لايفووتكم

أول شيء نخبز كيك بني جاهز أو نحضر كيكة جاهزة [أمريكانا] ..

ثم نقطعه نفس اللي بالصوره تحت


ثم نصفها بالقالب .. ماقدرت احط صورته وهو مصفوف مايعبي اكثر من خمس صور خيره بغييره.

ثم نقوم بعمل الخلطة وهي عبارة عن :
3 ظروف دريم ويب
4 علب قشطة
كاكاو ذايب ـ يعني سائل ـ
وبسكوت أوريو حسب الذوق والطلب

نخلط علبتين قشطة مع ظرفين دريم ويب
ونكسر الأوريو لأرباع

ثم نضع الشوكولاته السائل فوقهم
مثل الهرشي
نصب الخليط فوق الكيك المرصوص وندخله بالثلاجة إلى أن نعمل الطبق الثالث

الطبق الثالث عبارة عن علبتين قشطة وظرف دريم ويب

نصب الخلطة الثالثة فوق الخلطة الثانية

ملاحظة] يجب أن تكون الطبقة الثانية متماسكة ..

ندخله باالثلاجة الى تتماسك الطبقة الأولى بالطبقة الثانية بالثالثة ..
يوضع في صحن التقديم ونبعد عنه القالب ..
ونزينه بحبات الأوريو والهيرشي



وكاننا نقطعه مثل طريقة الرخام بالسكيين من فوق خفيف على شكل بيت عنكبوت من والوسط الى الاخير
والله اللي متزوجه بينهبلون اهل زوجها
والبنت على طول راح تخطب

وبالعافية عليكم

[توتي]

الله يعطيك العافيه يا ام ارجوان

جووعان انا وقلت خلني اسير على القسم << ما اعرف اطبخ اهلي رايحين

واشوف شي يفتح النفس

بس المشكله ما اعرف ازين شي

ادري تبي تصفى على هرفي

مير شووكرن

[سـمـا]

هذي صورته بالشكل النهائي لانه عيت تجي مع الرد الاول
وادعولي

[العبرى]

فكره جميله..

ونأمل أن نرى نشاط أهل الحلويات معها..

لكن حتى يكون هذا الموضوع مميز أود أن أنبه إلى


-الوصفات المنقوله..يجب أن لاننسى أن نذكر أنها منقوله..

- أن نذكر هل الوصفه مجربه أم لا..

- أن لانذكر وصفات قد ذكرت من قبل في القسم..



وإن شاء الله نرى النفاعل



تحيتي,,,

[سـمـا]

مشكور توتي على المرور

ومشكوره العبري صح هذا اللي نبغاه ونسويت ان انوه على هالموضوع مشكورة

انك ذكرتيني

[بدرالوابلي]

وشلون ودك تنحفين وانتي طابة تخوضين بالحلا والكاكاو ؟؟؟؟

[سـمـا]

مشكور بدر بس وش اسوي القلب ومايهوى
ودي انحف من دون ماترك الحلا والكاكاو
لاني عارفه اذا تركتهن ابنحف

[أمــاسي ونص]

عااااد ورينا شطارتك يأم ارجوان بالحلا
اعزمينا كل خميس والله الله