التعديل على خلفية setup للبرامج

[ابو باسل]

الاخوة الكرام :

تحية طيبة وبعد ...

اردت ان اسال كيف استطيع التعديل على خلفية الستاب للبرامج ...

فمثلا :
عندما يقوم الواحد منا بتنصيب الاوفيس 97 مثلا ... تضهر خلفية لعملية التنصيب خضراء مكتوب فيها ( microsoft office 97 setup )
اين اجد هذه الخلفية من ملفات البرنامج ... وكيف استطيع فك الضغط عن الملف للوصول اليها ..حتى استطيع ان اعد عليها كما يروق لي ...



محبكم ابو باسل

[أبـــو خـــالـــد]

والله اول مرة يمر على سؤالك بعدين ليش تبغاه يمكن افيدك

[ابو باسل]

اخوي ابو عبدالرحمن :

اولا ...فقط مجرد حب استطلاع ...
وثانيا... انا شفت واحد مسويها يعني اكيد فيه طريقة ... لا تقول لي اساله لاني ماقدرت اصل له .
ثالثا ... ابغى اسوي اسطوانة خاصة بي وابغى اعدل على البرامج اللي فيها ... بحيث عند تنصيب البرنامج تكون هناك رسالة ... مثلا .. مرحبا بكم مع ابو باسل ..!


ابو باسل

[أبـــو خـــالـــد]

هذا التعديل على ما اعتقد انك تسوية في برنامج فيجوال بيسك

[ابو باسل]

تكفى لا تقول اعتقد ....

ابغى واحد يقول تسويها بالبرنامج الفلاني ... وتعمل كذا ثم كذا ...
من طقطق الى السلام عليكم ...
لاني طرحت الموضوع في خمس منتديات والى الان لم احصل على نتيجة ..!



محبكم
ابو باسل

[أبـــو خـــالـــد]

اخوي انا متأكد أنها من برنامج فيجوال بيسك لانه هو البرنامج اللتي تسوي فيه البرامج واكيد 100% هو اللي تعدل فيه اذا كان فيه امكانية تعديل

[ابو باسل]

الف شكر اخوي ابو عبدالرحمن :

لكن ... ابغاك او احد الشباب يقول لي كيف اصل الى الصورة من خلال البرنامج ...!
لاني لا اعرف من البرنامج الا اسمه ..؟



محبكم
ابو باسل

[أبـــو خـــالـــد]

الصورة ممكن تسويلها نسخ مو انت تقول تبغي الصورة حقت setup لما تحمل انت حمل واثناء التحميل اضغط على Print Screen Sysrq
وبعدين رح للرسام واضغط على لصق تطلع عندك

[ابو باسل]

طيب وشلون ارجعها لملفات البرنامج مرة ثانية ...

علشان اذا بغيت اسوي سيتاب للبرنامج مرات قادمة ... تطلع لي الرسالى اللي انا واضعها ... بدل microsoft office 97 setup


ولك تحياتي

ابو باسل

[أبـــو خـــالـــد]

هذي والله ما ادري عنها

[الخبوبي]

شكراً ابو عبدالرحمن على مشاركتك ،،،

الأخ ابو باسل بالنسبة لموضوعك فصدق ابو عبدالرحمن بالفيجوال بيسك ،

ولكن لا تتصور أن الخلفية اللي انت تقصدها على شكل صورة بل ملف تحرره عن طريق الفيجوال بيسك لأنه ملف نصي والألوان اللي فيه ( الأخضر الفاتح ) عبارة عن أرقام يتعرف عليها الكومبيوتر ،،،
الملف هو ( OFF97PRO ) حرره عن طريق الفيجوال بيسك وستجد العبارة المقصودة نصية ، امسحها وعدل عليها على كيفك ولكن انتبه لابد ان تغير العبارة نفسها في كل الأسطر .
فيه ملف ثاني اسمه ( SETUP.LST ) حرره بالبرنامج المذكور أعلاه فهو لعناوين وأزرار مربعات الحوار التي تظهر أثناء تثبيت الأوفيس .
وأي خدمة عندك إيميلي والسلام .

تحياتي لرواد هذا المنتدى ،

ابو باسل :
جربتها بنفسي اخاف تدقن مثل ابو عبدالرحمن .
وسلم لي على راعي البيرة !!!

[أبـــو خـــالـــد]

شكرا يا الخبوبي لتوضيحك المسألة لأبو باسل

[ابو باسل]

اخوي الخبوبي :

اقول وشلون الغرفة التحتية ( يعني اني عرفتك ) ...!

الف.. الف شكر .. على توضيح المسألة .. وانا باحاول اركب الفيجوال .. واجرب ... مع اني ( ــ 10000 ) بالفيجوال ..؟

على العموم انت قريب لو بغيت حاجة ...
ايش صار على موضوع الشركة ... ياريت لو تمر على بالدوام العصر .


لاننسى الاخ الحبيب ابو عبدالرحمن .. فالف .. الف .. شكر له .



محبكم
ابو باسل

[أبـــو خـــالـــد]

لاكن اذا ضبط معك خبرني عشان فيه برنامج ودي احط اسمي فيه مع ان عندي الفيجوال لاكن ما ادبر فيه

[ابو باسل]

سم ان شاء الله ...



اخوي ابو عبدالرحمن ... شكلك ساكن في الانترنت ...!


ابو باسل