برامج iPhone-Galaxy الخاصة بالسفر والسياحة

[ابو نزيه]

بسم الله الرحمن الرحيم



جت على بالي فكرة تخصيص موضوع لتطبيقات الايفون المتعلقة بالسفر و السياحة، طبعا لوحدي ما راح أسوي شي وما نستغني عن تجاربكم ، واللي عنده برنامج وما يبي يجربه على جهازه لأي سبب يعطينا اسمه و نجربه



TripAdvisor










الموقع رقم "1" حول العالم اللي يقدم لك اراء "فعلية" لزوار الاماكن السياحية/الفنادق و غيرها ، بغض النظر كونه يقدم لك خدمات المقارنة بالحجز و هذي مواقع كثيرة تقدمها ، المميز فيه انه يعطيك اراء النزلاء اللي سكنوا بالفندق و صور من تصويرهم الشخصي و مقاطع فيديو احيانا ، لذلك هو يعطيك الوجه الحقيقي للفندق الي انت ناوي تحجز فيه ، و يعطيك ايضا اراء السياح حول الاماكن السياحية و المدن و القرى اللي زارها و هل تستحق الزيارة ام لا.

___________________________


Booking.com











أشهر موقع و الاكثر ثقة حول العالم ، يعطيك مجموعة خيارات للفنادق تصل الى 86 الف فندق ، 6 ملايين تقييم ممن سكنوا هالفنادق ، واكثر من مليون صورة (انصح بالرجوع للصور على موقع تريب ادفايزور لأنها هي الصورة الحقيقية للفندق) ، طبها تقدر تسوي فلتر/Sort لنتائج البحث حسب السعر او التقييم او القرب من مكان معين ، و تقدر تشوف صور الفندق و بالنهاية تقدر تحجز من الايفون بكل سهولة !

_________________________________


Urbanspoon









برنامج رايق و وسيع صدر، انت مسافر الى لندن على سبيل المثال، ما تدري وين تتعشى هذاك اليوم ، تحمل هالبرنامج و اول ما يشتغل راح يقولك وينك بأي مدينة؟ تعطيه اسم المدينة (احد عيوبه ان مو كل المدن فيه، لذلك يبغى لك تشيك على لستة المدن و تشوف ديرتك فيه والا لا) بعدين تعطيه الخيارات ، عندك 3 خانات تخليها كلها بقفل مفتوح و تختار Shake يقترح عليك شي من راسه ، او تحدد الخيارات بأنك تختار الحي او الضاحية من اول خانة يسار و تقفل القفل ، تختار نوع الاكل و تقفل القفل ، تختار النطاق السعري و تقفل القفل وهو راح يقترح عليك مطعم حولك ، راح تلاقي عنوان المطعم و راح يعطيك خريطته ايضا و اراء اللي زاروه من قبل ، تقدر تعطي رايك لمن يعجبك المطعم بالضغط على الزر الاصفر I like it واذا ما عجبك تختار I dont !

_______________________________


Wi-Fi Finder











احيانا تكون مسافر و تبغى تدخل الانترنت بس ما حولك شبكة، هالبرنامج مخصص (للايفون وما ينفع للايبود) لانه لازم يستخدم الـ GPS لتحديد مكانك و اماكن الواي فاي القريبة منك ، راح يقولك هل الشبكة مفتوحة او مقفلة ، مجانية او مدفوعه ، بهالبرنامج اكثر من 280 الف موقع لشبكة واي فاي في اكثر من 140 دولة !

_______________________


OpenTable










متوفر مجاني في applestore
برنامج مخصص لحجز طاوله في اي مطعم حول العالم
فيه 11000 مطعم حول العالم
تدور المطعم اللي تبي , تختار طاوله , وتحجزها بالوقت اللي يعجبك
يحدد لك المطعم بالخريطه وايضا المطاعم المتوفره في هالمدينه

_________________________



Google Earth











مين ما يحب قووقل و منتجاتها؟ قووقل ايرث على الايفون ، احسن موقع عندي لمسارات الطرق و حساب المسافات بين المدن. يتضمن خرائط ثلاثية الابعاد (حسب توفرها لبعض الدول) ، و يدعم الايباد.

______________________________



Packing











برنامج لقيته بالصدفة، جدا مفيد و اغلب اراء اللي استخدموه يقولون هالشي، كم مره سافرت و نسيت شي من اغراضك؟ هالبرنامج تسوي لك لستة بالاغراض اللي بتاخذها مرتبة حسب تصنيفها ، ممكن تحفظ لستة من سفراتك القديمة و تعدل عليها ، ممكن تضيف تصنيفات جديدة، احسه منظم جدا و يختصر عليك حكاية ورقة و سجل وش بتاخذ معك، البرنامج مو مجاني بس عليه عرض حاليا بـ 99 سنت بس !

________________________



igo






برنامج الملاحه الشهير آيقو

يحل محل الجي بي اس
مقسم الى اقسام : نسخه لخريطة الشرق الاوسط ، امريكا ، أوربا الخ
طبعا زيه زي الجي بي اس يعرض الشوارع بالتفصيل ويوصلك لاي مكان او مدينه
ويتصل بالقمر الصناعي مدري الستايلايت يعني مو لازم نت وقلق

مهم جدا جدا للي ناوين يمسكون خطوط في اوربا مثلا
بلا تكاسي بلا هم
عندك ايقو + سياره مستأجر .. وانطلق ولا يردك الا البحور


____________________________



kayak



موجود نسخه منه مجانيه بالاب ستور
النسخه الغير مجانيه فيها مميزات اكثر

البرنامج مفيد جدا
تقدر تبحث فيه عن الرحلات والاوتيلات وكمان استئجار السيارات
يعطيكم خبر لو نزلت الاسعار لرحله معينه
كمان تتبع رحله معينه

الصوره توضح المقصود



انصحكم فيه ..


____________________________________




Koredoko




برنامج يقوم بإعطائك إحداثيات الصور الملتقطة , وموقعها على الخريطة.صورت صوره لاوتيل او مكان وحبيت ترجع له مره ثانيه او تعطي احداثيته لاحد بس تدخل البرنامج وتشوف الصوره تحتها الاحداثيه تاخذها وفي القارمن ويوديك لها

جربته شخصيا حلو مره

مجاني في الاب ستور ..

__________________

zabihah

يعلمك اماكن المطاعم الحلال باي بلد انت فيها
والبقالات اللي تبيع اشياء حلال والمساجد كمان!





التطبيق للايفون، الجالكسي والبلاك بيري بعد

ان شاء الله تستفيدون منه

______________________




City Sightseeing

مين اللي مايعرف الباص ابو دورين





موجود مجانا في الأبل ستور

______________________________





NAVIGON

واللي يكون مخصص للدول الاوروبيه























نختار الدولة الاوروبية من خلال الضغط على شعار علم الدولة

وبعدها ندخل المدينة بكتابة اول حرف من اسم المدينة












نختار من القائمة مانريد البحث عنه مثلا :

نختار فئة السكن ونكتب اول حرف من اسم الفندق












وأخيرا نضغط على ايقونة بدء الملاحة

[المنغره]

الله يعطيك العافيه ع الإفآآده

~

[ابو نزيه]

اقتباس:  المشاركة الأصلية كتبت بواسطة المنغره     الله يعطيك العافيه ع الإفآآده ~

الله يعافيك ويسلمك

شرفتي الموضوع اختي المنغره

[محمد الدحيم]

الله يعطيك العافيه برنامج مفيد جدا

تقبل تحيتي