هل عندك عزيمة.... إجتماع ... كشته.....((في ملف سماءنجد المتجدد))..تجدي مايسرك

[iiigil]

امممممممممم الشاورما افضلها دجاج

والكيكه بسويه اليوم عندي ضيوف

مشكوره ياقلبي

[العبرى]

غريبه الكيكه

وشكلها لذيذه

وصفة الشاورما لذيذه

والله ملفك يسعفنا بالضيق


الله يوفقك ويسهل أمورك يااااارب



تحيتي,,,

[سماءنجد]

السلام

انوسه وعبوره هلا فيكم والله يسعدكم ويوفقكم

[سماءنجد]

[align=center]السلام
اول شيء .]أحب اشكر مشرفتنا الغالية العبري على ترتيب الموضوع[/font]


طبق اليوم سمبوسه




.... بتقولون لي عااادي كلنا نعرفها

لكن انا اليوم بعطيكم حشوه من إختراعي .. والحين خواتي وصديقاتي وأهلي كلهم يسوونها

لكن عيبها إنها ماتتفرزن .. لازم طازجه او محفوظة بالثلاجه لمدة يوم



المهم المقادير



[color=#00008B][size=4] مثل ماهو واضح بالصورة رقم 1

بيض مسلوق

فلفل رومي أخضر

جزر

قليل من الطماطم والبصل والثوم

ملح

مايونيز...لاتكثري لأن كثرته تخلي الحشوة رخوة بعد القلي ..غير الحرقان والسمنه

ثم شرائح سويتز ... لازم سويتز ماينفع الأرياف وغيرها

في الصورة 2 المقادير بعد التقطيع حتى تعرفوا نسبة المقادير لبعض

في الصورة 3 بعد ماخلطتهن مع المايونيز

الطريقة
اخلطي المقادير زين وحشيها بشرائح السويتز واقليها بالزيت الغزير الحار حتى تشقر...وبالعافية




الطبق الثاني



مكرونة الخضار ... بعد من إختراعي
المقادير

ملفوف كرنب( 1وسط)

جزر 4 وسط

فلفل اخضر رومي حوالي 4وسط

هذي المقادير قطعيها شرائح رفيعة مررره واخلطيها مع بعض

بعدين إقسمي الخليط قسمين

قسم أتركيه على جنب راح نستخدمه اخر شيء

اما القسم الثاني ضعيه في قد ر وأضيفي له قليل من الزيت وحركي حتى تذبل الخضار

بعدين اضيفي:

جبن مثلث من 3ـ 4
مكعبا ماجي

نصف ملعقة كركم

** بعدين هاتي مكرونة بتوني اللي بكرتون الطوال وكسريها وأسلقيها بمويه وملح

وبعد ماتستوي صفيها من الماء وضعيها على الخضار اللي على النار وحركيهم زين حتى تتجانس،ثم

سكري النار واضيفي الخضار اللي قبل حطيتيهم على جنب وأخلطيهم زين

مممم طعمها جنان..وممكن تضيفي لها شاورما دجاج او فيليه الدجاج

من زمان ماسويتها عشان كذا ماعندي صوره لها ..أول ماأسويها انزل الصوره

أي سؤال انا حاااضره



واللي يبغى طبق معين هم انا حاااضره...طبعا إذا كنت اعرفه [/align]

[العبرى]

يعطيك العافيه سماء نجد

حشوة السمبوسة غريبه وجديده

تسلمين على وصفاتك الرووووعه

وزيدي لنا من وصفات الساندوتشات لزوم نسوي رجيم



تحيتي,,,

[لمسة إحساس]

تسلمين لنا يا سماء نجد..
وان شاء الله راح نساعدك ونضيف معاك اطباقنا المفضلة..
بس نحن بحاجة لوقت..
تقبلي تحياتي

[ولدبريده]

ليت قرينتي (زوجتي) تفزع وتسوي لي هالمقادير
الثلاثاء عازمن شيبان الاستراحه

[سماءنجد]

السلام..
هلا والله بالعبري ..وأبشري بسعدك
هلا بلمسة إحساس بإنتظارك غاااااليتي
ولد بريدة..حياك وبنات بريدة مااايقصرن وتبيض قرينتك وجهك بإذن الله

[وليد القيعاني]

اختي سماء نجد

مشكوره على على الوصفات


لكي خالص تحياتي

[iiigil]

رووووووووعه السنبوسه بس شغالتي تقول هذي سنبوستهم في الفلبين انتي غاشتها ههههههههههههههه

تسلمين يا قلبي وواصلي

[روعة مشاعر]

مساء الخير سماء نجد
مشكووووه على الطبخات الحلوه
بس عندي طلب ممكن طريقة حلقات البصل؟؟؟؟؟؟؟؟؟
تحياتي

[سماءنجد]

[align=center] السلام عليكم



كيفكم...عسااااكم بخير

هلا والله بانوسه... صدق الطريقه تعرفها شغالتك..اقول للي عندي انا مشهوره بس مايصدقون عاد شوفوا إختراعي وصل للفلبين والشاهد انسه مطنشه
عااد انوسه صراااحه الطريقة من بنات افكاري بس شفتي احيانا يكون توارد وتشابه بالأفكار

* وليد القيعاني ...حياك ومشكور على المرور

* نرجوسه ..هلا فيك..عندي طريقه لحلقات البصل كنت اسويها من زمان مجرد ماأرجع لبيتي إن شاء الله
ادورها لك

**علشاني تأخرت عليكم راح اقدملكم اكثر من طبق**


ا

عجينة العشر دقاااائق



مررره روعه جربتها بالبيتزاء وخلية النحل...تنتفش وزي القطن ...وتنفع مررره وقت الزنقات لإنها ماتبي وقت طويل للتخمر..مجرد عشر دقاق
المقادير/
كأسين دقيق
ملعقتان خميره
كاسان ماء
فنجال سكر
تخلط جميع وتترك 10 دقائق
ثم نضيف ثلاث كاسات دقيق
ونصف كاس زيت
وخلاص سوي فيها اللي تبغين



شطه حااااره



حبحر(فلفل حااار)
جزر
فلفل رومي
بصل
ثوم
خل
زيت زيتون
ماجي
قليل من الصلصة
الطريقة
هاتي قدر وقطعي البصل والحبحر والفلفل والجزر قطع متوسطة ثم اضيقي خل كثير وزيت زيتون
وخليه يطبخ حوالي ثلث ساعه حتى تشعري إن الخضار اصبحت لينه نوعا ما
بعدين اضيفي قليل من الصلصة والماجي وحركي جيدا ثم ضعي الخضار بالخلاط وخليه ينخلط شوي حتى يصير مجروش قطع صغيره
وعلبيه ممكن يوضع بالفريزر لمده طويله


~*¤ô§ô¤*~مجموعة سندويشات هديه لمشرفتنا العبري~*¤ô§ô¤*~





توست بالفلافل



هاتي كيس توست هرفي ..ثم افردي كل شريحه جيدا
واقطعيها الشكل اللي تبغيه دائره... مربع
بعدين هاتي خليط (مويه وطحين)
بعدين لصقي طرف حبتين توست بالخليط فقط الأطراف
ثم ضعيها ببيض ثم بقسماط
ثم تقلى بزيت غزير حتى تنتفخ وتشقر
بعد ذلك قصيها من النص وأحشيها بالفلافل اللي ذكرت مقاديرها سابقا او أي حشوه ترغبيها
هنا مربعات بعدين قصيتها مثلثات بعد القلي






شرائح التوست
هاتي توست (أفضل نوع عن تجربه هرفي) وازيلي الأطراف حسب رغبتك ثم احضري جبن شرائح وأقطعيه خطوط طوليه ثم صفيه على شكل كاروهات على التوست وضعي داخل كل مربع زعتر ثم الذي يليه سماق وهط
كذا..فهمتوا شيء بس احسن شوفوا الصوره تفهموا..تراه سهل ويواجه

[




فرنش توست

خبز توست او صامولي السلمان
يقطع الخبز قطع متوسطه ويقلى بقليل من الزيت حتى يشقر قليلا ويتماسك
ثم نضع في زبديه بيضتان وكأس حليب و ملعقة سكر وقليل من الملح وتغمس قطع الخبز فيها وتقلى بزيت غزير ثم ترش بسكر بودره وتقدم مع الجبن بالعسل



كلوب ساندوش

توست يقطع دوائر
اول طبقه من تحت ضعي فيها خس ومايونيز ثم ضعي حلقة توست ثم دجاج مسلوق ومقطع صغارمحموس على ا النار ومخلوط معه شوي جبن سايل
ثم حلقة توست ثم بيض مقلي وشريحة جبن مربعه ثم حلقة توست ويغرس بالوسط عود اسنان حتى يتماسك التوست ويجمل من أعلى بحلقة خيار وقطعة طماط وزيتونه




وهذي صوره لطبق منزل هنا بالمنتدى بخبزالتوست..للأخ على البراق999







الحين تعبت المره الجايه بإذن الله راح اكتب طريقة ساندوتش بخبزالجباتي الهندي مره روووعه



~*¤ô§ô¤*~فائدة/~*¤ô§ô¤*~إذا كنت تعانين من:

** الالتهابات المتكرره وخصوصا في الجزء العلوي من الجهاز التنفسي.
وظهرت عليك الأعراض الأتيه:
** تقرحات في الفم .
** العشى الليلي.
** جفاف وتقشر الجلد

فأنه يوجد لديك نقص في فيتامين (( A ))
ويمكن علاج ذلك بتناول:

1/زيت كبدالحوت-الجبن -اللبن -القشدة.
2/النباتات الخضراءوالملونه مثل السبانخ -الجزر -الخس
3/الكرنب -الطماطم -البقول -الخوخ -عصيرالبرتقال.



[glow1=CCFF00] عندي رجاء ممن تستفيد من وصفاتي من عضوات وزائرات دعواتكم لي بالفرج العاجل وتحقيق اللي في [/glow1]بالي[/align]

[روعة مشاعر]

مشكوووور سماء نجد الله يحقق الي في بالك بس لا تتاخري علينا ونبغى وجبات سريعه أذا ممكن

[ترليون]

الله يعطيك العافية
الف شكر

[العبرى]

وصفات خفيفه ومغريه وشهيه

تسلمين يالغلا

ماننحرمش


الله يفرج همك وكل أمورك..

ويحقق اللي ببالك يااااااارب..قولوا آمين..





تحيتي,,,