 |
اقتباس: |
 |
|
|
 |
 المشاركة الأصلية كتبت بواسطة عيون الصقر
|
 |
|
|
|
|
|
|
|
|
ياويلك من الله يالمبة شارع على هالقسمة طيب واللي نشوف لما يتزوج عليها بالشرع تشتمه وتسبه وماتعبره وبعد اللي يقصر بواجباته الزوجيه يصير مثله مثل اي قطعة اثاث بالبيت ولاتهتم فيه هذي صور وفاء ومادامكم تقولوا سوالف من سوالف زمان بقولك سالفه قالها حبيبي ابومحمد فيها قلة الوفاء من جانب المرأة يقولك زمان كان فيه زوجين سعيدين في حياتهم وامورهم ماشيه تمام كان الزوج يطلع من بيته الفجر يترزق الله ولما يرجع الظهر يجيب علف للبقرة ولما يطق الباب تفزع الام وتخانق عيالها قوموا افتحوا لابوكم ولما كبر الابو وقصر في واجباته الزوجيه صار لما يطق الباب تقول لعيالها بتثاقل قوموا افتحوا للعلف .. الله واكبر اول تقول افتحوا لابوكم والحين صار العلف اهم من الابو وتقول يالمبه 99 للمرأة وواحد لراع العلف المسكين ياخي خاف ربك بحاملي الاعلاف طارقي الابواب.
|
|
 |
|
 |
|
تحايا صباحية ويوم مفعم بالصحة والعافية والستر من رب العالمين والسلام عليكم ورحمة الله ....
شوف عيون....
الواحد بالمية هذا..اصلا جاي من الخصائص التعليفية عند الرجال بجميع اشكالها فالرجل كائن تعليفي بطبعه..تعود جذوره الى طبيعة المدودة البقرية وتأثيرها في الكيان الشمبانزي الذي يظهر على شكل مهارات عصعصية متشبعة بهرمون الذكورة.....<<<<(من غنائمي في تلك الغارة الخاطفة)!!!
اما من حيث الوفاء الشاعري السامي فعلى قولة المصريات (يا مأمنة للرجال يا مأمنة للمية في الغربال)
انت شوف الرجل خلقة..وتمعن فيه وفي احواله
ثم شف الميزات النوعية التي وهبه الله تعالى ومن بينها القدرة على التعدد
والتعدد احد اهم اسباب قلة الوفاء عند الرجال...
آخذاً في عين الاعتبار ان النساء بطبيعتهن يصنفن الرجل المتعدد بأنه غير وفي!! حتى لو كان يقدم الكثير من مظاهر الوفاء الاخرى
مرة دار بيني وبين بعض ناس الحوار التالي ....
بعض ناس_شفت عمي اعرس!!!
لمبة _ ماشا الله ماشالله !!! هاه ؟؟وعساه مستانس !!
بعض ناس وقد اقطبت الجبين
_ ياجعله مايستانس ولا يتهنا !!
_ أفااااا ..!! ليش؟؟؟
_هالحين ام عياله كل عمرها تخدمه وتدلع هو وعياله ومتحملة الصبر والضيم منه وآخرتها يعرس !!! جعله مايتوفق !!
_مش انتي قلتي لي قبل مدة :ياحلالي ياعميمي يدخل ويطلع في هالبيت مادرى عنه احد وزوجته الله يطلق عوقها كل شي تسويه تبي العافية ولا فيه فايدة...قرت وكوت وراحت للرياض وعلاج وجلسات وخساير ومافيه فايدة ...أتصدق انها ماتقدر توقف على رجليها !! تصدق انها تطلع تتشمس في الحوش على كرسي معاقين!!!
مش انتي قلتي كذا ؟؟؟
مش زوجته لها 5 سنين على هالحال وهو صابر !!!كثر خيره اللي توه يعرس .....
_الله لايكثر خيره ولاخيرك يا النذل !!! هالحين بس عشانه رجل تدافع عنه !!!
_ وانتي بس عشانها حرمة تدافعين عنها ..!!
يا ناس خافو الله !!! الرجال راح عمره مثل العزوبي !! طق الخمسين وهو على هالحال!! ليش تصادرون حقه الطبيعي في الحياة ؟؟؟
_ وهو بعد ليش يضيق صدرها وهي مريضة وياخذ عليها عقب هالسنين؟؟؟
_ يعني وشلون ؟؟خلاص يعتزل !!! يستقيل !!!يترهب !!! عشان مايكسر خاطرها ؟؟؟وهي اصلا ليش تزعل ويضيق خلقها !!المفروض تستوعب الواقع وتعايش معه !!! وتؤمن بظرفها وانه ماهو من حقها تحرم زوجها من حقوقه الشرعية بالتعدد بس عشان مايقال يحول ام فلان جت عليها ضرة...!!
إلا ضرة وضرة وضرة والي مش عاجبه يطق في راسه الحيط وينقطنا بسكاته ويفك بيتنا من أذاه.!!
هذولي انتن يالحريم ...تبغن الرجل ملكية خاصة !!! عاد منزين كشرته عمك هو وذاك السِن اللي كنه عرجون يويق من فمه!!
_ طيب لاتغلط
_ خلاص يابنت اخو توم كروز ماقلنا شي...
لكن ياعيون خارج مفهوم التعدد تبقى النساء وفيات حتى النخاع
يا اخي بلاوي نسمع.. وانتهاك حقوق.. وصبر نسوي غريب !!!
احيانا تشوف الزوج ودك تقطعه قطع وترميه للكلاب اذا شفت النذالة ...
واذا سألت عن الزوجة وقلت ليش ماتاخذ عيالها وتروح لاهلها ؟؟ قالوا لك ياويلي تحبه وتقول اغديه ينصلح ..!! مومشكلة فلوسها وتعبها اللي ياخذه بدم بارد ..المشكلة بس لايحمق عليها ويقعد يهاوش ..!!!
بالله عليكم ياجماعة الحريم اللي كذا وش تقدر تسوي معاهم ؟؟؟
مصممات على نوع من الوفاء الخرافي الاستسلامي والمتجذر في ثنايا اللاشعور ..المنبثق من عقلية الحريم اللي ماتشوف على ظهر الكوكب غير زوجها الطخمة سيد الرجال ...حتى لو كان يشبه غانم الصالح ابو خشم جنان او قحطة بصوته الفيروزي العجيب...
هذي القصة سمعتها من جدتي وهي اكيد سامعهتا من جدتها 
العرض العادي
