ツ】ઇ. مسـاحتي ‘ .. ઇ【ツ My space

[وضوح]

عجباً!!

يشتاق لهم القلب وهم بين أضلعي***وتشتاق لهم العين وهم في سوادها






:

[وضوح]

صباحكم رحمه ...



دخلت موضوع تحذير عن نقش الحناء ... وتذكرت وحده ..،
كانت في مطار واشنطن دي سي قادمة من السعودية ونآقشه هه...
حقيقة الله لايواخذني للآن اضحك عليهآ ... ،



:

[وضوح]

من جيت لأمريكا مافي اي بوليس وقفنا ولا شيء ..!
أمس ..اول ماطلعنا أشر لنا ونادى بالوقوف ....
بصراحة .. فقدت الشعور وارتعت روووعه لاتوصف !
خاصة لما طلع الضوايه من الخوف حسبتها كلبشات هه
وكملها ابن الكلب زميله لقيته ع الصامت جنبي من الجهه الثانيه
وانا اطالع ذاك ..
فـ حسيت بشيء جنبي لقيته فوق رآسي يناظر داخل السياره
واااااو ... شوي وافطس
قآل : هآآآآآآي ويضحك عساه للماحي ....
المهم /
عدت سليمه الحمدلله شيك على كل شيء وقال يوم سعيد
قلت عساك ماتسعد طول عمرك ..ماتسوى روعتي !

موقف لا ينسى ...ياحبيل شرطتنا بعد .. وجيههم مطمئنة
ومافيهم شيء يخووف ....





الله يكفينا شرهم ... ،

[وضوح]

مااشوف الكيبوورد من النوم ..
سي يوو

[وضوح]

بدأ الجد .. الله يعيييين
عسى الله يتممها على خير ويسهل لي يآرب
وكل مسلم ..،



:



معلوومه عرفتها لما رحت للمول الفخم بتاع الأغنياء عندهم ..!
وبعد مالاحظت بضاعتهم مختلفه ..
طبعاً قيمتها شيء طبيعي ...،
لكن الموديلآت مختلفه تماما عن المولات الثانية.... !!
احتجت لـ كم اجابه.... فسألت ذيك العجوز عن سر بيع الملابس الساتره
والطويله ... سواء لمناسبات رسميه او حفلات وغيرهآآ ...

قالت : هذا لباس الناس الراقية هنا والغنية ..!
وفعلاً قابلت عدد كبييير من بنات ونساء
لابسات طووويل حييل بنفس الموول ..

للأسف المسلمين عكسهم تماما ...



:

[وضوح]

السعودي لو يعيش بالمريخ مايغير من طبعه الا اللي يصلح له ..!
المفروض اذا صرت عايش بأمريكا تآخذ عاداتهم وتتمسك بدينك..
ولما ترجع لديرتك يصير خير ... ! مو ؟


< عاجبه نظام الامريكان كل واحد يكوي لنفسه ويسخن الاكل لنفسه ..
شايف نفسه ومدلعها ع الآخر ابو سروال وفنيله هه
< مالي خلق هالكلمه بس احس اليوم.. وقتها ...


:

[وضوح]

أشرب فيمتو ..
< تبي تعلمكم انو عندهم مثلكم بس ماعندهم توت كريستال

:

بآكل المقلوبه وراجعه ان شاء الله احكي لكم
هوشتي مع الأمريكي الأسود ..،



:

< انتظرونا

[وضوح]

بما انو السبت هو وقت التمشيه ..،
رحت لحديقة وفيها ألعاب مش فخمه لكنها تفي بالغرض
مسكت سرآ أنتظر دوري مع الخلق ..
ولما وقف الدور على المجموعة اللي أنا آخرهم ..،
طلبت الحرمه اللي بعدي من ولدها اللي راكب في المجموعة اللي قبل ..
انه يجلس باللعبه مره ثانيه وتركب معاه..
وطبعا هذا نظاماً ممنوع عندهم بأي مكان ..
ترجع وتمسك سرآ من جديد وبالدور!
أهم شيء عندهم... العدل والنظام ..

اللي حصل جاء الكلب ابن الكلب.. لما وصلت إلتفت
ع الحرمه اللي بعدي قال لها ..ادخلي ... !!!!
وراحت وركبت مع ولدها ..قلت وانا ..؟!
ناظرني نظرة ... مدري كيف أفسرها لكن اللي متأكده منه
انها تسببت بإنطلاق عرق مني في أعلى الرآس ..!
فـ ثارت ثائرتي قلت يآأنا ياانت ياولد الكلاب ...
جيت أناقشه بالتي هو أحسن ...
صد ... عني بطريقة مستفزه ايضاً ..!
قلت أوكي ...،
وأطلع لـ مدير صالة الألعاب ... مو المدير العام
قلت له برجع الكرت < طبعا مايرجع لكن لعانه ..!
قال مانرجع قلت لازم ترجع لأن ماعندكم احترام لزواركم وانا
تراجعت عن اللعب !
قال كيف ومدري شو .. تفاااعل هالمعصقل
لكن من شفت وجهه مارجيت خير
راح لهم وسولف وجاء عندي قال معليش بس ترى انتي فهمتي غلط !
هو ركبها لأنها مع ابنها .. < عذر أقبح من وجهه
قلت : مو النظام مايسمح عندكم .؟ قال الا بس انتي دورك بعدهم !!
قلت أردى منك اللي يجي عندك .. وارمي الكرت عليه قلت له هديه لك ...
ورحت للقولف وأحط حرتي بالكور أضرب أفرغ فيها شوي ....!
مادريت الا المدير العام جاي يبحث عني ..ومعاه المعصقل
< بدت ترضى
قال شو الموضوع .. قلت له القصه
قال الحق معك والمفروض هو يمشي ع النظام ...
قلت له ماهمني الدور انتظر حتى لو اكون اخر وحده
وقبلها... دخلّت وحده وعادي ماعندي مشكله ...
لكن انه يهمشني ويدخلها بدون حتى
مايستأذن هذا مو من الأدب !
والا أنتم تعاملون اللي مو من بلدكم بهالطريقه ؟!
قال لاااا... شوي ويحب رآسي .. مو مثل هذا اللي يقول خطأ عليك
وهي انا صاحبة الموقف !
المهم قال امشي انا بدخلك مباشرة ارضاء لك وبكلمه واعطيه تنبيه !
قلت لا لعب ماراح ألعب < مستشرهـ
لكن علموه الأدب وان النظام يمشي ع الكل لأني بروح واترك لكم المكان
لكن اللي راح يجي بعدي هل بيعامله معامله مختلفه اذا كان مو من نفس البلد ؟؟!
قال نوووو
واحمر وجهه من الحماس .... وراح للعبه
انا شكرته ورحت .. للقولف
لما اخذت فتره أشوف اللعبه عن بُعد... والأسود مو موجود !
تعجبت لكن اعتقدت اني ماانتبهت له ....
بعدها عرفت انو ابعدوه من اللعبه .. ضاق صدري
رحت ابحث عنه بالحديقة والالعاب ماحصلته ...
تحسفت ماودي يطرد .. < ماأسرعك هه
رحت للمدير قلت وينه ؟
قال ابعدناه اليوم عن اللعبه ...
اهم شيء ماطردتوه قال لا ..اشوى ....
عآد /
قال لي المدير ان السود روسهم مش ولابد
وصعبين شوي لذا لاتحطين نفسك لهم ..< فيما معناه طبعاً
"

حسيت اني بردت كبدي بدون اضرار


:





















جلست أفكر بعدها بكلامه عن السود انهم صعبين !
أقول بنفسي عندنا الأسود أكثر سماحه وطيبه من الأبيض
ومافيهم شر ... مدري نظرتي صحيحة والا لا !

[وضوح]

الذين يشاهدون محتوى الموضوع الآن : 2 ( الأعضاء 2 والزوار 0) ‏وضوح , ‏احمد النجم


صباح الخيرات
حللت أهلاً سيدي ...،
















جيراننا اليوم مهيصين بزيادة في
الويك اند ومكثرين الشرب على مايبدو..!
اصواتهم مش طبيعيه ... الله يستر
رحت أتأكد من الابواب والشبابيك ...
< خلقه خوافه بدون اصوات


/

[وضوح]

الحلقة الاولى من ركوبي لـ الهيلوكبتر مفقووودهـ ...
بكشفها لكم ان شاء الله ..،


قريباً ..<

[وضوح]

اقتباس: الحين يا وضوح رايحه تدرسين والا تقطعين أرزاق الناس ؟

هه ... حج وقضيان حاجه

تراهـ ... كافر ما أظن علي إثم !
مع ذلك تحسفت ..،
يستاهل ماجاه ليه يهمش المحجبات ويقدم قليلات الحياء عليهن .. ،،
* من زمان ماتهاوشت أحد وصارت فيه...



:

[وضوح]

،

[وضوح]

تو بي ..،

يالعجّآآز ماعندك صور كثيرة أكيد لأن نصفها غامضه
والنصف الآخر بينقص لأسباب أمنيه ..!
ومايبقى لنا الا كم قطعه ... ،
نزلها قبل أنشغل ودي أشوف هي تصلح لي أقدم على السفاره
هناك وأصير سفيرتكم لدى المغرب < طموحه ..
حتى آراقب اللي يجي ويروح
وأمرمطكم هنا .... ،


:


بالنسبة للصورة شكلها بـ عليشه تلعب علينا
أقترح عليك الموقع هذا لأنه يصلح للي مالهم خلق
يرفع لك كثير صور حتّه وحده
http://www.up-00.com/





ســـلفر ..،

قهر ماركبتها فاتك ثلاث أرباع عمرك هه
لكن يمكن خيرهـ لو انت راكبها وصورت من فوق كان تتسبب
للناس اللي تابعوا تقريرك لأن الصوره فوق غييير خاصة اذا كان في بلاد
مثل اللي رحت لها انت ..،


حلقتي المفقوده هو كيف ركبتها أنا ... لأنه انجاز طبعا





:

[وضوح]

الحلقة المفقودة ..،

نقطة البداية كيف قبلت الفكرة من اساسها + حالتي وقت الركوب

اورلاندو مليئة بمواقع الهيلوكبترات السياحية ..،
بداية الفكرة تحدي وأنا اعتقد ماأمشي.... الا بتحدي ..!
قلت عادي ..< واضح
صارت نقاشات استقرت على شروط اني اقرب لها وأشوف
اتجهنا لأول مكان ماصورته من شدة الخوف المخفي ..
ولما سألناهم عن السعر والوقت وشفت الدعوى جد ..
قلت لا هذي الهيلوكبتر شكلها قديمه ومكروفه ..والسواقه حرمه
والله من قل ماركبت معها .... قال الرجل أنا اللي أقودها
قلت برضووو من شفت ماارتحت لهم ....هه



تركناهم لمكان آخر ...
أفخم طبعا ..دخلت المكتب على أمل أحصل سبب اتعذر فيه
لقيت الموظفين كلهم رجال ومش أي رجال ..،
شكل ومضمون
نظاميين و كأنك داخل مطار مع انه مكتب صغير !
اتممنا الاوراق وانا ألتفت يمنة ويسرة ابحث عن عذر ماحصلت .،
قال شاهدوا الشاشة حتى ينتهي العرض لـ يتم تطبيقه عند الركوب ،،
العرض كله خبّه مافي تفاهم ..
اذا قربت لها.. بدون مايأشر لك المسؤول ..
الإجراء المتخذ :يدف الراكب ويرميه ع الارض خخ
طبعا هذي النقطة سببت لي أزمه ...
قلت : طيب أخاف أفهم غلط ...
راح يدفني ع الأرض !!! حرب هي !!

الثاني / انو اول مايأشر لي أجي لوحدي وأمشي منزله رآسي شوي
ثم أمسك ممسك الكرسي وانقز نقزة البنت المزارعه ايآها هه
ثم أركب وبسرعه اربط الحزام وألبس السماعات ... < يروع الشكل
قلت يآرب تستر ..

التصوير ممنوع لأنهم هم يصورونك كم صورة يكسبون فيها ..،
اخذنا التعليمات قالوا يالله بسرعه < بدت الخبّه قلت لا لحظه ..
اول شيء خلوا اللي بعدنا يركبون قبل ..
حتى اشوف شكلهم واستعد نفسيا هه < بس ضيعت وقتهم الثمين
حاولوا قلت اساساً أبصلي ماصليت ..

طيب بعد رجوعنا صلي كلها عشر دقايق او ربع ساعه
قلت ابداً .... مااركب الا انا مصليه اخاف ماأرجع ..،
ودي أخر عمل بحياتي أكون مصليه...
< ماتت

طبعا / عند الصلاة ماحد يقدر يقول شيء
طاروا اللي بعدنا وانا أرقبهم وقلبي يرقع ويمشي ألفين
وهم متعلقين بين السماء والا رض باللعبه هذي < كنها لعبه !


للحديث بقيه ...بآكل وارجع

[وضوح]

الذين يشاهدون محتوى الموضوع الآن : 6 ( الأعضاء 3 والزوار 3) ‏وضوح , ‏حلاتي بعنادي ، ‏To Be

منورييين

/

بآآآآكـ ...

كنت ألوم نفسي وأقول.. الحين الملاهي وهي لها حديد ع الارض
ماتركبين الرفيعه مرره وهذي اللعبه اللي متدودله بين السماء والارض
تتهورين ؟؟
الله يحلل طيارة نآآآس ويبيحها




< ..فرشت الأخت سجادة مرايآ هه بالأرض.. قريب من المكتب كل
من جاء يتفرج عليها هه .. من شدة الزهد
وصارت الصلاة فرض واستخارة واطلق عليها
صلاة الخوف
الله يقبلها ان شاء الله

ولما خلصت الصلاة جت اللعبه تنزل كن احد الاطفال
رماها بالجو ورجعت
.،
ماامدها تقبل الا وقعت ..!!!
قالوا بسرعه واختبوا مرة ثانيه < يآآويييلييييه

وأوقف ع الخط اللي اذا تعديته بدون إذن يشوتني!

وانا أراقبه خايفه أغفل وأتوهق .. لما أشر لي قلت هآآه اصبروا

قالوا ايييييش !؟!

قلت يوو هآآف ــأ ريست رووم ؟ !! هه
قال ييس ... ويطير بي يوصلني له !
بصراحه اني أكره اطول بدورة المياة وخاصة الخارجيه
لكن اتلهى ... وأتكلم مع نفسي شوي ...
واراجع اذا علي ديون

والا احد يحتاجني بشيء أو اقدم عمل صالح قبل افطس ..
طلعت وكلي ضعف ... مايمديني أتراجع كان أروح فيها < زودتها حبتين
قلت : ياربي توكلت عليك ولاحول لي ولاقوة الا بك
..
ويأشر لي وانقز ويربطني بسرعه < مااقدر اقول لا من الخبّه
المروحه شغاله وكل شيء يطير حولها


..

لبست السماعات ومااستوعبت ان الكابتن يسمعني من الخوف
وانا اقول وآآآآو يآآآآربييييه اصبروا خلونا نتفاهم !
قال : فيه شيء ؟!!!!!!!!!!!!!! < طارت عيونه وش اللي تهذر بالسماعات
أخويت اذنه هه

قلت معلييش اول مره اركبها

..

إلتفت من الحمآس الشويب ..قال بتعجبك والمنظر فوق حلو
قلت بقلبي بلاي من فوق ...
صورونا كم صوره من الجنب ومن الامام ..بسررعه
بغمضت عين صبخوا البابين وطرنآآآآ على طول
الركاب ثلاثه مع الكابتن ..
صغيره مررره وحلوه بصراحه
عاد لما شفت المناظر فوق راقت لي مررره
صحيح اني خايفه حتى وقعت ع الارض لكن
بصراحه روووعه واللي بيتفرج على أي بلد سياحي صح
يركبها

..

من بعدهآ قررت أشتري هيلوكبتر هه
وأبدأ اسافر عليها اسرع واحلى .. < اذا صرت بسفارة المغرب


:



حتى اني رحت لجبل بعد فتره... ومن الاشجار مااقدر اشوف الطبيعه
ولا اصورها مع ان المنظر جدا روعه مع بعض الفتحات الصغيرة !
قلت هذا وقت الهيلوكبتر... هه

< فكينآآآآ بس ....


:






وبذلك سطر التاريخ اني ركبت مالم أكن اتوقع ركوبه ...
ولا في الأحلآم