طلقت زوجتــــــــي لإنها ماتعــــــرف تطبـــخ!!!!

[SAGA]

اقتباس:  المشاركة الأصلية كتبت بواسطة جلوي الشقير     بالفعل هي إشكاليه يعني الرجل يبي يعزم ويبي يستقبل ضيوفه وهذي ماعندها استعداد حتى تتعلم !! عرفنا الإجتماعي يحتم علينا أمور كثيره ولايوجد رجل يقبل بإن يتزوج ويجلب طباخه تبيض وجهه قدام الضيوف. يعني ياسجا أكدي على زميلاتك بإن يهتمن بفنون الطبخ مثل إهتمامهن بالمكياج والموضه

ماعندهن إستعداد يطبخن
أقولكم ماخذات بأنفسهن مقلب
والغريب إن أمهاتهن مخليات لهن الحريه بهالشيء يعني إننا ديموقراطيين,,
نشوووف عاد لاتزوجن وش يسون
شكرا لمرورك موديرنا

[درع القصيم]

^^^^^^^^^^^^^^^^^
واحد تحمس مع الموضوع بقوه

[SAGA]

اقتباس:  المشاركة الأصلية كتبت بواسطة ะ ᴇяτʏα7 冫     من حقه يطلق , . يعني يجلس كذا على مطاعم طول عمره !! يجي تعبان ومداوم يجمع كم ريال عشان يصرف عليها و يعزها وهي مو قادرة تطبخ له لقمة يسد فيها جوعه !! اذا ماتعرف ياكثر كتب الطبخ ولا ارخص ولا الذ بعد , . ان معه بالطلاق ومن حقه الصراحة , . ~

صح
هي لو قايلتن ميخالف أتعلم كان تحمل مطاريسه
بس رااافضه مصدقه تحسبه بمسلسل تركي بيقوله أبد إقعدي أنا أطبخ لتس وأزينلتس العصير اللي تحبينه
الله يهدي بناتنا بس
نـــــــــــورتي مشرفتنا

[SAGA]

اقتباس:  المشاركة الأصلية كتبت بواسطة فانتازيا إعلامي     مرحبا ليس السبب الطبخ ! فالطبخ كان هو الشرارة الأولى لنهاية الارتباط ! السبب الحقيقي هو انعدام مبادئ الحوار ! بالإضافة لخلفية الزوجين عن معنى الارتباط .. فكلاهم مشحون على الفاضي ! فهو متخلف بزيادة وهي منفتحة بتخلف !

صــــــــــــحيح كلامك
هي تقرأ روايات وتشوف مسلسلات تظن إن زوجه بيكون بنفس الصورة اللي شكلتها لها هالمسلسلات وانه بيوافق على أي شي تبيه,,وهو يسمع بالرجوله ويظن إن الرجوله زيني كذا وإلا الباب يفوت جمل وماعنده تفاهم أوصبر على إنه يقنعها باللي يبيه
شكـــــــــــــــرا لك

[بحـر]

يـــمه
أجل ألحق على نفسي

[طقاقة بدون مايك]

َ يَ المهجة..مرآحب..‘‘..‘‘!!~

وش آنت يَ الطبخ ...وش آنت يَ آختر1ع الذرة بس ..‘‘..‘‘!!~


آعرف قريب لي...خطيبته مَ تعرف تطبخ ولا تصلًح حتة كآسة شويهه ..تقوله تر1 آنآ ثورة بِ الطبخ مَ آعرف آزين شئ آبد آبد ...‘‘..‘‘!!~

قآل ولآ يهمتس ...نجيب كتب طبخ وآنتعلم شوئ شوئ آنآ ويآتس..‘‘..‘‘!!~


يَ ختي عَ الكنآري بس..هذا اللي يقولتس وعين الرضى عن كل عيب كليلة >>هو تسذ1 صح ...‘‘..‘‘!!~

وَ خوينآ اللي بِ الماضوع عَ طول درعم وَ طلُق ..هذا واضح آنه يتحرى الشارة قطيعة ...مآر مهي كوبته ...خله يطلق وكلن يروح بِ حال سبيلوه آبرك..‘‘..‘‘!!~


والله يَ مهجتي الدنيآ حظوظ ...مَ صفت عَ اللي تطبخ وآاللي مَ تطبخ ..‘‘..‘‘!!~



كم من وحده وَ وحده هبة ريح وتنحط عَ الجرح يطيب نظآفة وسنع ونفس بِ الطبخ وترتيب...وَ مآِش اللي محسوب عليه زوج مَ يشوفه شئ ...يَ حوًل..‘‘..‘‘!!~

[SAGA]

اقتباس:  المشاركة الأصلية كتبت بواسطة درع القصيم     لا والله ما أيد هي بس جت على الطبخ هذا أمر بسيط جداً والصراحة أن قريبك هذا عنده نقص بالإدراك ، لا أعتبر الطبخ هو شيء أساسي للحياة الزوجيه أنما هو مكمل فقط وممكن تتعدل الأمور فيما ما يصلح الواحد يستعجل ،، هذي وجهة نظري .. الله يرحم حاله بس قضت المشاكل على الطبخ .. إلا ما تذكر لنا هالبنت الي ما تبي تطبخ ولا تعرف الطبخ وأنا بنفسي أخطبها وأتزوجها وأطبخ عنها وأصلح بوفيه بعد هههه

شكلك طباخ وتحب الطبخ
بس ياأخ درع القصيم
لوفكرت فيها
أنت جاااي من الدوام تعبان وزهقان والجو مايحتاج
بتقعد تشب على الكاتم؟؟
مستحيل
وبعدين شي حلو إذا تفننت الزوجه بالطبخ وبينت له إنه تعبت وتعلمت علشانه ومهما كان طبخ الرجال مومثل طبخ المرأه
يعني الرجال حده نثريه وإلا أي طبق شعبي
بس ماعمري شفت رجال يزين حلا وإلا يتفنن بالكوب كيك
أتوقع صعبه..
أنا ماأويد الطلاق وبنفس الوقت لاأؤيد إن الزوجه ماتتعلم الطبخ أبد
العشاء
الفطور
ينتغاضى عنه بس الغداء صعبه
شوف أغلب الطلاق في السعوديه يكون في وقت الظهيره
شــكرا لك

[درع القصيم]

اقتباس:  المشاركة الأصلية كتبت بواسطة ะ ᴇяτʏα7 冫     من حقه يطلق , . يعني يجلس كذا على مطاعم طول عمره !! يجي تعبان ومداوم يجمع كم ريال عشان يصرف عليها و يعزها وهي مو قادرة تطبخ له لقمة يسد فيها جوعه !! اذا ماتعرف ياكثر كتب الطبخ ولا ارخص ولا الذ بعد , . ان معه بالطلاق ومن حقه الصراحة , . ~

ليش نقول يجلس كذا طول عمره ، حنا نقول يصبر ويتحمل أشوي عليها مو على طول ما تعرف تطبخ يطلقها ،،
زي ما ذكر الأخ الزواج جديد ولم يمر وقتاً كافي حتى يحكم ..
نعم بالمسايسه والمدارات راح تتعلم وتحس بنفسها خصوصاً إذا صار عندها بيت خاص وأنجبت أطفال راح تضطر لتعلم الطبخ ..

[SAGA]

اقتباس:  المشاركة الأصلية كتبت بواسطة درع القصيم     وبعدين أنا أستغرب من بعض الناس يتعايب يدخل المطبخ ،، ما فيها شي لو يدخل ويطبخ بعض الأحيان الي يقدر عليه ،، يضبط الكاتم مع لحمة الحاشي ولا يصلح بيض يتعلم ويستفيد ..غريبه بعض الناس

بعض الأحيان مودايم
وبنفس الوقت صعب الإعتماد على المطاعم دايم
وفعلا فيه ناس يتعايب دخول الطبخ لإنه يشوف فيه إنقاص لرجولته
شكرا
,,,,,,,,,,,,,,

[مايا]

،

سبحان الله صار الطلاق مثل شرب الماء !!
تتعلم شوي شوي
الشي مايجي جميع

[shahd2007]

مشفوح
بحوم
حنوج

^^

امي وام ميمي يقولون لي ههههه وانا اقراء موضوعك لهم

معليش بس وش هالسبب القوي اللي يخليه يطلق
وش انت ي الطبخ موب صناعه صاروخ
اصغر خالاتي تزوجت ماتعرف تسوي لنفسه ولا الخبز والجبن من زود الدلع واللحين ماشاء الله تبارك الله اكبر ماهره بالطبخات والحلى اذا بغينا حلى او طبخه جديده نأخذ منها
يعني البنت بس تدخل المطبخ راح تعرف بس عطها فرصه وشجعها
بس قريبك مايبيها ولا يدري وش يقول

[SAGA]

اقتباس:  المشاركة الأصلية كتبت بواسطة درع القصيم     أحب أقولك سالفه بعد ،،، أنا قبل زواجي من الي معي الآن خطبت وحده قال أبوها صغيرة وهي صدق صغيره عمرها 16 سنه عاد قال أبوها ودي أعطيك أياها لكن ولله ما تعرف تزين الشاهي قلت أنا أصلح الشاهي عنها بس عطنياها ،، وهي على الرجال الي ذكرته طلق بسبب ما تعرف تطبخ ، ما تعرف تطبخ من نعومتها يا أخي ،،،

يعني أنت الحين متزوج
وتبي تتزوج آنفه الذكر
أشوى إني ما إستعجلت وإشتغلت شغل الخطابات
,,,
طيب سؤال دام إنك تقول إنك متزوج
إذا جيت من الدوام الظهر تطبخ الغداء؟؟
,,,,,,,,,,,,,,,,,,,

[درع القصيم]

اقتباس:  المشاركة الأصلية كتبت بواسطة saga     شكلك طباخ وتحب الطبخ بس ياأخ درع القصيم لوفكرت فيها أنت جاااي من الدوام تعبان وزهقان والجو مايحتاج بتقعد تشب على الكاتم؟؟ مستحيل وبعدين شي حلو إذا تفننت الزوجه بالطبخ وبينت له إنه تعبت وتعلمت علشانه ومهما كان طبخ الرجال مومثل طبخ المرأه يعني الرجال حده نثريه وإلا أي طبق شعبي بس ماعمري شفت رجال يزين حلا وإلا يتفنن بالكوب كيك أتوقع صعبه.. أنا ماأويد الطلاق وبنفس الوقت لاأؤيد إن الزوجه ماتتعلم الطبخ أبد العشاء الفطور ينتغاضى عنه بس الغداء صعبه شوف أغلب الطلاق في السعوديه يكون في وقت الظهيره شــكرا لك

وليش هو يتشرط حلا وكيك ،، ياخي ما مثل البساطه الي تحطله يكفي لو زبادي وخبس ولا صامولي مع جبن ، الأنسان يمشي نفسه في هذي الدنياء .. يعني الي تقدم له يقبله ويقول الحمد لله ،،
وبعدين أكثر أهل الر ياض حريمهم ما يعرفن يطبخن شف إذا صار وقت خروج الدوامات المطاعم مثل المكي والرمنسية زحمه من الناس وكلهم موظفين ومتزوجين ،، أنا لا أأيد أن يكون عاد بهذا الشكل ، بس التسامح زين والتشرط ما هو زين حلا ولا كيك ولا كل يوم نوع من العشاء .. كل الي يحط لك وقول الحمد لله ومش حالك بالدنياء ومستحيل يصير بيت يمشي 100% حتى بيوت الأنباء ما تكتمل لا بد من نقص ولا بد إن الإنسان يغمض ويغض الطرف

[SAGA]

اقتباس:  المشاركة الأصلية كتبت بواسطة درع القصيم     ^^^^^^^^^^^^^^^^^ واحد تحمس مع الموضوع بقوه

الموضوع ملك لكم
شكرا عل حوارك الذي أثرى الموضوغ

[درع القصيم]

اقتباس:  المشاركة الأصلية كتبت بواسطة saga     يعني أنت الحين متزوج وتبي تتزوج آنفه الذكر أشوى إني ما إستعجلت وإشتغلت شغل الخطابات ,,, طيب سؤال دام إنك تقول إنك متزوج إذا جيت من الدوام الظهر تطبخ الغداء؟؟ ,,,,,,,,,,,,,,,,,,,

بالنسبه لي زوجتي ما قصرت الله يخليها تطبخ لي ولا كد خلتني بلى غدا ، لكن ما عندي مشكله لو حطيت جبن بصامولي وأكلتها ونمت وعينت خير .. أحياناً يرحون زيارات ما أتشرط وأقول زينوا لي عشاء ولا غدا قبل لا تروحون ، أسنع نفسي بالمطبخ وأحوس المطبخ حوس