دورولــي عـــذر عــشـان أســــــأفرررررررر !!!

[امرؤ القيس]

أهلينــــــ


صراحة لين الحين ماسافرت براااا وآخر عهد لي بالجوازات قبل عشرين سنة عشان أطلع إقامة لعامل مزرعتنا عقبها ماهوبت مع بااب الجوازات لين اليوووم

أنا كل مارحت لشلة حصلتهم يتكلمون عن السفر .
اللي هواياته التمشي واللي هواياته غسل البطن واللي هواياته غسل العيووووون واللي هواياته الزواج بغير عقد !! وواحد رايح للبحث عن عمال وهو ماعنده مؤسسة ولا مزرعة وواحد رايح يصلح سنونة وسنونة مابهن شيء والديرة اللي رايح لها أصلا ماتعرف بتصليح الأسنااان!

يعني كل واحد رايح لشغلة معينة ولعب معيّن

ولا جاء الهرج عندي قلت ماعمري سافرت ناظرتني كل العيون وقالت الألسن معقووولة تقل إني قلت كفر أو عييييييب !

ياجماعة فعلا ماسبق سافرت ولامعي أصلا جواااز


بس الحين ودي أسااافر عقب ماصرت لحالي بكل مجلس ماسبق سااافر


بس وش العذر اللي يخليني أساافر

يعني

سنوني زينة مافيها شيء

بطني مافيه الا العافية

وبعدين وين أروووح الدووول العربية كلها ثورات ومشاااكل


انصحوني غير مأجورينــــــــــ !!!!!!!!!؟

[رايق دايم]

أجل أنت شد بلده وبقراطيسك . ياسعدك .
أنا خر مر على هالمطارات بس ماعقدني مثل خطوطنا وبالأخير تركتها وطحنا بالخطوط الأجنبيه وارتحنا .
شف أنا إذا ماسافرت يجيني غلقه وتكاك بصدري ويوم اسافر ارجع لبريده اتشقق من الوناسه والسعاده .
آخر سفره لي كانت لكينيا قبل شهرين تقريبا ورحنا برحلة سفاري ويا الشباب ومعنا خواجات من الجنسين لمحميات طبيعيه فيها أسود ونموره وفهود وفيله وزرافات وثعابين وعزلان وضباع وحمير الوحش والنو وحيوانات وطيور لاتعد ولاتحصى فسبحان الخالق جل جلاله ..بس كانت رحله ممتعه جدا

[هـ تـ]

وللسّفر مآرب لاتعدّ ولا تُحصى !
فالتعرّف على الأمصار والأمم الأخرى سبب لا حلّ له إلّا بالسفر ..
رؤية الحُسن والجمال هُناك سبب من ضمن الأسباب ..

وكما قال الشافعي :
تغرَّبْ عن الأوطان في طلب العلى .. وسافر ففي الأسفار خمس فوائد
تَفَرُّج همٍّ، واكتساب معيشة .. وعلم، وآداب، وصحبة ماجد
فإن قـيل في الأسفار ذُلٌّ ومحنـة .. وقطع الفيافي وارتكاب الشدائد
فـموت الـفتى خير له من قيامه .. بدار هوان بين واشٍ وحاسد

[أبو ظبي]

خلك بخب روضان
....... والله أزين لك

[بدويه متحضره]

هههههه انا اقوول اقضب ارضك ترا الدول كلها ثورات مثل ما قلت ولا رووح للصين بلد العجائب

[الصيااد]

اقتباس:  المشاركة الأصلية كتبت بواسطة امرؤ القيس     انصحوني غير مأجورينــــــــــ !!!!!!!!!؟

!!!!!! كيف تقول هذا ؟ !!!!!

[عناية بالبشرة]

سافر اليابان ... جدا جميله ومن كللل النواحي متكامله
طبيعة خرافيه .... سكانها متواضعين و محترمين جدا ويقدسون ضيف البلد الى درجه كبيرة
مافيها شبهات عندنا في بلدنا لما تقول رحت حق اليابان .. سمعتها كويسه ..السكن فيها اسعاره معقوله ..
ونظيف جدا ودورات مياه في المساكن وانت بكرامه خاصه وفيه دشاشات ماي
بعكس اكثر الدول الغربيه لانهم مايتوضون حاطين في الحمام بس مناديل .. هذا غير ان بعض
دورات المياه في مساكن الغرب الكل يشوفك ..لانك رجل مخلين الدورة مجرد محراب ضيق
تدخل واجهة وجهك فقط وانت افهمها عاد










:

[التنين الصيني]

شف يابوعدي ....

سوات الأخ سلفر ما مثلها ابد ولا تكلف واجد ....

تراي مسويها , شوري عليك لا تفوتك

[الصيااد]

اقتباس:  المشاركة الأصلية كتبت بواسطة التنين الصيني     شف يابوعدي .... سوات الأخ سلفر ما مثلها ابد ولا تكلف واجد .... تراي مسويها , شوري عليك لا تفوتك

التنين الصيني

كيف حالك واحوالك ؟

ليش ماتنصحه ان يسافر للصين ؟

[البارق]

هههههههههههههه
أهم شي يغسلون عيونهم

هذي رهيبة واعجبتني


تبي الجد الجد
أبرك لك انك ماسافرت
لأنك إذا سافرت
الجو هناك يفرض عليك
تغسل عيونك
هههههه

[عاشق الخير]

ابوعدي
تبي خوووي
وكاله وبقراطيسه يخاف يسافر برا ويذبحونه او يفجرونبه خخخ
** تراي مسافر يوم انا بزر مع الوالد الله يرحمه بس قبل ما تكبر شياطييني :

غدينا نتخاوى ونشووف وش اللي مهبول بتوبي وطقته هناااك

[ابونورة]

ابو عدي .. حافظ على تميزك وانفرادك عن الأخرين ..

واذا كنت ملزم رح يومين للحسين في القاهرة .. يمكن يصلحون لك

[التنين الصيني]

اقتباس:  المشاركة الأصلية كتبت بواسطة الصيااد     التنين الصيني كيف حالك واحوالك ؟ ليش ماتنصحه ان يسافر للصين ؟

هلا بالأمير .... اموري تسرك

الصين كله حرامية وزززززحمة بالحيل

[مباراة المطر]

اقتباس:  المشاركة الأصلية كتبت بواسطة امرؤ القيس     وبعدين وين أروووح الدووول العربية كلها ثورات ومشاااكل انصحوني غير مأجورينــــــــــ !!!!!!!!!؟

دام الدعوى كذا
انصحك تروح للصومال

[نهوله]

موب ضروري تدور عذر علشان تسافر
ضف عيالك وحريمتك وانطلقو بأرض الله الواسعه
لا تعالج عيونك ولا بطنك ولا سنونك