منتجع الفساد بارك .. وليس العييري بارك ! .

[عجوز سمنسي]

[align=center]

اقتباس:  المشاركة الأصلية كتبت بواسطة cool girl     الصراحه فيه كلام وصخ وقليل ادب ماله داعي يذكر هنا لكن من يسمع!!!!! مرور من دون تعليق ع الموضوع دمتم.,.

هلا بالكووووووووووووول

ليتك والله حددتي الكلام الوصخ واللي فيه ثلة ادب علشان نتفاعل معه

وينه بالله ؟

ما اشوف كلام وصخ على قولتك

الا اذا تقصدين بالموضوع كلام وصخ فياليت تنبهيننا علشان نزود عليه شوي بعد

شكل لك نسبة من المنتجع وتبين تقلبين الموضوع لصالحك

الله يصلحك روحي كملي تغسيل للمواعين وخلك في بيتكم استر لك ولاتتحارشين مع الرجاجيل [/align]

[سكايب]

[align=right]الوضع سيء جدا في العييري بارك ..

لكن لا ننكر أن هناك منتجعات آخرى في مدن المملكه

يحدث فيها ما يحدث في العييري بارك ..


الفساد ليس محصورا في العييري بارك فقط ..!!


أنا عن نفسي : شاهدت ما يحدث في العييري بارك ..

وأعتبره هين عند غيره ..


دمت بخير ..[/align]

[عجوز سمنسي]

[align=center]

اقتباس:  المشاركة الأصلية كتبت بواسطة & شرقاوية كووول&     وه بس على العييري باارك أتذكر مرة جينا للقصيم وعزمنا خالي فيها جلسنا وتقهوينا وبعدين قلت لأخووي ودي أتمشى مع البنات المهم راح معنا أخووي وصلنا للسوق وحنا نمشي أخووي غطي عيونك شفي وشلون يناظرون ماتستحين غريب هو بالشرقيه عادي بس هنا مدري ليه يقول لي أخووي شوفي بنات بريدة ليش يسون كذا مير ماش ماني بخاطب منهن << تراه مهوب كلهن قلت له أصلاُ المنتجع جامع خلق الله ومير أخووي ماش ماجازله الوضع خصوصاً عند الألعاب بغى يعطي وحدة كف عبدة وتغازل له وجه بعد قال أخوي خلاص نبي نمشي ماعجبة الوووضع... صدق العييري شي غريب مير الشارع هاذاك اللي فيه السووق أشبهه باأسواق الراشد عادي عيني عينك المغازل ولا يهمهم شي..... ســــــــــلامي

ههههههههههههههههه

الله يرجك يالشرقاوية

ايه انتي متمدنة وكاشخة علينا جاية من الشرقية

مين قدك ؟

والله المنتجع وبعد مداولات مع البعض اكتشفت ان اكثر اللي يجونه مو من اصل البلد وطافين بالحضارة شلف يحسبون الحضارة فول مدمس

المشكلة ان هولاء اخذوا من الحضارة اسواء مافيها للاسف وتركوا القيم النبيلة التي عرفناها عنهم

ايه اللي تتنقب عندنا مانحترمها علشان كذا اخوك صادق يوم يقول غطي عيونك

الله يستر عليك وعلى كل بنات المسلمين ويحفظكم من كل شر [/align]

[سكايب]

اقتباس: بنات متشفقة للعيال باي ثمن وشباب متشفق للبنات باي وسيلة

أتوقع أن الفساد في أي مكان ...

لا تكون نظرك للناس أنهم (ملائكه)أو (مطهرون) ..

خطاء .. الناس كلهم(او غالبيتهم) كذا .. مع الأسف ..

ناس ما عندها مثقال ذره من الحياء ..

الله المستعان ..



تحيتي لكَ

[الكادي11]

تحيه طيبه وبعد اخواني العييري بارك مثله مثل السوق والحضاري
مثلا واحد مركب خواته او بناته واللبس اخر شياكه والنقاب يا الله من فضلك
والكحل واصل فوقي الاذن اللهم لاشماته والسمراء مبيضه اللي يطلع مع العين من النقاب
والطيب يطير النخاشيش من قوة الريحه تجيب البس رافع عصعصه من مسافة كيلو
ولا يسأل ولا يقول ليش كل هذا انتم رايحين لمكان عام مو لعزومه وكلها نساء
تصدقون ان بعض الحريم عند الاشاره انه قوية عين انك انت تصد عنه وهي مبحلقه
وفيه حريم محترمات وبنات يا الله من فضلك لمنهن اقبلن عليك تستحي وتلف قبل ما ياصلن
من الحشمه وتاصل المكان اللي انت تبيه وانت تدعيلهن با لستر
اخواني لما ذا نحط اللوم على المسئولين عن الاماكن ولا نلوم انفسنا
اخواني كل ولد وله اب وام واخت لو وضح له انه ( كلما زدت زاد السقاء ) وهل يرضا لخواته كان يصحى
وبعضهم ميت قلبه ما ينفع له إلا مسح معالم وجهه قدام من يتميلح قدامهن
واما المحلات و السوق فلو كل اهل بريده يتعاونون مع من يأتي من خارج بريده انهم
ما يدخلون محل في السوق فيه اجانب سواء يمنيه او هنود او اي جنسيه اخرى
اقل من من عمره خمسون سنه يا اخوان في السوق قنابل موقته من اللاجانب اعمارهم
اعمار مراهقين من الثمانيه عشر الى الثلاثين سنه وبسواق حريم وين حنا فيه
وهذه مسئولية من انه تصدر قرار بعدم تواجد من هو اقل من الخمسين ومن يخالف يعاقب بقفل محله شهر
مثلما عمل با لخياطين في السابق
نريد ناس تعرف عواقب الامور
ويبقى المحافظه على الاخلاق سواء بحضور الاهل او بغيابهم
والدعاء بالصلاح
وتقبلوا مروري

[جبل ساق]

اقتباس:  المشاركة الأصلية كتبت بواسطة cool girl     الصراحه فيه كلام وصخ وقليل ادب ماله داعي يذكر هنا لكن من يسمع!!!!! مرور من دون تعليق ع الموضوع دمتم.,.

ياليت تذكرين لنا قلة الأدب والكلام الوسخ في الموضوع ؟ .كنت أتمنى أن تقومي بالتعليق على ماجاء في موضوعي حتى نستأنس برأيك بارك الله فيك .. بدلاً من الهجوم على شحصي المتواضع بدون مبرر !.

[عااااشق]

السلام عليكم ورحمة الله وبركاته

اقتباس:  المشاركة الأصلية كتبت بواسطة جبل ساق     . سافرت لعدة دول خارجية والله لم أشاهد مثل هذه المهازل وهذه السخافات كما كان في العييري بارك ! . حتى في الرياض وجدة والمنطقة الشرقية وبقية المناطق الأخرى لم يمر علي مثل هذه المشاهد المؤسفة ! .

.

وعلى ماذكر في قديما أقول

(( قال وش علمك اه كذبه قال من كبره ))

أتمنى أنك اذا أردت تدعيم موضوعك لتكسب تضامن القراء

أن لا تقفز قفزات جباره من أجل الغير

وأذا اردت اثبات وجهة نظرك اذكر مايصدقه الناس

اقتباس:  المشاركة الأصلية كتبت بواسطة جبل ساق     حتى أصحاب بعض المحلات أشكالهم مش ولا بد ! . ولكن ( من أمن العقوبة أساء الأدب ) .

هنا ذكرت بأن رؤيتك تقتصر على سوء الظن

وخطأ رواد المنتجع أن أشكالهم مش ولا بد على حد تعبيرك

أي أنك تحكم على الظاهر ليس على أحداث

(( أحسن الظن أخي ولا تقذف الناس بما ليس بهم ))


لا أنسى الأخ العجوز

فتعقيبه اقتصر على صاحب المشروع وكأنه حاقدا على نجاحه

وما النجاح الا من توفيق الله

أخي ماحدث في منتجع العييري ان فرضت جدلا بأنه حقيقه

فهو لا يلحق صاحب المشرووع ولا مرتاديه

وانما هم زمره مخطئه بحق نفسها وبحق الغير

فلا داعي هذا التهجم والكمات البذيئه التي تتبجح بها

واعلموا بأن ماتكتبوه شاهدا لكم وعليكم

يوم لا ينفع مال ولا بنون

[فشخره]

بحمدالله الموسم الفائت كتبت موضوعا عن بارك العييري الله لايبارك براعيه


وذكرت كل مايحدث به من اختلاط وسفور ومعاكسات واشياء يندى لها الجبين



وذكرت لكم حركة قطع الكهرب !! ويعلم الله انني ذهبت مرة وانتهت ولن تتكرر



ومن المؤسف ان الحال بقي كما هو ؟ قولو للعييري مبروك فقد افسدت



بنات وشباب المسلمين !! حسبي الله عليك 0



ب

[الـنّـزغـه]

شكل المكان اللي تتكلمون عنه اغلب رواده

من الطبقه الكادحه والقرويه واللي ماشافوا نعمه...!

[سراب الليل]

الأخ \الذي رمز بأسمة مهند شاد يا ليتك كنت اعقل من هذا واكبر .إلى هذا الحد وصلت العقلية عند شبابنا .إذا شبابنا وصلو لهذا الحد لمهند وغيرة إذن لا تقول ليش البنات تغازل . وانا اعتب عتاب الأخوة على المشرفين الأعزاء كيف يقبلون بهذا الأسم ، ومنتدانا منتدى بريدة غني عن هذة الأشكال.
أخيراً تقبلو تحياتي

[الكادي11]

اقتباس:  المشاركة الأصلية كتبت بواسطة ابن الاجواد     بحمدالله الموسم الفائت كتبت موضوعا عن بارك العييري الله لايبارك براعيه وذكرت كل مايحدث به من اختلاط وسفور ومعاكسات واشياء يندى لها الجبين وذكرت لكم حركة قطع الكهرب !! ويعلم الله انني ذهبت مرة وانتهت ولن تتكرر ومن المؤسف ان الحال بقي كما هو ؟ قولو للعييري مبروك فقد افسدت بنات وشباب المسلمين !! حسبي الله عليك 0 ب

[align=center]اخي الحبيب اتق الله وبدلا من ان تدعي على الرجال وتتهجم عليه
اشكره انه وضع مكان متنفس لنا ولزوار المنطقه والله يكثر امثاله
اخوي إذا فيه حاجه غلط فهي من ناس قله وليسو قدوه
وما عليك إلا ان تهتم بمن تأتي معك والحافظ هو الله
اخي من طلعت الدنيا ونحن نعرف انه لايفسد ليس عنده رغبه
بل كل فاسد هو من لديه رغبه واستجابه للفساد واما من حفظ ربي
لو اجتمع كل البشر لمضرته لما استطاعو اخي نحن عندنا قناعات
متى ما تغيرت تغيرنا
اخي وهل العييري بمباركك له بفساد بنا وشباب المسلمين فاتح بار ولا مرقص
اخي لنتقي الله بما نقول ولا نحمل الغير اغلاطنا [/align]

[توتي]

وش سالفتكم متقآطين بالموضوع

وانا اقول وش سالفة العيال يشتغلون بالعييري بآركـ

اثرهم طايحين بالدبس

ســــلآم

[طـمـوح]

لا يكثر بس وش أنت شايف ؟

أنا رايح له اكثر من مره ماشفت شي من اللي تقول

[بنت الديرة]

أهل بريده والمبالغات

اجل شفت شي ماشفته لا بالرياض ولا بجده!!!!


ياكااافي وش انت شايف


الله لايعاقبنا


حشى ماصارت بريده صارت بانكوك على غفله

[عااااشق]

" لا تكتب بيمينك إلا مايسرك أن تراه يوم القيامة لأنك ستسأل عنه "


أتمنى منك يا ابن الاجواد

أن تعلم ان دعاؤك على أخيك

سيكون له عاقبته

فأعلم انك محاسب

ولا يغرنك انك تكتب باسم مستاعر تحسبة

عذرا لك بأن تقدح بأخوتك المسلمين

فاسمك لسانك فهو خلاصك