[ ثمـــــــــان بيـــوت يا أم بطنيـــــــــن !!! ]

[أحلى ابضايه]

اقتباس:  المشاركة الأصلية كتبت بواسطة قـتـالـه     حنا خواتي تسع واذا جا احد يشوف نصف كلنا تقل دلال بغداديه همن لشفنا تشابيه الام والاخت وساعاتهن وخلاقينهن ودهرتهن يانبدا نتناهبوه يانتصدد وندفدفوه على بعضنا ونتنسبل وحده وحده لين تصفى على امي لحالها بالمجلس تسولف عن امجاد اهلها بالشمال يوم كلشن يحتسي

ياقتالة القتلى اللي ماتجوزون لهم تاخذون مقدم الضيافه وتطلعونه من عيونه هو وامه
طيب واللي مايجوز لكم انتم وتنسبلون عنه وش تسوون به عسى ماهو يدفع حق البلع بعد ؟؟

[عذبـــــة]

اقتباس:  المشاركة الأصلية كتبت بواسطة قـتـالـه     ياحيي ياعذبه وصفيلها بيتنا خل تجي تشوفنا هالسعلوه وربي لأربطها بعامود الصاله ماتطلع الا لدفعت ثمن الضيافه واذا قالت مامعي كاش تمد الصرافه وتعلمنا الرقم السري يروح قتال يصرف والا بناخذها رهينه اربعه شهورترجع لعيالها عص يابس تنسلح تنورتها !

انا بوصف لها بيتكم بس شوري عليك خوذي المهر كامل اضمن لك
حق الضيافة مايبرد التسبد
خوذي المهر ان جو فأنتي كسبتي دلوخ تلعبين عليهم مدى الحياة
وان مارجعوا فأنتي على الأقل بيدك ستين الف ريال حق شوفة شرعيه
انا افضل الضمانات اللي من هالنوع عشان تحفظ البنت حقها مثل مابتسوي هالذيبة قتلتل

[قـتـالـه]

اقتباس:  المشاركة الأصلية كتبت بواسطة جلوي الشقير     فيه رجال يخطب بهذه الطريقه !؟ هذا اتوقع يصلح يكون طالب روضه او أي شيء ثاني

ترا مديرنا يحسب الخطيب قاعد ورا امه يتناوط الفطاير والحلا !
لاياحيي الخطيب منثبر بالمجلس ينتظر اوامر امه السعلوه برسالة جوال
وتلقاها كل ماجا حلا او فطاير قالت ليت ولدي يشوف تراه يموت على الاكل الزين والحلا
ويابعد تسبدي البنت تفهي وتبدا تنقل للرجال بدون شعور

[عذبـــــة]

اقتباس:  المشاركة الأصلية كتبت بواسطة طوق من زهور     . . . خلي البطن على جنب قاضين منه الأدهى و الأمر تسمع عن ناس جايين يخطبون الكبيرة و شافوا معه الصغيرة و جازتلهم وخطبوه لولدهم المرتز هناك

ياحيي كانها صادقة وتبي تضف كل البنات لعيالها ليتها تجي انا اضيفها على حسابي
البلا باللي يجون يشوفون ويبلعون ويمسكون الباب

[قـتـالـه]

اقتباس:  المشاركة الأصلية كتبت بواسطة أحلى ابضايه     ياقتالة القتلى اللي ماتجوزون لهم تاخذون مقدم الضيافه وتطلعونه من عيونه هو وامه طيب واللي مايجوز لكم انتم وتنسبلون عنه وش تسوون به عسى ماهو يدفع حق البلع بعد ؟؟

دامنا اعتمدنا التنسبل مبدأ أياً كان المتنسبل ..
فمطلعين قيمة الضيافه من عيونهم مطلعينها الله لايعوق
ويحمدون ربهم مااخذنا حق الفتاشه من يحصلوه يقزقز دله بغداديه وهو يعلفج فطاير ويشرب نعناع

[جلوي العتيبي]

اقتباس: هذي طريقة الشوفه عندنا .. عاد مادري عنكم بكندا وش طريقة الشوفه عندكم ..

عنا بكندا الرجال مايقعد مع امه ويبلع في مثل هالمناسبه عندنا فنجال قهوه وجلسه محترمه مع الاب والاخ وتجي البنت تقدم اي شيء وبس .

توي افهم سبب نظرتك المتشائمه للرجال..تحسبينهم كلهم من هالعينات اللي تشوفين بالجزر المحيطه بكم في المالديف

[أحلى ابضايه]

اقتباس:  المشاركة الأصلية كتبت بواسطة قـتـالـه     دامنا اعتمدنا التنسبل مبدأ أياً كان المتنسبل .. فمطلعين قيمة الضيافه من عيونهم مطلعينها الله لايعوق ويحمدون ربهم مااخذنا حق الفتاشه من يحصلوه يقزقز دله بغداديه وهو يعلفج فطاير ويشرب نعناع

وه بس فديت السنع انا
يالبا السفاحين كلهم

عذبه بسرعه اسدحي وصف بيت قتاله
لابغينا نبرد تسبودنا باحد نكزه لمهم يخطب

[عاشق الخير]

اقتباس:المشاركة الأصلية كتبت بواسطة جلوي الشقير

عنا بكندا الرجال مايقعد مع امه ويبلع في مثل هالمناسبه عندنا فنجال قهوه وجلسه محترمه مع الاب والاخ وتجي البنت تقدم اي شيء وبس .



وانا لي سنين احسب نفسي قصمنجي من القصيم
وبالاخير طلعت كندي من كندا ..

يعني صرت كندي لان اهلي ما شاف زوجتي الا ببيتي ..

[ندى بنت سليمان]

.
.
.

اقتباس: ياحيي كانها صادقة وتبي تضف كل البنات لعيالها ليتها تجي انا اضيفها على حسابي البلا باللي يجون يشوفون ويبلعون ويمسكون الباب

ما فهمتي شكلتس ودي أقولتس إنهم هونوا عن الكبيرة
و قالوا ميخالف ننتظر الكبيرة تروح عشان ناخذ الصغيرة

[جلوي العتيبي]

اقتباس: ترا مديرنا يحسب الخطيب قاعد ورا امه يتناوط الفطاير والحلا ! لاياحيي الخطيب منثبر بالمجلس ينتظر اوامر امه السعلوه برسالة جوال وتلقاها كل ماجا حلا او فطاير قالت ليت ولدي يشوف تراه يموت على الاكل الزين والحلا ويابعد تسبدي البنت تفهي وتبدا تنقل للرجال بدون شعور

يعني التواصل عن بعد ؟

ماشاء الله وضع جيد بس مااظنه هو اللي تقصد عذبه ..عذبه جمعت الشوفه والخطبه المبدئيه جميع .

والا؟

[كــفـايــة]

وانا قاعد اسولف معكم عن شوفة بناتنا القصمنجيات والخبوبيات


اثركم من كندا والمالديف


اهب على رجالكم

[عذبـــــة]

اقتباس:  المشاركة الأصلية كتبت بواسطة كــفـايــة     مرحباااا عذبة وقليل نشوف منك مواضيع لكن اذا جيتي جيتي جمييييييييع <<<<< مصري المهم الطريقة هذي والحكاية ماتروق لي بنوب صراحة واحس ان اللي يسويها يتشرط وهو متروس عيوووب لو المرة هذي لها بنت ودخلوا عليها أكثر من واحد عشان يشوفونها كان حسّت لكن يبدو أنها فيها خلل وتربيتها مش ولا بد أنا لمن خطبت ماكنت حاط في بالي أشوووف لأن أهم شيء عندي أن العائلة تكون من طينتي ونفس المستوى الذي اعيشة لا تتكبر علي ولا اتكبر عليها لكن هناك من يتشرط ويضع شروط تعجيزية ويدخل عشرات البيوت ويشوف ومابقي غير انه يقول ممكن تطلع معي خخخ مفروض صراحة يسأل أبو المخطوبة سؤال للخاطب هل سبق أن خطبت اذا قال ايه قال ترى مافي شوووفة لو تلحس البحر أعتقد صراحة أن الشوفة أفرطوا فيها النااااس فرط عظيم ويجب الحد من طريقتها وخاصة اذا البنت صغيرة ولا ينخاف عليها أما الشوفة اللي المفروض تصير للبنت اللي فيها عيب أي عيب حتى يكون الخاطب على بينه اما بنت مافيها شي فلا أؤيد الشوفة

المواضيع تبي ناس صاحية تالي الليول وتستعين بشوي ورق عنب المزور ماتبيني انا انام بدري

انت تحسب هالزمن مثل زمنك أول ؟؟ جاي تخطب واهم ماعليك اخلاق البنت واهلها !
ودخلوها عليك ووقف قلبك من الفرحه ووافقت لأنك ماتشوف الحرمه الا خطمة بالجردة !
الحين الشباب عيونهم مليانه والبنت تحط ماوراها ودونها من الكشخه ولا تملى عينه يقول بصبر يمكن الاقي بنت احلى !
ويبلع هو وامه ويقضون باقي يومهم بالنخيل وخذ يابصبصة
غير هذا الحرمه ماتخطب وحده لولدها الا هي شايفتها هي وبناتها وواصفينها وصف دقيق للولد .. مع هذا مايستغنون عن احراج البنت وبلع مايقدم من ضيافة
جرب تتزوج مرة ثانية ورح شف البنية وعطنا انطباعك .. يمكن ماتعجبك وتقول اصبروا بشوف يمكن الاقي وحده اطخم من هذي شوي !

[قـتـالـه]

للبيع مكنوز سكري خاص بالشوفات (عينات خاصه )محشوه بالهلول اللي يخلي ام الخاطب وخواته خري مري على الحمام
منها يلهن عن البنت وتدخل على الرجل
ومنها يوقفن طواحينهن ويبلشن بأرواحهن ..
الكميه محدوده تراي علمتكن

[كــفـايــة]

فيه نوكتة بسيطة ع الشوفة


واحد خطب من ناس خبوبيين


المهم بعد ماوافقوا عليه راح الخاطب وعلى نياته يحسبه خاطب بنت واحد فاهم


قال لابو البنت ودي اشوف البنت قال الاب وش تشوووف بكل حمق قال الولد بشوف البنت


قال ايه ميخالف تعال بكرااا ادخلك عليها وتشوفها


من بكرا جاء الولد متلبس ومتطيب وعلى سنجة عشرااا


وقال ابو البنت تعال اوريك البنت وطلع به للمزرعة قال اللي خاطب غريبة وش مطلعها بها الليل


ودخل ابو البنت على حوش البقر قال تشوف ها البقرة هي خطيبتك اللي تبي تشووف


ناظر فيها الخاطب وناظر ابو البنت وتمقلهم زين


قال ماشاء الله طالعة على ابوها خخخ


الله يقطعك ويقطع اللي يجي لمك ياثور خخخخ

[قلب الأسد]

عــذبه ,, موضوع بالصميم ,,


من حق الشاب يتمقل ويشوف ويضرب من الحلى والفطاير

يعني يبي يدفع دم قلبه ديون واقساط وحالته حاله لازم يقز

وبالعكس هذا احسن للبنت المخطوبه يمكن بعد يأخذ وحـده

وهو ما اقتنع ميه بالميه مع ان مافيش ميه بالميه بس نقول

60 بالميه ويعذبها معه ,, خليه يشوف ويتمقل على مزاجـــه

وبرضه من الناحيه الشرعيه مافيها شي انه يشوف واكثر من

بنت طبعاً ,,

وام بطنين مسكينه وش تسوي علشان هالولد ,, بس الأهـــم

في هالحاله هو دور الولد انه يستــر على البنت لو ماحصل نصيب

معها ,,والله يرزقها بغيره واحسن منه يمكن ,,