الله يسامحك كثر الشوق ودموعي
________________هاذي كفوفي وابدعي دعوة الداعي
الله يسامحك لو خدي ثنى كوعي
________________ ويزيد خيرك كثر ما زَدْت بخداعي
الله يسامحك جرحك صرَّم ظلوعي
_________________ لكن تمون وترى ما للأسف داعي
الله يسامحك بيدك تطفي شموعي
_________________ ما عاد شفـّك هواي وعَفـْت مرباعي
الله يسامحك تبغى الذل وخضوعي .!
_________________ ضيّعت عمري وراك / اش عاد ما ضاعي
الله يسامحك يومي كنّه اسبوعي
________________ يروح ليلي وانا في حضْرَتَك واعي
الله يسامحك وطبوعي هي طبوعي
_______________ ما ابدّلك لـَين اموت وينعي الناعي
لا شوق يروي ولا سدّ الغلا جوعي
________________ كل المشاعر غبينة تلوي ذراعي
من قبل اعَرْفك وانا والله موجوعي
________________ وش عاد تفرق .! تزيد أو تنقص أوجاعي
وداعة الله ولا يطريلك رجوعي
________________ جيتك سفينة وموجك كسّر شراعي
العرض العادي
