العودة   منتدى بريدة > المنتديات العامة > إستراحة المنتدى

الملاحظات

إضافة رد
 
 
أدوات الموضوع انواع عرض الموضوع
 
قديم 01-01-10, 02:23 pm   رقم المشاركة : 1
لِـيم’
مسرعه بشويش سابقاً
عضوة قديرة
 
الصورة الرمزية لِـيم’






معلومات إضافية
  النقاط : 10
  المستوى :
  الحالة : لِـيم’ غير متواجد حالياً
..ღحينما تكون طفولتنا مجرد سراب ㋡ღ..!






السلام عليكم ورحمة الله

طفولتنا ..لعبنا .. بساطتنا ..براءتنا
أيام عشناها مرت مثل السحاب ولاتزال عالقة في ذاكرتنا
[mark=#FF0000]حب وغرام[/mark] أطفال يجمعنا .. وبعده تفرقنا
صرنا نكلم بعض من ورآ الجدر .. ومن خلف حجاب
يااله الكون احفظنا واجمعنا بجنة الفردوس . آمين
*


دعونا نعود للخلف قليلاً .. ونستعيد ما بقي من ذكريات
ألعاب بسيطة نمارسها ما بين السادسة والثانية عشرة ..






(( مصطلحات وتعاريف بلهجة عاميه))
^
لا تشرهون

ثلج وماء (( عبارة عن فريقين...فريق الثلج يلحقون فريق الماء واذا لمسه يتجمد بمكانه لمين يجي حدآ خوياه ويموعه ))
الكواكب (( هذي رهيبه اذكر ما نلعبه الا بالاختبارات ..صعب شرحه ما اقدر ))
شرطي حرامي (( الشرطة يمسكون الحراميه بس))
الذيب والأم (( الأم تمسك عياله بالبيت وتعطي كل واحد منهم لون بعدين الذيب يخمن الألوان واذا قال لون احد منهم ينطلق واذا مسكه اكله .. واذا ما امسكه رجع لأمه حنانه الدافئ))
الحرامي(( مدري شلون اشرحه بس بقول ابياته .. من في البيت ,أنا الحرامي , تعمل ايه؟,افرش اسناني,عشان ايه؟,عشان آكلكم , تآكل مين؟,وحده منكم؟,هي مين؟,هي العشرة, عد العشرة ويبدآ الحرامي يعد 12345678910 ونسيت الباقي)) >--ما وررى بعد
طآم طآم طماطيم الدور على ........(( عبارة عن حلقة من مجموعة بنيآت متماسكين بعدين يقولون هالعبارة واذا قالوا اسم وحده منهن تقدم وتقول ياسلام وتسوي اي حركه ترقص او تدور او تناقز كلن ومشاغبته)) واتوقع هاللعبه خاصه بالبنات لأن به رقص وفله
مليحق الأساس من الألعاب واحلى شيء (( عبارة عن اشخاص يتلاحقون ولهم بيت ))
ا نقطع السلك الأحمر واللي بالبيت عليه (( عبارة عن مجموعة أشخاص متجمهرين ببيت وحده واذا قال اللي بيلحقهم هالعبارة يطلعون كلهم ولا بيصير عقاب له انه هو يلحقهم)) >--متعوبن عليه هالشرح
الدور (( مكونة من عائلة أم وأب وأبنائهم >-- وخزياه بس
بس يعيشون جوهم))
خطة (( جدول ينرسم بالأرض من واحد لعشرة واللي عليه الدور يحلت الحصاة على احد الأرقام طبعاً بالتسلسل ويحط رجله على كل رقم والرقم اللي به الحصاة ينطه ما يطآه واذا وطآه خسر )) >-- عاد هذي معروفة
الطاقيه((اطفال ساجدين ع الأرض وواحد منهم واقف ويدور عليهم ويقول طاق طاق طاقيه رن رن ياجرس محمد راكب ع الفرس .. وهو يمشي يحط شيء ورا حداهم واذا قالهم فتحوا كل واحد يلتفت وراه واذا شاف شيء يقوم يلحقه ))
نجمة فوق (( بنيآت جنب بعض واقفين دائرة ويقولون هالأنشودة .. نجمة فوق نجمة تحت اميل كذا اصب العسل اميل كذا اقطع بصل آه آه ياظهري انكسر مالك ياسوسو زعلانه ؟.. عروستي ضاعت .. بكم شريتها .. بألف قنيه .. ايش سميتيها .. أمر الدين .. امر الدين امر الدين اختاري وحده من الحلوين ))
فتاحية وردة (( انواع البراءة عاد ذي .. يجتمعون دائرة واقفين ويقولون فتاحية وردة همن يوسعون الدائرة واذا قالوا سكارية وردة .. يضوقون الدائرة))

واحد طش ثنين طش (( واحد مغطي عيونه ويعد واحد طش ... الخ بعدين يتغبون هذولاك ادامه يخلص عاد بعدين اذا خلص راح يدورهم واللي يمديه يلحق ويرجع للبيت قبل لا يلقاه))
شبرآ امرا خمس نجوم (( هذي عاد تبيله واحد حليل شوي يعني سادس او خامس ويكون نحيف وخفيف مابه شحم ..بسرعة ينقز .. وهي عبارة عن حبل يدخله تحت رجلينه وفوق راسه ويرتفع ويبتل لأكثر وقت ممكن ))
عين سين صآد (( هذي دائرة من بنات أو عيال او خليطي فهاره ويجي واحد ينقز على رجل الثاني واذا وطاه يطلع بعدين يغمز لحدا خوياه وهكذا .. واذا ما وطآه يعيد .. طبعاً النطه فجأه))
لعبة مكونة من فريقين ويدور بينهم الحوار التالي :
الفريق الأول: صبحكم الله بالخير ياعمال العماليه ..
الفريق الثاني :مساكم الله بالخير ياعمال العماليه
الفريق الأول : عطونا عروستكم الحلوة والزينة
الفريق الثاني :ما نعطيكم اياها الا بالف ومية
الفريق الأول: ندخل على دياركم ونكسر ابوابكم وهذي عروستنا الحلوة والزينة
ويسحب الفريق الأول حدى البنات من الفريق الثاني .. ويستمر على هالحال

يتبع






آخر تعديل لِـيم’ يوم 01-01-10 في 02:39 pm.
رد مع اقتباس
قديم 01-01-10, 02:23 pm   رقم المشاركة : 2
لِـيم’
مسرعه بشويش سابقاً
عضوة قديرة
 
الصورة الرمزية لِـيم’






معلومات إضافية
  النقاط : 10
  المستوى :
  الحالة : لِـيم’ غير متواجد حالياً




وفيه العاب باليد تقل اناشيد مثل :

ازهار وربيع لندن وأوربا افريقيا باريس رحلة سعيدة في الأوتوبيس وان تو جننتوه على العربية ركبتوه ثري فور بقرة وثور فايف 6علبة فكس ساعة صغيرة تك تك تك

انا سندباد أصلي من بغداد اختي ياسمينة فتاة جميلة عمي صلاح الدين جاب لي كتاب الدين من فلسطين .. فلسطين بلادنا بلادنا بلادنا واليهود كلابنا كلابنا كلابنا طقوا على أبوابنا أبوابنا أبوابنا مثل الشحاتين تين على تين يابياع الفساتين اديني تنورة لأبلا نورة أبلا نورة ياعيوني ياللي لابسة الليموني لابسة الساعة اللماعة تسوى كل الجماعة والأبلات وراها والمديرة قدامها
عاشت عاشت فلسطين .. ماتت ماتت اسرائيل

سكر مكر لم لم لم ياكل ويشرب هم هم هم ... الخ>-- نسته
رامي يارامي ياولد الحرامي سرق الشنطة من ادامي


اما المصطلحات

الحآبة : المكان اللي يرتاحون به وهم يلعبون

مغبآ(( غميمة )) : مكان الاختباء بقصد التسلية>-- حشا فقه
طبعاً تلاحظون اكثر شيء يتعلق بالبنات عشاني بنيه ولا اعرف علومكم ياالرياجيل
زودونا بخربشاتكم الطفولية




||~شكر خاص

لـ مسرعه

و
الأنــس
*

برآيفت

تراي ما قلدت احد








آخر تعديل لِـيم’ يوم 01-01-10 في 02:38 pm.
رد مع اقتباس
قديم 01-01-10, 02:39 pm   رقم المشاركة : 3
HENNO
موقوف من قبل الأدارة






معلومات إضافية
  النقاط : 10
  المستوى :
  الحالة : HENNO غير متواجد حالياً

أختي مسرعة
لعلي شاهدت اللعبة (امسك حرامي) التي أعادتني للوراء سنوات طويلة

لكن لن أنسى بداياتنا في الرياض عندما كانت ( الدنـَّانـة ) هي اللعبة الشعبية الأبرز للصغار وحتى الثانية عشرة تقريباً

.........

أيام







رد مع اقتباس
قديم 01-01-10, 02:43 pm   رقم المشاركة : 4
روعة الكون
عضوة قديرة
عـمـتـكـمـ
 
الصورة الرمزية روعة الكون






معلومات إضافية
  النقاط : 10
  المستوى :
  الحالة : روعة الكون غير متواجد حالياً

لي
ـــ
بآك
< -- هين’ـو الله لايهين’ـك طن’ـبس شوي |
أولي مكرر << ماودتس الوحده تختب انحاس تلويني عشانتس
انتي ووجهتس ..
أهلن أهلن بم’ـسرعه الش’ـينه وق’ـسم انتس لح’ـجيه وينتس
م’ـبطينن عن’ـتس م’ـآلت عليتس !
< -- تعرف ت’ـهلي قوه ت’ـراه
ن’ـجي للم’ـوضوع
ههه الله ي’ـخبرش بليستس ب’ـس !
أيـ’ـآم ع’ـشنآهآ سع’ـآده < -- دخ’ـلت ج’ـو
مير نج’ـمه فوق لح’ـآله ولا ح’ـقت الثلج أخ’ـبرنا
نتح’ـمس قوه لاأجتمع’ـنا ولع’ـبناهـ ببيت ج’ـدي م’ـن قوة
ان’ـنآ نتح’ـمس نص’ـآبخ بع’ـضنآآ
وق’ـسم ع’ـدتي ب’ـذآكرتي للورآء << -- ام’ـوت ع التع’ـبير
ولا الدور أخ’ـبره ق’ـبل نقلب الم’ـرآكي ونبن’ـي لنا بيوت
هم’ـن الكشخ’ـه هي الي تح’ـط بيتهم ع’ـند الزآويهـ
يطلع ششكل إييه أيآم الله يذك’ـره بالخ’ـير

<< م’ـنول م’ـآعندي طآري ام’ـر الاس’ـتراح’ـه
ويوم ش’ـفتتس دخ’ـلته غ’ـصب < -- احبتتس

الى اللق’ـآء






التوقيع

والشر ياعُمري خطآك ,
آخر تعديل روعة الكون يوم 01-01-10 في 03:59 pm.
رد مع اقتباس
قديم 01-01-10, 02:48 pm   رقم المشاركة : 5
آلـأنس
عضو ذهبي
 
الصورة الرمزية آلـأنس





معلومات إضافية
  النقاط : 10
  المستوى :
  الحالة : آلـأنس غير متواجد حالياً

الله يازين هاكالايام..
أذكر اننا 24 ساعه بس ندبس ونراكض بهالبيت..
ماخلينا شي ما غيبنا شمسوه..كل شن كسرناو..

ولا الدوور.. ههههههه..نجيب الاونو ايقالهن القروش..
ولا صرنا بالاستراحه نلعبه بالطين -> عاد شوفي الوناسه وشلون
واذا خلصنا لاعبين.. طبعا بعد الهواش والكفخ والكفيخ..
نصف طابور كل واحدن يبي الحمام <- سلطه مرتن وحده


~ بعد به لعبتن ما قلتيه..
(اللي نصف ونتماسك على شكل دائره.. ونفتح بنتين من جهه..
وحده عائشه والثانيه فاطمة..
->تقول فاطمة: ياعائشة ->ترد: يافاطمة
فاطمة: ايش تشربي؟!
عائشة: ماء الهنا.
فاطمة: ايش تأكلي؟!
عائشة: حبة ذرة.
فاطمة: تبين عروسه ولا قموسة؟!
والباقي مدري وشلون اشرحه..)

~ولا أنا القطار السريع.. طوط طوط طوط.. أمشي ولا أستريح..->تقطعن الحبال حقات مريلة المطبخ


بس تتدرين وشو احسن شي بالموضوع؟!

اقتباس:
||~شكر خاص

لـ مسرعه

و
الأنــس

وهـ بس ياملحتس سرووعتي..
~العفو..
شكرن لتس ..






آخر تعديل آلـأنس يوم 01-01-10 في 04:36 pm.
رد مع اقتباس
قديم 01-01-10, 03:12 pm   رقم المشاركة : 6
عبود زمان
أبو أروى
عضو قدير
 
الصورة الرمزية عبود زمان






معلومات إضافية
  النقاط : 10
  المستوى :
  الحالة : عبود زمان غير متواجد حالياً

هلا بمسرعة بشويش << عجيزنا قامت تذكرنا بأيام زمان

والله ياست مسرعه

في من ألعاب العيال ( سبع الحجر )

وهي اللعبه اللي نركب سبع حصيان على بعض همّن بكوره صغيره او أي شي مدوّر ونحاول نضربه

وبعد الضرب نهج << أيام وناسه
ومنها بعد

واحد طش 2 طش << نموت عليه هذي

وحدارجا بدارجا ياحبيبت الولو تبي قبصه ولا قنعه

وباقي كثر بصراحة بس بخلي غيري يسرد لنا الباقي

شكراً لك مسرعه على هالذكريات اللي ما تخلوا مجالسنا من تداوله







التوقيع

قسم انه عندي مدونههنآ

رد مع اقتباس
قديم 01-01-10, 03:42 pm   رقم المشاركة : 7
الزنون
عضو ذهبي
 
الصورة الرمزية الزنون






معلومات إضافية
  النقاط : 10
  المستوى :
  الحالة : الزنون غير متواجد حالياً



انا الحمدلله متطور
طفولتي ايام كمبيوتر صخر خخخخ


لا كنا بالكورة
وغميما << مع البنات خخخ
وشبرا
ومليحق

وبعدين صرنا متطورين
من قدنا عندنا الاتاري << كمبيوتر قديم

شكراً لك







التوقيع


[shfaf1]http://weathersticker.wunderground.com/weathersticker/gizmotimetempbig_both/global/stations/40405.gif[/shfaf1]
حساب تويتر / سناب / انستقرام / ZENON9944

رد مع اقتباس
قديم 01-01-10, 04:08 pm   رقم المشاركة : 8
الأرجوانه
غآده
 
الصورة الرمزية الأرجوانه






معلومات إضافية
  النقاط : 10
  المستوى :
  الحالة : الأرجوانه غير متواجد حالياً




ياهلآآ يآآهلآآ بالقآآطعه ..عسى ماشر..<~حسيت اني قاعده اسولف معتس مبآآشره <~هع ..ورآآتس منذ مبطئ مادخلتي ..!؟


من طول الغيبآآت جآآب الغنآآيم ..~

توو ماينووور المنتدى ..~


نجي للموضوع :


موضوعتس خطنطرررررر .. ~~


عآآد لاتقولين اني ملقووفه بسووي اضآآفآآت ...<~هع



الذيب والأم (( الأم تمسك عياله بالبيت وتعطي كل واحد منهم لون بعدين الذيب يخمن الألوان واذا قال لون احد منهم ينطلق واذا مسكه اكله .. واذا ما امسكه رجع لأمه حنانه الدافئ))

خخخ الله يرجتس والله ياحنآآآ منوول نزمل اذآآ طلع لوننا <~هع



الحرامي(( مدري شلون اشرحه بس بقول ابياته .. من في البيت ,أنا الحرامي , تعمل ايه؟,افرش اسناني,عشان ايه؟,عشان آكلكم , تآكل مين؟,وحده منكم؟,هي مين؟,هي العشرة, عد العشرة ويبدآ الحرامي يعد 12345678910 ونسيت الباقي))

خخ هذي نسوي دويررره والحرامي يجلس بالوسط ويغمظ عيوونه


الدور (( مكونة من عائلة أم وأب وأبنائهم>-- وخزياه بس ..بس يعيشون جوهم.))


ههه هذي اللعبه ضروريه لآآزم كل ماجتمعنا نلعبه ..وبعض الاحيآآن ندخل معنآآ

اعيآآل ايقالهم الآآبآآء<~متعووب عليه ... اللي يبي يآآخذ دووره قبل الزوااج

يلللعب دووور<~هع



نجمة فوق (( بنيآت جنب بعض واقفين دائرة ويقولون هالأنشودة .. نجمة فوق نجمة تحت اميل كذا اصب العسل اميل كذا اقطع بصل آه آه ياظهري انكسر مالك ياسوسو زعلانه ؟.. عروستي ضاعت .. بكم شريتها .. بألف قنيه .. ايش سميتيها .. أمر الدين .. امر الدين امر الدين اختاري وحده من الحلوين ))

خخ هذي مووب بس نقوووله نسووي معه حركآآت ..مثل اذا قالو اميل ظهري

اصب العسل نميل اظهورنا لليمين واذا قالوو اميل ظهري اقطع بصل نميل لليسار

واذا قآآلووو آه آه باظهري انكسرر نميل اظهوورنا للورآآء <~متأثريين بالمطبخ

بس مانفع شئ هذآآآنآآآ مانطبخ زين <~هع




عين سين صآد ((هذي دائرة من بنات أو عيال او خليطي فهاره ويجي واحد ينقز على رجل الثاني واذا وطاه يطلع بعدين يغمز لحدا خوياه وهكذا .. واذا ما وطآه يعيد .. طبعاً النطه فجأه ))

خخخ توصيفتس شئ هع

يآآحنآآ ننقهرر اذا وطو رجليننا <~هع



لعبة مكونة من فريقين ويدور بينهم الحوار التالي

(( الفريق الأول: صبحكم الله بالخير ياعمال العماليه

الفريق الثاني:مساكم الله بالخير ياعمال العماليه


الفريق الأول :عطونا عروستكم الحلوة والزينة

الفريق الثاني :ما نعطيكم اياها الا بالف ومية


الفريق الأول: ندخل على دياركم ونكسر ابوابكم وهذي عروستنا الحلوة والزينة ويسحب الفريق الأول حدى البنات من الفريق ))


اثرنآآ منول رخيصآآت ابـ ألف وميه <~هعع مصصدقه

اييه وش آآسمه بعد ورآآتس نسيتي ..

حرووف الهجآآء<~مابووه احد مايعررفه هع

وبعض الاحيآآن اذا امطرررت نصف طآآآبوور بالمطررسه ونرووح نررفع ظغط

المديره نقوول امطررت امطررت والمديره فحطت ..~

ونسيتي بعد البس والفآآر نحجر الفار من دآآخل عشان مايمسكه البس <~خخ


تقبلي مرووووري
[/size][/size]







التوقيع

[flash1=http://www.m5zn.com/uploads/2010/12/23/embed/1223101612483nuq9o7du6fhxfl.swf]WIDTH=394 HEIGHT=184[/flash1]

رد مع اقتباس
قديم 01-01-10, 04:19 pm   رقم المشاركة : 9
ŜξňuŌřĺŧa
أرهَـِقنيَ آلحنينَ !
 
الصورة الرمزية ŜξňuŌřĺŧa






معلومات إضافية
  النقاط : 10
  المستوى :
  الحالة : ŜξňuŌřĺŧa غير متواجد حالياً
Talking



.
.

هلآ سوسو..
يــآأنتي بعد خقلتي ذآكــرتي لآيــآم الطفووله ..
يوم على ذآكـ الوقــت اربع وعشرين ســآعه عزآيم والبيت مانعرفه الآ بالنووم ..
و لعبة الدوور عاد ذي مافيه ولآ بنت بالدنيا مالعبته ..
بعد فيه العااب ثآنيه :
منهــآ سكــآكين بكــآكين ..
بنت ولد ..
ضــربة يد ..
السمك ..
نمله نخله ..
<- خبيرهـ بالآلعااب مهنته يوم هي صغيــرهـ ..وغيره الكثير ..
عــآد اللعب حكــآيتي غير معه ..
اذكــر يوم كنت بســآدس سـويت لي غرفه خــآصه ببيت اهل أمي وجمعت به
أشــيــآء كثيرهـ من الآلعــاب وزينته وزخرفته ..
عاد لصــآر فيه اجتمــآع ادخل العب به وادخل البنات اللي يعجبونن واللي أبيهن ..
والباقي عليهم السسلآم ..<- انوآع النقررهـ والهووش علي ..

مشكووورآت مسرعه والآنــس
يعطــيكم العاافيه..
تقبلن رزت خشتي هنــآ ..

.
.






التوقيع

مآأحبكم

آخر تعديل ŜξňuŌřĺŧa يوم 01-01-10 في 06:04 pm.
رد مع اقتباس
قديم 01-01-10, 04:34 pm   رقم المشاركة : 10
شـموخ انـسـآنـہ
عضوة قديره
 
الصورة الرمزية شـموخ انـسـآنـہ





معلومات إضافية
  النقاط : 10
  المستوى :
  الحالة : شـموخ انـسـآنـہ غير متواجد حالياً

[align=center]هلآ مسرعه بشويش>>تووحفه معرفّك :.

والله آيام خووطيره
لآبعد نسيتي لعبة(بوبي ) وآو ونصآرخ بعد لاشافت كل وحده منآ بوبيه ههه
وآلعاب كثيرات بس اننا فله وكل برآءة الدوونيا بنا ولعبة انآ الهولندي>> مدري تسذآ هي آولا وه يآملحنا
مووب بزارين هالوقت من يوم يطلع على الدنيا يبون قومبي/لاب توب/اي بود ومن خرآبيطهم
قسم انهم ماعآشو حيآتهم ايه وشسموووه وتراه الدور امس لاعبه مع عيال خوآتي ابفرحهم وأنا عجوز ميخالف بس مالت عليهم قالوآ مانبي هذي موووب زينه >>تراي صحت اهي
يآكثر قرقي يالله سلآإآم:.
[/align]







التوقيع

-
كم لي وأنا من فرقة الأصحاب مغبون
أحس بسهام الحزن ترسم حنيني !

،
آخر تعديل شـموخ انـسـآنـہ يوم 01-01-10 في 04:58 pm.
رد مع اقتباس
قديم 01-01-10, 04:39 pm   رقم المشاركة : 11
|| دريم ~
• رينو ,, وللنفس بهجة ツ
 
الصورة الرمزية || دريم ~






معلومات إضافية
  النقاط : 10
  المستوى :
  الحالة : || دريم ~ غير متواجد حالياً

.

ツ ツ ツ ツ ツ ツ ツ ツ ツ ツ ツ ツ ツ ツ ツ ツ




هههههههههههههههههه
مششاء الله عليك يامسررعه ماخليتي شي
بس ورآآهـ بعض الآلعاب مستخدمه به ضمير مؤنث .؟!
ترا كلهن لجميع الجنسين
إلا به لعبه ماقلتيه هي .. حركه ستوب
وهي واحد يقول حررركه .. هم شلة البزارين يتحركون ويمشون
وإذا قال ستوب .. كل واحد يآقف .. يعني تقل ضغط زر ستارت
واللي يتحرك آو يقول آي كلمه يخسر
آدري علي شين وصف بس عاد آنتم خلوكم ذهانين وافهموهـ وهي طايرهـ
الموضوع ذكرني بالآنشودهـ اللي تقول ..

ليت الزمن يرجع ورا
أو أحلم فلحظه كرى

ارجع ورا ورا ورا
يوم اني بأول رحلتي
طفل صغير ..

*
اذا زعلت بجد
انا اسكب دمعتين
واسكن بحضن امي وانام

واستقبل الفجر الجديد ببسمتين
بسمة فرح ,, بسمة سلام

*
اطفال كنا يازمن نحيا مثل وجه الصباح
نلعب على أرض الأمل فينا براءة وانشراح
نفرح اذا كنا جميع ,, ونزعل اذا احد من صاح


موضوع حلو آوخت مسرعه .. بإنتظار الموضوع القادم




ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ






التوقيع

مدونتي هنآ

رد مع اقتباس
قديم 01-01-10, 04:41 pm   رقم المشاركة : 12
عَآزِفةالحَرّفّ
}{~Creative girl~}{
 
الصورة الرمزية عَآزِفةالحَرّفّ






معلومات إضافية
  النقاط : 10
  المستوى :
  الحالة : عَآزِفةالحَرّفّ غير متواجد حالياً

نسيتي لعبه نلعبه باالمدرسه


(شخ شخ شخشبان اولا فيه لافي كامبولا وي وي وي وي لافي كامبولا) >~ للبنات بس بيفهمونه وينطقونه ع الطاير

>~نشف حلقي وانااانطق خخ

هههههههههه علينا لعب انما ايه

الله يذكره ايامنا باالخير

يسسسسلموآ مسرعه ولاتسرعين ممديه هه..}







التوقيع


من كثر ما[mark=#ff0000]أبوي [/mark]بنظر عيني كبير
أحس ماأنخلق بعده على الأرض [mark=#ff0000]رجال[/mark]!

رد مع اقتباس
قديم 01-01-10, 04:49 pm   رقم المشاركة : 13
غربه انسان
عضو ذهبي
 
الصورة الرمزية غربه انسان





معلومات إضافية
  النقاط : 10
  المستوى :
  الحالة : غربه انسان غير متواجد حالياً

وه يازين لعب منول قسم براءه
فيه لعبه يمكن العيال يذكرونه
هذي حقت كبارين شوي يمكن من سادس الى ثاني متوسط
اللي هي لعبه كوره قواطي
وطريقته ( كل واحد من اللي يلعبون معوه قوطي ؟ ونباء نلعب وكل واحد يحاول يطيح اي قوطي يقدر عليه واللي يطيح قوطيوه يطلع ينتظر لين تخلص اللعبه واللي يبقى اخر شي هو الفايز)

* اذكر نلعبه ويلعب معنا واحد يقرب لي كبير يمزعنا خخخخخ

موضوع روعه اختي مسرعه ,, والله ذكرنا بالماضي القديم
ربي يعطيك العافيه ماقصرتي
وان شاء الله اذا تذكرت شي لي عوده







رد مع اقتباس
قديم 01-01-10, 04:59 pm   رقم المشاركة : 14
فديكا عنيزة
عضو مميز
 
الصورة الرمزية فديكا عنيزة






معلومات إضافية
  النقاط : 10
  المستوى :
  الحالة : فديكا عنيزة غير متواجد حالياً

موضوع خطنطر يا م سرعه يانذله << ماعلمتينا عن العوده القويه

ذكرتيني بأيام الهبال
والشقاوه


بس موضوعتس طلع الشيبان بالمنتدى


روعه الكون
الأرجوانه
مبسمي خجل
غربة انسان
هلا بالشيبان

انا من يومي هادئه وحبوبه وماعرف غير نط الحبل + شبرآ امرا خمس نجوم


تسلمي مسرعه






التوقيع


[align=center]يارب ترحمنا برحمتك[/align]
رد مع اقتباس
قديم 01-01-10, 05:06 pm   رقم المشاركة : 15
•»pµяเтЎ«•
كّ/نَقاءّ الماءْ|~
 
الصورة الرمزية •»pµяเтЎ«•






معلومات إضافية
  النقاط : 10
  المستوى :
  الحالة : •»pµяเтЎ«• غير متواجد حالياً



مشآآآء الله يامسرعه موآآآآضيعك كل وآحد آآآحلا من الثآآآني

اييه ماخليتي ولا لعبببه ماقلتييه الا حركه ستوووب <<<على قولت دريم

وبووبي انتي قلتيييه ولا لا <<<ملقووفه


دآماً مبدعه اشكركـ







التوقيع

[flash1=http://dc11.arabsh.com/i/02122/6cab8hiickyd.swf]WIDTH=400 HEIGHT=350[/flash1]
رد مع اقتباس
إضافة رد
مواقع النشر
يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع
ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع
:: برعاية حياة هوست ::
sitemap
الساعة الآن 06:39 pm.


Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة

المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها

 

كلمات البحث : منتدى بريدة | بريده | بريدة | موقع بريدة