[align=center] بسم الله الرحمن الرحيم
السلام عليكم ورحمة الله وبركاته
تحية طيبه....وبعد
هذي قصيده مرثية اعجبتني وابكتني للشاعر>(إبن جلق)
والشاعر ابن جلق كان صديق للشاعر المعروف إبن لعبون
وماله من القصيد إلا القليل.
والقصيده نقلتها لكم من شريط صوتي
وأطلب من المشرفين.
عوض البشري
وعبد العزيزالعنزي
ان يصححو إذا كان في خطأ في كتابت بعض المفردات.
ارجو ان تنال اعجابكم
يقول الشاعر إبن جلق يوم جاه خبر وفاة زوجته
زارني عقب العشاء ضيف يقول ....إنتبه ياشـــــــــــوق مثل ماينام
لودريت إبماجــــرى شيء يهول ....كان حاربت الكـرى عشرين عام
قلت انا ابسألك في رب الرسـول ....وش جرى ياشين من خبث العلام
قال يفـــداك الغضي زين الدلول ....شرب كــــاس فيه مزيوج الحمام
قلت راعتك الدواهـــي من يقول ....من تسند عنه منضــــــوح الكلام
قال انا مريت يـوم السبت ضول ....عند بابــــــــه للرعابيب إزدحام
اسمع امه عنـــد تفسيخ الحجول ....والخزاري والهلــــــــه والزمام
تندبه بالصـــــوت وسمعه تقول ....ليت اخو وضحا كشف عنها اللثام
شوف عيني يوم قـــرب للغسول ....والطوايق فصلـــــــوه إله حرام
فرن الخفـــــرات مامعهن عقول ....لاجات بالمـــــــــوادع والسلام
ثم شالوه اربـــــــعه منهم فحول ....عزوة مابيـــــــــن خالن والعمام
وعبروبـــــــــه للمصلى للقبول ....كاتفين كلهم خلـــــــــــف الامام
يطلبون اللي بعرشـــــه مايزول ....روضة قبــــــره وطيبه له مقام
وحفروله حفرة بالقـــــاع طول ....قامته والعـــــــرض شبرين تمام
وسدوها عقب ديبــــــاج الزلول ....لبنة في وســـــــــط مطوين هدام
هلهلو فــــــــوقه حفيره والتلول ....والنصايب ركــــــزوه إله علام
شوف عيني والظبى حوله تجول ....باشرآ قبــــــــــــره بحبن ولتمام
والطيور الطايره فــــوقه تجول ....ظللن قبر الغضي مثـــــــل الغمام
والفواخت عقب هذيـــك العقول ....يرفعن الصـــــــوت هن ويالحمام
قمت انا رعبن وبــــادرته بقول ....كف يامقلـــــــوع عن باقي الكلام
مادريت ان القمر نــــوره يزول ....كيف يدفن بالــــــــوطا بدر التمام
لو رسول المـــوت تكفيه البدول ....كان اسوق البيـــض ودرك للمرام
كان نرخــــصله عطياتن جزول ....من عزيز المــــــال لو يغلى مسام
لو لكم ياللي تلومـــــــوني عقول ....كان شفتو حال مثلــــــــي مايلام
كالجرايد ماقــــــــوم من النحول ....مابقابي غيــــــر روحي والعظام
يعتني بالحــــــــال ربن مايزول ....من ثنى ربن عظيـــــــــم مايرام
والصلاه إل سيدي طاه الرسول ....مادع الله محرمن عنـــــــد المقام[/align]
العرض العادي
