طلقت زوجتــــــــي لإنها ماتعــــــرف تطبـــخ!!!!

[SAGA]

اقتباس:  المشاركة الأصلية كتبت بواسطة شآمية رآقية     ربما أكد عليها مرارا وتكرارا ولم تستجيب ومن أسوأ الأمور ان الفتاة لاتعرف الطبخ يعني هلأ لو رجع من العمل تعبان! أو صحى الصبح رايح لشغلو! او كان صايم وبيفطر! أو جاي من بعد العشاء ومسدد فاتورة جوالها وجايب أغراض للبيت وتعبان بده عشا! ومو عارفة تطبخ ؟؟؟ كيييف بتستمر حياتهم على هيك !؟!؟

صادقه والله
حياك الله شاميه

[SAGA]

اقتباس:  المشاركة الأصلية كتبت بواسطة الزنون     اما من ناحية الموضوع اذا هي ما تعرف تطبخ ولا هي مستعدة تتعلم الطبخ والسنع وش تبونه يسوي بها يعني انا بجي من العمل تعبان 7 ساعت عمل وبجي للبيت ميت جوع ولا احصل غداء وانا ما احب مطاريس المطاعم وش اسوي هل انحر للمطبخ واطبخ وانفخ وهي قاعدة تشخر طيب توني راجع من السوق وجايب اغراض وحاجات البيت وابي قهوة وهي ما تعرف واذا بتقول جب خدامة بوافق بس بشرط بجيب خدامة مغربية وشرطي اعقد عليها لانه ما يجوز تكون عندي مرة غريبة بالبيت وانا لست بمحرم لها

إذاقلت لها خدامه مغربيه وشرطك هذا
شرط يومين وتصير ولا منال العالم بالطبخ
شكــــــــــــرا لك

[SAGA]

اقتباس:  المشاركة الأصلية كتبت بواسطة جوي اوربي     انا تصلح لي هالنوع لاني اكره ماشوف اكل البيت واحب اكل المطاعم بس تدفع حق العشا مب على كيفه <~ والله من القعااطه هههههااي

بس الواحد كلما يكبر كلما يميل لطبخ البيت أكثر
يمكن طفه شباب بالأكل من برا الحين
وكلها فتره وتزول
شكـــــــرا لك

[SAGA]

اقتباس:  المشاركة الأصلية كتبت بواسطة هلاوين     لو اني منه قلت لاتطبخين وكل يوم اطلب لي من افخم المطاعم و اكل وهي تناظر . ههههههه اولا اسال الله ان يعوض الاثنين بخير . ثانيا اذا هي ماتعرف ممكن اصبر عليها لو مئة سنه حتى تعلم . لكن ترفض تعلم مع سبق الاصرار اري انه موفق لفعله اذا مهيب طابخه بكرى تبي تقول منب مغسلة ثيابك ولا كانسة بيتك . بالتوفيق سجى

صحيح
اللي عجزتن تطبخ أكيد عجزتن عن تنظيف البيت وووو الأشياء الثانيه
لإني دايم أشوف الحرمه إذا صارت طباخه ألاحظ البيت نظيف ومرتب دايما
وفيه لمسات حلوووهـ والعكس صحيح

شكــــــــــرا لك

[SAGA]

اقتباس:  المشاركة الأصلية كتبت بواسطة التنين الصيني     ما تعرف تطبخ ....! مافي مشكلة تتعلم اما انه ما عنده استعداد تتعلم ....! لا لا وقف هنا ابشوته بوز بدون زبرة لبيت اهلها .... .... والمثل يقول : ليس ذنبك ان تولد فقيراً ! ولكنه ذنبك بالتأكيد ان تموت فقيراً وانا اقول : ليس ذنبكِ انك لا تعرفين الطبخ ! ولكنه ذنبكِ بالتأكيد انكِ لا تريدين تعلم الطبخ ....

ما شاء الله عندك حكمه

شكرا لك

[SAGA]

اقتباس:  المشاركة الأصلية كتبت بواسطة ام الوحيد     اذا هو حاول فيها زي ما قلت الحق ان يطلق مو معقوله ما ياكل الا من برا والا يجيب طباخه او شغالة ما صارت بس المفروض الواحد مثل ما يسال عن بياضهاء وجمالها يسال هل هي تطبخ او لا حتى لا يقع هذا الزوا شكرا لطرحك

والله حلو رأيك إنه يسأل قبل
أذكر شخص يقول خطبت وتمت الشوفه الشرعيه ودفعت المهر وقبل الملاك بكم يوم قالوا ماتعرف تطبخ
قال :لا وقفوا أجل
وعاد تكنسل الزواج
شكرا لك

[SAGA]

اقتباس:  المشاركة الأصلية كتبت بواسطة عزف الحقيقة     ممكن يبحث عن أي سبب للطلاق ! بامكانه أن يصبر عليها حتى تتعلم مع العلم أنه ليس بالضرورة أن تجيد الطبخ

كما ذكرت بالموضوع هي رافضه إنها تتعلم
وهنا المشكله
وبعنادها خسرت زوجها
مع العلم أنه ليس بالضرورة أن تجيد الطبخ
يعني عادي تعيش مع وحدة ماتدل المطبخ
أشوف إنها صعبــه

شكـــــــــــــــــــرا لك

[SAGA]

اقتباس:  المشاركة الأصلية كتبت بواسطة عازفة ألحان الليل     هذه اهون من التي طلقت بعد ان اتهمها زوجها بتهم كاذبه وقويه.. وبدأ ينعق لكل من يسمع له وينم زوجته وينشر النميمه.. حتى يطلقها وبرئ نفسه للناس انها هي ظالمه وهو المظلوم ..ولكن العكس هو الصحيح ..

بشكل عام
الطلاق مكتوب
ومافيه ظالم ولامظلوم بالعكس ربما فرج
واللي بيكذب إذا سألوه الناس عن السبب هذا مريض نفسي
أسهل جواب مالله كتب إننا نكمل مع بعض وانتهى الأمر
شــــــكرا

[SAGA]

اقتباس:  المشاركة الأصلية كتبت بواسطة بقايا أمنيات     المشكله لاتعالج في مشكله ,, في الحنكه والحكمه تقدر تخليها تتعلم وبرضى منها وطيب خااطر ,, مدري ليش الطلاق سهل لهاذه الدرجه

كما ذكرت سابقا
للأسف أن الطلاق صار أسرع حل
ولأسباب تافهه أحيانا يتم الطلاق
الجيل هذا ماعنده إستعداد إن كل واحد يصبر على الثاني
شكرا لك

[SAGA]

اقتباس:  المشاركة الأصلية كتبت بواسطة "غرك غلاك"     الشرهة مو عليها.. الشرهة على أمها اللي ماعلمتها السناعة وقديما قالوا: إذا بغيت تضمه.. اسأل عن أمه

صحيح
عاد أمثال القديمين وهقه
وقديما قالوا: بنت الرفلاء النفلاء وبنت النفلاء الرفلاء
عاد أيهم نصدق ,,مااادري
شكــــــــرا

[SAGA]

اقتباس:  المشاركة الأصلية كتبت بواسطة الأميـــــرهـ     ياحرااام يطلقها علشانها ماتطبخ طيب يصبر عليها كثير من قريباتي مايعرفن يطبخن والله حتى القهوه مايعرفون كيف تطبخ والحمدلله تزوجوا وتعلمن الطبخ ...

هلا بالأميره
هذولي عندهن إستعداد يتعلمن هذي ماتبي تعلم
خير شر
شرفتــي

[SAGA]

اقتباس:  المشاركة الأصلية كتبت بواسطة حبيب قلبي محمد     بصراحه معاه حق هو بيعيش عمره كله ع المطاعم وبعدين الوحدة تحس بثقة بنفسه اذا هي تطبخ زين حتى مع اهله ورفيجاته اشلون مع زوجه اكيد ثقه اكثر واعتزازبنفسه..

شكــرا لك,,,,,,,,,,,

[ضمير بريدة]

اولا : مستحيل يعيش الرجل طوال عمره على المطاعم !!!! ولا أعتقد أن هناك من يفكر مجرد تفكير أن يستمر على هذه الحال التعيسة .

ثانيا : من كمال الانوثة عند المرأة التميز بالطبخ ، بل هو فخرها بين زميلاتها .

ثالثا : الخطأ من الأمهات ، من المفروض أن لا تبلغ البنت وهي جاهلة في أمور الطبخ وتدبر منزلها .ولا يمنع من الشدة معها لانها جاهلة ولا تعرف مصلحتها .

رابعا : من الخطأ التعجل في أمر الطلاق ، الأفضل الحديث مع أهلها ، وأنه لا يستطيع الاستمرار معها وهي لا تعرف .ثم إذا لم تنفع كل المحاولات فالافضل له البقاء عليها والزواج من أخر ، وسوف تتغير حالها إذا شاركتها ضرة
نسأل الله التوفيق للجميع

[الخيآلي]

اقتباس:  المشاركة الأصلية كتبت بواسطة saga     صحيح أهل البنت هم السبب الأم والأخوات المتزوجات كيف يدخلونها ع الرجال وهي ماتعرف تزين قهوه,,, عاد ماشاء الله أنت يالخيالي لوتتزوج مثل هالنوع ماراح تلاقي مشكله لإنك أفضل طباخ ورق عنب على مستوى الشرق الأوسط افطروا ورق عنب وتغدوا ورق عنب وتعشوا ورق عنب شكـــرا لك

هههههههه تذكرين هالسالفه
على فكره ورق العنب ماحبوووه هع
بس ادري له شعبيه كبيره بالنسبه لكم
العفو ~

[عازفة ألحان الليل]

اقتباس:  المشاركة الأصلية كتبت بواسطة saga     بشكل عام الطلاق مكتوب ومافيه ظالم ولامظلوم بالعكس ربما فرج واللي بيكذب إذا سألوه الناس عن السبب هذا مريض نفسي أسهل جواب مالله كتب إننا نكمل مع بعض وانتهى الأمر شــــــكرا

صحيح ..بس انا اقصد هو كذب وطلع كلام حتى يطلع نفسه بريئ ويكون الغلط على طليقته

اكيد انه فرج لها خصوصا إذا كان نفسيات مثل هذا

صح واساسا هذا الي يقال دايم مثلا مكتوب او نصيب او قدرالله وماشاء فعل ..الخ