صباح الئشطة
اخش بالموضوع دوغري لأن الوقت لايسمح للمقدمات .. و لو بيجيني نوم قمت وخليت الموضوع لو هو ماكمل ..
المهم .. اخر تدوينه لي امس الصباح كانت عن سالفة أم بطنين ..
ولما طلبت من الأعضاء مناقشتي حول الموضوع طلبوا مني انزله بالمجلس ..
قلت والله ما أردكم .. وخاصة ان ام القتاتيل تبي تشيل وتحط معي فيه كود نطلع بعقار يقضي على مثل هالحريم وهالدلوخ الشباب ..
اليكم القصة بإختصار ......
امس قريبتي بالإجتماع تسولف عن الحريم اللي يخطبن من ناس ويجن يشوفن البنت هن وعيالهن ولا يرجعن !
تقول :
ان مدرسة معهم بالعمل تقول انا دخلت ثمان بيوت ادور لولدي وماش مابعد جزمت عليهن !
تقول قريبتي معقوله ثمان بيوت ؟؟ ماتخافين الله ... وهالبنات اللي تشوفينهن وتطلعين وتتركينهن ؟
قالت ان مااخذناها حنا ياخذها غيرنا مهب قاعده ! من يحصل له بكل بيت ضيافه معتبره وحلا وموالح وكشخه !!
ياجعلك الفاري اللي يفرى بطنك تروحين وتحوسين البنت ونفسيتها عشان بطنك ؟؟؟
ياويلييييه على بعض الناس اللي مخلوقين كومة لحم بلا احساس !!!
يانعنبوها حاله !
اتخيلت شعور البنيه وهي كاشخه ياحيي وتدخل على ذاك الشاب اللي مرتز يبلع هو وامه ياجعلهم للمر .. وتجلس عندهم قليبها يرقع يسمعه اللي بالحي اللي جنبهم ..
وهم يتمقلونها بعين .. وعين على البلع ..
وتطلع منهم متشققه من الوناسه .. واذا ملوا بطونهم طلعوا على هالطلعه لبيت ثانية !!!!
البنت بعدها تكره العرس وطاريه وتلعن بالرجال قايمة قاعده
شرايكم بأم بطنين ؟ وولدها الدلخ اللي رابطته وراها وتجرجره من بيت لبيت وهو موانس ؟
[ ثمـــــــــان بيـــوت يا أم بطنيـــــــــن !!! ]
العرض الشجري