حديقه قوافي خيمه الشعر

[pepsi]

تجيــن ..
ويرجف الماء .. ينسكب بوكيه ورد .!
وتشهقين ..
واتبلل بـِ ارتباكك ..
مدري خوفك ..
مدري إستحياء متخبي فـ شوفك ..
لا تلمين الندى تبـرد كفوفك ..
اترُكـي ..
كل شي مثل ما هو عليه ..
ما حصل الا الحنين .!
وكلها
[ بوكيـه ماء ] ..!
انسكب ./ شفتـه على ثوبي تشكل ياسمين ..

اجلسي ..
خليني اطلب لك شوية أوكسجين ..
وكاس ماء ..
طمنـي كلك ./ وخوفك ، ما حصل إلا الحنين ..

إلا قولـي :
قبل مـ انسى ./ كل هذا الليل في رقة جفونك ..
وش بغيتـي تشربين ؟!
( قهوة مثل اللـي فـ عيونك )
والا نتقهوى عيونك فـ الحديث اللي بـِ يجي ..

اجلسـي ..
هـ الكرسي من اول حزين ./ وحيل فارغ .!

- سيدي النادل ..
هات لـي بعض الهدوء .. وكيك / تين
- كيكتين ؟!
- لا يا عمـي كيك / تين .!

و ارجع اتأمل سكونك ..
وكنتِ انتِ تضحكين ..
آآآآهـ ./ يا حلوك عليها ..
قلتـي : وش هـي ؟!
قلت لك :
هـ الضحكة اللـي كنتِ فيها ./ تورقين

اذكر ان الليل ./ هيل
والتثاؤب ..
كان يدبي في ملامح نادل المقهى الكئيب ..
وكنا حنا اغلب الاكثر نناظر ./ ساكتين ..

و ما سمعتك .. قلتـي ويش ؟!
قلتي : بمشـي .!
قلت : ليش ؟
قلتي :
صرنا بعد ليل ولازم احكي .. لـ اجمل احلامي عليك .!
طب و رمشـي .!
خلـي فـي كونه ./ عيونك ..
قلتي : بس .!
الله يخليـك لـ عيوني ..
ورحتـي تمشي ..
ورحتـي تمشي ..
ورحتي تمشي ..
ورحتي تمشي ..
لين ما غبتـي فـ عيوني ..
وما سألتك نلتقـي بعدين ./ وين ؟!

[البارق]

مـآ فيه آطهَر من خضوعي بـ اِيدينك ,
و مـآ فيه آقسَى من تلآعُبْ ظنونك ~

[pepsi]

*,

تغيب شمس ... ويحتفل حبر وكتاب
يغيب صوت ... ويحتفل صمت ظلي

واقف على غيمة مسا ناطر احباب
امطر غلا .. وانا الضمى في محلي


ليه الغياب .. يسلّم الروح لـ غياب ؟
ليه المسا يسكر من عذوق غلي ؟

ليه المسافة سارقه همس الاهداب ؟
ليه العطر مافاح ؟ ليه انت قلي ؟

تعبت اصبّر في حنيني .. ولا تاب
تعبت حـرب الليل ... واتعبت كلي

بالله من لي لـ امطر الشوق بغياب
أسأل ولا رديت ..! بالله من لي ..؟؟؟

[البارق]

تظمأ عيوني شوفك , وتشبع سهاد
......... عيّا الزمن يقطع ظماها بـ رشفه
لاوجهك أسقاها , ولا ذاقت رقاد
......... ماغير طيفك , طيفك اللي أعرفه

[يستاهل البرد]

يـا عصافيـر مدري وين أروح أشتكيـه
صـاحـب من عرفتـه ما عرفـت المنـام
يـا عصافيـر أحـبـه حسبـي اللـه عليـه
لا تـركـنـي أنـام . . ولا تـركـنـي ونـام
آآآه يـانـي تعبـت من السـهـر أحتـريـه
كل مـا هـتـّزّ كـتـفـي فـزّ جـفـنـي وقـام

[خــــا لـد]

ياصاحبي الحي.. يفرق عن الميـــت
وجروحي اظنتني الييييين استرااااحت

لو قلت لي عطني.. اباقولك هيـــت
ولا ترى الفرقى مع الطيف لااااااحت

خــــا لـد

[pepsi]

لا تجين ..
وان لمحتي في عيوني جمر شوقي لاتجين ..
لـَـني لو جيتي بلين ..

تصدقين !
من سنين ..
كنت احسب اني اعرفك ..
او بالاحرى ..
كنت اعرف اني اعرفك ..
واكتشفت اني مغفل .. لا ، بعد ماني ذهين ..

مو حنين اللي كتبته ..
مو حنين ..

هذي تشكيلة حروف ..
ترسم الصدق .. الظروف
وتوصف اني كنت شايف واكتشفت اني مَـشوف ..
والخلاصه اني بعتك ..
مثل ما ضيّعت نفسي وبعت قلبي من سنين ..

تزعلين !
لو اقول اني كرهتك ..
تزعلين ..
ادري ودك تعرفين ..
وش سبب هالشي هذا وترحليـن !

اسمعيني ..
وافهمي معنى كلامي والحنين ..

تذكرين !
تذكرين شلون كنتي في عيوني تغرقين ..
تذكرين شلون حالي لما كنتي تبعدين ..
تذكرين شلون كفي ترتجف لما تجين ..

اسمعيني ..
وافهميني ..
واتركي كل الكلام .. واتركيني ..

ماكرهتك ..
بس مابي ترجعين ..
مابي إلا عن حياتي .. يامماتي ترحلين ..
وماتجين ..
حتى لو انك لمحتي دمع عيني لاتجين ..
واعرفي اني تركتك واني لايمكن ألين ..

لاتجين ..

[ابو "الفدى"]

الشمس تطلع وسأل الصبح وين انت"
وتغيب شمسي وسأل الليل وينك "

[pepsi]

عرفت أن آلمكآن آللي ينآسبني وسيع آلكون
بين نجوم آلسمآء مآهو بصدر فلآن وفلآني .. !

[pepsi]

في داخلي .. ناس و عمارات و بيوت ..
في داخلي .. ناس و عمارات و بيوت ..
في داخلي .. ناس و عمارات و بيوت ..
....... وفي داخلي .. ضحكة أوادم .. و ضيقه
وفي داخلي إحساس عايش و مكبوت ..
وفي داخلي إحساس عايش و مكبوت ..
....... وفي داخلي ( عطشان ) و ( مبتلّ ريقه )
وفي داخلي فقر .. و .. مجاعات و بشوت
وفي داخلي فقر .. و .. مجاعات و بشوت
وفي داخلي فقر .. و .. مجاعات و بشوت
........... وفي داخلي .. زفير قلب .. و ( شهيقه )

[ابو "الفدى"]

فيني ضجيج ودااخلي جوء ساااكن
وفي نظرتي رحله لـ عالم برااءه

[أم سلطان]

كن فرحتي بـالضلوع العوج مكتوفـه
يابعد زولك.... عن عيوني وياقربـك


شفت الهوى كيف تشعر به ولاتشوفه
مثله معاي انت ماشوفك وأنا أشعر بك

[خــــا لـد]

لم اعد استطيع
سكب ماء عيني

لقـد اعتيلت مرتبة
في ديني ..

اثمرت بساتيني
وتوسعت مياديني ..

خــــا لـد

[>ريانه<]

لاتجرح خدودك تـرى الدمع يـجـرح


لاتجرح خدودك تـرى الدمع [ يـجـرح ]
ان ما جرح خدك جـرح قلب مغليـك

ما لـلـبـكا فـي عـيـنــك اليـوم مطـرح
قـلّي وانا [ ابكي عنك] يا عل ما ابكيـك


ما احتاج اقول لك انت واعيد واشرح
ان الـغـلا يــا اول غـــلا هـايــمٍ فــيـــك

وشـلون يـبـرح قـلّـي اشلـون يـبـرح
حـب تـمـكـن فـي [ خـفــوقٍ] يـبـاريــك

الخافـق الـي فـيـك بـالحـب يسـرح
كنّه سفـيـنـه مـن بـحـرك لموانيـك


يحب..يهوى..يعشق..الق ـلب مسـرح
لحبك عسى قلبي مع الـروح [ يفديـك ]

واعرف تـراني فـيـك اضـيـق وافـرح
وازعل على شانك وازعّلك وارضيك

بس انتبـه للدمـع لا سـال يجـرح
قلبٍ [ يمعزتك ] مابـه احـدٍ يساويـك

[pepsi]

حمام الشوق بـ غيابك - يرفرف داخلي ويحوم ،
ترك عشه وسط قلبي ، وحلق في سما صدري !

يدور عنك يسألني : ( علامك خاطرك مهموم؟ )
( علامه داخلك يبكي وقلبك شاب من بدري؟ )

ولا أدري كيف أنطقها : ( ضميره صاحبك معدوم )
( نسى تنهيدة أشواقك ) وهان بـ داخله قدري !

حبيبك خـآن - وجروحه حقنها بـ العروق سموم ،
وجازاني على حبي دموعـ،ن جرحت زهري !

عيوبه شفتها بـ عيني - عجـز لايدسها بـ هدوم ،
يخون ويمسك ايديها وأشوفه وينكسر ظهري !

أحس الكون لحظتها جحيـم وداخلي مهدوم ،
وهمي آآه ياهمي - ذبحـني ونقصه عمري !

أخاف اني أضل أحكي وأزودها جروحك كووم
ويرفرف شوقك بـ صدري - حنين - وينفضح أمري !

خلاص إنساه وإنساني - وحلق عانق الغيوم ،
أظن أحسن من عناقك لـ قلبـ،ن ضاق به صدري !