بنت عمي ياسمين ....!!!

[" TWIX "]

نوال لأبوها ..

يبه : اشتر لي آي بود مثل بنت عمي ياسمين ..

أبوها / بعبارة كاد يغص بها : لا يابابا خلصت فلوسي ...

[" TWIX "]

حديث مختصر ..
اختصر المعاناة التي يعاني منها ذلك الأب ابن الثلاث أولاد وأربع بنات صاحب الـ (5000) ريال شهريا ..!!
معاناة .. ليست الأولى .. ولن تكون الأخيرة ..مع عوائل لا تكاد تسد رمقها من الاساسيات لتلتفت للكماليات ..
أنا أجزم بما لا يدع للشك أن من خلف هذه العبثية هن أغلب الزوجات اللاتي لم يحسسنَ بمشاعر زوجة وزوج قريب لها على باب الله ..
كانت الأنانية هي المحرك لحياتها .. أهتمت بنفسها وابنائها وبحثت عن سعادتهم بتعاسة الآخرين ..

[مباراة المطر]

الحل سهل

ان نوال تتخاشر مع ياسمين بالاي بود او مع اي وحده من خوياته بشرط يكون كل يوم عند وحده

وكانك تبي الحل الصحيح والجاد

يحط ابو نوال مكافاه شهريه لنوال ويطلب منها انها هي تشتري اللي تبي
وماعليها الا انها تجمع المصروف وماتبذره


والحمد لله اللي اغنانا عن مثل هذا

[احمد النجم]

مايحصل في هذه المشاهد ضريبه (الطبقيه)!

هناك من يقاتل لكي يرتقي ولو (شكليا)
وأخرون يتعاملون معها بأيجاد طرق أخرى لايصلها اصحاب الطبقه (الاعلى)

في النهايه / (الطبقيه) حاله تنطبق على الكبار والصغار..
وأمور أخرى !

تويكس / افتحها

[أحتآجه وأجهل مكآنه]

.



اكيد شي طبيعي بتكون هي الاساسيه بالخراب
انا مستغرب ليش مايصيرن زي المصريات
هي اللي تمسك المزانيه وهي اللي تعرف تتصرف فيها اذا رجله مبذر او بزارينه كثيرين طلباتهم على غير سنع كل شي يبونه هي تايدهم
والله المصريات اشوفهن غير مبذرات وبالعكس يرفضن التبذير او الشي اللي ماله داعي
اذا زوجه اخذ شي مو ضروري ترجعه وتفهمه انه مو لازم ولا هو ضروري
وياخذون الشي على قدهم حتى الخضار ياخذون بالكيلو حقهم بس
عكسنا حنا ماغير فاجتن كشرته وابي وابي وابي
يابنت الحلال فجي غير هالكشره واهتمي لبيتك وراكم ذر ومبزره ومصاريف
ومقابله التفي وبلع حلا ومكسرات وعجز وقلة منفعه بكل شي حتى وقت النوم
عاد وقفت على الايباد الحين هي تبي مو بس عياله
ايباد ولا بلاك ولا ايفون وش حيث فلانه معه وعلانه معه وانا لا
البزارين يهونون البلا بمهم

[عزف الحقيقة]

تويكس

00

مواكبة الأخرين تجبر البعض على تحميل نفسه فوق طاقتها

القضية قضية مجاراة ومحاولة اذابة الفارق

رغم الفارق الكبير بين أسرة وأخرى

لك ودي

[" TWIX "]

مباراة المطر...

اقتباس: الحل سهل ان نوال تتخاشر مع ياسمين بالاي بود او مع اي وحده من خوياته بشرط يكون كل يوم عند وحده وكانك تبي الحل الصحيح والجاد يحط ابو نوال مكافاه شهريه لنوال ويطلب منها انها هي تشتري اللي تبي وماعليها الا انها تجمع المصروف وماتبذره والحمد لله اللي اغنانا عن مثل هذا

برافو .. عليك ..
حلينا قضية ومشكلة نوال

طيب بقى أخوانها الستــــــة ..

[احمد النجم]

اقتباس:

اقتباس: مباراة المطر

^^^
الله يهديك.. معرفك يبي يحوس مزاج (تويكس)

لعلك تبدله بالخمسه الشهيره

ترى يهمنا خاطر تويكس

[عذبـــــة]

الرجل .. اللي مامعووووووش مايلزمووووووش
يصبر لين يصير معهوووووووش بعدين يدور اللي يلزمووووووش

ياحيي كسرت خاطري هالبنيه .. معي قرشين مدري اعطيهن هالياسمين تفرح بهن وتشتري ايبود
ولا اعطيهن اللي ترغي بمدونتي مترضرض ايفونها ياويلي وتبي عانية على قولة البدو

[عذبـــــة]

اقتباس:  المشاركة الأصلية كتبت بواسطة " TWIX "     مباراة المطر... برافو .. عليك .. حلينا قضية ومشكلة نوال طيب بقى أخوانها الستــــــة ..

كل السته يبون ؟ ياتسبديه هذا وشوله يجيب ستة بزارين دام راتبه مايرتكي
انا ملاحظة دايم اللي على قد حالهم يكبكبون بزارين ماشاء الله
والناس اللي كااش ماعندهم الا بزرين اثنين بس
وراااه

[أماآاليا]

جبتهاآا عالجرح .........

في مجتمعي غالبيتهـــــــم معهم هذه الأجهزه
من صغيرهم الى كبيرهــــــــم
وأعــــــرف بيتـــاً وصل عدد الاجهزه فيهـ الى اثنى عشر....
وأصبح وكأنه من أهم الضرورياات ولاا يكتفى بوااحــــد
فلاابد من تذوق جميع الأنواع لكي ينعموا بمااا يسمى بِـ الدعدعه
.
.
لكن بعض العواائل لاا تقدر على سد الكماالياات كماا قلت
فـيتحسرون وتتقطع قلوبهم إذاا رأووا أبنائهم هم الوحيدين لاا يملكون مثل غيرهم
.
.
لكن لو كل أم منعت أبناائهاا من الخروج بهذه الاجهزه خارج البيت لــــــكاان أفضل .... ووقتهاا ترمي عصفورين بحجر تريحهم وتريح غيرهم

وايضاا على الأبوين زرع القنااعهـ والاقتنااع والثقهـ لأبناائهم وأنهم تميزوا عن غيرهم بـِ (ويذكر مااتميزوا به )......


والله يرزق أبو نوال من واسع فضلهـ لكي تنعم نوال بـــ آيباد تجخ فيهـ :d

[كلوز]

*
مآهو آلحل آلأنسب إذاَ ؟

هل يخضع آم يرفض !

[" TWIX "]

احمد النجم...

اقتباس: مايحصل في هذه المشاهد ضريبه (الطبقيه)! هناك من يقاتل لكي يرتقي ولو (شكليا) وأخرون يتعاملون معها بأيجاد طرق أخرى لايصلها اصحاب الطبقه (الاعلى) في النهايه / (الطبقيه) حاله تنطبق على الكبار والصغار.. وأمور أخرى !

طبيقة داخل استراحة .. يجتمعن كل أسبوع .. بنات في الحظيظ .. وبنات خمس نجوم ..
وقلب الأب بين نارين : القطيعة في صلة رحمه .. أواحراق قلوب ابنائه .. !!

اقتباس: تويكس / افتحها

ماني فاتحها ..
أمس الأمير نايف واليوم أميركم / تويكس ..
خافوا ربكم ..

[يكفيني حنانك]

حرا م يكسر خاطر ه المفروض يعوضه على الاقل بشي

مسلي ورخيص...انا شفت بعيني بنت بهايبر ..جيان سابقا

ياعمري تجيب لأبوه شكولاته تقريبا ب 15 ريال وتقول يبه اخذه

يقول : لأ ....تروح تجيب نوع ثاني تقول اجل هذا

ويقول لا رجعيه..يا عمري وش هالقسوه ..المفروض الاب الغير مقتدر

يعوض بشي ثاني... لكني ضد الاسراف

وتراكم انواع الاجهزه بالبيت..وبالنسبه للي يشترون

مادفعو الا عن مقدره

[أحتآجه وأجهل مكآنه]

اقتباس:  المشاركة الأصلية كتبت بواسطة عذبـــــة     ياحيي كسرت خاطري هالبنيه .. معي قرشين مدري اعطيهن هالياسمين تفرح بهن وتشتري ايبود ولا اعطيهن اللي ترغي بمدونتي مترضرض ايفونها ياويلي وتبي عانية على قولة البدو

.



ياحيي ترانا نعين ونعاون