| التقية ونظام التسليك |

[دِيم]

حلم ..

اقتباس: ضد التسليك ..

اقتباس: اساسا بيني وبينك يبآن بملامح وجهي إني مليت الوضع < هذي مشكلتي .. يعني آعرف وحده بثره بشكل .. سوالفها غبيّة .. والصدف ترمي هالأدميه علي < تقل مكتوب ع جبهتي ولكم .. لكن آعجز ابلع سالفتهآ ..ماش اغص فيها احس كآأني اتقمص شخصية سآذجة ومآاحب اسوي درامآ اون لآين .. مشكلتي حآره وماأصبر .. فآحاول انقض عليهآ آنا ولا اخلي لها مجال .. واحوس مسآر السالفه شوي بس صدقيني تحوم كبدي .. خصوصا لما تطري علي بعدين آتخير قعدتي مع نآس خابرتهم وخابره منطوقهم .. من حيني اتصدد عن هذولآك بس يييي من الي مايحسون انهم بثرين وسوالفهم شينه < يآرب مانصير منهم مع انو احس انت تتكلمين عن فئة تكسر الخاطر .. بعضهم ترى مايحتاج للتسليك.. / بنفس الوقت لو اعرف احد يسلك لي < اساسا اشذب السالفه واسوي لهآ كت مآني ملزومه اجبر آحد ع شي آنا متكلفة ومتحمسه عشانوه ..

جد جد يقطع حريشك يابنت .. ههه ..
ياخي خربتيني بعيني وبندر يقول إن اللي يسون كذا .. مصطنعين مادري منافقين .. من جد أنتِ حفلة براءة ..

،
ي ختي ياحظتس بسس .. يمديتس تخيّرين اللي تبينهم ..
لو على هيك يمدي رحت أنا واللي أحبهم بكوكب لوحدنآ ..
لكن كذا إرادة ربنآ ..
،
تدرين .. *_*
لمّا قرأت إنك تلوع كبدك من هذول اللي ماينبلعون ..
تذكرت وحدة أو ثنتين بمعنى أصح ..
وحدة من الأقارب ووحدة بالشلة ..
تخيلي بسس .. تسولف .. وتسولف وتسولف بلا انقطاع ..
أفتح جوالي وأكلم ولما أسكر ترد تتكلم ..
أطلع من شنطتي كتاب وأقرا وعين لها وعين على الكتاب وهي برضو تسولف ..
تجي جنبي وحدة وتقوم وهي لسه لق لق لق ..
،
مشكلتك يبيّن عليك ..
ومشكلتي عيوني ماتساعد على الإنزعاج أبد ..
دايماً مسوين لي فيها مستمتعين بالحوار وحالمات ..
ياليل ما أطولك بسس ..

،
قولي اللي بالدوام يمدي أتخلّص منها ..
لكن لاصار لك أحد قريب برابطة دم ..
مالك إلا تغنين .. :
شآب الشعر ياعبيد قولوا لي ويش أسوي
قولوا لي ويش أسوي .. *_*

اقتباس: ديم / ودي اقول شي < تقصر حسّه اشوف تسليك كثير هوون بالمنتدى لجل يوزرات مُعينه.. < يمكن عشان لساتني بقراطيسي هههههه يعني التسليك احيانا يكون لجني منفعه و كسب ود صح ...اممم او من باب مايخسر احد ! < يعني لأنفسهم مو للي يسلكون لهم .. بس ع حساب توجههم بالفكره والرد ... مع ان صاحب هاليوزر يمكن مآدرا عنه هه ! < اكرههم هذولآ ....

هههه ..
يالـدبة ..
صدق لساتك بقراطيسك المقرطسة ..
وإلا يمديك تسبين الواحد وتشتمينه وهو يضحك ويلعب ..
بس أصبري شوين لمين .. تتودكي بهالمنتدى .. وتصيرين خشنة شوين .. زيي ..

بعد سنة بسألك هآ .. شخبارك .. ؟ هه
،
بالنسبة للتسليك هنا .. أبد أبد ما أتحمله .. لسبب
إننا مش مجبورين ..




حُلم يوه يازينتس هههه

[دِيم]

اقتباس:  المشاركة الأصلية كتبت بواسطة كاردكس     لاتسليك ولاتصريف هذى من وجه نظري ضعف ومجامله قبيحه اعرف عائله كبيره كامله هذا اسلوبهم والله لمنه حدت الظروف واجتمعت معهم انه يجين غثيان وماصدق ان ينتهى الاجتماع مجاملات سخيفه ومغير يأمن ( امييين ) ورا من يتكلم والمشكله مكشوف راعي المجامله الزائفه واشوفه ماهو مكروه لاكن ماهو محبوب وتنمل جلسته

يؤ .. يعني مايمدي الواحد يقول تجاربه عندكم ..؟
لوتجربة وحدة على الأقل .. ؟
نص تجربه طيب . ؟

،

يمكن هذا اللي تحكي عنّه ماطبّق نظام التسليك تمام ..
يعني هو تواضع من غير ضعف ..
ومجاملة دون نفاق ..

بين بين .. تضمن لك عدم التصادم ممن يربطك معهم صلة .. :
دم _ مكان _ أي شي هه ..

حياك

[دِيم]

اقتباس:  المشاركة الأصلية كتبت بواسطة طقاقة بدون مايك     ودي أقول شئ و أشيآء وتسذآ بس رآسي مصدع :'$ سي يآ فور تايم :'$

هه أكيد ننتظرك ياحفلة الكوكتيل أنتآ ..
يآقميل إنتآ .. *_*

اقتباس:  المشاركة الأصلية كتبت بواسطة بـنـدر     يستطيع الشيطان أن يكون ملاكاً والقزم عملاقاً .والخفاش صقرا لكن أمام الحمقى والسذج فقط. يجب ألا نخلط بين التواضع الصادق والكبرياء بوضاعة ! يجب ألا نخلط بين البراءة والنفاق ! أتفهم تقيتك هذه وأحسن الظن بك وأعتبره خطأ غير مقصود ، وعليه لا أتفق معك فهلَّ (سلّكتي لي ) وقبلتي اختلافي معك من غير أُنفه ومن دون ابتسامة باهته بلا طعم ولا ريق ؟!

واللهي ما أظّن اللي هون ينلعب عليهم بسهولة لكي يكونوا بعداد الحمقى والسذج وإلى آخر أوصافك يافتى ..
هذه نقطة ..
الأخرى .. :
صحيح معك حق في عدم الخلط .. بين الوضاعة والمؤامرة والمكائد ..
وخطط دول العالم الأول .. لكي يهجموا على ثروات العالم الثالث ..
لأن موضوع التسليك يشبه التقية من وجه واحد فقط هو تمرير ماتريده من تجرع غصص كتبت عليك تسمّى الإنصات بالقبول الحسن لهذا المتحدث أمامك ..
والنتيجة .. : رضآه التام عنك وإنك تشتري دمآغك ..
وتحافظ على الروابط الإجتماعية ..
وإن كنتَ ترآ أن هذا كبرياء ممجوج ونفاق بيّن يختلط بتواضع مقيت ..
فـ أنا أراه مدرسة أتعلم منها اكتشاف معادن الخلق ..
أيها البشري ..

،

وبغضّ النظر عن إختلافنآ وسلسلة القادمون التي أشمّها من سطورك هه ..
إلا أنّني أشرف بك أخاً تختلف معي بوجهة النظر هذه ..


بندر حيآك ..

[ملح وقبلة]

انا اكثر وحده اسلك لها الشغاله
لابدت تذكر عيالها وتقص علي وش يحبون ومتى ينامون ابدا اصيح معها
اخاف مااسلك ولا اتفاعل معها تقولي برووح همن ابلش بروحي
بس اناظر وجهه خاصه برمضان

[بـنـدر]

اقتباس:  المشاركة الأصلية كتبت بواسطة دِيم     واللهي ما أظّن اللي هون ينلعب عليهم بسهولة لكي يكونوا بعداد الحمقى والسذج وإلى آخر أوصافك يافتى .. هذه نقطة .. الأخرى .. : صحيح معك حق في عدم الخلط .. بين الوضاعة والمؤامرة والمكائد .. وخطط دول العالم الأول .. لكي يهجموا على ثروات العالم الثالث .. لأن موضوع التسليك يشبه التقية من وجه واحد فقط هو تمرير ماتريده من تجرع غصص كتبت عليك تسمّى الإنصات بالقبول الحسن لهذا المتحدث أمامك .. والنتيجة .. : رضآه التام عنك وإنك تشتري دمآغك .. وتحافظ على الروابط الإجتماعية .. وإن كنتَ ترآ أن هذا كبرياء ممجوج ونفاق بيّن يختلط بتواضع مقيت .. فـ أنا أراه مدرسة أتعلم منها اكتشاف معادن الخلق .. أيها البشري .. ، وبغضّ النظر عن إختلافنآ وسلسلة القادمون التي أشمّها من سطورك هه .. إلا أنّني أشرف بك أخاً تختلف معي بوجهة النظر هذه .. بندر حيآك ..

عجبي من نفسي التي كلما أردت عزلها جلبتموها لتعرضوها أمامي! زعمتم أنكم مجردوها وقاتلوها وسالخوها ، هلَّ أكلتموها ؟! مالك ومال بشريَّتي وفتوَّتي وشبابي ،وقدرتي وقوة صلبي وما اكتنزت الترائب ؟! أيها المفكرة الحاذقة ألم يعلمك أحدهم كيف تنادين الناس بأسمائهم وتناقشين أفكارهم من غير صفاتهم ؟! ثم ما هذا الاكتشاف العظيم الذي كشفتي عنه أنتي وتقياك ؟!( يجب أن أتصل بولي أمرك )

[دِيم]

اقتباس:  المشاركة الأصلية كتبت بواسطة ملح وقبلة     انا اكثر وحده اسلك لها الشغاله لابدت تذكر عيالها وتقص علي وش يحبون ومتى ينامون ابدا اصيح معها اخاف مااسلك ولا اتفاعل معها تقولي برووح همن ابلش بروحي بس اناظر وجهه خاصه برمضان

أكثر عالم أرحمهم همّ الشغالات ..
مادري ليه أحس بفقدهم لأهلهم ..
خصوصاً لاصاروا لهم أولاد صغار ..
حرآم لا تسلكين لها ..
هذي تبي لها مواساه .. ورعاية .. ومعاملتها كـ إنسانة ..

[دِيم]

اقتباس:  المشاركة الأصلية كتبت بواسطة بـنـدر     عجبي من نفسي التي كلما أردت عزلها جلبتموها لتعرضوها أمامي! زعمتم أنكم مجردوها وقاتلوها وسالخوها ، هلَّ أكلتموها ؟! مالك ومال بشريَّتي وفتوَّتي وشبابي ،وقدرتي وقوة صلبي وما اكتنزت الترائب ؟! أيها المفكرة الحاذقة ألم يعلمك أحدهم كيف تنادين الناس بأسمائهم وتناقشين أفكارهم من غير صفاتهم ؟! ثم ما هذا الاكتشاف العظيم الذي كشفتي عنه أنتي وتقياك ؟!( يجب أن أتصل بولي أمرك )

أها ..
باعتبار إنك مو بشري مو فتى مثلاً ..؟ *_*
فـ مش عارفة ليش تركتب درري اللي فوق وشبطت بهالكلمتين ..
+ إنّي أبشرّك بأنني بشرية وفتاة .. من الزمن الغابر ..
فـ من جد مش عارفة ليه حانق هكزا .. هه ..

،
ولو ركّزت بغير هاتين الكلمتين لرأيت أنني ناقشت فكرتك تماماً ..


+
مافيه إكتشاف ولا شي .. هو موضوع خفيف ظريف أعلّم فيه (البشر ) هنا كيف يتمكنون من الإستماع إلى الآخرين ..
وكما أن الغربة مدرسة ..
والألم مدرسة ..
وفراق من لا أطيق فراقهم مدرسة ..
مررت بهنّ في حياتي ..
إلا أن هذه الخاصيّة كانت ترافقني في تلك المدارس الثلاث ...
استفدت منها كثيراً ..
ازددت بها صبراً .. وحكمة .. وكل حاقة كويّسة ..




(بنـــــدر .. حياك ) > هآ كذا حلو ..؟

[التنين الصيني]

هي على حسب مزاجي انا ....

اذا رايق .... والله انشب له نشب ....

اما اذا مصدع والنفسية لك عليها .... بالحالة هذي راح اسلك له

ويا كثر قولت ايه ايه ....

[نبض قلب]

هه ضحكت على بعض الردود اللي تسلك للشغاله واللي يسلك للناس الساذجه
ديم لازم نسلّك على الاقل عشان البريستيج مايخرب قدام الناس
بعدين يقولون هذي ماعندها ذوق ولا
تحسن فن الانصات والاستماع

[ملح وقبلة]

اقتباس:  المشاركة الأصلية كتبت بواسطة دِيم     أكثر عالم أرحمهم همّ الشغالات .. مادري ليه أحس بفقدهم لأهلهم .. خصوصاً لاصاروا لهم أولاد صغار .. حرآم لا تسلكين لها .. هذي تبي لها مواساه .. ورعاية .. ومعاملتها كـ إنسانة ..

ودميعاتي اللي انثرهن كل صبح ومساء مايعتبر مواساه؟
والله ماتواسيها امها كثر مااواسيها انا
بس تخبرين لازم يدخل التسليك شوي لانتس تملين من كثر التونون والتبكبك

[دِيم]

اقتباس:  المشاركة الأصلية كتبت بواسطة التنين الصيني     هي على حسب مزاجي انا .... اذا رايق .... والله انشب له نشب .... اما اذا مصدع والنفسية لك عليها .... بالحالة هذي راح اسلك له ويا كثر قولت ايه ايه ....

هه .. ول .. *_*
هو لمن تتناقش مع هذه الفئة رآح تطول السالفة ..

سلّك ياعم سلّك ..
وأنتَ رايق وأنت مو رايق ..
وأنت في كل حالاتك ..

[دِيم]

اقتباس:  المشاركة الأصلية كتبت بواسطة نبض قلب     هه ضحكت على بعض الردود اللي تسلك للشغاله واللي يسلك للناس الساذجه ديم لازم نسلّك على الاقل عشان البريستيج مايخرب قدام الناس بعدين يقولون هذي ماعندها ذوق ولا تحسن فن الانصات والاستماع

يسلك للناس الساذجة ..؟
صح وهذا هو ..
يعني تخيلي بس أسلك .. لأحد ينتقي ألفاظه ونقآشه كما ينتقي أطايب الثمر ..


،

يعني تسليك + استماع = للناس الساذجة ..

اهتمام + إنصات = الناس الـواعية ..


ودمتِ

[دِيم]

اقتباس:  المشاركة الأصلية كتبت بواسطة ملح وقبلة     ودميعاتي اللي انثرهن كل صبح ومساء مايعتبر مواساه؟ والله ماتواسيها امها كثر مااواسيها انا بس تخبرين لازم يدخل التسليك شوي لانتس تملين من كثر التونون والتبكبك

إيه هذا هو ..

[ملح وقبلة]

اقتباس:  المشاركة الأصلية كتبت بواسطة دِيم     ، يعني تسليك + استماع = للناس الساذجة .. اهتمام + إنصات = الناس الـواعية .. ودمتِ

ترى مجرد مااسبل اذاني له يعتبر اهتمام له بغض النظر هل قصته جايزتن لي ولا ماجازت لي

[دِيم]

اقتباس:  المشاركة الأصلية كتبت بواسطة ملح وقبلة     ترى مجرد مااسبل اذاني له يعتبر اهتمام له بغض النظر هل قصته جايزتن لي ولا ماجازت لي

حلو ....