أثر عندنا لغات وحنا ماندري!!

نار السكري · 12-07-10, 07:20 pm

تصدقون اكثر الكلمات اللي نقولها ماهي عربيه تعالوا شوفوا

باغه : تركيه ومعناها بلاستيك

بفته : هنديه ومعناها القماش الابيض

بخت : فارسيه معناها الحظ

بس : فارسيه تستعمل للإسكات يعني اقطع واخس

بشت : فارسيه معناها مشلح

بهار : هنديه تعني بلاد الهند ابازير

تتن : تركيه ومعناها دخان

تجوري : هنديه ومعناها الخزنه

تريك : لاتينيه ومعناها مصباح

توله : هنديه ومعناها عيار للوزن

تاوه : تركيه معناها مقلا

خاشوقه : تركيه معناها ملعقه

خيشه : فارسيه ومعناها كيس من القماش

خبل : فارسيه ومعناها مجنون

دربيل : تركيه وهي تقريب البعيد

دروازه : هنديه ومعناها البوابه

دريشه : فارسيه ومعناها نافذه

دسته : فارسيه ومعناها حزمه

ديرم : هنديه وهي صبغة الرمان

وفيه ناس يقولو ديرمان الظاهر هذولي كانوا يروحون للهند اول وجايبينها صح خخخخخ

ريغه : فارسيه وتعني خليط الماء والطين مع اني اعرف ان الريغه التراب الخفيف اللي يتطاير بسرعه

زلطه : ايطاليه تعني جمع الخضروات في اناء

زوليه : فارسيه وتعني بساط

سرسري : تركيه وتعني العاطل

سروال : فارسيه وهي مركبه سر تعني فوق وال تعني القامه

بكره بروح اشتري لي 2 فوق القامه جدد خخخخخخ

شيره : فارسيه تعني رحيق السكر

شرشف : كرديه تعني غطاء النوم

طشت : فارسيه تعني اناء الغسيل

طربال : فارسيه وتعني شراع

طرمبه : ايطاليه تعني مضخه

غرشه : فارسيه تعني جرة

قرطاس : يونانيه تعني ورق

قوطي : تركيه تعني علبة من الصفيح

كليجه : فارسيه تعني القرص الصغير

وفي روايه تعني سلحفاه خخخخ

اجل طلعتوا نصابين يالقصمان تقولون الكليجا لكم وهي ايرانيه خخخخ

كندره : تركيه تعني الحذاء

موتر : انجليزيه وتعني السياره

مالغ : فارسيه تعني ليس له طعم

واير : انجليزيه وتعني سلك

عقب هالصدمه بهالكلمآت بديت أحس إننا تجميع تايوان

ابو فارس الحمادا · 12-07-10, 07:22 pm

شكراخيو يعطيك العافيه

البركان الشبابي · 12-07-10, 07:29 pm

الله يعيطك العافيه على المعلومه

°●عـطر الـشوقܔ · 12-07-10, 07:32 pm

[align=center][/align]

هههههههه حلووهـ

يـعـطيك الـعـافيه ,،.

بنت رجـــال · 12-07-10, 07:34 pm

أكيد مصادرهن ؟

عمومآ شكرآ

سيرجيو راموس · 12-07-10, 07:35 pm

اجل حنا وشي لغتنا

مشكور على الموضوع

اوكسجين بريده · 12-07-10, 08:02 pm

[align=center]^^
لغتنا مجمع ههههههه
~
يعطيك العافيه[/align]

بنت عز وما تنهز · 12-07-10, 08:09 pm

ههههههههههههههههههههههههههههه
تلقون هم اللي مخذينها منا
اجل خبل فارسيه << كثرلي منها

تشكراااااااتي
على الموضوع

أحب ديرتي · 12-07-10, 09:16 pm

ههههههههههههه

تجميع تايوان مرة وحدة

لمعة جليد · 12-07-10, 09:32 pm

لاتنسى كلمة قوه: وهي انجليزيه وتعني هيا أو اذهب

مالتيزرز · 13-07-10, 02:44 am

وش بقي أجل يانار .؟!!

طيب : مسيان .. برتغالية وتعني قبيل المغرب << خخخ كلاك

القايلة .. روسية وتعني منتصف الظهيرة وخاصة في الصيف

عموماً ألف شكر لك أخوي نار .. بس لو تلاحظ فيه بعض الكلمات اللي قلت أصلهن عربي :

مثل : قرطاس و تجوري وسروال .. ولكن هذا لا يمنعني من شكرك

أعجبتني :

سرسري : تركيه وتعني العاطل .. كلمة دايم يردده خالي ..خخخخخ لا يصيرون خوالي أصلهم أتراك !!!

يعطيك العاااااااااااافية .....