حصريا وعلى قناة السمنسي .. إن النساء رياحين خلقن لنا

[الساهر999]

[align=center]السمنسي عميدنا هنا

دائما تضع بصماتك وتثير الكثير وتجعل الحليم حيرانا

حضورك زاهي هنا هذه المرة برائحة العطور الفرنسية

فانا اشم عطرا نسائيا او اتخيل وردة او فلة بين يديك

اشعر ان انقلابك المئوي خلفه ماخلفه

ومع هذا انا مؤيد لك بكل ماتقوله فظلم المرأة في مجتمعنا وسرقتها ونهب حقوقها امر جعل الدولة تتجة الى دراسة الوضع وتنشئ لجانا اسرية للعناية بالاسرة والمرأة

استغرب تشنج البعض تجاهك فانا قرأت موضوع اللمحات الذي اجري معك فوجدت ان في حقيقتك تحمل التقدير الكبير للمرأة
وشخصيا ادرك جيدا ان نقدك المستمر للمرأة انما هو نتيجة احترامك وتقديرك لها

تقبل مروري استاذي السمنسي [/align]

[تهاني إبراهيم]

المجتمع ونظرته إلى عطاء المرأة دائماً ما يُنسب إلى كونه ضعف , إنهزام , عدم سيطرة على الآخر ..!
لكن لو نظرنا إلى تكوين المرأة فإن العطاء محفور في تاريخها وعقلها وحتى في تركيبها الهرموني وهذا حقيقة دراسات , بينما في الرجل نجد العكس [ وهنا بيت القصيد] !

كون الرجل في تركيبه الذكوري شخصية متلقية فقط يُملي عليه العقل الباطن التلقي بطريقة تعتمد على الأخذ , وتجعل من النساء الغير مُدركات بأنه أناني الطبع ..
بينما هو يؤدي وظيفة تلقائية ويستجيب لعطاء المرأة بشكل إنسيابي بحت ..

الفاضل: عجوز ..
عندما قرأت ما نقلته عن زميلك وجدت أنه فعل طبيعي جداً لكنه أتخذ مُنحنى الجهل بالنسبة للمرأة ومنُحنى عدم الإحترام والتقدير لمجهود المرأة من قبل الرجل ..
فالمرأة المُدركة لحقيقة الرجل يكون عطاءها بحدود فلا تصل إلى أن تصبح في نظرة كبش فداء يجعلها تُساق نحو هدف تحقيق الرغبات المغلفة بجشع الزوج ..
بينما الرجل المُدرك أيضاً لطبيعة المرأة يرى أن العطاء عندما يأتي من قبل المرأة فهو دليل أكيد على التفاني في طلب الرضا , وهذا مما يزيد في التآلف لا التحقير والنسب إلى الضعف وقلة الحيلة ..!

كثيراً ما نرى نساء عاملات لكنهن يمسكن زمام الأمور وأعني هنا (الناحية المادية المشتملة على مصروفها الخاص) على أكمل وجه , ويُجدن التصرف مع النوعية التي تنظر دائماً بشراهة إلى ما تحمله يد المرأة ..

أخيراً:
المرأة الناجحة في التعامل مع الرجل سواء كان أب أو أخ أو زوج ترى أن العطاء لا يُنقص أبداً من شخصيتها بل يجعلها ذو أهمية في حياته عندما تجعل الإحترام سيداً يتربع على علاقتها به , فهو حتماً سيجعل من الرجل في هذه الحالة شخصية مُتلقية بأسلوب مهذب يدل على الكثير من التقدير والإجلال ..
وهذا ما نعاني من نقصانه غالباً في حياتنا وحياة من حولنا ..!

أردت أن أقول:
نحن نحتاج لأمرين فقط ..
أن نفهم أنفسنا أولاً , وأن نُفهم الآخرين من نكون نحن ..
وإذا حققنا الأمرين معاً إستطعنا أن نكون أسياداً داخل حدود عالمنا ..


تحيتي ..

تهاني

[علووووش]

اخوي سمنسي
المرأه هذا اقل شي المفروض الواحد يسوي فيها كذا.
المفروض من الرجال اذا صارت حرمته موضفه يفصل من الشغل.
علشان يكون مرتاح لان المرأه مالها امان اذا جابت اعيال وكبروا
راح ترفع خشمها عليك لان يكون عندها ظهر اولادها.
بس والله يعجبني صاحبك عثمان هذا اللى الفاهم مو بعض الرجال
الرخوم اللى في الوقت هذا اي شئ تقوله زوجته قالها سمي من اعيوني
ياحسافه على بعض رجاجيل هالوقت .
مثل اليوم شفت واحد بالسوق معه زوجته تخيلوا لابسه زوجته
عبايه مخصره والنقاب طالع كل ووجهه بغيت انزل واذبحه من القهر اللى
فيني بصراحه ودي اروح اكلم ابو البنت اقوله انت مزوج بنتك رخمه
مو رجال .
وآخر كلامي ياالعجوز سمنسي سلملي على عثمان هو الرجال اللى يستاهل
الحرمه ماعنده اي تقدير لمثل هذا الجنس البشع.

[عجوز سمنسي]

اقتباس:  المشاركة الأصلية كتبت بواسطة ماخسرتك     اعجبني العنوان وقلت يابنت خليك الاوله بالدخول البنت مننا تحب تحافظ على بيتها مثل ماتحافظ على نفسها وعندها ثقة بالي حولها مو مثل الرجل همه نفسه

الحقيقة بداية الردود لي احب اعتذر عن التأخير لاني كل الفترة اللي راحت كنت ادخل من الجوال لعدم قدرتي الجلوس على الجهاز


ماخسرتك : ياهلا بك

والله وانا اخوك سبقك للرد تشريف لي

ليس كل البنات تحب تحافظ على نفسها فمنهن من تبحث عن خراب عشها بيديها وتتصرف تصرفات رعناء

وقسوة الرجل التي اقولها منبعها غباء بعض النساء فيؤدي بالنهاية الى دمارها

وبعضهن ايضا لاتعرف المعروف ولاتنكر المنكر فكلاهما عندها سواء

تحيتي لك

[عجوز سمنسي]

اقتباس:  المشاركة الأصلية كتبت بواسطة &عبير الشوق&     [align=center][align=center]كعادتك سمنسي مواضيع رائعه وانتقاء مميز .. ولكن هذه المره لصالح حواء ..[/align][/align][align=center][align=center] كلام واقعي ولا غبار عليه حقا المرأه هي من تصنع قسوة الرجل بدليل تغير طباع كثير من الازواج مع الزوجه الثانيه .. فبعد ان كان متوحش كاسر شرس مع ام العيال اصبح حمل وديع مع الفرفوره على قولتك ... أيها الكهل الحكيم ... تقبل تحياتي ..[/align][/align]

عبير الشوق : اااااااااااااه ثم ااااااااااااااااااه

دائما ترونني ضد المرأة

كل مواضيعي لصالح حواء لكنكم لاتفقهون

ترون نقدي انه وقوف ضدها وهو في صالحها

لكن هذا حد عقولكم ترون المعروف منكرا والمنكر معروفا على حسب مزاجكم وهواكم

نعم قلتها انتن من تصنعن قسوة الرجل بدلاخة بعضكن

والله العظيم اني سمعت قصة عن احدهم انه اسد على ام عيالة وفأر عند الشامية حتى وصل الامر الى انها تضربه متى ماشاءت وترضى عنه متى ماشاءت

الله يخلف مير

لماذا السعودية دائما هي من تكون تحت الاقدام؟

تحيتي لك اختي الكريمة

[عجوز سمنسي]

اقتباس:  المشاركة الأصلية كتبت بواسطة قصيمي تحت المطر     المشكلة ياحلو إن الامور مهوب على الي هي تبي .. أول شي المراءه تبي تحافظ على بيته .. وعلى عياله .. وتبي تحافظ على رجله التيس .. والمشكلة الثانيه انه ماتقدر تنسحب من الرجّال .. لان الوضع زي ما أنت تشوف .. العنوسه زايدة .. ولو فكرة تقول أبتركه من يبي يتزوجهـا ؟ وحتى لو ماتزوجه أحد .. من يبي يرححمه من نظرة المجتمع السيئه للمراءة المطلقه ؟ ياخي متناقضات ما انزل الله بها من سلطان .. وإذا أنعدمت المروءه إنعدمت الرجولة .. بارك الله فيك يابوسمنسي ..

هلا بك ياقصيمي

هنا مشكلة اخرى تجعل الفتاة عندنا تهضم حقوقها

فتاة عمرها 18 تتزوج رجل لاتريده سكير نكير

لو طلبت الطلاق لاخذت بعده شايب كحيان لان المجتمع ينظر لها باستحقار

ولو بقيت لسامها السكير النكير الويل وسوء العذاب

اذا هي بين نارين

المسؤولية كبيرة وتقع على عاتق ولي الامر باختيار الرجل المناسب لبنته

اننا ي مجتمع لايرحم ولاينظر للمرأة الا بنظرة ازدراء كبيرة واستحقار واستهجان وبقوله اكرمكم الله

قلتها ياسيدي في نهاية موضوعي

تف على هيك شنبات

شرفتني ياقصيمي وعسى الله يجيب المطر

[عجوز سمنسي]

اقتباس:  المشاركة الأصلية كتبت بواسطة إلينـ اليوم     الى الحين حي عثمان عسى كرشتو تنفقع انقهر لمااسمع مثل هالكلام متى يعرفون ان المرأه كأن ضعيف لاحول له ولاقوه مانقولك خله عاد تجركـ بسلسله بس خلك بين وبين كل شي بالدني شد وجذب خير االامور اوسطها رحمت شغاله جايه للسعوديه تكرف ليل نهار عشان عياله وابو الشباب وترسل راتبه كل شهر لهم وفي االاخير تزوج عليه قليل الخاتمه تقوم الفجر وتنظف وتنذل وفي االاخير ينحرق قلبه الله يكون بعون بنات حواء ياالله حياتها محكومه بيد رجل بيده يسعدها اذا هو رجال بجد وبيده يقهرها ويضيق حياتها لله دركن ياامهات . حبيبي كم رقم جيب عثمان خل احدو اخليه يدخل بماصوره هاللي مايستحي

هههههههههههههههههههههههههه صاير عربجي يا الين اليوم

خابرك ذوق واتيكيت ومملوح

تبي تحد الرجال ؟

الله يخليه لكرشته وللدلخة اللي عنده مستانسة عليه ومستانس على دلاختها

لاتبعد بعيد وتقول شغالة وماشغالة

ترى مثل الشغالة عندنا هنا

وربي اعرف واحد سكير نكير صابرة عليه بنت الاجواد وعشرة عشرين سنة بينهم

وبنت البيت وحطها باسمه ويوم خلصت طلقها وجاب سورية فرفورة وشوت ام عياله

الامثلة كثيرة مانبي نحرق قلوبنا عليها ياقلبي

شرفتني

الا تكفى لاتنسى تقول لخويك

العب ياللي بتتعب

[عجوز سمنسي]

اقتباس:  المشاركة الأصلية كتبت بواسطة علووووش     تف على هيك شنبات...... بصراحه هذي لحالها موضوع....

علووووش

معجبتك هيك شنبات

يالله ياقلبي اسدح لنا موضوع عنها يمكن يطلع من وراك شي ماشفناه للحين

شرفتني ياقلبي

[عجوز سمنسي]

اقتباس: علشانك بس قناتك هذي يالشايب يبي ينهبلن عليها الحريم ,, بيقابلنها 24 ساعه ,, بس عسى فيها شريط التشات ,, تراهن يحبن التشكي على بعض ,,

هلا بك يا امرئ القيس << شخصية عكسية له طبعا كل يردد للثاني تقل ببغاوات

اقتباس: قناة السمنسي ضربت قنوات المجد ,,

احلفي

يعني اقول لجبنة كيري يحطون دعاية عندي ؟

اقتباس: على قولة ابوي الله يحفظة ,, اي شي يدخل فيه حريم ناجح 100% ,, انصحك تشتري ايمان بنورة من الجزيرة ترى يمدحونها ,,

الله يخلي لك ابوك وهو صادق

عاد خلينا نشوف مثل ايمان بنورة وتوقعي باننا سنقفز للقمة على طول من شفاحة ربعنا تقل ماعمرهم شافوا نعمة

اقتباس: ( ياربية أي موضوع فيه عثمان ابو كرشة أشمئز منه )

وش نسوي حتى انا ربي باليني فيه بلوى بس احسن مافيه انه راعي مواقف متعدده وله فضل علي بكتابة مواضعي

اقتباس: بس ابي اعرف يالشايب ,, منهو اللي راكبن الثاني .. عثمان راكبن الجيب ولا الجيب اللي راكبه خخخ ,,

تنكتين انتي وجهك ؟ والا لاعب عليك الجاهلي وقايل لك تراك نكته وصدقتي روحك ؟

اقتباس: لاتحرجه رجاء ,, خلله يكمل موضوع ابو كرشة

لا ماعليك لا انتي ولاهو تحرجونن

كلكم على شحمة واعلى مابخيلكم اركبوه وكبوه لو تبون

[أبو الريش]

نبي فايده من الموضوع

انا أبي استفيد هنا مب الدعوه رد لي وارد لك....

ودي ادري كم اعماركم ....

[عجوز سمنسي]

اقتباس:  المشاركة الأصلية كتبت بواسطة عاشق ديرتي بريده     سمنسي المشكله تهون عند اللي يأخذ فلوس زوجته ويتزوج عليها بفلوسها !!

عاشق الديرة

ياهلا بك ياقلبي

وين الناس ضايع بخاص بريدة او بالمدونة ؟

ضايع عن المجلس شكلك

اي والله صدقت كل شي يهون الا انه يغدر فيها ويطعن كرامتها بظهرها

قمة في الخسة والدناءة وقلة المروءة

شرفتني ياعشقشق

[عجوز سمنسي]

اقتباس:  المشاركة الأصلية كتبت بواسطة to be     الله يهني سعيد بسعيده! مير عطن رقم سعيد اخليه يعطيك دوره بالجيب قبل ما تخرب علينا سعيده! الا صدق السمنسي غير! وش هنا؟

هلا بك ياتوبي

لا ماراح اعطيك ارقام

خل كل جيبة له وما ابي دورات

كل ياخذ دورة بسيارته

نعم السمنسي غير

شرفتني ياقلبي

[عجوز سمنسي]

اقتباس:  المشاركة الأصلية كتبت بواسطة الأسيــ بنت ـاد     مرحبــاا.. عــن جد شــي يضيــق الصــدر ,, والله وانقلــبت الدعــوه صارت الحرمــه هي اللي تصرف على الرجــل... وبعديــن لو عطتــه من راتبهــا {{ تكرَم منهــا }}.. بكــل بســاطـه تقدر تقول (( لا )).. بس مثل ماقلت لــك احترام لــه .. بس مافــي أحـد يقَـدر .. يعنيــي تشتغــل وتتعب تجي تاخذ الفلووس ليــه ... صــح تعطيــه مساعده لو أحتاااج اما أنــه ياخذه كذا على طول .. وهــي ماتدري كــم ولاتدري وش يســوي فيهم {{ لا }}.. كـل شي وياقف عنـد حــدود ,, ولابــعد ياليتـــه يقول كلام حــلو . المشكـله ملقبها {{ الخبـــله }},, والله الانسان الطيب صــار خبـــل .. بس ياللــه مااقــول الا اللــه يهديهـــــــم () وياقلـــــــــبي لاتحـــزن () تقبلنــــــي :: {} الأسيــــ بنت ــــاد {}

هلا وغلا بالسيدة بنت السيد

ياستي هذا زمن قلة المروءة والكرامة

ذكرت هذا الموضوع عند احدهم فذكر لي قصة وقعت لقريبته

يقول : ايام ماكان الراتب بالنقد وليس بالتحويل

يقول كانت لاتعرف راتبها فقط بربطته تعطيه زوجها وياويلها لو تفكه
مرة راحت لامها والراتب معها اعطت امها مبلغ 500 من لاراتب ويوم جاء زوجها يشيلها اول ماركبت مد يده
يعني هاتيى الراتب

اخذ الراتب وقعد يعده

قال ناقص مبلغ 500 قالت ايه امي محتاجه وعطيتها منه

قال : يالله انزلي وهاتيها

صارت امها فاهمة الوضع وواقفة بالباب واول ماجت اعطتها فلوسها تبي تريح بنتها

اول ماوصلت الزوجة للبيت اخذت الراتب من مخباته واحرقتها

يوم شافها تحرقها طلعت روحه وطلقها

بالله هذا ادمي والا انسان يستحق الاحترام ؟

تشكرات ياست الكل

[To Be]

اقتباس:  المشاركة الأصلية كتبت بواسطة عجوز سمنسي     هلا بك ياتوبي لا ماراح اعطيك ارقام خل كل جيبة له وما ابي دورات كل ياخذ دورة بسيارته نعم السمنسي غير شرفتني ياقلبي

الله يخلف نبي نعـ ... سعيد وقطعت علينا الحبال

اجل الشكوى لله عطنا رقم الفتى العصري

تحيتي لك دوما

[عجوز سمنسي]

اقتباس:  المشاركة الأصلية كتبت بواسطة to be     الله يخلف نبي نعـ ... سعيد وقطعت علينا الحبال اجل الشكوى لله عطنا رقم الفتى العصري تحيتي لك دوما

ههههههه

الفتى العصري شفه ماسك لك حائط المبكى وقاعد يصيح على ايامه ويبكي حالة

المسكين تزوجت حبيبته وتفلت بوجهه وراحت وخلته

اصلا هو يحسبها مخلصة له وهي اشكل ماعليها هو

قايل له انا انهن مالهن امان بس ماصدقني ويبي يحط حرته فيني ويرمي بلاه علينا

اغديك تروح تعزيه تكفى