بعد أن انتهى مهرجان التمور في بريدة ما هي النتائج ؟؟

[الحقيقة والواقع]

أريد أن أستفسر عن دور اللجنة المنظمة لسوق التمور في بريدة

فإذا علمنا أن الاحصاء هو الركيزة الاساسية لدراسة وضع السوق وتطويره

فهل قامت هذه اللجنة بعمل إحصاء لما يدخل السوق من تمور من بداية الموسم إلى اليوم ؟؟
وما أعلى رقم وصل إليه عدد العبوات في يوم واحد ؟؟
وما نسبة الزيادة عن العام الماضي ؟؟
لا نريد تخمينات وتخرصات كما فعل بعض المنظمين حينما حددوا عدد الزوار بالمليون خلال عشرة أيام !!!

والمبالغ المالية بالمليارين ونصف !!!
فإنه على ضوء النتائج الصحيحة نستطيع تقييم السوق هل هو يتطور أم إنه يتراجع للوراء ؟؟

فإن كانت اللجنة المنظمة لم تستطع الاحصاء فأنا أعتبر المهرجان لم ينجح لأنه لم يكن هناك دراسة فعلية ولم يكن هناك حماس لتطوير السوق

وأتمنى الا يكون دورهم فقط الترزز أمام القنوات الفضائية والصحف ؟

[*صلاصل*]

العهدة على الراوي

والراوي يقول لا احصاء ولا هم يحزنون كل شي بالبركه

والتقارير تصدر من الخيمة بعيد عن الشمس

واللجنة مع بعض ربعهم تبطح بخيمة المهرجان وعشاء ودق حنك

[الحقيقة والواقع]

اقتباس:  المشاركة الأصلية كتبت بواسطة *صلاصل*     العهدة على الراوي والراوي يقول لا احصاء ولا هم يحزنون كل شي بالبركه والتقارير تصدر من الخيمة بعيد عن الشمس واللجنة مع بعض ربعهم تبطح بخيمة المهرجان وعشاء ودق حنك

هذا هو اللي يظهر

الربع أخذينه فسحه مع الشلة

[قتيلها]

للاسف ان مهرجان بريدة اصبح مرتع للمبالغات

عوائد بالمليارات هذا شي مضحك ولا يدخل العقل

وخمسة الاف وظيفه

وسطل ب850 ريال

وسيارات 3000


على من يضحكووووون ؟؟؟؟؟؟؟؟؟؟؟؟؟؟؟؟؟

لاجهاز احصاء ولا يحزنون

ومثل ماقال اخوي اللي فوق عشا ودق حنك

[احمد المحسن]

لا شيء ياغالي مادام أن المدير التنفيذي مايختب الا عند وصول الضيوف ويركض قدامهم هذي شغلته بس واللي بالمركزالاعلامي نيمين ولا بفندق موفنبيك على حساب قيمة المهرجان ولاهوب داري عن شيءوشلون تبون احصائيات دقيقه وفي الاخير يتخرصون السيارات والحضور فوق الخيال ايه لانهم مايدرون
وتكفي الصوره اللي تحمل معاني اللامبالاة

[الحقيقة والواقع]

اقتباس:  المشاركة الأصلية كتبت بواسطة احمد المحسن     لا شيء ياغالي مادام أن المدير التنفيذي مايختب الا عند وصول الضيوف ويركض قدامهم هذي شغلته بس واللي بالمركزالاعلامي نيمين ولا بفندق موفنبيك على حساب قيمة المهرجان ولاهوب داري عن شيءوشلون تبون احصائيات دقيقه وفي الاخير يتخرصون السيارات والحضور فوق الخيال ايه لانهم مايدرون وتكفي الصوره اللي تحمل معاني اللامبالاة

المشكلة والله إن كان يصرف لهم من ميزانية الامانة حسب جهودهم بالترزز

[*صلاصل*]

الحقيقة والوقع

اخر اخبار الراوي

الراوي يقول المصاريف على ظهر المهرجان والمدير التنفيذي لايهش ولا ينش
لا وازيدك من الشعر بيت يقولون المدير بعد يهاش ويرفع الصوت عليه

الراوي يقول تدري ان كل من دخل خيمة المهرجان معه كميرة بدت النظرات الشينه عليه ويحسسونه انه غير مرغوب فيه

والراوي يقول لو تشوف المناقز لاجت وحده من القنوات الفضائية تبدا المرازيم


ربع ومجتمعين وش تبيهم يسوون

[الحقيقة والواقع]

وش هم قاعدين له ؟

[مشاهدة فقط]

[align=center]ياراعي الموضوع اشهد انك طحت على الجرح اللي قلته انا قبل شهرين تقريبا وبالظبط يوم شفت الشلة اياهم مع اختلاف النشاط يترززون في الصحف والمنتدى يوم حذرت وحطيت موضوع فيه تحذير ماجلس موضوعي بالمنتدى الا ساعات فقط لانه يمس الهدف النبيل للشلة والله من وراء القصد[/align]

[الرأي الأول]

موضوع مهم

ان نعرف عيوب السوق وسلبياته ووسائل تطويره وتحسينه من جميع الجهات

الاحصاء اهم ركيزه يعتمد عليها التخطيط والتطوير

[جسم بلا روح]

والله بالحقيقة والواقع إِنكم ماعندكم شي فآضين من جد فاضين

شكلك ماعشت على أرض الواقع

[حبي بريده]

اقتباس:  المشاركة الأصلية كتبت بواسطة الرأي الأول     موضوع مهم ان نعرف عيوب السوق وسلبياته ووسائل تطويره وتحسينه من جميع الجهات الاحصاء اهم ركيزه يعتمد عليها التخطيط والتطوير

هذا الكلام اللي يجمد على الشارب

[HENNO]

اقتباس:  المشاركة الأصلية كتبت بواسطة حبي بريده     هذا الكلام اللي يجمد على الشارب

[align=right]يسلموا الشوارب !![/align]

[الحقيقة والواقع]

اقتباس:  المشاركة الأصلية كتبت بواسطة جسم بلا روح     والله بالحقيقة والواقع إِنكم ماعندكم شي فآضين من جد فاضين شكلك ماعشت على أرض الواقع

الواقع هو ما رأيته بالصورة التي حذفها المشرف لوجود ما يزعل الشلة

[رأس غليص]

السلام عليكم ورحمة الله وبركاته ....
صبااااااااح الخير ..... مساء الخير .....
أعجبني هذا المنتدى وشجعني على الاشتراك فيه كثرة المواضيع صحيح فيه منها التافه ومنها المواضيع الجاده اللي تجبر الشخص على الاشتراك والتعبير عن رأيه ....

..... أنتظروا قريباً ردودي الجارحه الصادقه لبعض المواضيع وردودي المداوية الشافية لبعض المواضيع الأخرى .....

ولكم مني جزيل الشكر والاحترام ....