مقابلهـ مع اعضاء منتدى بريده ( دلــة بيبسـي) حيــــــــــاكمــ الله

[صالح 2011]

العضوه الي تبي نستظيفه هنااا ترسل لسبعيه

[ام الوحيد]

وين حبيبتنا اسبيعيه ياله نحن ننتظر اختيارك

وش رايك تصيدي عرووووووووووووبة

[د.مُجاهد]

ماشاء الله
لكن كل أسئلة شخصيه فقط
لو كان في تنوع ..!

[|كيـــرلا..]

هههههه يالبى روحكـ كابتن كل هذا بقلبك ومخبيه وهـ بس يابعدي ,,

وشسموه جيبوا واحد مثل الكابتن يستاهل<<هماه زقحوه فوق ذذ

[سبـيـعـية]

مايا شكرا لك
وماتبين زيادة أسئلة
\
ولد التواجـر
شكرا لك << او مالي دخل

\

نختار من البنوتات الجميلات ( كسرني غيابك )
فلتتفضل مشكورة

[مايا]

سبيعية ياحبيلتس
ماورا كثر الاسئلة ههههههه

[كسرني غيابك]

يعني انا

طيب دزيدزه ابـآآ شسموه واجي ..

مقابلهـ مع اعضاء منتدى بريده ( كـسرنـي غـيـابـك ) حيــــــــــاكمــ الله

وه واملحي مرزوزتن بالعنوااان ..

[سبـيـعـية]

^
لا مايا يدلعونه كسرني غيابك
طيب نحتريتس لاتهجين

[خجــل]

مآيآ آجآبآت حلووووه
خلآص آجل آذآ عزمتتس آبحط لتس ورق عنب وبيتزآ وموكآ ..
آلكآبتن
ورآك نآطن نص آلآسئله هآه
آلله يعطيكم آلعآفيــه ..

بـ آنتظآر كسرني غيآبك ..

[ام الوحيد]

مبروك الاختيار هههههههههههههههه

يالله نشوف شطارتك

[شوكولاته بنات]

كسرني حبيبتي بنتظاااارك

[كسرني غيابك]

الاسم: وفاء ..

العمر: 17 .. بس لايغركم .. بفكره من راسي .. أدمر بلد .. الله يكفيكم شري ..

الحالة الاجتماعية : آنسه <~ مثل مايا ..

عدد أفراد الأسره الله يخليهم لك ويخليك لهم : 9

من هو الأقرب لك من أفراد أسرتك: أمــي ..

حدد أهم الأمور التي تقوم فيها و أنت في البيت: ابرز دور لي " احس اني مثقفه لاقلت هالحتسي " .. المبزره .. اتهاوش معهم .. ونحوس انا وياهم .. واقولهم رتبوا غرفتكم .. والبسوا نعالكم .. وشيلوا ملابسكم اذا طلعتوا من الحمام .. ولا تحوسون الصاله .. وهكذاا

بالعربي .. صايرتن تسني مربيه لأخوتي الصغار وعيال اخوتي .. عسى ما يخلين ..

طلب مُلـّح تطمح به من أسرتك و لم يتحقق الآن: مافيه ..


اللون المفضل: الرصاصي .. والأسود ..

الهواية: جمع الطوابع ..

حدثنا عنك قليلاً : بنت ذولاك اللي ساكنين هنااك ..
انا الله يسلمكم .. واعوذ بالله من كلمة انا .. وحدتن دوبه دوب روحه .. ما احب احارش احد .. ولا اتعرض لأحد .. احب الضحك وتسذاا .. وفاشله بشي اسمه تعبير ..وبس ..

الأكلة المفضلة: المرقوووق .. عسى مايخلين من أميمــتي ..

مشروب يستهويك دائماً: القهـوووه ..

الكتاب المفضل: كثار هن موب واحد .. عندك استمتع بحياتك .. ولاتحزن .. و نهاية العالم .. و موعد مع الحياة ..

الحكمة المفضلة: من توكل على الله فهو حسبه ..

الصديق المفضل: منااوي ..

المكان المفضل: أي مكان .. أهم شي مع أميمــتي ..

البلد المفضلة: سنغافوره .. اليونان .. اسبانياا ..

الحرف المفضل : كل الحروف نفس بعض ..

النادي المفضل : التقـــدم ..

أسم مذكر ومؤنث مفضل غير أسمك : مذكـر .. زياد ، سعود ، فواز / مؤنث .. هيفـآء ، رشـآ ، ريم ..

أوقات النوم المفضلة لديك : بعد الفجر ..

آخــر مرة :

آخر مرة قرأت كتاب ونوعه : اممم يمكن الاسبوع اللي فات .. كتاب " موعد مع الحياة "

آخر مرة ذهبت مكة : يمكن قبل سنة ونص او سنتين ..

آخر مرة صمت فيها صيام نفل : قبل آمـس ..


أهم 5 صفات مرغوبة :

في الزوج : طيب .. موب عصبي ولا عنيد .. ولا نكدي ..

في الزوجة :

في الصديق : الوفاء .. الصدق .. الصرااحه ..


أوصف بـ عبـارة واحدة

نفسك: بنتن حليله ..

البحر: الحزن .. والغدر ..

الشروق: الفرح ..

الغروب: منظر يستحق الوقوف عليه ..

القمر: الجمال ..

الطبيعة: التجديد .. وحب الحياه ..

الحـب: ذو حديـن ..




ماذا يعني لك اللون:

الأحمر: أغبــــى لون ..

الأسود: الفخامه ..

الأبيض: الصـفـآء والطهـآره ..

السماوي: المهايط ..

الأزرق: العقـــل والتكانه ..

الزهر: سامج هاللون ..

الأخضر: روح الحياة ..

الأصفر: الفرفشه .. والضحك ..

البرتقالي: الطموح ..


وردة لمن تهديها:

حمراء: وتعني (الحب) لـ أهلــــــــــــــــي .. بس تيزيهم وردتن وحده ..

بيضاء: وتعني (الصفاء) لـ جدتــــي عسى ما يخلين ..

صفراء: وتعني (الغيرة) هالورده اسوي به تجربه ..


شيء تكرهه: صياح الأطفال .. الناس الاتكاليين .. والناس اللي ماعندهم روح العمـــل ..

الكلمة المفضلة تحب تسمعها : الله ييسر امرتس .. ويسعدتس .. ويستر عليتس .. من جدتي طبعاً ..

القناة المفضلة: القناة الأولـــى .. ههههههههههههههه
الصدز احوس .. ماعندي قناة مفضله .. الا تسان كراميش نقعد عنده انا والمبزره ..

أبرز ما يستدعي إنتباهك و تحرص على متابعته : ولا شي ..


الحياة :

حكمة تؤمن بها كثيراً : كاتبته فوق ..

أحب الألوان إلى نفسك : وراك عدت الأسئله ..

دولة تتمنى أن تسافر إليها : موجوده فوق ..

ما هي الوظيفة التي تتمناها لنفسك : مالي خلق اتوظف .. عساي اقضي من الدراسه بس ..

حدد أسم اليوم الذي تحبه و أذكر السبب : السبت .. هماه مابه دراسه بالسنه الجايه ..

مكان يعجبك كثيراً و تتردد عليه دائماً : حوشناا .. هههههههههههههههه ..

أقرب الأصدقاء إلى قلبك : شكلك خرفت بديت تعيد الاسئله ..

المدرسة أو الكلية :

مدرس\ة لازال في ذاكرتك .. ولماذا ؟ كل المعلمات اللي مروا علي حبيبات ..

مواد دراسية تحبها كثيراً : احب النحو والأدب ..

مواد دراسية تكرهها كثيراً : البلاغه .. والمكتبه .. والفيزياء .. والجغرافيا ..

ما هي أحب المراحل الدراسية إلى نفسك : ولا مرحله ..

ما هو أشد عقاب مر عليك طوال فترة الدراسية وبأي سنة : مره بالمتوسطه .. بغوا يفصلونن ..

هل حصلت على شهادة خاصة و في أي سنة : يعني وشو شهادة خاصه ..؟؟

سنة دراسية تعد هي الأجمل في حياتك : ولا سنه ..


موقف محرج حدث لك في المدرسة : مـآ أذكـر ..


المنتدى :

عضو \ة تعلمت منه الكثير : بسومة بريدة ..

عضو\ة لا تتمنى أن يغيب أبداً : أغلب الأعضاء ..

عضو \ة مشاغب : عبدالله بريدة .. مشغول وشاغلني .. هايدي .. هواره ..

عضو\ة يعتبر ا لأميز في نفسك : كثارين والله .. بس هم اللي دايم اصير معهم وتسذاا ..

عضو\ة أرتحت له من أول ما شفت أسمه بالمنتدى : توليب ..

عضو \ة شعبيته كبيرة و محبوب عند غالب الأعضاء : توليب .. رادار ..

عضو \ة ترى أن لديه أمكانيات كبيرة و لم يقدم حتى الآن : والله مدري ..


قسم أو مقترح تحب تضيفه للمنتدى ؟ ابو نوره ابخص ..

ماذا يضايقك في المنتدى ؟ اذا علق ودي اقوم الفعه ..

ماذا يسعدك في المنتدى ؟ الأريحيه اللي بين الأعضاء .. ولاهيب موجوده بباقي المنتديات ..




كلمة لا تزيد عن سطرين عن الأم :
أيا من تسقي أيامـي الـ فرح .. وتروي عمري بالسعادة ..
وتعطي دنياي الألوان .. وتملأ حياتي بالبسمه .. خذيني اليك .. وفي حضنك .. فـ هذه الدنياا لم ترق لي ..
يـــــــآآ أمــي .. اعلم انك لاتملكين من الأمر من الأمر شيئـاً .. وليس بيدك ما حصل ..
وأعلم يقيناً .. أن لو كان معكِ من الفرح " ذره " لما بخلتي به علــــي ..

<~ ادري انها آكثر من سطرين .. بس يوم بديت أكتب عجزت آقف ..


كلمة لا تزيد عن سطرين عن الأب :
أن يكون للدنيــــــــآ معنـى .. فـ أنت معناهاا ..




هذا وصلى الله على نبينا محمد وعلى آله وصحبه وسلم ..

وآعتذر على الإطاله ..

مشكور صالح .. مشكوره سبيعيه ..

[كسرني غيابك]

سلامات وراه حط ردي مرتين ..

[المستشارَ]

اجوبتك مره حلوه

اجل النادي اللي تعشقينه التقدم ههههههه والله ماتلعبين

موفقه خير َ

وبانتظار العضو اللي بعدك َ

[كروومه]

اجوبه ممتعه ورائعه اسمتعت به مرررره,,,, مايااااا ,,,,,,والكبتن ,,,,,,,,,,وكسرني غيابك



الله يعطيكم العافيه