ومارجعت !! ولاتحقق حلم نهنى بالرجوع
وقبل موتي في ثواني للاسف توك..رجعت!!
اجني من شوقي غيابك..وانت بوصالك قطوع
احصد الدمعه وانا اللي.. لبسمتك ياما زرعت
تهت بركاب الاماني ..بين طعنات ودموع
وكنت انادي نبض قلبك..ياترى لنبضي سمعت؟
والله اني عفت نومي ..ساهر ٍ ماني جزوع
ارسمك بالليل نجم ٍ لافقدتك لي سطعت
اهتدي بنورك وانا اللي محرق اصباعي شموع
خوف لا من غبت اقسى ..واخلف عهود ٍ قطعت
كنت اضم الطيف لهفه..واشتكي من البعد جوع
تشبع بجرحي غرورك..للاسف لا ماشبعت
جعت جرحي؟ جعت دمعي؟..والا ودك بي خضوع!
انت تدري لو اموت ..لا ولاعمري خضعت
لاتثير الجرح تكفى ..ارحم حداب الضلوع
واذكر اني من عشقت..بغير حبك ماطمعت
|| ومـــآرجعـــت-ّ-- !
العرض العادي
