تف .. تف .. باسم الله علي ...!!

[" TWIX "]

,,
,

أعوذ بكلمات الله التامة من كل شيطان وهامة ..
ومن كل عين لامة ..
أحبابي .. مدري وش فيني بالضبط .. شكلي مخطوف من بينكم ..
جان شيء مدري وشو .. شيء يجيني يخليني ما أطيق منتداكم وكل
ما فتحته يجيني تكاك وغلقة مدري من وين ثم أعطيه كنسل..
أفتح رد أو موضوع جديد .. ثم .. أنكتم ..ثم شفت ودليييييت ..
ما خليت أحد ..
رحت لمركز الشامل للحاسب وخليت عاملهم البنقالي عبدالقيوم يقرأ علي وعطان شطة مقري فيها ..
وأنا أبي جلوي وأبو نورة يقرون بشوية موية ويمررونها على كل كم عضو مثل (سني متبع .. ساكتون
عاشق الخير ..نسرين .. أبو عرادة .. ) أما السرابيت لا ..
لعل هالعين تروح وتغادرني ..
وإلا العزوف عن المنتديات ظاهرة بسبب تويتر وطقته ـ ماهو مرض لأني أجر صيدلية وراي أرحمون ..؟!!

[وَ مَـآذَآ بَعْدّ ♛]

هههههههههههههههههههههههههههههه



طيب جبت لك موية زمزم وعلى كل واحد من الاعظاء والعظوات ينفث ثلاث نفثات ولا يبالغ عساس ما تصير الدعوى محاويق

اللي حاس بدوخه والا غثيان والا تكاك يجغم ثلاث جغمات بسسس علشان يبد على الكل

والله يسهل على الجميع وماشاءالله تبارك الله تف تف تف عليك ، هاا حسيت براحه !!

اجل مب انا اللي ناحتتك

[شاعر الاماكن]

افتح صدرك خل انفخ عليك
بالنسبه لمواقع التواصل الاجتماعي انا اعتبرها طفره والناس تحب تغير كثير وراح يغيرون ولكن يبقى الاساس المنتديات وبيرجعون لها لانهم ماتركوها ..
تويتر والفيس بوك ومواقع كثيره مشكلتها مفتوحه ومافيها رقابه وتقدر تحط اي جمله وسخه وقذره وتلاقيها موجوده عكس المنتديات المحترمه اللي لها سياسه واضحه واداره ومراقبين ومشرفين يسهرون لراحة الاعضاء ..

مجرد اكتشاف هالاشياء القذره والمكان الواسع لنشر الرذيله ترجع من ابتعد وترك المنتدى ..

مشكلتنا الركض والجري خلف اي شي جديد فقط للركض مو لهدف واضح ..

يعطيك العافيه تويكس وترى ارسلت لك ع الخاص فكس مقري فيه دهن وماتشوف شر

[shahd2007]

اللي ناحتك عن المنتدى يجي ينحتن 😂

اشوووه قاروره الماء خلون اقراء لتويكس

وباتسر تلاقونه منزل موضوع بقسم الفروسيه من زود الحماس 😜

[نــف نــف]

المويه الي بيعطيك منه جلوي ، عطني منهآ : )
*عجبني عنوآن آلموضوع لآنه مشآبه لِ أسمي

[" TWIX "]

اقتباس:  المشاركة الأصلية كتبت بواسطة وَ مَـآذَآ بَعْدّ     هههههههههههههههههههههههههههههه طيب جبت لك موية زمزم وعلى كل واحد من الاعظاء والعظوات ينفث ثلاث نفثات ولا يبالغ عساس ما تصير الدعوى محاويق اللي حاس بدوخه والا غثيان والا تكاك يجغم ثلاث جغمات بسسس علشان يبد على الكل والله يسهل على الجميع وماشاءالله تبارك الله تف تف تف عليك ، هاا حسيت براحه !! اجل مب انا اللي ناحتتك

الله يجزاتس خير ويعدعنتس ..
وين اللي يقول أنقطع الخير بين الناس شوفوا هالبنت جايبة جراكل ..
لا يصيرين بس من الهيئة مخلفات مصنع خمر ..
لحظة ..
خلين أبرّق بهن زين .. الشوف شجر ..
وخروا .. باسم الله

[liilas]

-

علمك بالشر وانا اختك
الحمدلله المنتدى بداله منتدى << على وزن الحديد بداله حديد

قسم بالله احيانا اقول الله يعطيني بغض النت كله
ياللي ناظل تويكس عن المنتدى تعال انظلني عن النت كله

[ابو عراده]

تويكس .. أنت مثل التمره ماتلحس ابد خخخخخخخ
تف تف بسم الله الشافي تف تف بسم الله الكافي .
شفن بسم الله علي من عام الفين وسته الى هالحين وانا مسنتر كل يوم هنيا ولاهمن لاطويطر ولا التيس بوك ولاغيره .
انا اشك ان جلوي حاطن صرار بهالمنتدى وشكله جاين رشق منه .
تصدق وانا مسافر لخارج المملكه احيانا تجين حتسه وتكاك لازم اويتز على منتدى بريده وهمن اذا دخلت للمجلس راح التكاك .

[قروي فاهم]

قبل فتره
كان يسألني احد الاعضاء في قسم (العلاقات والاعلام)
يقول لي غريبه مااشوف لك مشاركات او تواجد في
المنتدى 0
قلت له انا متواجد شبه يومي ولكن
اذا كتبت رد او موضوع جديد
فجأه اتراجع واسوي تظليل وديليت
واروح اتصفح في الاقسام واذا حصلت موضوع جديد حاولت اشارك ولكن هناك شي يمنعني من ارسال الرد او اي موضوع ماادري ليش !!
المهم ياتويكس لاتنساني اذا حولك ماء مقري فيه
ولا اذا بتروح لشيخ يقرأ عليك تراني اعاني نفس المعاناة 0

[الرحـّـال]

" TWIX "

هذي الله يسلمك عين أشهب ألهب

شطوب قركاعينه تمرح بهن العقارب

لكن
علاجك عندي ولو إنه غالي شوي < جابه الله

إيه
صحتك واناخوك أهم من الدراهم وعلاجي

وحده بوحدة إن شاء الله وعلى البرهان بعد

عاد أنت فكر ورد لي ترى العلاج يبي وقت
لتحضيره وأنت حالتك كل ماله بردى

["غرك غلاك"]

زين ياتويكس توها تجيك العين
أنا ملعووووط بعين من زمان
وكل ماجيت أشارك تلقطني أصابعي
وخصوصا السبابة والوسطى
:
نسيت اقول لك تف تف ماشاء الله تبارك الله
وماتشوف شر يابعدي
عاد من وين لنا تويكس.. والله إني صادق
تراك آخر جيل العمالقة الله يستر عليك

[امرؤ القيس]

صح انا من السرابيت

اسف ع الدخول الغلط

[Ṥ Қ ў]

هههههههههههههههاي

حلو العنوآن

اكيد بسب التويتر والبلاـآك عااد ماخذ خلق الله عن اهلهم

مو يبعدون عن المنتديـآت وبسس

بس كل شي له وقققتهه ششوف علىآ شوي شوي صـآرو

يرججعون للمنتديـآت ّ

بسس علىآ قولتهم طططفتن بالشي ويملوونهه<<مثل حصصري

وانت تملوهه وترؤح العيييين


ييمال العافيييه TWIX وعلاجكك عند رححال

[المنطق]

اقتباس:  المشاركة الأصلية كتبت بواسطة "غرك غلاك"     زين ياتويكس توها تجيك العين أنا ملعووووط بعين من زمان وكل ماجيت أشارك تلقطني أصابعي وخصوصا السبابة والوسطى : نسيت اقول لك تف تف ماشاء الله تبارك الله وماتشوف شر يابعدي عاد من وين لنا تويكس.. والله إني صادق تراك آخر جيل العمالقة الله يستر عليك

غرك غلاك ..

ما تشوف شر ..

اشوفك متابع للمنتدى بدون مشاركات ..

ولا تويكش يغير معرفه ويشوي ..

اكيد ملحوس من البنات ..

خبرك البنات يغمى عليهن لشافو التويكس ..

[" TWIX "]

اقتباس:  المشاركة الأصلية كتبت بواسطة شاعر الاماكن     تويتر والفيس بوك ومواقع كثيره مشكلتها مفتوحه ومافيها رقابه وتقدر تحط اي جمله وسخه وقذره وتلاقيها موجوده عكس المنتديات المحترمه اللي لها سياسه واضحه واداره ومراقبين ومشرفين يسهرون لراحة الاعضاء .. مجرد اكتشاف هالاشياء القذره والمكان الواسع لنشر الرذيله ترجع من ابتعد وترك المنتدى ..

المشكلة أن سياسة المشرفين لم تتغير وهم يرون الأعضاء يتطايرون يوم بعد يوم
عمر بن الخطاب .. في سنة الرمادة وقف حد السرقة تماشيا مع الظروف المحيطة به
وهم مازالوا ماسكين الساطور بيد والكلبشة بأخرى .. هذا مبتور وذاك مكبل ...!!
هنا ..
تعرف أن الإشراف فن .. وليس كل من دخل أي مجال يصبح فنان
ببساطة .. عاطفيا .. بدر عبدالمحسن تقارنه بـ تركي المريخي ...!!!

أبشرك وصل الفكس ودحجت صدري دحج ..