هل تود الذهاب الى ماليزيا ..وتريد معرفة مكان ما او استفسار
[align=center]السلام عليكم ورحمة الله وبركاتة
اخواني أخواتي أعضاء منتدى بريدة
هذا الموضوع وضعته للفائدة للي بيسافر الى ماليزيا ولا يعرف عنها شي او يريد معرفة مكان معين .. وكثير منا يسافر وقد يتوه بسبب عدم معرفته التامه للبلد او قد يذهب ويرى كل شي ولكن دون استمتاع ففي هذا الموضوع بأمكاني الإفادة للأخوة والأخوات ولو بالشيء البسيط . عن الأسئلة حول ماليزيا من ناحية الحدائق والمطاعم والفنادق والأبراج ... الخ
اتمنى ان أوفق في الأجابة على الجميع ولو بالشيء البسيط [/align]
اختي شموخ بصراحة ماليزيا أغلبها أماكن حلوه ولكن ابعطيك نبذه بسيطة عن بعض الأماكن واتمنى انها تفيدك وبأمكانك السؤال عن شي محدد علشان اقدر افيدك بالتمام ان شاء الله .
وبالنسبة عن طلبك عن الأماكن الحلوة فماليزيا مناطقها كثيره ومنها كوالالمبور وهي مدينه حديثة وحيويه تشتهر بالمباني التاريخيه الأنيقه والدكاكين الصغيره المدهشه .
بينانج
تعتبر من أهم المعالم السياحيه في ماليزيا وتقع على مضيق ملاقا وعلى الساحل الشمال الغربي
لانكاوي
تبعد حوالي 30 كم عن ماليزيا وهي عبارة عن أرخبيل يتألف من 99 جزيرة ذات الشواطئ الهادئة والطبيبعه الخلابه (( وهـ بس وهـ )) ==> هزه الشوق . والغابات الرائعه والخلجان الرمليه المزينه بأشجار الصنوبر وجوز الهند ،والصراحة أنصحك بها . لأنه بنت عم جزر المالديف الله يرحمه .خخخ
هذي بالنسبة للمناطق بأختصار اما الأماكن فهي كثيره مرة يعني لو أكتب عنهن كان تنتهي الأجازة وترجعون وانا ماقضيت وتأتي قولة (ريش القطا ) ماعنده سالفه ولكن عسانا نوفق في الشرح .
والأماكن هي :
برج الأتصالات
ويلاحظ ان الأسم عربي ويقع وسط كوالالمبور ويعتبر هذا البرج أعلى مبنى في ماليزيا وقيمة دخول البرج 10رينجت وعند الوصول الى القمة ستشاهد كوالالمبور من الأعلى وطبعاً في درابيل للي بيقز له نشر غسيل بأحد السطوح او شي ثاني خخخخخ بس للمعلوميه ترى الدرابيل بفلوس (هلل) وراه ملاهي الغد على غفله بمعنى أصح علشان نكون واضحين عمله معدنيه وفيه طبعاً في اعلى البرج مطعم ومحلات لبيع التحف والهدايا التذكاريه لاتحسبونه حقاق هدايا تذكاريه بس .
العمارتين التوأم
أعلى ناطحة سحاب بالعالم وبأمكانك زيارتها قبل الساعه 9 صباحاً ياله صباح خير . واذا اردتي ان تصعدي الى الأعلى لأنهم يستقبلون كل يوم 800 سائح فقط وعلى فكرة ترى الصعود الى الطابق الأربعين فقط من 88 طابق لأن الجسر بالمنتصف وأكيد انه معروف شكله ويعونك مهله 15 دقيقه لألتقاط الصور والدخول مجانا والتذاكر توزع على فترتين ( شكله شاريهن البلوي بعد ) ههههههه
ووقت الفترتين اللي توزع فيها التذاكر هي 80.30 صباحاً و 2.30 ظهراً فقط ونصيحه خليك الساعه 8 الصباح عندهم وبتصفين سرا .
عاد الحين بقى اقولكم ان اصابعي الصراحة تكسرن من الكتابه ومن اللي يسولفون بالماسنجر . ولي عودة ان شاء الله على الموضوع لأضافه بعض الأماكن الرائعه .[/align]
راح أكمل لكم بعض الأماكن الحلوة في ماليزيا حسب طلب بعض الأعضاء
فيه مدينه للألعاب اسمها (صن واي لاقون )
رائعه جداً بصراحة ولكنها تبعد عن كوالالمبور نصف ساعه بالسيارة وفيها فندق ومحلات تجاريه ووو.
الكهوف وما ادراك ماكهوف باتو
تقع هذه الكهوف في اطراف المدينه ويبعد عنها نصف ساعه بالسيارة وهو عبارة عن معبد هنود والمعبد داخل مغارة وسط جبل وتدفع رسوم للدخول اليه وقيمتها 1 رينجت الله يديم الرخص ياناس . وأهم نقطه ابقوله هي انه الدخول للمعبد ذا لازم ترقى الجبل عن طريق الدرج بس انواع التعب ويسترق الوقت للوصول الى هذا المعبد 20 دقيقه مع انه درج ولازم تحذرون من هالقرود الشرسه طبعاً الكلام اللي راح تنطقون به وانتم ترقون الدرج هو التلعين بالهندي اللي اقترح عليهم يحطونه بالمكان هذا ومافيه غيره طبعاً عاد اذا وصلتوا بتشوفون مغارة ضخمه ومفتوحة من الأعلى فتحة صغيره تسمح بدخول الضوء الى المغارة وبتشوفون طقوس غريبه والنار والعه في كل مكان بالمغارة وبتشوفون الأصنام والتماثيل بكل مكان وبتحمدون الله على نعمه السلام اولاً والعقل والله يثبتنا على الأسلام وبتشوفون الهنود الجلم وهم يركعون ويتعبدون .
ولكن أحب ان أنبه الجميع خوفاً من الوقوع في الشرك بالله والعياذ بالله ..
بأنه يأمرك أحدهم بخلع الحذاء وأنتم بكرامه اسطره بطراق وأمش ولا يهمك ولا أحد يجدع نقود معدنيه بأحواض المياه لأن منافعها تعود للآلهه داخل الكهف ههههه اللهم لاشماته ياناس
مرتفعات جينتنق
تبعد عن كوالالمبور 45 كم وهي مرتفعات تكسيها الخضرة ومناظر خلابه ولكن انتهبوا من الجو البارد يعني لا احد يجي يتميلح لابس شورت يحسبه طالع للطرفيه ترى درجة الحرارة تصل الى 10 درجات وهناك ضباب وفلة حجاج وبه كل شي من محلات ومطاعم وبه تلفريك وحركات حلوة بس تراه أحسن من ابها خخخ
أكتفي بهذا القدر من الأيضاح هذا اليوم ولا تقولون لي ايضاحك شوي لأنه ماودي أمل وانا أكتب بعدين أشطب على الموضوع
واللي يبي ارقام سواقين هناك يتكلمون عربي عندي [/align]