السلام عليكم جميعاً
حقيقة انا من (هواة) التصوير من زمان لكن بجنب القدة
من ايام الكاميرا الفورية اللي تطلّع الصورة وتقول
خذ انفضها شوي عشان تزين.. وبعدين الكميرا
التحميض ام 36 صورة واحيانا تعطيك 36 ونص
تصير الصورة الاخيرة اللي انت صورتها طالعن نص
الصورة بس...
ومعي الان كميرا سوني 14 ميقا بيكسل تمشي الحال
لكنها دبشة وخفيفة لو ترمش وانت تصور اهتزت
الصورة وشايفة نفسها شوي عشان حجمها بس
اهتم بالزوايا واحيانا اتعب لين اصور صورة جيدة..
ماعلينا... المهم اني بسألكم عن الكميرات
الاحترافية اللي معكم :
1-كيف طريقة عملها
2-هل هي صعبة التعامل
3-وزنها كم تقريباً ( لاني طيار شراعي ولما اصور
وانا بالجو فوق يكون فيه اهتزاز بفعل الهواء واهتزاز
الباراشوت ويهمني وزن الكميرا اذا كانت اكثر وزن
يقل الاهتزاز وانتم ابخص)
4-كم تقريبا سعرها الحليلة اللي تصلح للمبتدئ.
5- افضل شركة مصنعة(كانون - نيكون - الخ)
6-
الاسئلة اجبارية ماعدا السؤال السادس اختياري للدوافير..
اتمنى ما اكون طولت عليكم والله لا يحرمكم الجنة يااارب.
العرض العادي
