أرحب هلا بك مرحبا بك وحياك
حياك مرحب ياهلا ياهلا بك
كم مره جيت بمواصل لرضاك
وتصك في وجه المواصيل بابك
لبى الغنج لبى الدلع لب لاماك
لبى الحقيقه فيك لبى سرابك
لبيه مدري ويش حتى خفاياك
لبى خطاك ولب حتى ترابك
خذ كف يمنايه على كف يمناك
ثم ضمني يانعنبو من غدابك
إشتقت لك واموت بك واترجاك
يالعنبو حيك ويلعن شبابك
هذا هو الشوق الحقيقي اليا اغراك
تجي على اللهفه تعوض غيابك
وانا بضمك كل ما قلت لي هاك
هاك العذاب وغير غيري عنابك
عوض عن اللي صار سولف لذكراك
وابسط خيالك من خيال شقابك
انت الوله والشوق وشلون ما اضماك
صرت اشفقك واذكر ملامح عتابك
ذي فلسفه شاعر ولازال يهواك
ياملهمه حروف تنطرب يوم تقراك
وتقول لعيونك هلا يا هلابك