هل طاحت مصارينه فعلاً !!

[فتحـية]

[align=center]جملة مافتئت تتنطط حول عقلي رغماً عن أسلحة الفهامة والذهانة لدى محدثتكم تحاول الدخول عنوة ..
إلا أنها تبطي عظم تدخل !!
للأسف مازالت واقفة على عتبة باب عقلي تطرقه في كل يوم وطني وحالما يفتح عقلي الباب ويرى الجملة إياها وقد وضعت رجلاً على رجل بهيئة توحي بالثقة يصبخ الباب في وجهها صبخة توشك منها حيطان عقلي على الانهيار وكأن عقلي يقول يا أنا يا هي !!!!!
المهم كنت قد عقدت هدنة بيني وبينها منذ أيام الابتدائي بحيث تظل هي جالسة على عتبة باب عقلي وأنا أصبخ في وجهها الباب ولا يفوتني أن أخبركم أن الجملة سيئة الذكر وسيعة وجه وفي رواية لا تملك وجهاً من أصله ..
وإلا فهل ترضى بالعتبة مجلساً لها لسنوات مع العلم أني أغسل حوش عقلي وعتبة بابه يومياً ..
بينما مئصوفة الرئبة لا تتزحزح عن العتبة شبراً .. !!
الهدنة انتهت يوم أمس .. والحرب بيني وبينها أوشكت أن تبدأ ولأني أريد السلام لاسيما أننا في شهر فضيل أحببت الإستعانة بكم لتحكموا بيني وبينها بالعدل فإما أن تدخل إلى عقلي الكريم وتتمختر فيه جيئة وذهابا وإلا فلتنقلع
عن عتبة بابه الشريفة .. لن أطيل عليكم ياسادة فخصمي هو الجملة القائلة بأن الملك عبدالعزيز _ رحمه الله _
قد طاحت مصارينه في أحد المعارك إبان توحيد المملكة ..
حتى هنا وأنا والجملة سمن على عسل لكن حينما تقول بأنه أعاد مصارينه بيده وكمل المعركة ..هنا أقول أنا stop !!
قدراتي العقلية غير قادرة على استيعاب هكذا نصبة ..لأني وبكل اختصار لستُ بنغالية !!


وبحكم أنوي قصيمية أباً عن جد فهذا يجعل هرمونات الشرافة عندي ترتفع إلى أقصى معدلاتها متساءلة عن ذاك اللي
راقب الملك يوم أن طاحت مصارينه وحين أعادها وحين كمل المعركة ...
هل كان ينقّم فصفص أم حب قرع لأنه على مايبدو أنه كان فاضي جدا جدا وفي رواية أخرى ضعيفة السّند أنه كان
مدمناً للأفلام الهندية _عفى الله عنّا وعنه _ !!

السؤال يقول :
هل الرواية القائلة بأن مصارين الملك المؤسس _ رحمه الله _ قد سقطت في أرض المعركة ثم أعادها إلى مكانها وأكمل المعركة ؟!


برايفت للمشرفين
يمكنكم إبداء الرأي بالمشاركة ..والحذف يعني التشكيك في بطولة الملك
كونوا واثقين[/align]

[عاشق ديرتي بريده]

يمكنه طاح الحبل اللي رابط به سرواله ويحسبون مصارينه طالعه !!!

[إشراق]

حتى أنا سمعت بهالقصه

بس مادخلت مزاجي أبدا

ماجلست تحوس عند عتبة عقلي

لا.. طردتها كلش

[سارة عبدالعزيز]

[align=center]التاريخ يكتبه المنتصر فيسطر فيه ماشاء
فلا عجب,,,,,[/align]

[فتحـية]

اقتباس:  المشاركة الأصلية كتبت بواسطة عاشق ديرتي بريده     يمكنه طاح الحبل اللي رابط به سرواله ويحسبون مصارينه طالعه !!!

ودي أصدق والله ..بس هم ملزمين على سالفة المصارين

[فتحـية]

اقتباس:  المشاركة الأصلية كتبت بواسطة بنت بريده2     حتى أنا سمعت بهالقصه بس مادخلت مزاجي أبدا ماجلست تحوس عند عتبة عقلي لا.. طردتها كلش

يابختك ياشيخة .. انا طاردته بس هي راسه وألف يمين إلا بتدخل

[فتحـية]

اقتباس:  المشاركة الأصلية كتبت بواسطة سارة عبدالعزيز     [align=center]التاريخ يكتبه المنتصر فيسطر فيه ماشاء فلا عجب,,,,,[/align]

ماقلنا شي خليه يسطر على كيفه .. بس لا يصير غبي !!

[ثلوج دافئه]

ليه مصرانه حبال يشيلها ويرجعها ولا بعد يقوم ويكمل المعركه
السالفه ماتدخل العقل
تحياتي

[فور يو]

الشرهه على عتبة باب عقلك اللي كل هذه السنين وقصه خرافيه تتمخطر عليها ...!

اعذب تحيه للكل .

[فتحـية]

اقتباس:  المشاركة الأصلية كتبت بواسطة ثلوج دافئه     ليه مصرانه حبال يشيلها ويرجعها ولا بعد يقوم ويكمل المعركه السالفه ماتدخل العقل تحياتي

هم يقولون تسذا ...أنا ماقلت شي !!!

[فتحـية]

اقتباس:  المشاركة الأصلية كتبت بواسطة فور يو     الشرهه على عتبة باب عقلك اللي كل هذه السنين وقصه خرافيه تتمخطر عليها ...! اعذب تحيه للكل .

ماعلى عتبة باب عقلي شرهة ..لا صار شايب كبر جدي طالع بالتلفزيون وبكل بجاحة وسماجة يقصه ...لا وبعد دبلوماسي ..ياويل تسبدتس يافتحية بس ..
يلومونتس بعد

[العبرى]

اجل كله مصارين..!

<<<اتوب



تحيتي,,,

[نـدى الـورد]

احياناً نسمع مُبالغات في سرد بعض الروايات

الله يرحمه ويغفر له


.

[الحصان الأسود]

صدق انك شجاعه وبشجاعة الأبطال القداما

فلكن

اذكر ابو حلوه وقف فتحيه

وجيتي بمهب فتحيه ووجهك يصيح وخايفه مره



السؤال ؟

لو يجونك هذولآك ويقلون لك إلا طاحن مصارينه وبتصدقين غصب عنك ويوقفونك بعد .

<<<ودي اشوف وجهه ياناس

وش تسوين !

[بنت البدائع]

فتحية وراتس متغطيه

أيه صح أثرنا بالعام وعندنا الرجال

طيب تعالي معنا خاص لها وإفتشي خلينا نشوف علومتس ونعلمتس هي مصارينه طاحت أو لا

ترانا كلنا فاتشين هناك <<< عز الله أخترقوا المنتدى يحسبونه صدق