السلام عليكم ..........
هلا والله ومسهلا بك يابوسلطان ..........صح لسانك
وانت ياخوي مادري منين تجيب هالقوافي الصعبه الله
يهديك والله اني دورت لك كلمات من قواميس الهونولولو يالله
حصلت الشي اللي يوصلني لك ,,
طبعا انا كاتب الرد من البارح لكن نمت ماكتبته ويوم جيت
الصباح والا استاذنا ابوماجد سابقني بالرد ماشاء الله ولقيت
نهاية صدر البيت تكرر عندي ,,,وهو أولى فيه ,,
لكن انا أبكتب المطلوب 4 أبيات وازودها شوي على شان تكرار اللفظه ,,
على صوت الشقردي غرد البلبل بشباكه ### فزعت لصيحة النشمي وقلت أبشر ولبيتك
ألا ياسابكن صعب القوافي للغضي سباكه ### ياليتك يالشقردي ماذكرت الزين ياليتك
فزع قلبي تزايد فيه ركضه واسمع دباكه ### وانا من ضيقة الأيام رفعت الصوت وناديتك
تجي للقلب دشراته يزيد ضياع وهباكه ### على صيحتك يالعاشق وزنت القاف وغنيتك
تحبك احلا معاني الشعر يافنانها حباكه ### وانا جاوبت صوتك ماخبرت اني تبليتك
والا من جالها غيرك تلخبط زاد بلباكه ### وانا عاجز ولكن ماخبر في يوم رديتك
هباكه : يقال بالعامي إلى اتجه احد باتجاه قالوا هبك اي ذهب باتجاه غير محدد ..
حباكه وسباكه : كلمتان مترادفتان من السبك والحبك وهي صناعة الشيء بفن وإبداع ..
لباكه : يقال بالعاميه ....... تلبك أي تلخبط ,,, مرادفه للإرباك بالمعنى
والله أعلم ............... وسلامتكم ..
مع تحيا1111111111تي ..