أنا شاهد عيان لظلم بنات بريدة !!

[@اسمـــراني]

اقتباس:  المشاركة الأصلية كتبت بواسطة gssey     عاشقة القصيم من قال شرع الله!!!!!!!!!! غير مكلفه شرعأ ياختي عطيه فرصة شوي قدا مه الطريق طويل الله يعينه

عداكـ العيب وردكـ مليح

وياليت مديت االالف بعد هاء التأنيث

[@اسمـــراني]

اقتباس:  المشاركة الأصلية كتبت بواسطة بدرالوابلي     [gdwl]لاأرى في ذلك شيء مستغرب ؟؟؟وعين العقل ان نعود بناتنا على العباءة والغطاء منذ نعومة أظفارهن وهفهفة ضفائرهن ؟فمن شب على شيء شاب عليه فالحجاب تاج الفضيله:::: والحجاب من الصغر تعويد للفتاة المسلمه على الستر من اعين شياطين الأنس والجن ::: فكلكم راع ولكلم مسئول عن رعيته فالواجب على والدي الفتاة ان يعوداها على (التخفر ) اي التستر بلبس الحجاب منذ سن السابعه :::: فلم يضر ذلك جداتنا وامهاتنا واخواتنا وزوجاتنا ولله الحمد :::: وجهة نظرك ومجتمعنا المحافظ بحمدالله وقوته قد يقبل بعض الأشياء بالتدريج ألا مسألة((الحجاب )) للمرأه فأنه مالانقبل النقاش فيه حتى وان جئتم بجميع الأقوال من جميع المذاهب فكل حر في مايعتقده ويلبسه من المجتمعات الأخرى :::: ولأن حياةالمجتمع السعودي المسلم قائمه على تعاليم الشريعة الأسلاميه التي مصدرها الكتاب والسنه ولأننا لم نفرض على احد من غيرنا مانفرضه على أنفسنا ؟؟كذلك لنا الحق ان نرفض مايريد ان يفرضه الأخرين علينا من أصحاب المذاهب الأخرى في بعض المجتمعات !!. وجهة نظر ولكم جزيل الشكر والتقدير .[/gdwl]

وجهة نظرك يابدر أحترمها وفي نفس الوقت انا مخالف لها,,مااقول غير الشكوى لله

[@اسمـــراني]

اقتباس:  المشاركة الأصلية كتبت بواسطة التانجو     اعوذ بالله هذا يااخوي امر حسن استغفر ربك

ااستغفر الله إن بدر مني خطأ,,استغفر الله العلي العظيم في كل وقت وحين,كنت انتظر رأيك في الموضوع

[علشانك بس]

اقتباس: نعم العباءة سهلة اللبس خفيفة الوزن مع أني لم أستخدمها,,

متأكد انك مااستخدمتها خخخ .. !!
والله اللي يشوف كلامك يقول متعذب من لبس العباية ورأف بحال هالبنيات ,,

اقتباس: ولكن انا شاهدت أطفال لا يظهر عليهن علامات البلوغ!

اعوذ بالله من عيونك ,, حتى البنات الصغار ماسلمن من نظراتك .. !!
بعذر اهاليهن اذا لبسوهن عبايات ,, يدرون ان فيه فئة من الرجال يعشقون النظر للأنثى حتى لو كانت ( بزر ) ,,

اقتباس: طيب انا عندي إقتراح ليه مايختصر الغطاء على المزايين بس والبنت اللي(عادية) يخلونها تكشف حتى الكبار

والله مايسلمن من نظراتكم لو هن شينات ,, انتم فيكم مرض المناظر ,, وللأسف هالمرض ماله علاج الا العمى ,, الله يشفيكم ,,

[@اسمـــراني]

اقتباس:  المشاركة الأصلية كتبت بواسطة البداية والنهاية     لاتعليق ...

كما هو ردري عليك ,لا تعليق

[@اسمـــراني]

اقتباس: متأكد انك مااستخدمتها خخخ .. !! والله اللي يشوف كلامك يقول متعذب من لبس العباية ورأف بحال هالبنيات ,,

لا مالبستها ولا إن شاءالله ألبسها <<<الله يستر لا يقولون بكرا أسمراني تحول من أسمر لــ سمراء ويحتاج عملية نبي نحوله من ذكر لبنت,أما رأف على حالهم أي والله راحمهم بعد..

اقتباس: اعوذ بالله من عيونك ,, حتى البنات الصغار ماسلمن من نظراتك .. !! بعذر اهاليهن اذا لبسوهن عبايات ,, يدرون ان فيه فئة من الرجال يعشقون النظر للأنثى حتى لو كانت ( بزر ) ,,

أنا من أهل بريدة ومن الطبيعي أكون مشبهر على أي منظر حلو والا مهب حلو بعض المرات أشبهر ببعض العمال وهو على سيكله !

اقتباس: والله مايسلمن من نظراتكم لو هن شينات ,, انتم فيكم مرض المناظر ,, وللأسف هالمرض ماله علاج الا العمى ,, الله يشفيكم ,,

صح في هذي صادقة مرض المناظر موجود وأنا مااعتبره مرض اعتبره إستتطلااااااااااع أو إستكشاف!!

تحية

[موج البحر]

بسم الله الرحمن الرحيم

اخوي اسمراني

في ديرة الشمس تطلع فيها قبل القصيم بـ 18 ساعة

عايله من اهل القصيم اب وبنتين 9 - 6 سنوات

كلهم محجبات حجاب كامل في دوله غربية

والاب زميلي واعرف منه انه هم متمسكين فيها وبكو لما قالهم انه مو لازم ياخذون غطاء وجه

يعني الدعوى مافيها اجبار

بس يمكن فيها حسن تربية من الام الله يرحمها ويجزاها عن الاسلام كل خير الي جابت للدنيا درتين مايكفيهم مهر لاخلاقهم قروش الدنيا كلها

او انه مجرد عناد بزران

اترك الحكم لك

بس اتوقع انه فيه مثلهم كثير من بين الي انت شفت او في بريده ونواحيها

[M!ss cute]

برأيي
انه احسن كيذا
اجل لاكبرت يقولون كمان هي صغيره للحين
انا معهم اللي يلبسون بناتهم للعباية وهي صغيره

اقتباس: بحمل ذالك الشراع الثقيل

لا حول ولا قوة الا بالله
الآن صارت العباية حمل ؟؟؟؟؟

ليس لدي تعليق لذالك الأمر لشدة هولوه في قلبي

[عاليا]

وش تعويد الحجاب يجي من القلب والايمان مو تعود نتغطى والقلوب مليئه فساد لاحول ولاقوة الابالله عادي انا ماراح اغطي بنتي الا اذا بلغت هذا الي اعرفه بشرع اما اغطي بنتي بالمدرسه وبالحديقه تفلها اصلن كذا اطفالنا يتعودون يصيرون ماعندهم ذمه ولاضمير لاغطيتها باالمدرسه غطيتها بكل روحه اللهم لاشماته ههههه حتى مره رحت محل عبايات قلت ابي عبايه مسكره قال حقت المدرسه <<<شفتو كيف حتى البنقالي صار يعرف خرابيطنا والله انا ماشوف عيب الي قاله الكاتب بالعكس انا اموت ضحك لاشفتهم اشكالهم تخووووف

[ابو عزو]

اقتباس:  المشاركة الأصلية كتبت بواسطة @اسمـــراني     صادف مشاوري اليومي أمراً غريب ظهر اليوم وتحديداً الساعة الثانية عشر الا ربع, كنت في حي السادة وعلى الطريق المؤدي لــ مطعم الديرة تحديدا...( خابر الجماعة راعين رز ) يعني أكيد يعرفون المكان لأن اسم الشارع يجهلني .. المهم وأنا في إتجاه الشرق وقفت عند أحدى الإشارات كان بجواري مجمع تعليمي للبنات... أكرر لو سألتوني عن اسم الطريق وتحديده ماعرفته ولا احب اعرفه لأني بكل بساطة تفجأت بأني ارأى طالبات المجمع وهن يخرجن منه يلبسن عبايات!! إنفتحت الإشارة وقتها وتحول لونها للإخضر وأنا كما هي وقفتي والسبب الموقف الذي تفأجت فيه ومشاهدت ذلك المقطع الحي .. (شوي والا يدفني )بسيارته اللي وراي.. وقتها الإشارة خضراء وأنا ( مشبهر) ومستغرب من وضع البنات المساكين.شي غريب! اللي شفتهم مااعتقد إن الوحدة فيهم تتعدى العاشرة من عمرها ومع ذالك إلزمت بحمل ذالك الشراع الثقيل! تخيلوا بنت عمرها 9 سنوات وعليها نقاب! والا برقع شي غير مقبول ووش الدستور اللي يقول كذا ؟! وقتها قلت يمكن هذا قرار وزارة التعليم ؟ فإن كان كذلك فلهم الحق في تنفيذ قراراتهم حتى وإن كانت ظالمة !!

اعوذ بالله من الشيطان الرجيم ومن شياطين الانس امثالك لانك تدعو بدعوتك هذي الى الرذيله والى نزع غطاء الحياء لانك لم تتربي تربيه اسلاميه ولكن اقول لك اذا كنت ممن يحاربون الحجاب الشرعي فأذهب الى تركيآ لتعيش مع العلمانين الذين تنصلوا
وتهربوا عن عادات المسلمين الشرعيه
وداعآ اذهب بغير رجعه

[افهم قصدي]

اسمراني اللة يهديك

الصراحة افزعني موضوعك ظلم بنات فى بريدة
انا اقراء الموضوع وانتظر سوط وخشبة ولا بلكة نفشق راس البنت ولا اخوة ماسكة مع شوشتة ويجرة على القاااار
اتارية عباءة وغطوة فى المدرسة ياخوي خاااف ربك وحسن الفاظك الصراحة كلمتة شراع غير مقبول وكلمة دستور هذي مدري من وين طلعت بة
اخوي موضوعك حلو ويستاهل الناقشة بس لو اخترت الكلمات المناسبة

تقبل مروري واسف على الاطالة

[غنوه]

السلام عليكم ورحمةالله وبركاته
قال تعالى:[وماكان لمؤمن ولامؤمنه اذا قضى الله ورسوله أمرا أن يكون لهم الخيرة من امرهم]
وقال سبحانه:[إنما كان قول المؤمنين اذا دعوا الى الله ورسوله ليحكم بينهم أن يقولوا سمعنا واطعنا]
امور الشرع ليست محل لتبادل الاراء ووجهات النظر واتباع الهوى فهذا منتهى منه ، ومن دعا الى الخير فله اجره واجر من عمل به الى يوم القيامه ومن دعا الى الشر فله وزره ووزر من عمل به الى يوم القيامة

[عيسى بهواه]

[align=center]وراكم جبتوا العيد مصدقين !

طرتوا بالعجة .

شوفوا طريقة الرد على مداخلات الأعضاء تعرفون يستاهل مداخلاتكم أو لا .

طبعاً أنا ما أعمم لكن خسارة بعض الأعضاء مصدق الكاتب و يرد من قلب

الفاظ الكاتب و أفكار المقال أعتقد لا يتجاوز الخامسة عشرة لكن للأسف جبتوا العيد بالردود

اعزائي ليس تقليل من عمر معين في المنتدى لكن هناك قضايا ما أعتقد صاحب هايلوكس غمارة ملمع الكفرات و مدري أيش مسوي بعد يتكلم بهكذا قضايا
لذا اصبح كثير من المنتديات يطرح فيه عنوان قوي لكن المحتوى الله يخلف [/align]

[بنت ذيب واخت رجال]

المفروض تكون العقول الناقده بمستوى ارقى من هذا,,
ٌ
اخي موضوع أٌُثير فتره ثم خمد,,

انا احدى تلك الفتيات الذي قاسين المراره..

لكن لما عايشت الوضع عرفت انها ايجابيه من المدرسه,,

بس الخطأ كونهم اجبرونا وحنا بجو حار وصغار وشناط..
لو استخدموا معنا اسلوب التأثير كان حبينا الحجاب من صغرنا ولا لبسناه مكرهات

غير كذا اي مدير يجيب ان تضع ان الخوف لايكون منها بل من الله,’
اشكركـ