$.. مـوسـ ى ـاويـّات ..$

[موسى العناز]

مابقى بالقلب موضع للجروح
*** إمتلا قلبي من جراحك وفاض

ومابقى عندي بهاالدنيا طموح
*** غيرك أنتي كان مافيه إعتراض

[موسى العناز]

بعض البشر لو مات .. ذكره بقى حيّ
*** وبعض البشر عـايـش ولا تـلـتـفـت لــه

وبعض البشر تـرتـاح لا قـلـت لـه شيّ
*** وبعض البشر تـنـدّم عـلـى قـولـتـك لـه

[موسى العناز]

شوقي لـ شوفـك يجي ويضمني
*** لين أشـوفـك لوعـيوني مـاتـراك

لوغـفـلـت وصـرت لاهي خـمّني
*** هاجس الأشواق وأتنفس هـواك

أنـا خـصّـيـتـك وحــبـك عـمّـنـي
*** ماتـصـدّق لـوتـطـالـع في غـلاك

سـمّـني مـجـنـون حبك سـمّـني
*** بس يـكـفـيـنـي من الدنيا لـقـاك

[موسى العناز]

تدري متى تطرب على نغمة جروح
*** إذا هـويت إنسان مـيـّت وهـو حـيّ !

وتدري وش اللي يقهر القلب والروح
*** إنـك تــقــدّر شيّ .. عــدّك ولا شـي !

[موسى العناز]

انتي ياقلبي رهيبه في زعـلك وفي رضـاك
*** انتي تـحـفـه من مشاعر بـ إنفعـالاتك اذوب

وين مارحتي خـذيتي كل مافـيـنـي مـعـاك
*** واللي خذتي كل مابه .. مستحيل إنه يتوب

[موسى العناز]

ياحياتي كنت احـاول امـسـك اعـصـابي مـعـاك
*** لـجـلـك انـتـي مـا يـفــوتـك اي شي بـداخـلـي

ودّي اشكيلك وافضفض من غـلاك ومن جفـاك
*** ودّي افــقــد بين إيـدينـك لـين يـطـلـع حـاصـلي

[موسى العناز]

لا جيت اطـنـّش مـاتـسويـّه للـغـير
*** عجزت وقلبي يرتجف في ظلوعي

ماهـوب شـك أو ريـب لكنـّي آغـيـر
*** ومن غـيـرتـي احيان تنزل دموعي

[موسى العناز]

ترى بعـض الغـرام اكبر كثير من الـحـكي عنه
*** وترى كثر الملام اهون من الهجران والتطنيش

ترى من حـبـك وربي يـحـسّ إنـك جـزؤ مـنـّـه
*** يـحـسّ إنـك ضـروريـّه بـدونك مستـحيل يعيش

[موسى العناز]

جاري إرسال الرساله حبرها دمّ الوريد
*** للوليف اللي ولـيـفـه لا حـشا ما يجـهله

ياهلا باللي يـثـوّر شـاعـره لو هو عنيد
*** ياهلا باالـغـالي اللي لا دنـا زاد الـولــه

[موسى العناز]

بعض البشر تامنّه من دون تشكيك
*** وبعض البشر طيب التـعـامل يـغـرّه

ايـّـاك تـخـدعـني وانـا واثـق ٍ فـيك
*** وايـّـاك تـاخـذنـي عـلى حـين غـرّه

[موسى العناز]

ماحسبت الحب ف حساب السنين
*** نلت عـرش الـقـلـب مـن اوّل شهــر

إنـت عــارف والـحـبـايـب عـارفـيـن
*** إن بـعـض الـحـب يـآتـي في النظر

[موسى العناز]

انا آسف على إزعاجك
*** هي الاشـواق صابنـّك

انا مو قـاصـد إحـراجـك
*** وربـّي مـنـحـرج مـنـّـك

لـقـيت الـقلب محتاجك
*** وجـيـت .. ابسألك عنك

[موسى العناز]

صـدّ عـنـّي خل ابـتـأمّـل حـلاك
*** كلّ ماجـيت اتـأمّـل بـك .. تـلـدّ

ماروّت عـيني وأنا جالس معاك
*** انحرج لا شـفـتـك اتطالع وأصدّ

الـتـه بـغـيـري ابـبحر باالـهـلاك
*** وأتعـجّـب كـيـف ندّ بـوسـط نـدّ

[موسى العناز]

ياروعـتك لا جيت تشكي من الحب
*** أحـسّ حـتى الـحـب مـايـسـتـحـقّـك

يـفـداك كلّ الـكـون ياساكن الـقـلب
*** لـو تـاخـذ اللي فيه .. ما خـذت حقّـك

[موسى العناز]

لا زادت الأصـوات مـانيب مـوجـود
*** وإن غابت الأصـوات ما غاب صوتي

مـرّات أحـسّ إني من أيّـام مـولـود
*** ومـرّات أحـسّ إني تـعـدّيـت مـوتي