هل تأكل من طبخ الخادمة

[ابو ريما الخالدي]

اقتباس:  المشاركة الأصلية كتبت بواسطة أحلى ابضايه     ههه لقيت بجرير كتاب طبخ باللغه الاندونيسيه والله ياهو شي اجيب لك واحد ابو الريم /:

هلا بك ياأبضاية

لا واللي يرحم والدينك ودي اروح أشتريهن واحرق فيهن

اخاف بكره ينتشر الكتاب وكل الشغالات تقراه ثمً ماناكل شي

وبعدها أنا واللي مثلي نروح نجلس عند ابواب المطاعم مثل اللي يشحذن

اسعدنا مرورك دمت بخير

[قـتـالـه]

<< هاجتن كشرته بالمسن مادرت انكم فالينها بذا


وراهن السحا تبرن من الشغالات براءة الذيب من دم يوسف !
والله يانور الهدى انه تسوى عندي نصف سكان الكره الارضيه ,,
اذا قمت الصبح واثر القهوه تهدر تحلفون اننا بمجلس عويد ابن ضاري
والحليان والصواني والمحمر والمشمر ..
هي تشمر وتحمر وانا اتدهن واترطب واهايط عندكم

[التنين الصيني]

اقتباس:  المشاركة الأصلية كتبت بواسطة قـتـالـه     << هاجتن كشرته بالمسن مادرت انكم فالينها بذا وراهن السحا تبرن من الشغالات براءة الذيب من دم يوسف ! والله يانور الهدى انه تسوى عندي نصف سكان الكره الارضيه ,, اذا قمت الصبح واثر القهوه تهدر تحلفون اننا بمجلس عويد ابن ضاري والحليان والصواني والمحمر والمشمر .. هي تشمر وتحمر وانا اتدهن واترطب واهايط عندكم

ههههه ....

المشكلة انك اذا قلتي شي .... تقل يصير صح " وهو غلط مناك "

تصلحين محامية ....

[A K V]

المطاعم مانشوف اللي خلف الكواليس والا بهم حقهم والخدامات مدري عنهن
وراكم بادين لاتجمعتوا كل واحد يتميلح عند الثاني ونص الهرج موب صدز
مهايط لااكثر
او النقص بالواقع يجبركم تجون تكملونه بالمنتديات ؟

[ابو ريما الخالدي]

اقتباس:  المشاركة الأصلية كتبت بواسطة أحلى ابضايه     شوفي ياحيي مستحيل يجتمعن ربة بيت ناجحه وزوجه بحق وحقيقي فالحه يعني يارباده بشي وسنع بشي ولا قرامه بشي وطفاسه بشي وشوفي بعينك اكثر السنعات مصكوكن عليهن جارات ههه يعني اربدي تعشقي واقرمي تنسفي << مثل ابضاني خاص

الا يجتمعن ومن قال مايجتمعن

اذا مادخلت عليها الشغالة صارت كذا

والا أذا دخلت الشغالة تبي تبدا في الغسيل وتنظيف البيت

بعدين تقشير البصل والطماطم وبعدها تقطيع الدجاج ثماً الطبخ

ومن قالك أكثر السنعات مصكوك عليها جارات أبد ابد مهب صحيح واهمه انتي

اللي تجيب شغاله وتخليها تطبخ هي اللي مصكوك عليها بجاره وجارتين بعد

سعدنا مرورك مره ثانية وكل فتره دمت بخير وعطاء

[ابو ريما الخالدي]

اقتباس:  المشاركة الأصلية كتبت بواسطة جبل السكر     مرحبا ابو ريما الحمدلله ماعرفتها من يوم ماطلعت على الدنيا انا اعتمد على نفسي من يوم ماكونت صغيره وامي الله يحفظها ربتنا على دا الشيء كبيرنا وصغيرنا حقيقي مابعتبرها ضروره من ضروريات الحياه الا بحاله وحده لو كانت ربة البيت تعاني من مرض وليس لها قدره على العمل والحركه وماكان عندها (بنات) ينوبو عنها بكل امور البيت والحمدلله لاتوجد عند اي احد من افراد العيله الكريمه ووجودها عند الكتير من العوائل بسبب الكسل ثم الكسل ثم الكسل:d اضافه الى عدم اهتمام الأم ببناتها اولا وبأسرتها تانيا لذلك كان تكليف الخادمه بإدارة المنزل كما تريد وتشكرات لطرحك الراقي

هلا ببنت المدينة

ايه هذولي السنعات

وتراه أغلبنا كذا مثلكم مايبون الشغالات

لكن على قولة ريانة يشفون فلانه وعلانه عندها شغالة ويحبون يقلدونها

الله لايغير عليكم

الا ابي منتو ويغموش ماترسلونه لي مع كم بروست من البيك

ساعدنا مرورك دمت بخير

[قـتـالـه]

اقتباس:  المشاركة الأصلية كتبت بواسطة التنين الصيني     ههههه .... المشكلة انك اذا قلتي شي .... تقل يصير صح " وهو غلط مناك " تصلحين محامية ....

خالي ضاري بتله يقولي انتي تصلحين شريطيه,,
لسانتس تزلقبوه الصعوه
لو تحرجين على شحنة حشف ان يتناهبونه الناس
^^
شفت اللي يقدرون مواهبي ؟

[قـتـالـه]

اقتباس:  المشاركة الأصلية كتبت بواسطة ابو ريما الخالدي     لكن على قولة ريانة يشفون فلانه وعلانه عندها شغالة ويحبون يقلدونها

ابو ريما وربي مو تقليد ,,
شوفة عينك البيوت واسعه ومليانه غرف واثاث
والغسيل اللهم ياكافي تقل ثياب مساجين ,,
والغدا والعشا مو زي اول صحن واحد وانطح فالك !
مافي حرمه ودها تكرف بدوام كامل على حساب صحتها ونعومة اطرافها
وتيبس عضلاتها بين الجلايه وغسالة الملابس !
ولعلم الجميع شغل البيت مو رياضه انما اشغال شاقه لتخشين الجسم والالام الظهر والدوالي .. !
جيبوا شغالات يخدمن حريمكم علشان تشوفونهن كاشخات وانفسهن زينه ورايقات
مب الوحده طايرتن شوشته ماتدري وش تبدي

[التنين الصيني]

اقتباس:  المشاركة الأصلية كتبت بواسطة قـتـالـه     خالي ضاري بتله يقولي انتي تصلحين شريطيه,, لسانتس تزلقبوه الصعوه لو تحرجين على شحنة حشف ان يتناهبونه الناس ^^ شفت اللي يقدرون مواهبي ؟

بس ترى مهب بتله .... لا تنزرقين علينا

التنين لك بالمرصاد ....

وانتي وخوالك ... تخوفون ....خخ

[ابو ريما الخالدي]

اقتباس:  المشاركة الأصلية كتبت بواسطة عذبـــــة     مابقى الا تقولين قسم بالله اني شايفه كل شي بعيني هه يمكن اللي عندها شغاله تصير واقفة مثل الزر بحلق زوجها عشان كذا مايقدر يتزوج عليها واللي سنعه وتكررف في بيتها ومستغنية عن الشغاله يصكها بزوجة ثانية لانها لاهية ولا يمكن تحس بفقده تمعقطي تضمني الهي تسفهي << ولا تهون الذباحة وامثالها

والله ياعذبة

احلى ابضاية تقول يمكن شي من واقع مما قرأ وسمع وشاهد

وصدقيني اللي عندها شغالة هي اللي يعرس عليها واللي ماعندها مايعرس عليها

لانه اللي عندهاشغالة اذا كانت كل شي تسوية وشوله معرس اجل بس يجيب عيال

فهو يروح يتزوج ثانية أحسن له

واللي ماعندها شغالة يشوف الحشمه والقرامه ويستحي يتزوج عليها

[جبل السكر]

اقتباس:  المشاركة الأصلية كتبت بواسطة ابو ريما الخالدي     هلا ببنت المدينة ايه هذولي السنعات وتراه أغلبنا كذا مثلكم مايبون الشغالات لكن على قولة ريانة يشفون فلانه وعلانه عندها شغالة ويحبون يقلدونها الله لايغير عليكم الا ابي منتو ويغموش ماترسلونه لي مع كم بروست من البيك ساعدنا مرورك دمت بخير

آمين ياكريم
يارب لك الحمد على النعمه طالعين من عيوني والله ههه
طيب قبل ماترسل فلوسك <<<مافيش حاجه ببلاش
بدك من ابو عابد ولا من حيدر:d2:

[ابو ريما الخالدي]

اقتباس:  المشاركة الأصلية كتبت بواسطة قـتـالـه     << هاجتن كشرته بالمسن مادرت انكم فالينها بذا وراهن السحا تبرن من الشغالات براءة الذيب من دم يوسف ! والله يانور الهدى انه تسوى عندي نصف سكان الكره الارضيه ,, اذا قمت الصبح واثر القهوه تهدر تحلفون اننا بمجلس عويد ابن ضاري والحليان والصواني والمحمر والمشمر .. هي تشمر وتحمر وانا اتدهن واترطب واهايط عندكم

أهلاً بالسفاحه

هجتن كشرتك بالمسن ؟؟؟

وشو المسن هذا لايصير سيرك

والله هاللي تاكلين منها طبخ الفنساء الله يزيدك ويشبعك

بكره راح تدمنين على الكاري والاندومي

والله شكل القهوة بطعم الاندومي وبدل الهيل حاطه لكم شعيرية

واي صواني وطواني والله ماغير عشاكم هذيك الاكله اللي اسمها

كلي كلي او بلي بلي وأندومي ودجاج بالكاري

[ابو ريما الخالدي]

اقتباس:  المشاركة الأصلية كتبت بواسطة التنين الصيني     ههههه .... المشكلة انك اذا قلتي شي .... تقل يصير صح " وهو غلط مناك " تصلحين محامية ....

محامية وذباحه

وشلون تجي هذي والله ياهي صعبة

انا اذا شفت معرفها تذكرت فيلم نبيلة عبيد القاتلة

همن تجي ام الركب

[عبدالرحمن اليوسف]

اقتباس: والسؤال الأخر هل تاكل من طبخ الخادمة

مستحيل ...

[جلوي العتيبي]

والله ياخدامات ام خالد يطبخن ازين من نص حريم بريده

وبعدين طبخ الخدامات أنظف وأزين من طبخ المطاعم