ودي اتزوج بنت من منتدى بريده !!!!!!

[هامة حاسوبية]

[align=center]

الذاهبة

أتفق معك إلى حد كبير

وتجمد بعض العقول يقف عائقا في رقي المستوى الفكري للمجتمع

الكثير من عقليات مجتمعنا بحاجة إلى مزيد من المرونة

أقصد في حدود الشريعة وليس بالتعدي على حرمات الله

وهناك فرق بين الإحترام والأخلاقيات العالية في التعامل

وبين المغازلجية والبنات والشباب (المنتهين)

[/align]

[عاشق ديرتي بريده]

اقتباس:  المشاركة الأصلية كتبت بواسطة الذاهـبـة     احباط يا استاذ عاشق بريدة ! تخيل لما نتكلم عن ( شاب يتقدم لفتاة عرفها من خلال منتدى ) .. و فجأة تجي سيرة ( شاب يكلم بنت و تزوجها و فشل الزواج ) .. مممم بصراحة انا شخصياً تضايقت شوي من هذا الخلط ,, و قلت في نفسي ( الله يستر ) !! كيف كذا الدعوة صارت كلها واحد ! إن شاء الله بكمل ماعندي ,, بس اتمنى احد يشاركني حتى لو كان ضد رأيي ,, إلى لقاء ..

لو كل شخص يصيبه الاحباط لما تطورنا
بكلامك وكلام بقية الاعضاء يتثقف البعض ويتطور التفكير
لوكل شخص قال احباط راح تحصلينا نتراجع للوراء

[سيــ بريدة ــف]

عاشق لايصير السؤال لمجرد التلميح يصير عندك نية تاخذ الثانية وتقول اغدية تصدف بنت تفهمة وتجي لي بالخاص..
ههههههههههههههههههههههههههه ( كل شيء يصير ماندري عن النوايا)..
لاتزعل عاشق مزح بقصد المزح..مثل مالسؤال بقصد السؤال..

[عاشق ديرتي بريده]

اقتباس:  المشاركة الأصلية كتبت بواسطة سيــ بريدة ــف     عاشق لايصير السؤال لمجرد التلميح يصير عندك نية تاخذ الثانية وتقول اغدية تصدف بنت تفهمة وتجي لي بالخاص.. ههههههههههههههههههههههههههه ( كل شيء يصير ماندري عن النوايا).. لاتزعل عاشق مزح بقصد المزح..مثل مالسؤال بقصد السؤال..

هلا سيف الله يخلي لي ام ليان
وربي ماتدخل غرفتي زوجه غيرها طول ماانا حي
يالله قدرنا نفهم وحده وشلون تبينا نفهم ثنتين !!!!!!!!!!!!

[أميرة الياقوت]

صراحه موضوع جدا رائع

أخوي سيبويه موكل بنت تدخل النت تبني لها صداقات وعلاقات موكل إنسان يستخدم النت سواء شاب او فتاه يكون فاسد او تخفيف لكلمه فاسد أنه في نفسه أنه يكون علاقه غير شرعيه
أنا اتفق معاك انه مايصلح انك تتزوج بنت من النت , السبب اللي اقتنع فيه أنه صعبه أثق في انسان من خلال الكتابه حتى لو كان صادق في كلامه ايضا حتى لو حاول يكلمني او يتقرب مني بأي طريقه مراح تكون طرقه سليمه لي ولا هي من صالحي اللي معروف بالنت فيه ذئاب بشريه ماتدري يمكن يكون واحد منهم ليش يجي من الشباك الناس تجي من الباب يمكن فعلا انسان نيته صالحه بس مهما كان الانسان لازم يأخذ الحذر
بقولكم قصه حدثت لأختي وانتم أحكموا
القصه:اختي تزوجت وعمره 19 المهم بعد كم سنه كان يجي على جواله أزعاج ورسايل حب وغرام هي ماكانت ترد بس تعطيه مشغولاو بس تسمعه يتكلم تقفل جواله المهم قالت لزوجه قال خلاص اشوفه واذا اتصال ان شاء الله اتصرف معاه تقول جاني شك انه مايصل الا اذا زوجي طلع وفيه نره من صوت زوجي بس كنه مغير صوته
زوجي ماسوى شي وطول وهو يتصل هالرجال
تدرون مين طلع هالرجال اللي يتصل عليه؟؟؟؟؟؟
طلع زوجه

وقسما بالله أختي يوم تازوج ماكان عندنا نت واختي ماعنده جوال
وقسما بالله مودفاع عن اختي الى يومي هذا اختي لو تشوف شاب يمشي وراه او يرمي عليه رقم تترك السوق كله انا رحت معه وشفته حتى قلت لها امشي وخليه اما اترك السوق كله لا قالت ماابي احد يضايقني خلاص مزاجي تعكر قله أدب
المهم طلبت منه اسوي حركه بزوجه وهي اني انا بنفسي اكلمه على جواله واسولف معاه واسوي نفسي احبه (كل هذا بس ابي اخذ حق اختي منه ) واسجل كلامه حتى اختي تسمعه علشان لو حاول يفلت من الموضوع تكون معنا ادله ولا ينقلب الموضوع ضدي
وبعدها افهمه الحقيقه واتفل بوجهه واقفل السماعه قالت لا انتي كذا تضري نفسك رفضت اني اساعده
قسما بالله اللحين تفتح النت وتدخل عالم حواء وبعد ماتسكر النت يدخل يدور وراه
ليش هي ماشكت فيه؟؟؟
ليش هي ماتدور وراه ؟؟؟
سؤال اللحين الشك في مين ؟؟
*على حسب تفكيري طلعت بنتيجه وهي
أن اللي يكلم سواء بنت اوولد يحس الناس كلهم مثله
حتى لو طلع مكان عام مع أخته والناس تناظر فيه يحس انهم يقولون خويته <<<
طبعا ماقلت الجمله الا من شخص قال لي هالكلام كان طالع مع أخته وفيه شباب يشغلون أغاني ويصفرون فيقول أحس انهم يقولون اللي معاه خويته
*واللي مايعرف هالحركات او يعرفها ولايسويها يمشي ملك بإذن الله

[سيــ بريدة ــف]

ياحبيلك ياعاشق امزح انا والله يدوم المحبة بينكم ويدوم العشرة ويألف بينكم..ويخليلك ام ليان وليان سنين طويلة..

[the-moon]

الذاهبة أنا مستعد أبدأ معك بس نمشي حبه حبه
عزيزتي لنكون واضحين تماماً بالتفاصيل لأن الحكم على المجمل لا يعني الرضا عن جميع التفاصيل
أنا أتفق معك تماماً بإمكانية نجاح مثل هذه الزيجه إذا كان الطرفان متوافقان ولم يتعديا الخطوط الحمراء
لكن ماهي الآلية للتعرف هنا المشكلة وأذكر أنني تداخلت مع أختي هامة وكانت ترى إمكانية ذلك ولكنها توقفت عند الآلية
عزيزتي طيب العضو فلان معجب بالعضو فلانه كيف برأيك سيبدأ التعارف ؟
برسالة خاصه ؟
على طول يقول نبي نتزوج ولا يقول وش رأيك نتعرف علشان إن صلحنا لبعض تزوجنا ؟
ثم ماذا تعني لك موافقتها على التعارف كذا من الباب للطاقه
أسهل طريقة لتصلي إلى نتيجة دقيقة ضعي نفسك مكان هذه الفتاة ثم إحكمي على نفسك حكم متجرد
أنتي لو أتتك رسالة على الخاص من أحد الأعضاء قبل زواجك وطلب التعرف عليك لأنه معجب بفكرك طبعاً ويفكر بالزواج بك
ماذا ستفعلين بهذه الحالة ؟
وهذا الرابط قد ينفع فقد تم نقاش هذا الموضوع من قبل
http://forum.buraydh.com/showthread.php?t=109740

[عاشق ديرتي بريده]

اقتباس:  المشاركة الأصلية كتبت بواسطة أميرة الياقوت     صراحه موضوع جدا رائع أخوي سيبويه موكل بنت تدخل النت تبني لها صداقات وعلاقات موكل إنسان يستخدم النت سواء شاب او فتاه يكون فاسد او تخفيف لكلمه فاسد أنه في نفسه أنه يكون علاقه غير شرعيه أنا اتفق معاك انه مايصلح انك تتزوج بنت من النت , السبب اللي اقتنع فيه أنه صعبه أثق في انسان من خلال الكتابه حتى لو كان صادق في كلامه ايضا حتى لو حاول يكلمني او يتقرب مني بأي طريقه مراح تكون طرقه سليمه لي ولا هي من صالحي اللي معروف بالنت فيه ذئاب بشريه ماتدري يمكن يكون واحد منهم ليش يجي من الشباك الناس تجي من الباب يمكن فعلا انسان نيته صالحه بس مهما كان الانسان لازم يأخذ الحذر بقولكم قصه حدثت لأختي وانتم أحكموا القصه:اختي تزوجت وعمره 19 المهم بعد كم سنه كان يجي على جواله أزعاج ورسايل حب وغرام هي ماكانت ترد بس تعطيه مشغولاو بس تسمعه يتكلم تقفل جواله المهم قالت لزوجه قال خلاص اشوفه واذا اتصال ان شاء الله اتصرف معاه تقول جاني شك انه مايصل الا اذا زوجي طلع وفيه نره من صوت زوجي بس كنه مغير صوته زوجي ماسوى شي وطول وهو يتصل هالرجال تدرون مين طلع هالرجال اللي يتصل عليه؟؟؟؟؟؟ طلع زوجه وقسما بالله أختي يوم تازوج ماكان عندنا نت واختي ماعنده جوال وقسما بالله مودفاع عن اختي الى يومي هذا اختي لو تشوف شاب يمشي وراه او يرمي عليه رقم تترك السوق كله انا رحت معه وشفته حتى قلت لها امشي وخليه اما اترك السوق كله لا قالت ماابي احد يضايقني خلاص مزاجي تعكر قله أدب المهم طلبت منه اسوي حركه بزوجه وهي اني انا بنفسي اكلمه على جواله واسولف معاه واسوي نفسي احبه (كل هذا بس ابي اخذ حق اختي منه ) واسجل كلامه حتى اختي تسمعه علشان لو حاول يفلت من الموضوع تكون معنا ادله ولا ينقلب الموضوع ضدي وبعدها افهمه الحقيقه واتفل بوجهه واقفل السماعه قالت لا انتي كذا تضري نفسك رفضت اني اساعده قسما بالله اللحين تفتح النت وتدخل عالم حواء وبعد ماتسكر النت يدخل يدور وراه ليش هي ماشكت فيه؟؟؟ ليش هي ماتدور وراه ؟؟؟ سؤال اللحين الشك في مين ؟؟ *على حسب تفكيري طلعت بنتيجه وهي أن اللي يكلم سواء بنت اوولد يحس الناس كلهم مثله حتى لو طلع مكان عام مع أخته والناس تناظر فيه يحس انهم يقولون خويته <<< طبعا ماقلت الجمله الا من شخص قال لي هالكلام كان طالع مع أخته وفيه شباب يشغلون أغاني ويصفرون فيقول أحس انهم يقولون اللي معاه خويته *واللي مايعرف هالحركات او يعرفها ولايسويها يمشي ملك بإذن الله

هلا اختى اميرة الياقوت
اول شي يشرفني ان تكون اول مشاركه لك بالمنتدى عن طريق موضوعي هذا

ثاني شي اذا دخل الشك بالزوج او الزوجه تاكدي ان العش الزوجي سوف يندمر
حتى لو لم يكن فيه نت او جوال

[أميرة الياقوت]

اقتباس:  المشاركة الأصلية كتبت بواسطة عاشق ديرتي بريده     هلا اختى اميرة الياقوت اول شي يشرفني ان تكون اول مشاركه لك بالمنتدى عن طريق موضوعي هذا ثاني شي اذا دخل الشك بالزوج او الزوجه تاكدي ان العش الزوجي سوف يندمر حتى لو لم يكن فيه نت او جوال

ليش يشك فيها وش الاسباب اللي تدفعه لشك؟؟

مو أخذ هالإنسانه عن ثقه بأخلاقه

نسيت أقول شي مهم

يمكن تتزوج فتاه انت ماتبيها تدخل انت وهي أصلا بالسابق تدخل نت عاد ماندري لها علاقات او لا
عموما في هالدنيا مافيه أحد سلم بس الناس من تحت لتحت يسون حركاتهم
لاتقولون من وين تجيبين أعرف ناس من بريده وفيهم منهم بالمنتدى يالله
مثالييييييييييين بكثير ولو تشوفه عند الناس ولو تشوفه بالشارع احمد ربك واشكره تقول راعي ونيت ينزل ويركب من هالحريم ومتزوج بعد

[عاشق ديرتي بريده]

اقتباس:  المشاركة الأصلية كتبت بواسطة أميرة الياقوت     ليش يشك فيها وش الاسباب اللي تدفعه لشك؟؟ مو أخذ هالإنسانه عن ثقه بأخلاقه نسيت أقول شي مهم يمكن تتزوج فتاه انت ماتبيها تدخل انت وهي أصلا بالسابق تدخل نت عاد ماندري لها علاقات او لا عموما في هالدنيا مافيه أحد سلم بس الناس من تحت لتحت يسون حركاتهم لاتقولون من وين تجيبين أعرف ناس من بريده وفيهم منهم بالمنتدى يالله مثالييييييييييين بكثير ولو تشوفه عند الناس ولو تشوفه بالشارع احمد ربك واشكره تقول راعي ونيت ينزل ويركب من هالحريم ومتزوج بعد

لاتقولي ليش يشك !!!
لان الشك مرض ووسوسه من الشيطان اسال الله ان يبعدك عنه
وبعدين حنا مالنا الا الظاهر والله سبحانه يعلم مابالقلوب

[@ ابتسام @]

اقتباس:  المشاركة الأصلية كتبت بواسطة عاشق ديرتي بريده     لو طلب احد الاعضاء الزواج من احدى بنات منتدى بريده بعتقادكم هل سيجد من توافق عليه او العكس لو طلبت عضوه الزواج من احد الاعضاء هل سوف تجد من يوافق على الزواج بختصار لو سويت اعلان هنا ابي اتزوج بنت من المنتدى هل سوف اجد مااريد ترى السؤل لمجرد السؤال فقط والا انا متزوج ومكتفى ولله الحمد عطووووونا ارائكم ودمتم بصحه وعافيه

بعد قراءة الموضوع وبعض الردود

هل هالعضو بيقول لها امام الناس معجبتني وبتزوجك


اكيد راح يكون برسائل خاصه وربما لجؤا الى طرق ملتويه بحجة التعرف على بعضهم

وهنا الخطر . طبعا لان كلا منهما يجهل النوايا الحقيقيه للآخر فكيف يتمادى معه .

اذكر مرة سأل الشيخ المطلق عن هكذا طريقه فأجاب وهو يضحك لا اعتقد ان رجلا وامرأه سيجتمعان او يخلوان( خلوه نتيه ) لكي يسبحا ويهللا ’ بل سيكون مجاملة وضحك وتجميل للذات ’ مع الاجنبي وهنا المحظور . انتهى

رأينا وبالله التوفيق >> حلوه

... ان السلامه زينة والتميلح والانفتاح له ضرائبه ومصائبه اللي ما تترقع وانا اختك .

للمعلوميه :
الغلط مش في النت الغلط في الزواج عن طريقه وهومعروف ان طريقه شائك .

فلو نجحت زيجه فهي شاذه اما الكم الهائل من علاقاته فهي فاشلة ولا نحتاج الى سرد قصص لأنا اغلبنا قرأ وسمع ’’’ وليست فاشلة فقط بل مؤلمة .



.

[عاشق ديرتي بريده]

اقتباس:  المشاركة الأصلية كتبت بواسطة @ ابتسام @     بعد قراءة الموضوع وبعض الردود هل هالعضو بيقول لها امام الناس معجبتني وبتزوجك اكيد راح يكون برسائل خاصه وربما لجؤا الى طرق ملتويه بحجة التعرف على بعضهم وهنا الخطر . طبعا لان كلا منهما يجهل النوايا الحقيقيه للآخر فكيف يتمادى معه . اذكر مرة سأل الشيخ المطلق عن هكذا طريقه فأجاب وهو يضحك لا اعتقد ان رجلا وامرأه سيجتمعان او يخلوان( خلوه نتيه ) لكي يسبحا ويهللا ’ بل سيكون مجاملة وضحك وتجميل للذات ’ مع الاجنبي وهنا المحظور . انتهى رأينا وبالله التوفيق >> حلوه ... ان السلامه زينة والتميلح والانفتاح له ضرائبه ومصائبه اللي ما تترقع وانا اختك . للمعلوميه : الغلط مش في النت الغلط في الزواج عن طريقه وهومعروف ان طريقه شائك . فلو نجحت زيجه فهي شاذه اما الكم الهائل من علاقاته فهي فاشلة ولا نحتاج الى سرد قصص لأنا اغلبنا قرأ وسمع ’’’ وليست فاشلة فقط بل مؤلمة . .

هلا بسووووومه
طيب انتي ليش اخترتي اصعب طريق........... رساله وتعرف !!!

طيب افرضي انه ارسل رساله بالخاص وقال انا معجب بأسلوبك مثلا
وقال انا رجال ابي اتزوج وممكن تقبلي فيني واذا ردت بنعم
ارسل لها اسمه كامل ومكان عمله وقال اسالوا عني اذا صلحت لكم ارسلي لي اسمك
وجوال ابوك او اخوك
ويكون بالطريقه هذي كلمها بحترام وادب وهي كذلك وجاء مع الباب

[عاشق ديرتي بريده]

اقتباس:  المشاركة الأصلية كتبت بواسطة هامة حاسوبية     [align=center] الذاهبة أتفق معك إلى حد كبير وتجمد بعض العقول يقف عائقا في رقي المستوى الفكري للمجتمع الكثير من عقليات مجتمعنا بحاجة إلى مزيد من المرونة أقصد في حدود الشريعة وليس بالتعدي على حرمات الله وهناك فرق بين الإحترام والأخلاقيات العالية في التعامل وبين المغازلجية والبنات والشباب (المنتهين) [/align]

في موضوع يااخت هامه حاسوبيه
كان موضوعه ليش تدخل المنتدى فبعضهم قال ادخل لكي استقيد
يعني كتابتكم تفيد ناس وتجعل الجاهل يتعلم

[الذاهـبـة]

كيف الحال ؟

[الذاهـبـة]

مرحبا بالجميع ..

استاذ مون .. تشرفني محاورتك يا استاذي الكريم ..

حضرتك تسأل عن ماهية الآلية التي تتم من خلالها الزيجة ..

طيب انا مضطرة اني اتوسع بالشرح ، و اعتذر لإزعاجكم مقدماً ..

أيضاً الطرح ماراح يكون بالترتيب .. بل أقرب لنوع ( السوالف ) يعني موضوع يجر موضوع ..

و اسمحوا لي أمثــّــل بعض النماذج على نفسي ..

أولاً و قبل كل شي .. انصدمت بهذه النظرة للأغلبية هنا .. وهي كالتالي :

( بمجرد أنك تشبك النت .. فتأكد تماماً انك انسان ثاني ..

ممكن يصدر منه أي تصرف و ممكن تطلع منه أي كلمة ..

الأساس هنا هو : الاستعارات في كل شي ..

همانا في الانترنت ؟! إذن خلاص .. لاعمرك تتحدث وفق شخصيتك و تربيتك ..

سواءاً سجلت في منتدى .. أو فتحت شات كتابي أو مرئي ، او حتى تصفحت مواقع معينة

لازم تكون مستعد لتقبّل أي شي .. طبعاً لانك الآن في الانترنت .. إذن ماعليك خلاف

ولا أحد شايفك .. )

أخوتي ..

أنا أذكر وحدة من زميلاتي أيام كنت طالبة بالجامعة .. و كانت الدردشات جديدة علينا

كانت البنت تجي مواصلة الصباح و عيونها حمر ! .. و اذا سألناها تقول : سهرانة على النت ..

و فجأة بزعت بكلمة .. بدون ما تركز في كلامها ، كانت تقول : ( والله النت طلّع أخلاقنا الصدقية ) .. !!

سألتها وش تقصدين ؟ _ بطبيعتي كنت قريبة من كل البنات و يستأمنوني و يثقون بي بدرجة كبيرة _

قالت : ياختي انا شبكت 50 واحد البارحه بس .. و انبسطت صراحة شعور حلو لما تشبكين مع أعيال ..

قلت لها : طيب ليه ما تطلعين الفيصلية و تنبسطين هناك ؟ _ الفيصلية توها مفتوحة بعد _

قالت : لأ .. اخاف و استحي .. !!

طبعاً مثل نموذج هذي البنت أعتقد كثير و منتشر .. و هذا النموذج هو اللي راسخ في فكر أغلب البشر ..

اذكر جارات أمي الله يرحمها يعايرونها عشان عندنا نت .. ( ركبتوا اللي يجيبون حريم مصاليخ !!! )

من كل هذي النماذج و العقليات .. نستشف أن ( بنت + نت ) يعني ترى فيه مصيبة ما !!

و للأسف كنت أعتقد ان الناس تطورت ، و صارت تفرق بين الغث و السمين .. لكن يبدو اننا لسه مابعد تأقلمنا !

الآن .. انا مسجلة الدخول في منتدى بريدة و منتديات اخرى و لا عمري سجلت خروج ..

و جميع من يستخدم اجهزتي يدخلون لهذي المواقع باسمي ..

ولا أشعر باي حرج ، ولا عندي أي مشكلة !!

يا أخوتي انا بنت و بتكلم بلساني و عن نفسي ..

والله ثم والله ثم و الله ان ماعندي أي شي أخجل منه .. ولا أخاف منه ..

و يحز في نفسي إني أكتب و اتواصل معكم باسم مستعار .. و أكثر من مرة أفكر بالتصريح باسمي

لكن // اتراجع .. لان مجتمعنا ما بعد وصل لمرحلة .. يضمن فيها حقي الكامل ..

اللي أبي اصل له من كلامي و شرحي هذا الطويل العريض هو :

لا تعتقدون أبداً ان البنت إذا مارست حقها الشرعي في أي مجال ( مفتوح ) فهي بالتأكيد ضالة ..

ولا تعيدون و تزيدون في كلام الجهالة : ( البنت ضعيفة و بسرعة تتأثر ) و من ذا الحكي البايخ !

هذي البنت اللي أنتم تصفونها : تسمى بنت ذات الصفاقة و الغباء و السذاجة ..

ولا تتخيلون أن أي بنت عاقلة و فاهمة و عندها نسبة من الذكاء .. ممكن تثق و تصدق أي معرف قدامها

بأسهل الطرق و اسرعها !!

نجي نشوف الآليات .. يعني : واحد وده يرتبط بوحدة من المنتدى .. طيب شلون ؟!

*

فيه منتديات راقية جداً و كل اللي يكتبون فيها ناس فاهمة و معروفين ..

و فيه منتديات بالعكس .. ثلة للمهابيل و العرابجة و الغشمان ..

يعني أول شي : تشوف أنت وين عرفت البنت ؟ و وين كانت تكتب ؟

يعني البيئة العامة .. تعطيك اشارة طيبة عن اهتمامات البنت ..

*

لابد من متابعة دقيقة للبنت .. طبعاً ما تحفى عليكم حركات التصنع ..

و ادعاء المثالية ، و الالتزام ، و العقل و الثقل ..

بمعنى آخر لا تنخدع بسرعة من خلال كتابات قد لا تكون تعكس واقع البنت ..

*

ركز في طريقة مخاطبتها للأعضاء .. بعض البنات ما عندها مانع تكتب :

( ياعزيزي يا قلبي .. و تخاطب فيه رجل ) .. و طبعاً هذا غير لائق إطلاقاً

*

الصور و التوقيعات و الردود تعكس شي من فكرها و احترامها و ثقافتها ..

بدون اسهاب ...

*

اسأل الأعضاء عنها .. و اختر اعضاء ثقة و مشهورين بالمصداقية ..

*

حتى تثق بك البنت .. أنت عطها الثقة أولاً ..

يعني بعد ما تتأكد بنفسك من جميع الإجراءات السابقة ..

و قد تزيد نقاط من عندك ..

المهم : كن محترماً واثقاً من نفسك ، واعياً و متفهم لخصوصيات البنت ..

** ملاحظة :

بعض البنات لا تفتح أي طريقة للتواصل .. يعني مريحة راسها بلا رسائل خاصة

و بلا بريد إلكتروني ..

هنا يمكن تتعب شوي .. و يمكن تستعين بإدارة المنتدى ..

المهم أن تكون رسالتك لها أولاً تستأذن منها قبل أن تباشر في الطلب ..

و بعد ذلك ترسل لها رسالة و لابد أن تشعرها بمدى مصداقيتك و جديتك بالموضوع ..

مع اعطاءها نبذة كاملة عنك ، مع بياناتك الحقيقية ..

و لا تتفاجأ إذا ما صدقتك على طول ولا اعطتك اسمها الحقيقي ..

لأن الحرص واجب .. و التأكد واجب ..

أيضاً بإمكانك تستعين بأختك .. للتعرف على البنت ,, و هذي الطريقة أكثر أمان للبنت ..



عفواً يا اخوتي احس اني تكلمت كثير ..

لكن صدقوني .. دائما حنا نستنكر أشياء .. قد تكون واقعية و أكثر نجاح من الأشياء التقليدية ..

كمثال بسيط :

لا تتزوج وحدة من النت .. ترى تشك فيها .. !!

طيب ؟ لو تزوجت وحدة م اختيار أهلك .. مش ممكن تشك فيها ؟

ولا سمح الله .. مو ممكن تكون أخلاقها فاسدة .. !!؟؟

مو اهلك ما يعرفون إلا الظاهر .. و مالهم إلا اللي يشوفون قدام عيونهم ..

لكن نقنع انفسنا و نقول :" ولو .. هذي خاطبتها الوالدة .. و بالطريقة التقليدية ..

يعني مقدسة ولا أحد يهرج فيها " ..