ثلاثية برا و ثلاثية جوا و بقستين مع الجبهة تكسره ..!

[المهمات الخاصه]

اقتباس:  المشاركة الأصلية كتبت بواسطة شاطئ الراحة     والله العظيم الهلالي مووووولي و قلته مبطي بس ما أخذتوا بكلامي ، الهلال يا جماعة الخير يحتاج لإصلاح و من الإصلاحات هذي بقاء كالديرون و ترحيل سامي و الريس

أجل بقااء كالديرون .. وترحيل سامي والرئيس ..!
والله يشكلهم قاعدين على قلبك يــ شاطيء صح ...؟
لكن أبشرك كلامك هذا ماراح يصير لأن الأداره الهلاليه بصدد التعاقد مع مدرب كبير جداً جداً جداً وراح يكون حديث الأوساط الرياضيه ولاعب عالمي << تراو مهوب كلامي كلام الريس الله يحفظه لنا
أما عن الأسطوره سامي لو هو فاشل على كلامك تسان مانشبتوا .. هذا المنتخب حارنيين يبونه لكن معصي تاخذونه ..!
أولاه جبلي من الأداريين الناجيحن بالفرق الثانيه .. تراك حبيب يــ شاطيء عادي تقول القريني حقنا أزين من سامي ههههههه
وعبد الرحمن بن مساعد أبشرك رااح يقعد على قلوبكم 4 سنين جايه << مايذكرك شيء هالرقم ههههههه


كل الود لك ..

[شاطئ الراحة]

المهمات الخاصة : تركد زين و الي يعدي عنك لا تصير هوله ما يلمس شنقك ..! أولاً لا تكلج علينا و أعرف أنقل زين وش قلت ، قلت أنا : الثنيان و النعيمة و يوسف جازع و غيرهم من أخلصوا للهلال فقدموا ما عجز أن يقدمه سامي ... و أنا ما كذبت في هذه ، فلم أقول كذبتك هذه : سامي لم يقدم مايشفعله بنادي الهلال ..! .. تحرى الدقة بالهرج ... فالتاريخ الهلالي و الهلاليين الشرفاء بحق الهلال يبخصون الهلال قبل سامي و بعده ، لهذا أذكر أن أول آسيوية بالهلال سامي لم يشارك فيها ، و هذه كافيه بأن سامي ما يجي شبر من انجاز الثنيان بالهلال ، ألم تكفيك هذه ... ما بالك تبتريم حول نفسك فكل ما في الموضوع أن الاتحاد جاب لك الصمرقع و أدعاك لقسه فلم يهدف الموضوع لسامي و عندما أتحدث عن سامي أعرف كيف يكون الحديث ... الهلال بحاجة للمخلصين و ليس للمطبلين من عرتهم الجرايد و الألبان و موبايلي ..! سامي شرفك أنت و شرف طموحك المحلي و بس ، أما أنا فالي شرفن كبر شدوقك عالمياً ..!


والله من واحد و واحد يقول متى عمليته تسانك حوووووون أشغلنا ..

[موهوب القصيم]

اقتباس:  المشاركة الأصلية كتبت بواسطة شاطئ الراحة     موهوب : لا يخفاك بأني أسير وفق مقولة شهيرة قلتها في هذه المنتدى وهي : لا تكن هلالياً و كل ما تُريد ، لهذا وفقاً لردك أحجر لك و أقول لك : تذكر موضوعك قبل يومين عن الدويش و القريني ، وشلون ما شاء الله ظهرت نصراويتك المندسه ، فتسعى لرفعة القريني على الدويش ، هي لا تخرج من ثلاثة ... ١- إما أنك منلهد من الدويش .. ٢- إما أنك محب للقريني و تثني على جهده .. ٣- هيبة النصر في جوفك فخرجت غصبن عليك ... لا تكابر هي زحد الثلاث لا يمكن لك أن تخفيها و أتحداك ... فهل أفهم من هذا أن الدويش الكبير أرغمك على أن تظهر مع القريني و تأخذ بحق الهلال منه بطريقة حق القريني ... مطبوز يا عم ..! كله كوووووووم و ودي أشوفك قبل لقاء الاتحاد الجاي و أشوف خشيشك الي ثلمه نور .. أثري لاهدك ما قلت بالسلامه على العملية ... يا ثقل دمي عسى ما كورة يا شيخ أنت و ثلاثك ..

وش دعوا ياشاطئ

ان شاءالله تطيب بدون عمليات وماقدامك الا العافيه

ابي لو مرهـ ترد على نفس المضمون

يعني ماتخلي عادة الشطح يمين ويسار

ماغير ذبحت صدور العالم بهالغبرهـ اللي كل مرهـ نشوفه من وراك

ردي بوادي وانت بوادي وهذي هي العويدهـ

وبالنسبه لموضوعي

فأعتقد اننا شفنا غبرك والدليل انك ماقدرت تجمعلك كلمتين على بعضهن وتناقش صلب الموضوع

اما عاد نصراويه بداخلي

تسان اسبح بالتراب لين ادوخ مب سبع مرات

[المهمات الخاصه]

اقتباس:  المشاركة الأصلية كتبت بواسطة شاطئ الراحة     المهمات الخاصة سامي شرفك أنت و شرف طموحك المحلي و بس ، أما أنا فالي شرفن كبر شدوقك عالمياً ..!

شرفك عالميا ً بـــ ترشيح واخزياااه ..!

أما أنك نسيت أو تناسيت أن سامي شرفك عالمياً بالمنتخب لاه وبدون ترشيح يعني هذا اللي أفتخربوه ..!
أبتل أعلمك يــ شاطيء ...!

[شاطئ الراحة]

يالمهمات الخاصة حرجم كل ردودك و عطن إياهن مره وحده علشان أمزمز عليك ...
أما 4 فهي تذكرن يوم النصر يطبز الهلال ثلاث مرات كلهن أربعات في موسم 1389هـ
بالدوري الدورل الأول و الثاني و بكأس الشهداء ...

و كانت النتايج على الحتوته التالية ..

2-4 كأس الشهداء ..
1-4 بالدور الأول من الدوري
2-4 بالدور الثاني من الدوري ، طبعاً كل الأربعتين بموسم 1389هـ

طلبتك لا تجارين تراي وربي حون و أمسك و ألوفك بشنق الشارع ..!

هههههههههههههههههههههههههههه والله يا هو بزع


موهوب : هي العويدة لا جديد ، تبربر علينا و تسنك تفهم مقاصدن ..!
عطنا ثمرة ما عندك و خل عنا المغي ..!
أنا ذكرت لك الدويش أبي أوريك إن ردك علي يمثل نفس رأيك علي هنا ..
يعني أنت بكلا الحالتين مغموت ..

والله مالي دخل تراوه الهلال الي محسرن بك ..
بالنصر عن النصر ، و الله ما أتمنى إنك نصراوي ..!
أخاف نبطي نقانق ما جبنا الآسوية ..

عطن رايك بالثلاث الي ذكرتهن لك عجل علينا نشوف غيرك ..

بالنسبة للعملية الله يكفيك الشر و يعافيك ..

[mr.Alzάеėм]

.
.
.
.

موسم الهلال تعب فيه وحصد بطولتين والاتحاد مستريح واخر الموسم افيق الاتحاد بعدما انهار الهلال واصابات مؤثره وتعب موسم ماينسي عشان مباراتين ويبقى بطل الدوري والكأس ازرق وابيض ويكفيني اني بطل الموسم

[ارين]

يالله لا تعاقبنا بعشرة أيام طلعتين و الباب واحد ، يالله إننا حدر رحمك .. ..! قلناها عند نهاية الدوري لفقرك اللي ماشاف لاعبوه المنصة منذ12 سنة؟؟؟ على الاقل الزعيم يطلع من الموسم بكم بطولة

[الـخـشـبـه]

يارحال انت شايف فريقك اكل 5 من الاتحاد ياخوي لايهمك الهلال

[فانوس]

قدامك العافيه وطهور ان شاء الله
وأتشرف كثير بما وصفتني فيه ..
وسوف أكون الهلالي الذي لايهمه مشاكسه الخصوم واثبات الافضليه
انا هلالي لكن بدون وصايه وبدون تطبيل ,,حتى وان قالو مندس وأن قالو (دخيل) !!!

وماتشاهده عزيزي /شاطئ الراحه هنا هو نتاج ومخرجات
جريده الجزيزه ! فقط والا جريده الرياض اعتبرها واقعيه ومنصفه

الهلاليون الجدد هما يسيرون وفق كتاب متعصبين وكأن عيونهم عليها غمام !!
يخرجون من الاسيويه (سنويا) ومع هذا التجريح والنقد للاتحاد!!
والشماته بالنصر!!!

الى متى؟؟
كاس ولي العهد والدوري وبطوله الطائره وكاس الامير فيصل!
ثم ماذا ؟؟ لا جديد !
حتى البطولات السنيه صار الهلال يخسر من النصر بسهوله ويفقد القاب كانت (حق) مكتسب له

سوف اتواصل معك بالخاص بعد عودتك لنا وانت بكامل صحتك وعافيتك

[ساحل الأحزان]

الله يشفيك وما تشوف شر ..


ومالي دخل بالموضوع ...

[فصول العالمي]

ماتشوف شر استاذي
ترجع لنا بالسلامه يارب

المهم ماتتأخر علينا ونحن باانتظارك

أسأل الله العظيم رب العرش العظيم أن يشفيك

تحياتي لك

[شاطئ الراحة]

الزعيم : أنا بطل الدوري و أنت طلعت من بطولتين من نادي واحد بوقت واحد و بظرف زمني واحد و بمدرب واحد ... إن كنت هلالي صميم يجب أن تظهر لنا هلالتك فلا تجعلنا و كأننا نقرأ الجزيرة أو الرياض و الهلال يطبز بالرايح و الجاي ، بقسات و ثلاثيات و يقول زعيم ... عجبي ..!

أرين : الفقر كما أطلقتها أحييك بها ، و لكني أقول أن أعظم صفقة بتاريخ الرياضة السعودية هي نصراوية و هي صفقة السهلاوي ... لهذا يبقى لك القياس بمن أثرى نادي بعيداً عن من أهبل مبطل نادي ... أنا ما حققت بطولة الموسم هذا ، و لكن ما أرز خشتي على شيء ما أنطح له فأراهن على هزيمة الاتحاد و يجي الاتحاد و يدبجن مرتين آسيوية و محلية ... شفت إنه مدوبرة ..!

الخشبة : ما فهمت وضح ..؟!

ساحل الأحزان : ما يجيك الشر يا بعدي ، و حضورك رائع بكل حالاته ..

فصول العالمي : ما يجيك الشر و يدوم عزك ، و تبقى بصحة و عافية ..

[شاطئ الراحة]

فانوس : ثق بأن حديثك سيقلق هلالي الغمت و هلالي البطولة و هلالي الجريدة و هلالي الخمسة و غيرهم ، لأن حديثك نابع من هلالي ذاق حب الهلال و تطعم بإنجازه ، بعيد عن البهرجة الإعلامية و الفوضى الجماهيرية ، فتملك تحفظاتك و قناعاتك في نجوم الهلال ، و لك رأيك في مجد الهلال و لك تحفظك في اخفاق الهلال ، و مع هذا أنا أثق بأنك لن تسلم و سيلحقك ما لحق عادل البطي و غيره في هلاليتهم فأقالوهم لأنهم مخلصون في الهلال و لأن من أقالهم بحث عن النجومية و التلميع على كتف الهلال ... أنا عندما أتحدث بصراحة لهلالي لا يعني لي أن رأي آخر و لا ألتفت للنصر أبداً و لا لغيره ، لأني أتحدث مع عاشق و الحديث مع العاشق يبقى حديث ممتد و حديث طويل تحتويه الصراحة و الأمانة بصدق الرأي و مدى حرية القناعة ...

مارس هلاليتك كما تحب و كما تتمناه ، و ثق نحن الجماهير بمختلف الميول نعشق الحديث للصُرحاء أكثر من المطبلين و المهرجين ، لأن الحديث معهم صريح جداً خالِ من المجاملة و المكابرة ...

لا أملك أن أقول لك يجب أن تعرف لأني أراك تعرف الكثير و تتحدث عن الكثير ، إلا أني أوضح لك بأن ما يعيشه الهلال في أكبر دائرة إعلامية أصبحت وبال عليه ، فبدل أن توجه و تطالب أصبحت تمارس الغمت و التظليل و التشبث بالنصر و الاتحاد و الأهلي فراراً من واقع الهلال و بالذات الآسيوي المر ... فعلى سبيل المثال إنقس الجمهور الهلالي ما بين مصدق و مكذب في غياب القحطاني و هوساوي ضد الاتحاد ، منهم من قال أن غيابهم للإصابة و غيره و منهم من يرى برأي الإعلام الآخر بأن غيابهم مطالبة لحقوقهم و أن رادوي يتمتع بدلال هو و ولهامسون لا يتمتعون به هم و كلهم في خدمة الهلال ...

أنا أراه من الطبيعي جداً أن يحدث في الأندية مثل هذه المشاكل ، لأن أصحاب هذه المشاكل بشر معرضون لمثل هذا الظهور لأنهم في الأول و الأخير في دائرة عمل و يُطالبون بحقوقهم مثل غيرهم ، و تذكر ما كان من عبدالغني و هوساوي النصر هذا يكون ليلياً في تدريبات الأندية و لكن لا يسلط عليه الإعلام ، و أنا مع هذه أراه أيضاً شيء وارد و ممكن في كل الأندية ، إذن أين مكمن المشكلة ..؟! و لكن .... في الطرف المقابل يجب أن نكون صريحين أكثر و يجب أن نكون ياسر القحطاني و هوساوي و نطالب بحقوقهم معهم ، إذا كنا بالفعل هلاليين صميم ..

الهلاليون الجدد سحابة صيف على الهلال و البقية هم أنت و من أخلصوا للهلال ، و ارجع للهلال الآن و أبحث عن المخلصين فيه لن تجد إلا فئة قليلة جداً ، و ليس الهلال بالذات و كل الأندية المخلصون عمل نادرة و البقية مهرجين و أصحاب مصالح شخصية ..

الهلال في زمن يبحث عن الآسيوية و المحلية في معيار احد ، فصار حرصه على الآسيوية و أقصد أبطال الدوري أشد من حرصه على المحلية ، لهذا كان التناسب متقارب جداً في الطموح و الحرص ، الآن إنقلبت الطاولة فأصبحت المحلية أشد حرص من الآسيوية ، لهذا تجد الهلال يحقق المحلية بسهولة بينما الآسوية يعجز في تكرارها للثالثة ... إذن خلف هذا سر و سبب وهو التفخيم الإعلامي في الهلال و أن الهلال نادي سليم معافى من كل الجهات و الواقع الذي يعيشه فانوس غير هذا الواقع الذي يطرحه الإعلام الهلالي ... و مع هذا أقول لك ثق ثقة تامة سيخرج الهلاليون أمثالك و منهم الحمادي و البطي مُطالبين بحقوق الهلال من اللاعبون و الإداريون و مطالبين بالآسيوية لا محالة كما شدد عليها الحمادي في أحد لقاءاته فقال : المحلية لا تعني النجاح للهلال فالآسيوية هي نجاح المحلية ... و هذه مقولة بالصميم حقيقة ..

يعتقد البعض أن حديثك في إقلاق بحق الهلال وهو ما عرف بأن حديثك هو عزة للهلال و شرف إنتماء حقيقي ..

أشعلت روح الحوار و المصارحة بصدق إنتماءك و وفاءك ..

[اتحادي مووووت]

اسأل الله العظيم وبوجهه الكريم ان يمن
عليك بالصحة والعافية يا صديق العآلمية

وبالنسبه للاتحاد فأعتقد بأنه مثل مآقال منصور البلوي
هذا مستوى الهلال الحقيقي لم ولن يتغيييييييييييييير








سسسسسسسسي يو

[موهوب القصيم]

يمديك ع الفضفضه ياشاطئ

قبل يقصملونك ع الاقل تزين النفسيه عقب الخمسات والاربعات هع هع