الله اكبر كيف يجرحن العيون
كيف مايبرى صويب العين ابد
أحسب إن الرمش لا سلهم حنون
أثر رمش العين ما ياوي لحد
يوم روح لي نظر عينه بهون
فزله قلبي وصفق وارتعد
لفني مثل السحايب والمزون
في عيوني برق وبقلبي رعد
نقض جروحي وجددبي طعون
قلت يكفي قالت عيونه بعد
وإنعطف هاك الشعر فوق المتون
وانثنى عوده وقفى وابتعد
اشغلتني نظره العين الفتون
حيرتني بالتوعد والوعد
هي تمون العين ولا ما تمون
لى خذت قلبي وقفت يا سعد