زوجي لفترة....

[حبيب قلبي محمد]

بسم الله الرحمن الرحيم

اسرة عادية كأي اسرة تعيش بسعادة لفترة وما أن يبلغ الزوج الاربعين تبدئ مراهقته المتأخرة[ازمه منتصف العمر] ويبدأ شيبون بالبحث عن فتاة احلامة الجديدة وبما أنه يملك المال والمركز ما ان يلبث ويجدها وبعد ان يستفيق من مراهقته المتأخرة ونزواته الغريبه يبدأ التفكير بما حل باسرته الاولي وبما فعل وام العيال ترفض الرجوع الا بطلاق الاخرى
ماذنب بنت الناس الجديدة بمراهقتك وتجديد شيباتك ؟؟؟
وخيبه املها واحباطها..

[عاشق ديرتي بريده]

حلوه كلمة شيبون خخخخخخخخخخخ

عموماً اذا كانت المراهقه المتأخر ينتج عنها زواج من ثانيه فهي ليست مشكله

لكن المشكله اذا الشيبون طاح بالسهر والغزل والسفر وهو كبر الحمار

[عناية بالبشرة]

اذا هيك المشكله فالمشكله ماهي فيه ...في زوجته الاولى ..
وجهي هذه المشكله للزوجات الانانيات ..والى الاسر المتخلفه والجاهله والتي لازالت
تعتبر الزوجه الثانيه للرجل دخيله على بيت الرجل وان زوجته الاولى هي ( الاصليه)
و ( ام العيال) وكأن عيال الثانيه عيال الغرب ..

هذا الرجل ما ارتكب اي خطأ ..وزواجه الثاني حق من حقوقه الشرعيه بشرط
العدل بين الزوجتين .

[حبيب قلبي محمد]

اقتباس:  المشاركة الأصلية كتبت بواسطة تحدوها البشر     اذا هيك المشكله فالمشكله ماهي فيه ...في زوجته الاولى .. وجهي هذه المشكله للزوجات الانانيات ..والى الاسر المتخلفه والجاهله والتي لازالت تعتبر الزوجه الثانيه للرجل دخيله على بيت الرجل وان زوجته الاولى هي ( الاصليه) و ( ام العيال) وكأن عيال الثانيه عيال الغرب .. هذا الرجل ما ارتكب اي خطأ ..وزواجه الثاني حق من حقوقه الشرعيه بشرط العدل بين الزوجتين .

هلا اختي تحدوها شرفتينا صح السانك انا معاك بس انا اتكلم عن ليش ايطلقها

وهو الي جاْء ودق الباب وبلاْ بنت الناس في نفسه وبعدين يتركه اذا هددت ام العيال بتركه الضحيه هالمسكينه
ليش من الاول اذا اقدم الرجل ع ها لخطوة يكون رجال صح وماهي مجرد نزوه او مرحله عمريه مر فيها ويطلق الجديدة بدون ذنب.

[أبوبسام]

اقتباس:  المشاركة الأصلية كتبت بواسطة تحدوها البشر     وجهي هذه المشكله للزوجات الانانيات ..والى الاسر المتخلفه والجاهله والتي لازالت تعتبر الزوجه الثانيه للرجل دخيله على بيت الرجل وان زوجته الاولى هي ( الاصليه) و ( ام العيال) وكأن عيال الثانيه عيال الغرب ..

من تفهمين، ومن تقولين له .؟
تدرين أن الكل مقتنع بكلامك ( عدا هي ) ..
ولو الله يفكها ويفكنا من ( محارث النار ) هالحريم اللي حولها، واللي يشبنها زود، كان هي بخير .!



أخوي ( عاشق ديرتي بريده ) تكفا لاتغلط على الحمار لو سمحت ..
ترى يسد جاه الله جاه من عباد الله .. وأنت تدخله بامور الزواج والعروس ( ناقصك هو المسيكين ) ..

[حبيب قلبي محمد]

هههههههههههههههههههههه كبر الحمار

صح انا معاك مافيها شي بس انه مايحطها بمساومه رخيصه مع ام اعياله ولا يعدل بعد واخر شي يطلقها بدون ذنب ...

[To Be]

صدقت حبيب قلبي محمد

في سؤالك : ما ذنب بنت الناس ؟

القضية تدور حول ( شيبون ) و ( الفتاة ) !!!

اما شيبون تهميش حجم المسئولية عند اتخاذه قرار التعدد والنظر فقط من زاوية إشباع احتياجاته من تلك الفتاة .

اما (الفتاة ) تقع بعدم معرفة شخصية (شيبون) والوضع الاجتماعي له قبل الموافقة علي الزواج !

قضية مستحيلة الحل بسبب وجود ( القلوب ) داخل صناديق لا يعلم ما فيها الا الله


اللهم صلي علي حبيبنا محمد

[غنيمه]

زواج شيبون ع قولتك قرار اندفاعي المفروض يكون يعرف زوجته انها ما راح ترضى
ليش الأنانية ليش ما يفكر بيته وزوجته وعياله لأنهم بأمس الحاجه له
وخصوصا في فتره المراهقة وحتى الصغار اللحين لغاب الأب لفترة مؤقتة انفلتو العيال عاد وشلون اعرس .

[ام يزن]

ماذنب بنت الناس الجديدة بمراهقتك وتجديد شيباتك ؟؟؟

ذنبها انها وافقت على عماها
بدون شروط تكفل لها مكانتها واحترامها
وافقت بدون ادنى تفكير او حساب لـ العواقب
رجل هانت عليه ام عياله
الجديده بتكون اهون ,,

[عادل الحبيتر]

اغلب الذين يتخطون سن الأربعين . نجدهم يحالولون أن يجددوا شبابهم . وذلك خوفا من العمر الذي يباغتهم شيئا فشيئا ..
لكن أيش المانع أذا جدد شبابه بالبحث عن فتاة أحلامه . دام هذا الشئ لا يغضب الله ..
لكن الأهم أن يعدل بين زوجاته .. ( أقصد بالعدل في أداء حقوقه تجاههم ) ..

فعلا من يتخطى الأربعين عاما . يجد نفسه خائفا من تقدمه في السن ..

الله يكون بعونهم ..

[بسمه فرح]

الله يكون بعونك يااارب

[عناية بالبشرة]

للاسف بعض الردود توحي انه لازال في هالجيل الجديد من الشعب من يسمي الاوله ( ام عياله )

يا حبايبنا ..الله شرع للرجل اربعة زوجات ..والاصل "اصلا" في الزواج في الاسلام هو التعدد فإن لم يستطع فـ"واحدة" ..؟
كل امراة تصبح في ذمة الرجل تكون ( ام عياله ) مش محصور على اول
وحدة عقد عليها عقد النكاح ولا آخر وحده..!

اما الخطأ الثاني هنا ..
هو حصركم سن الاربعين للرجل لما يفكر بالتعدد انه فترة مراهقه يبحث فيها عمن تجدد له شبابه ..
هذا الاعتقاد خاطئ جدا ..!!
التعدد موجود في كل مراحل العمر .. حتى العشرينيين يعددون
اعرف شخص من الاقارب معه حرمتين وهو عمره 25 سنه ..متزوجهم بسنه وحده..!
هل هو تجديد شباب ...؟؟

اما قضية سن الاربعين وقولتكم ( شيبون يتشبب)
فهي عكس ماتتصورون ..ماهو شيبون ذا..!؟
هذا العمر بالنسبه للرجل قمة الفحوله ..والحاجه للتعدد الزوجات ..
واي عضو هنا يرد في هذا الموضوع وهو ثلاثيني او عشريني ويقول شيبون
ويتكلم ويتكلم مع صاحبة الموضوع المفجوعه

بيتذكر هذا الكلام لما يدخل الاربعين ويشوف مشاعره تغيرت تجاه زوجته اللي عنده
180 درجه .. لو حصل له طق الثالثه والرابعه بعد..

اختي العزيزة حبيب قلبي محمد كل مافي الامر انكم مقرودين حظ فقط بهذا الرجل اللي
ماله كلمه ولا استقلاليه عن زوجته
ونماذجه كثير من كل الاعمار .. اكثرهم الثلاثينيين يتزوجه مسيار
او سر وهو حاط في باله انه احتمال بيطلقه بأي لحظه حس ان زوجته بتدري به عشان ماتزعل..وفعلا يطلق ..!؟
وبالطبع انا لا اعمم الثلاثينيين..اتكلم فقط عن الجهال اشباه الرجال اللي امهاتهم مربياتهم على ان الزوجه هي كل
شي بالحياة وان الزواج عليها ظلم شنبع يستحق العقوبه الالهيه عليه..

فاتقوا الله وسيبوا الاربعيني بحاله حصلوا مواصيله في الرجوله
والاتزان والفحوله والعقل والرزانه هالعمر.

[المتزن]

أنا أستغرب من حبيب قلبي محمد ومنكم جميعاً انكم تتكلمون عن شيبون اللي تزوج ببنوته علشان يستمتع بالحلال ويجدد حياته ، ونسيتوا شيبونه !

وراكم ماتهاوشون شيبونه اللي هي ساس البلا ؟!

لولا شيبونه ماكان شيبون تخلى عن الثانية



تحياتي ،،

[أبوبسام]

اقتباس:  المشاركة الأصلية كتبت بواسطة حبيب قلبي محمد     وما أن يبلغ الزوج الاربعين تبدئ مراهقته المتأخرة[ازمه منتصف العمر] ويبدأ شيبون بالبحث عن فتاة احلامة الجديدة وبما أنه يملك المال والمركز

لاتصفينها ــ ياعزيزتي ــ بالمراهقة المتأخرة دامه حِلٍ إمحله ربي، وهو مغنيه ربي ..!
بخير وستين نعمة و ( قل من حرَّم زينة الله .... ) .

اقتباس:  المشاركة الأصلية كتبت بواسطة حبيب قلبي محمد     وبعد ان يستفيق من مراهقته المتأخرة ونزواته الغريبه يبدأ التفكير بما حل باسرته الاولي وبما فعل وام العيال ترفض الرجوع الا بطلاق الاخرى

أولاً لنتساءل،أو نُسائلك أختي الكاتبة ..!
أنتي ذكرتي ( شبه قصة ) وهي ناقصة الأطراف، ولن ينجح موضوعك دامه من طرف واحد دون مُشاهدة مُسوِّغات الزواج، أو على الأقل تبعياته اللاحقة التي حلَّت بأسرته ...إلخ .
ومع هذا أقول إنه مع احترامي له، هذا رجل ما يعرف العواقب ولا حتى فكر فيها، وتخطيطه فاشل من الأساس، وقد أصاب نزوته أو شهوته أو مُراده، وترك غيره؛ مُعلناً أنانيته ..!

اقتباس:  المشاركة الأصلية كتبت بواسطة حبيب قلبي محمد     ماذنب بنت الناس الجديدة بمراهقتك وتجديد شيباتك ؟؟؟

تعتبره طهور وكفّارةٌ لها من ذنوبها، وهذا نعتبره من بلايا الدنيا ..
مابليد حيلة ياختي ..!

[shahd2007]

يتزوج ويتوهق يحسبه اذا تزوج بيرجع 10 سنوات وراى
اوكي تزوج مافي مشكله بس خذ ع قدك فوق الثلاثين وتكون مطلقه او ارمله
لكن ي الحبيب تتزوج بنت شوي صعبه بتمل منك

وبعدين اغلب رجال اللحين يخافون من حريمهم من تناظره ينسى اسمه موب عاد يصير فتوه ويتزوج عليها هاذي فيها قطع رووس

ايييه الله يرحمك ي بابا عبدالله
يجيب العروس ويقول قوموا سلموا ع خالتكم وابن ابوه يعترض او يحتج