شعب ماله .. حل ..!!! تعددت الأسباب وكل عنده حل .. !!

[تركـي]

السلام عليكم ..

الشعب السعودي ..

كلنا نعرف بأنه ذو ميول آنتقاديه ..

تجد الجاهل وبائع الخضرة والميكانيكي ..
يحللون الأسهم والعقارات والبورصة ..
ومستقبل الصناعات النوويه ..
وحال المنطقة السياسية .. !!

تجده وتجدها يحملون حرف الدال .. قبل اسمهم ..
ولا يملك آبجديات الحوآر ..
ويظهر معدنه الحقيقي عندما تعارضه ..
ويرجع لأصوله اللتي تربى عليها .. !!

تجده ينتقد العمالة الآجانب والمتخلفين
وهو من يأويهم ويتستر عليهم ويهربهم ..
كما هو حال الشغالات والعمالة المتخلفة المنتشرين بالبلد .. !!

تجده يتأفف من غلاء الآسعار والعقارات والأيجارات
وهو السبب الرئيسي فيها ..
من حيث التجار الجشعيين ..
ومن حيث من يساعدونهم برفع الأسعار .. !!

تجده ينتقد لبس الفتيات والنساء في الآسواق وبنفس الوقت بناته وخواته وزوجته طالعين بعبايات كتافي يتسكعون
ونفس الوضع شباب صايع وتقليد آعمى للغرب بالضياع والهجولة واللبس الغريب
والفراغ القاتل بدون أي حلول .. !!

تجدهم ينتقد الخدمات الصحية والمستشفيات وعدم تواجد الأسرة للمرضى ..
وكل المصابين بعد مشيئة الله عز وجل ..
بسبب تفحيط .. أو آهمال ..
علما بأن الدول المتقدمة آختصاص التأمين الطبي لا يشمل
من يعرض نفسه للخطر بتعمد ..
بينما نحن لا يترك أمير ولا مسئول الآ ويشغل وقته من آجل علاج هذا المفحط الذي بين الحياة والموت بسبب تهور
هو من آتى فيه ولي أمره بعدم الآهتمام بأسرته وابنائه .. !!


تجده يشتكي من الفقر والديون ..
وهو متبطح ببيته ..
وآكلف ماعليه يحمل نفسه قروض من البنوك أو الدخول بالآسهم والمجازفة وهو لا يعرف أي آبجديات عنها
ومن ثم يبدأ بالتباكي وندب حظه ..
وكأن البنوك ماسكته مع يده اللي توجعه وقايلين غصب تقترض
أو غصب تخسر بالآسهم .. أو يسافر لتركيا هو والعائلة أو حتى عزابي يطوف بلدان العالم وهو متدين فلوسها أو يشتري سياره غالية بآقساط لمدة 5 سنوات تقصم ظهره عشان يكشخ فيها وبعد مايبدأون بالسدآد يلعنون كلافات ابو البنك آكلنا لعب علينا !!

تجد بعضهم ينتقد الأعمال الخيرية مثل عمل رجال الحسبة والجمعيات الخيرية ..
ومايقومون فيها من آعمال جبارة
لحفظ المحارم والبيوت ..
ورغم ذلك ينتقدهم ..
ولو آلغيت لأصبحت الذئاب تنهش في القطعان بدون حسيب ولا رقيب .. !!

تجده يشتكي من السمنة والكليسترول والسكر والضغط
وهو الذي يأكل مفاطيح غدأ وعشاء والفطور فول وكبده ويشرب لبن مخلوط مع بيبسي وجح .. !!

تجده ينتقد ذلك المدخن وهو مأجر بقالة تبيع دخان أو محل يبيع جراك ومعسل
وتجده يحرم ويحلل مايتوآفق مع آهوائه ..
ويفسر الآحلام ويرقي وآمام مسجد وزقرتي بالليل في آستراحة
ويتدخل بكل شيء يعنيه أو مايعنيه
تجده عند الحوادث هو المسعف وهو رجل الدفاع المدني وهو رجل الأمن
أو متشمت .. !!

تجده ينتقد السياحة الداخلية ..
وهو الذي يأجر شقة مايسكنها القرود بأرفع من سعر المنتجعات العالمية بدرجة حراره تفوق الــ 50 درجة ورطوبه أو بيت شعبي بالشفا في الطايف مايسكنه ولا التيوس اللي بالجبال ولا تهون ابها .. !!

وآخيرا .. وليس آخرا ..

تجده ينتقد الوآسطة ..
وهو آساسها ..
وظائف تعطى لمن لا يستحقها ..
منح آراضي تمنح لغير مستحقيها ..
تسهيلات .. مثل المناخ والآستيلاء على الآموال عن طريق الرشوة والتزوير .. لغير مستحقيها .. !!

تجده قنبلة موقوته في الشوآرع والآسواق يستنى أي آحد يناظره أو يرتكب أي غلطة ولو كانت عفوية ..
يتهدد على الخلق ..
وحتى في المساجد تجد الملاقيف بكثرة حيث تنتهي الصلاة يبدأ الرادار وتلك الرقبة اللتي لا تترك لا صغير ولا كبير وتجده يصورك ولا تدري يحش فيك والآ يستغفر ربه بعد الصلاة ..


بذخ وآسراف ومهرجانات مثل مزآآين البهائم ينفق فيها ملايين
بسبب .. جمل يقال عنه فحل أو ناقه أو دجاجه أو ماعز
ويقام لها التجمعات والولائم والمخيمات ..
وآهدار الوقت ..
ومع ذلك يتفاخرون فيها .. !!


قد تقولون متشائم ..
لكن هذا هو الوآقع
مع وجود العاقلين والقنوعيين
ومن هم يخافون الله ..

وللحديث بقية ..

دمتم بخير ..

[عزف الحقيقة]

حياك أخي تركي

...

لم تترك شيئا

لكن كل شعوب الأرض متقاربة مع نفاوت بسيط .

لنأخذ واختصارا مثال رمي علبة بيبسي من السيارة

لو درت كل سكان الأرض وسألتهم عن نظرتهم

لمن يرمي العلبة لكان رد الجميع هو نقد حاد لمن

يرميها .. ومع ذلك نجدها ترمى في كل مكان من الأرض

!!

لذلك الذي يحد من تلك الظواهر السلبية في بعض

الدول هو النظام الصارم وفرض عقوبات تختلف

من دولة لأخرى .

مودتي لك

[تركـي]

اقتباس:  المشاركة الأصلية كتبت بواسطة عزف الحقيقة     حياك أخي تركي ... لم تترك شيئا لكن كل شعوب الأرض متقاربة مع نفاوت بسيط . لنأخذ واختصارا مثال رمي علبة بيبسي من السيارة لو درت كل سكان الأرض وسألتهم عن نظرتهم لمن يرمي العلبة لكان رد الجميع هو نقد حاد لمن يرميها .. ومع ذلك نجدها ترمى في كل مكان من الأرض !! لذلك الذي يحد من تلك الظواهر السلبية في بعض الدول هو النظام الصارم وفرض عقوبات تختلف من دولة لأخرى . مودتي لك

هلا فيك آخوي / عزف ..

كلام جميل ..

صحيح الشعوب الآخرى موجود فيها من تلك النوعيات ..

لكن مثل رمي علبة البيبسي ..
في الدول الآخرى وخصوصا المتقدمة ..
تجد الشعب قبل النظام ينتقد ذلك الفعل الشاذ ..
فتجد الشخص يتمرس على النظام من خلال ثقافة من حوله ..
ولا يمكن أن يعيد الكره مرة آخرى ..
وتكون درس وتوبيخ له ..

لكن ربعنا .. لو رميت علبة بيبسي
لقال الثاني صح خلني آرمي اللي بالسيارة ذكرني الله يذكره بالشهادة ..
وهنا الفرق ..

ومثل ماذكرت النظام .. والمساوآة ..
اذا طبقت بحذافيرها ترضي كل الشعب ..

كمثال آنظر الى مدينة دبي ..

كانت قبل 20 سنه ..
لا يسكنها ولا العمالة ..
ولكن بفترة وجيزة آصبحت تضاهي كبرى مدن العالم
بالتنظيم وتطبيق النظام على الكل ..
ولا يوجد كبير ولا صغير هناك ..
وآصبح كل من يرتادها مجبرا يحترم آنظمتها ..


وآنظر الى عاصمة المملكة .. الرياض ..
مرتع خصب للفوضى في كل شيء ..
والزحام الذي تعانيه دليل الزائر لها ..
بدون تطبيق ضوابط ولا نظام ..
تجد بنتلي 2012 .. بجانب باص خط البلده حق فايز المالكي بالعليا ..
وفوضى مرورية لا يوجد لها حل مع العلم بأننا من آغنى دول العالم ..
ومع ذلك مشكلة الزحام اليومي على مدآر الساعة لم يجدو له حل ..
لا مترو ولا باصات ولا نظام ولا تنظيم ولا طرق سليمه ولا تخطيط
تجد تريلة ديزل تسابقك وآنت خارج للدوآم .. ويسلك المسار الآوسط
ولا ابن ابوه يقدر يقول له شيء ..
يتعطل دآيري كامل بسبب تعطل الكرسيدا حقت الزول موديل 76 بسبب آرتفاع الحرارة بالنفق .. ومالك الآ الصبر ..
ددسن يقف بجانب الطريق يعطل الطريق يبيع جح .. !!
والآ فقع بلدي على قولتهم .. !!
أو بزر سكران سارق سيارة يفحط بالدايري ..

والأمثلة تطول
ولو كان هناك نظام وآضح ..
كان لحقنا الدول اللي تبني وتخطط
بينما نحن في رجعية زيادة ..

آنرت بمداخلتك ..

[ابو عراده]

مشرفنا القدير تركي . ترانا مظلومين واغلب اللي يقولون عكس مايفعلون ذابحتهم الحاجه ومدفوعين لها دفع ومادون الحلق الا اليدين .
لكن فيه نصابين وفهلويين بايعين ضمايرهم بهلله وهذولا مالهم حل ولا علاج الا يقلعون قلع من جذورهم ويحاكمون محاكمه عادله ورادعه وتنشر صورهم بالجرايد وبعدها يبي يتطهر المجتمع منهم .
تطبيق الشرع على الكبير قبل الصغير هو الحل لمآسينا .
موضوعك حلو ياتركي بس تراك قسيت على الغلبان وتركت الهوامير والرووس الكبيره .

ابقلد المنطق : وش رايك بموضة بنات السعوديه بهالصيف .

[ألمــاس]

بيبسي ولبن وجح!
بجرب الكوكتيل شكله لذيذ ورايق ههه
فعلا مجتمع لايرى الا بعين النقد
ولايرون باالشخص الا مساؤه وحتى محاسنه يرونها مساؤي
اف ياصبر الارض
لكن تختلف الانتقادات من منطقه لاخرى
مثلا فيه مناطق ينتقدون عباية الكتف وفيه لاء
لانه الدين بالقلب مو بالمظهر
وفيه اعضاء بينتقدون ردي وفيه لاء
شكرا تركي

[liilas]

ابو عراده
توقع ريحة المناكير جح بعد
الله كم هي منعشة ريحة الجحة

[تركـي]

اقتباس:  المشاركة الأصلية كتبت بواسطة ابو عراده     مشرفنا القدير تركي . ترانا مظلومين واغلب اللي يقولون عكس مايفعلون ذابحتهم الحاجه ومدفوعين لها دفع ومادون الحلق الا اليدين . لكن فيه نصابين وفهلويين بايعين ضمايرهم بهلله وهذولا مالهم حل ولا علاج الا يقلعون قلع من جذورهم ويحاكمون محاكمه عادله ورادعه وتنشر صورهم بالجرايد وبعدها يبي يتطهر المجتمع منهم . تطبيق الشرع على الكبير قبل الصغير هو الحل لمآسينا . موضوعك حلو ياتركي بس تراك قسيت على الغلبان وتركت الهوامير والرووس الكبيره . ابقلد المنطق : وش رايك بموضة بنات السعوديه بهالصيف .

هلا ابوعرآده .. حياك الأله ..

كلامك جميل ..
بالفعل لو كان هناك نظام صريح ..
وتطبيق النظام على الرووس الكبيرة قبل الصغيرة آستأدبو الصغار قبل الكبار ..

محسوبيات .. تنهش نهش في البلد ..
كل من مسك منصب وينك يالمناقصه بس نأخذ حقنا دآمنا بالكرسي ..

وتجدهم يخصمون على ذلك المرآسل ابو راتب الفين عشانه تأخر نص ساعه عن الدوآم ..
بحجة تطبيق النظام ..
وتجده بنفس الوقت سارق نص ميزآنية الوزاره ..

مثل بعض المطاوعه .. وليس تعميم عشان مطفيين النور مايمسكونها ..
تجده لحية ثوب قصير ومسوآك ومايتعدى روضة المسجد ..
وسارقن نص آراضي الدوله .. أو مستوليين على ورث آيتام
وهنا قمة التناقض ..
وتجده عنده 4 وظايف ..
مدرس تفسير وآمام جامع وعضو جمعية خيرية ويبيع ماء مقرين فيه
ولو يحصل له .. يأخذ اللي بمخباتك مايقصر ..

وصورة المناكير ..
شكل بنت المناكير صارت موضة البنات هالصيفية ..
بكرآآ تلقى بعد .. صور هالجح على العبايات المزركشه ..
لا تستغرب شيء اللحين ..

حيآآك ..

[ابو عراده]

اقتباس:  المشاركة الأصلية كتبت بواسطة liilas     ابو عراده توقع ريحة المناكير جح بعد الله كم هي منعشة ريحة الجحة

المصيبه طلعوا جح بناتي لونه يهبل بعد .. اصحاب العقول براحه

[تركـي]

اقتباس:  المشاركة الأصلية كتبت بواسطة اخت القمر     بيبسي ولبن وجح! بجرب الكوكتيل شكله لذيذ ورايق ههه فعلا مجتمع لايرى الا بعين النقد ولايرون باالشخص الا مساؤه وحتى محاسنه يرونها مساؤي اف ياصبر الارض لكن تختلف الانتقادات من منطقه لاخرى مثلا فيه مناطق ينتقدون عباية الكتف وفيه لاء لانه الدين بالقلب مو بالمظهر وفيه اعضاء بينتقدون ردي وفيه لاء شكرا تركي

كوكتيل السعوديين هذا ..
وبعد فيه ..
آيدام مع تمر مع خبز مع خيار ..
يعني المجالات مفتوحه ..

نقطة جميلة آثرتيها بالفعل حتى المحاسن يرونها مساويء
ولو كانو هم من فعلها لأصبحت إنجاز
بينما غيرهم .. حرآم وحلال عليهم هم فقط ..
وبالنسبة للدين ..
الدين واحد لا يتغير وثابت من القرآن والسنه ..
لكن المناطق والبلدان تتغير فيها العادات والتقاليد ..
وكل يحور دينه على كيفه ..

شرفتي ..

[ابو عراده]

اقتباس:  المشاركة الأصلية كتبت بواسطة تركـي     هلا ابوعرآده .. حياك الأله .. كلامك جميل .. بالفعل لو كان هناك نظام صريح .. وتطبيق النظام على الرووس الكبيرة قبل الصغيرة آستأدبو الصغار قبل الكبار .. محسوبيات .. تنهش نهش في البلد .. كل من مسك منصب وينك يالمناقصه بس نأخذ حقنا دآمنا بالكرسي .. وتجدهم يخصمون على ذلك المرآسل ابو راتب الفين عشانه تأخر نص ساعه عن الدوآم .. بحجة تطبيق النظام .. وتجده بنفس الوقت سارق نص ميزآنية الوزاره .. مثل بعض المطاوعه .. وليس تعميم عشان مطفيين النور مايمسكونها .. تجده لحية ثوب قصير ومسوآك ومايتعدى روضة المسجد .. وسارقن نص آراضي الدوله .. أو مستوليين على ورث آيتام وهنا قمة التناقض .. وتجده عنده 4 وظايف .. مدرس تفسير وآمام جامع وعضو جمعية خيرية ويبيع ماء مقرين فيه ولو يحصل له .. يأخذ اللي بمخباتك مايقصر .. وصورة المناكير .. شكل بنت المناكير صارت موضة البنات هالصيفية .. بكرآآ تلقى بعد .. صور هالجح على العبايات المزركشه .. لا تستغرب شيء اللحين .. حيآآك ..

كلامك والله صحيح ياتركي ومانعمم لان الخير والخيرين موجودين بس تم اقصائهم لانهم نظيفين وراعين ذمه .
الله يعينهم على الحساب والله اني اشوفهم وارحمهم قووووووه لانهم اغبياء .
تصدق ياتركي فتاة المناكير فضحها ربي بعد يومين من تنزيلها المقطع وافضحت روحها بروحها بتويتر والفيس بوك وكان معها قارورة ويسكي .
البنت رايحه وطي وشكلها مدعومه

[نديم بريده]

أخي المشرف تركي رعاك الله

ــ

الشعب السعودي ليس بمنأى ومعزل عن بقية الشعوب .

ــ

النظام موجود والمشكلة ليست فيه .. بل ببعض المؤكل إليهم

تطبيق النظام ..

[جزيرة]

الأسرة
ثم الأسرة
ثم الأسرة

..
الأساس
و هي القاعدة الأساسية لحل كل مشاكلنا..

نعم هناك مؤثرات كثيرة
و..متنوعة ..

لكن إن كانت التربية
أصلها ثلبت و فرعها في السماء
فستؤتي أكلها ..

..
وكل إناء بما فيه ينضح ..

..
...
وقفة ..
عندما زارت الوالدة اندونيسيا
قالت :
"..وهم شغالات عندنا ...ديرتهم أنظف منا ...!!!!
دورات المياة العامة أفضل من دورات مياة أستراحات الإيجار ..!!"

[الـــفـــ@ــــد]

اجمل تحية تركي

يالله حيه

اقول صايرن قرقه

كل اللي قلته انف انت تمتطيه وتتجرعه وتمارسه يوميا لانك

جزء من المجتمع اللي تكلم عنه

والذي استليت سيفك المثلوم عليه وكأنك انت كامل وبمعزل

عن تلك النقاط الحرجة

[تركـي]

اقتباس:  المشاركة الأصلية كتبت بواسطة ابو عراده     كلامك والله صحيح ياتركي ومانعمم لان الخير والخيرين موجودين بس تم اقصائهم لانهم نظيفين وراعين ذمه . الله يعينهم على الحساب والله اني اشوفهم وارحمهم قووووووه لانهم اغبياء . تصدق ياتركي فتاة المناكير فضحها ربي بعد يومين من تنزيلها المقطع وافضحت روحها بروحها بتويتر والفيس بوك وكان معها قارورة ويسكي . البنت رايحه وطي وشكلها مدعومه

الله يكون في العون آخي / ابوعرآده ..

الخير موجود آن شاءالله ..
والله يكتب اللي فيه خير للبلاد والعباد ..
حنا يلزمنا بس بعض التنظيمات ..

وفتاة المناكير ..
آخذت آكبر من حجمها ..
دعاية لها حينما نعطيها آكبر من حجمها الحقيقي ..
وكل شيء ظهر للعيان عن تلك الفتاة ..
ولا يصح الآ الصحيح ..

[تركـي]

اقتباس:  المشاركة الأصلية كتبت بواسطة نديم الهـوى     أخي المشرف تركي رعاك الله ــ الشعب السعودي ليس بمنأى ومعزل عن بقية الشعوب . ــ النظام موجود والمشكلة ليست فيه .. بل ببعض المؤكل إليهم تطبيق النظام ..

حيآآك الله اخوي / نديم الهوى ..

صحيح كل الشعوب فيها سلبيات ومشاكل
ولكن بحكم شعبنا سطرت مايدور في بعض جزئيات الحياة ..

لو كان فيه هناك نظام صارم ..
وآنتخابات حقيقية للكرآسي
لن نرى المؤكل لهم يعبثون بتلك الطرق في حقوق المواطنين ..
اللتي هي آبسط حقوقهم ..

مشكلتنا .. الكرآسي كأنها ورآثه ..
أو ترشيحات من وجهة نظر شخصية ..

لو كان هناك نقد هادف لهؤلاء المسئولين
ولو كان نظام الدول المتقدمة في حالة آي إخفاق
وتقديمهم آستقالتهم من أنفسهم لأنهم لم يقدرو منصبهم
ويملكون الشجاعة بتحميل آنفسهم الآخطاء ..

لكن اللي عندنا ..
يجلس في الكرسي عقود من الزمن بدون آي آنتاجية أو مرآعاة مصالح الموآطنين
وبالعكس يأتيه التحفيز ..

وهذه قمة الرجعية ..